麥文記麵家

營業中

休息中

收工攰攰地唔想煮飯，黎到佐敦，屋企無人諗住外賣d嘢返去食，朋友推介我試下呢間，外賣左個雲吞麵，平民價$37咋！真係幾抵食，蝦肉好足，麵底唔淋。缺點係唔夠大碗哈哈哈。食個下午茶應該係個唔錯的選擇

都聽過麥文記嘅雲吞麵好出名，嗰晚經過白加士街，終於都有機會試吓喇！我地嗌咗兩碗牛筋麵，牛筋麵唔算大碗，但係個碗都幾深吓，有一個麵餅左右。啲麵爽口彈牙，牛筋好軟滑，感覺到有豐富嘅骨膠原。啲湯都幾清，我地都加咗少少辣醬落去，提升味道。辣辣地嘅感覺惹味好多，味道又提升到另一個層次。我地另外再加多個芥蘭，芥蘭都係熱辣辣的。原來要蠔油要加多一蚊，所以為咗唔好浪費咗碟蠔油，我都比平時點多咗嚟食。佢地嘅蠔油應該係自家製，色澤係淺啡色，有種淡淡嘅清香，同一般用開嘅李＿記黑色蠔油嘅質感完全唔同。至於有冇鮮蠔嘅味道，我就唔係好食得出，留返俾各位食家嚟品評喇！

依間餐廳好近地鐵站，唔洗1分鐘就行到。佢食材大部份都係豬同牛，可以揀麵或者撈麵，環境都好光亮。依間店最出名嘅係雲吞，但我好想食牛肉，所以選擇左牛腩撈麵。佢唔只得牛腩，仲有牛根筋，佢有好濃嘅柱侯醬味，好入味，有牛腩嘅甜味。撈麵冇鹼水味，同時都唔太鹹，麵好彈牙，同牛腩好夾。

位於佐敦嘅老字號雲吞麵家。舖頭裝修簡約，入面好有舊式香港餐廳嘅感覺。嚟到雲吞麵舖，主角就梗係雲吞面啦。碗麵嘅賣相唔算好突出，不過佢嘅味道同埋用料係貨真價實。鮮蝦湯底清澈鮮甜，而且唔會又鹹又重味精，食完碗面會想飲多幾啖湯。幼面爽口彈牙，又唔會太重鹼水味，甚至會見到有少少光澤，睇得出麵家對麵底都講究。作為主角嘅雲吞的而且確係一流，雲吞入邊嘅蝦好大粒，幾乎佔咗成粒雲吞嘅80%，皮薄而且蝦肉鮮甜口感彈牙，比其他麵家更勝一籌。不過個人略嫌份量有點少，女士食既都夠，男士食嘅話有機會需要加底。老字號能夠屹立不倒的確係有佢嘅優勝之處，得到食客嘅讚賞都是有原因的。

👧🏻Wodafoodie in Jordan.佐敦白加士街好多好野食除左有好出名排長龍既茶記仲有呢間連續三年獲米芝蓮推介既小店今日黎試佢最出名既雲吞麵🦐鮮蝦雲吞麵 $46好大粒既雲吞 🤩一咬開見到原隻鮮蝦 用料十足蝦好鮮味 爽口彈牙🥰完全唔係雪藏急凍蝦既口感生麵爽口有嚼勁另外想讚一讚個湯底 香淳鮮甜 鹼水味岩岩好配上生麵 好掛湯 好正可惜！真係好細碗！d麵有d少勁快就食曬！🤣男士可能要食兩碗先飽🤣🤣另外叫左碟🥬韮菜 $24 加蠔油 $1有d油膩⋯⋯之後先知原來可以「走油」下次一定要！長知識了😝今次覺得佢既雲吞麵好好食 特別係佢既鮮蝦雲吞皮薄餡靚 推介☺️👍🏻👍🏻四十年老字號果然名不虛傳😚！！.📍麥文記麵家佐敦白加士街51號地下

經過聞到好香，於是入去坐低食返碗麵。本來想吃雲吞麵嘅，但見隔離枱啲人嗌左成碟豬手，所以我都跟著叫豬手麵。豬手麵南乳味嘅豬手，一碗有3舊。(食左一舊先醒起要影相😂)炆得剛好，吾會太淋又吾會太韌，最緊要係吾會死咸，淡淡嘅南乳香。

