鹵八鵝店 (已搬遷) 新店位置

去完會展取渣打的150元新鈔, 已經是兩點正, 在天橋行行重行行, 忽然想起這名店就在附近, 這時店內沒有幾個客, 店亦不算大, 只有小枱幾張, 一行高腳櫈面壁位, 坐在二人小枱, 叫了鵝什飯一碟, 32大元, 加例湯要5大元, 是豬肚鹹菜湯. 五分鐘有得吃, 是湯先來, 很大碗, 很多料, 只吃料也可以下一碗飯; 味道不錯, 稍鹹, 相信有少許味精, 跟著飯來了, 料也不少, 所謂鵝什是鵝腸, 心, 腎, 肝; 腸很幼和薄, 沒有肥羔, 似是鴨, 腎切成很薄, 又細片, 又是不似鵝, 肝是切成小片, 可能是鵝. 說是鴨, 亦可能.味道嗎? 是不錯的. 但是心裡有個謎, 假如真的是鵝, 這鵝是超小型的, 和門口掛著的哂士不相襯. 不過, 不去計較這子問題, 也就無礙了.

上次來鹵八已經係上年尾的事, 睇下餐牌, 所有單併飯$26, 雙併飯$29, 三併飯就$32, 印象中呢個價錢同上年差不多, 應該無加亦無減因為天氣實在太熱, 唔想食咁多肉, 所以今次無要到鹵水鵝, 而要左一碟鹵水鵝腸併墨魚的雙併飯, 一如已往, 陳年鹵水汁香濃甘腴, 鵝腸爽脆但淡口, 可能因為鵝腸可以煮咁耐另外墨魚則新鮮彈牙, 亦唔會好似有d餐館整到好誇張的橙色, 可惜份量偏少, 而且切得太細舊, 成條狀, 有咬口, 可惜唔係切到我喜歡的一大片, 俾我的感覺好似餸頭餸尾咁, 又或者係d墨魚咁夠大隻, 根本切唔到一片片, 講真有少少失望不過佢地的白飯煮得實在不錯, 軟硬適中, 比不少地方出色, 配鹵水汁同食真係好夾, 整體水平其實不俗, 可惜被碎十十的墨魚破壞了

終於去試左, 叫左外賣3餸飯, 鹵水鵝, 大腸, 鵝賢, d餸都叫ok, 但不足以印象深刻, 大腸唔夠諗, 賢ok, 鵝OKd飯就有d唔得, 冇飯香味, 加上冇咩汁, 食落覺得好啃..

每天差唔多到lunch時間, 總會到開飯揾吓有乜好食, 今天就找到了(老伯). 看見食評都是讚多彈少, 睇見其他食家d相就流哂口水了! 店內不是很大, 剛好有張二人枱, 環境倒也整潔. 鹵水款式很多, 睇見餐牌我就樣樣都想試, 同事order咗雙拼+例湯(胡椒豬肚湯, 我就貪心d要三拼! 鹵水鵝+大腸+豬腩肉飯 鹵水鵝好入味, 唔老唔鞋口, 大腸又腍又好味, 豬腩肉也不錯, 三款鹵水都好有水準! 唯一要彈嘅就係d白飯, 入口又硬又瀾, 但見他們的米袋是用泰國香米, 真不明白點解d飯咁差! 希望老闆可改善一吓, 我想好快又心思思再黎幫趁!

到灣仔街市買東西，東逛逛，西逛逛，逛到春園街轉角處，見有多人聚集這店門前，原來等買鹵水鵝外賣，見獵心起，我反正有些肚餓，入內吃碟鵝飯。店舖內非常狹窄，三幾張雙人檯，其餘是對牆單人面壁位。除鹵水鵝外，餐牌有多種選擇，豬頭肉，豬腩肉，鹵水鴨，鹵水墨魚等，但招牌是鵝店，無理由唔食鹵水鵝，遂叫了碟鹵水鵝片飯，飯面放有十塊八塊，起了骨、連皮和肉的鵝片，下墊一兩件鹵水豆腐，鵝味甘香，肉質幼嫩，雖然是連皮，但肥膏不多，鹵水汁非一般的濃，鹹鹹香香，確是令人開胃，本想試件鵝肝，但礙於健康，不得不忍口。雞鴨鵝，皆是我的最愛。

8-5-2009雖然幾條街之隔的酒店「放監」, 但我0地無懼封路塞車及人群, 如常到灣仔開餐, 今次試試呢間鹵水鵝店. 大家各自叫了扣底三併 ($32) 及雙併 ($29) 飯, 又因為想盡量試多 d, 全部(食送)都唔同, 方便 share 食.我的三併係鹵水鵝 + 豬大腸 + 墨魚... 鹵水汁十分香濃, 唔會得個鹹字, 正 鵝件頗肥, 肉嫩腍但又帶點爽腩0個隻咬口, 加上十分入味, 正! 豬大腸一樣入味, 帶點「臊」味, 咬落爽口, 不過實在太肥了, 又0黎膽固醇萬歲? 墨魚亦唔錯, 爽口, 唔韌, 仲帶點鮮甜味, 估佢唔到; 仲有「搭」的鹵水豆腐, 有點0鞋, 但十分入味, 好好食!朋友的豬頸肉 + 鹵水蛋雙併就唔及三併好 -- 豬頸肉腍腍的, 肉質有點散收收; 鹵水蛋就較乾又完全唔入味, 不過用的係鴨蛋 (?), 即使唔入味仍然食到頗濃蛋香, 算係咁.食物唔錯, 店內環境衛生及阿姐態度就麻麻 (食食0下有隻小昆蟲從天而降, 嚇得我0丫...), 不過佢主要做外賣生意 (人龍長到....), 而且0黎得呢 d 地 mou 店, 唔係食裝修呀嘛? 下次0黎, 會再

阿媽有飯局，得番我同阿爸食晚飯。無理由要我煮架，梗係買飯盒啦！點阿爸去鹵八度買鵝片大腸飯我食，正！鵝片大腸飯($40)好大盒，一打開，鹵水味撲鼻！有五、六片鵝片，一大堆大腸。大腸好似唔洗錢咁，勁多。但係係瘦腸，欠缺油香同咬口。淋得入味且淋身。鵝片都好入味，鹵水味濃郁，而且肥膏好甘香，鵝味香。白飯一大盒，但飯太淋了，鹵水汁又唔夠，有點難食。

在同一個區打滾了一段時間，慢慢的這一間試了多次，那一間也試了多次。例如再興就吃了不下二十次了。幸好的是灣仔的食店真的多得很，還有多間一次也未試過，包括今次介紹的這一間。又一次漫無目的地找午餐，本來是朝著最潮的潮苑作目的地，誰知到站來個 u-turn ，去了對面的鹵水鵝。外賣價與堂食價一樣，見有點累，就坐下慢慢吃。這兒的環境不算好，是一般燒味店應有的格局，只是比較窄小，很少四人抬。一送二十六元，兩送二十九元，如果要鹵水鵝飯就要二十八呢。那我就要了兩送，其中當然有招牌的鹵水鵝。另外一款想了很久，因為樣樣也很少出現在餐牌上。最後點了豬大腸，一樣平日只會在小食店炸得很香的豬大腸。上碟，送的比例是比較多，有少少亂的感覺。說是招牌貨，當然第一時間吃鹵水鵝。好彩沒有令我失望。肉質很淋，可以把肉一條一條撕開，個人是有點怕鵝的那重霸氣，今次的鵝肉沒有很濃烈的味道，應該是鹵水汁入味的原故。鹵水汁做得不錯，只是略為偏鹹了一點點，鵝本身很入味，特別在鵝皮上。鵝皮一向都是肥，不太健康，對我而言，還是照吃可也。很少吃鹵水豬大腸，特別在碟頭飯上，好像是第一次。啡黃色的豬大腸，也是偏鹹一點，送飯吃還是接受到。細切豬大

This is a nice small restaurant that we discovered during lunch in Wan Chai Spring Street!Food selection- goose rice, kidney, liver and tongue is all tasty and the price is reasonableHave long queue during lunch time so try to be there early

Finally found a place that serves goose liver, ordered the marinated goose liver and rice. It was served with the marinade sauce and the chiu chow style vinaigrette dressing.The goose liver was smooth, and full of flavour, and the sauces were good too, especially the vinaigrette, not too sour and exploding wtih garlic and chilli in it.

因為藥物的副作用，幾乎一整晚都沒睡；但既然答應了是次劇場的監製banky去觀賞朱凌凌的show，再沒精神，也得要去。1時半抵達灣仔，精神狀態依然很差，混混沌沌的；男友見我沒了主意，就拉了我去春園街，吃鹵八鵝。《鹵八鵝店》，在灣仔上班時曾經光顧過。不過此店每到午膳時經常爆滿，所以，也只曾光顧那一千零一次；都幾年前了，印象模糊，只隱約記得人很多很擠，坐得不太舒服。這次重訪是週日，沒有上班族，客人少了一半，也即是可以不用搭枱，和鄰座能夠有一定的距離；有自己的私人空間，可以吃得更自在，真好。我點了鹵水鵝、墨魚和豆腐三拼飯，男友則點了鹵水鵝、豬腸和鵝腸三拼；我因疲倦而極需糖份，所以要了汽水；男友則要了個潮州湯 - 是日例湯是蓮藕湯。飯未到，湯和汽水先上；我喝了一口汽水，精神了點，再喝了一口他的湯，後悔了 (貪心！)，因為這湯實在煲得鮮甜 - 不是下了味精，也不是混了水煲的，是真的老火例湯那種，喝罷，還有餘韻殘留在口腔內，讓人再三回味；而且料很足，一碗有多塊蓮藕，也煲得夠腍。然後，飯來了；賣相不太精緻，都是堆在一起的 - 不過管他呢，好吃就可以了。他們的鹵水功夫實在好，鵝很香，很入味，而鹵水味也沒

一人來到灣仔搵食, 來到船街, 有不少人氣餐廳坐陣, 可惜都不對本人胃口, 諗起隔幾條街有出名鹵水店, 立即快步前往, 因為已經好肚餓, 而且本人對大部份鹵水食品例如鹵水鵝, 鴨, 腎, 鴨舌, 鵝腸, 牛月展, 鵝翼等都甚喜歡 所以心知更加不可錯過差不多三點, 已經過晒上班族的午飯時間, 自己獨佔一檯, 睇下餐牌, 所有單併飯$26, 雙併飯$29, 三併飯就$32(但就唔可以選擇鵝片), 索價合理我叫左個鹵水鵝併鵝腸飯, 鵝件同鵝腸都算多, 幾大堆頭, 鵝件係鵝比位置, 有著少量的脂肪, 因為佢地用咁肥美大隻的潮汕獅頭鵝, 有少少脂肪當然唔出奇, d鵝肉入晒味有著淡淡的鹵水香, 而且有著淡淡的鹵水香, d肉一d都唔老, 仲係鹵得好嫩滑同多肉汁, 而且夾雜住濃濃鵝肉香, 實在好吃, 而鵝腸就比較淡口, 始終鵝腸可以煮咁耐, 但係都好爽脆, 配上白飯食又係另外一絕陳年鹵水汁香濃甘腴, 配上鵝肉同鵝腸, 令我著迷, 其實找到了心愛的...心裹已經滿足, 更加懶理其他人所想.............

從openrice及雜誌看到大家的大力推介,愛好鴨舌的我不能怠慢,吃過fatburger後,便來這裏加料.門外已看到一隻隻鴨倒掛,餐牌極之吸引,一份鵝腸都只是$15,豆腐$10,3件,鹵水鵝片$65例牌,鴨舌$35,4兩(有20條),鹵水牛展,$25一份(大約10數片)按好味程度排序:鴨舌 : 激讚. 很香鹵水味,鴨舌一咬便鬆化,但不是那種煮得久的"淋"和散,比起在台灣買的更好味. $35, 20條亦不算太貴,諗起就好想食. 鵝腸 : 爽口,沒肥膏,沒太重鹵水味,感覺較似豉油鵝腸.鹵水鵝片 : 縱然有豆腐放底,鵝片數量亦算多,大約20多片,媽的意見是抵食,而且很香鵝味,很難得(我不太懂吃,吃不出鵝和鴨的分別)鹵水牛展 : 這個亦不錯,帶點根豆腐, 只吃了一塊,OK 吧沒有太多人堂食,可能未到晚飯時間,加料的人較多,很多人買半隻鵝,大約$13X,下次試吓!!

成日見呢間野排長龍﹐所以就試試係唔係真係咁好味。叫左碟三拼飯﹕鵝肉﹐鵝肝&豬耳。因唔係鵝片既關係﹐所以d鵝肉都係細細舊同近骨既位﹐冇乜肉食。豬耳唔係豬耳絲而係一舊舊不規則形狀而且偏硬既豬耳。最好味都係鵝肝。入到鋪內數過原來座位得15個﹐怪唔知得出便成日排長龍。相信如果要質素好d就要叫凈食(價錢貴好多)﹐如果唔係就好似食緊碟頭頭尾尾豬頭骨飯咁。

九月三十日(星期二)今日是便服日再加上明日是假期,寧舍開心呢!我們一行六人又再次到灣仔吃午餐了!我們是遲到一點,勞煩了同事給我們等位呢...店子不大,但是人多,買外賣的人都多!我們分開了兩張檯坐...本身還想著要散叫,鹵水鵝單叫...加白飯,原來有雙拚以及三拚呢當然我們兩口子想試多點,叫了兩個三拚飯我叫了鹵水鵝,腎,墨魚,老公叫了鹵水鵝,豆腐以及大腸等了一陣,大大碟的飯就送到我們面前了....單看賣樣已經覺得會是"好評"呢我先嚐腎,本人不太好,但是水準很高,我也吃得津津有味呢!是有點爽,鹵水味重呢我們再吃鹵水鵝,嘩好吃,老公覺得皮薄,而且肉都好吃呢!我非常喜歡那種在鵝肉間不斷滲透的鹵口味呢!.....墨魚都算不錯,但是不是特出!飯也是,未夠飯香,但是加上鹵水汁就相當好吃呢豆腐以及大腸也做出水準呢!...我把整碟飯吞下去.....真是非常的飽呢....而且.......非常非常的滿足.......以後我們幾個食友會繼續發掘灣仔的食肆!..種類不但比中環多,而且價錢又大眾化!...