路經佐敦，醒起之前同事有介紹過佐敦麥文記，當然要去一試⋯入到去，店舖係懷舊麵店嘅裝修，以白色為主，十分簡潔。嚟到呢度當然要試下佢嘅招牌 - 雲吞麵，其實佢嘅份量唔算多，但湯底清甜，濃濃大地魚味，亦唔油膩；而麵身，真係非常彈牙爽口，沒有一點鹼水味，簡直係Perfect👍🏻講返主角 - 雲吞，呢度嘅雲吞係全蝦雲吞，而且用料新鮮，食出蝦嘅鮮味。雖然以呢個份量，價錢唔算平，但一份傳統嘅味道，豈能以價錢嚟衡量呢😊推薦推薦！

香港嘅雲吞麵，獨步天下，世界馳名，雖然通街都係雲吞麵店，不過講到食雲吞麵，都係去老字號嘅好。我心水推介嘅就係 - 麥文記麵家。雲吞麵，我地年過40嘅老派香港人多數叫佢做「細蓉」，呢度嘅細蓉夠曬傳統，麵喺雲吞上面預，以防浸淋，銀絲細麵爽口彈牙，雲吞細細粒，喺傳統嘅一啖一粒，裡面都係靚蝦肉，湯底鹹鹹香香，傳統本土味道。南乳豬手撈麵，同樣喺銀絲細麵，南乳豬手有四大件，勁入味又勁滑嫩，煮得淋又香又有咬口，真係超級好味。

中午1200去到，隔離澳牛排晒長龍，而麥文記唔洗等位直入。叫完野食等左5分鐘就有得食喇。👍上湯雲吞麵：麵爽無鹼水味，湯底鮮甜雲吞：原隻鮮蝦夠彈牙、雲吞皮薄南乳豬手撈麵：豬手有咬口，南乳夠入味鮮嫩油菜（芥蘭）：翠綠新鮮，少油好食！會回頭

如果以前有食過又好鍾意鰂魚涌佳記幼麵既人，喺呢度就食得番個種無乜鹼水味而仍然爽彈既幼麵。個日行過本身想食好耐無食過既粗豪澳牛，不過條龍長到一個點，等得黎胃口都無埋，就撞咗入呢間都好有名既老舖，果然名不虛傳！𥚃面嘅裝修好舊式，仲係用緊以前茶記個啲雅座，外國朋友黎香港旅行一定會鐘意。野食睇相就知料足味足，最緊要質量穩定，我一路食既途中就見到好多應該係食開嘅舊顧客，一黎伙記就知咩order，好快手,直接寫單入廚房。我覺得係老香港既味道，一定有下次！

傳統老字號 低調地榮獲米芝蓮推介💥餐廰仲要連續3年 所以都幾有指標性.🌀雲吞撈麵原本想點細蓉 但又好想試下乾麵就點咗呢個雲吞撈麵上枱只係見到手打生麵係面 但其實內有亁坤6粒晶瑩剔透既六粒雲吞 比生麵遮住咗生麵有加少許醬油 可按個人喜好加油辣醬及醋麵質🍜爽口彈牙 有微微鹼水味但又唔會鹼水味過重 恰到好處配上嘅雲吞湯亦都超鮮甜 原汁原味 有驚喜!..雲吞❗亦都超級驚喜 用上全蝦肉🦐🦐製成冇加任何豬肉 反而更加食得出蝦肉嘅滋味😋..份量較細 做下午茶岩岩好🙋🏻‍♀️

到佐敦辦點事，經過白加士街的老牌麵店，入去吃個下午茶。店內沒有華麗裝修，疫情関係座位加上膠板。店內選擇不算太多，我點了至愛豬手麵，一碗有3大件入味豬手，滿是骨膠原，而且又淋又入味！麵底爽口好味出色。我另外點了一支豆漿。店員服務態度好。

聽講佢地既雲吞做得好出色 而且仲係2018 2019 同2020年都係米芝蓮推介餐廳 所以今次係轉程慕名而來 果然冇令我失望! 由於疫情關係 少左人出街食飯 去到好快就有位 聽講疫情前成日都要大排長龍嫁由於唔係太肚餓 所以只係叫左個淨全蝦雲吞同芥蘭做晚餐 雲吞粒蝦大大粒 真係有成隻蝦 非常足料 食落鮮甜爽口又彈牙 食左三十年雲吞 我硬講佢地既雲答絕對係頭3名內的 而芥蘭亦係十分新鮮價錢方面 埋單都係幾十蚊 呢個價錢食到米芝蓮推介餐廳確實係抵既！見到好多人都嗌蝦子麵同埋南乳豬手麵 下次都想試試！

Another neighbourhood gem in Jordan. Stop by this tiny noodle shop for some great shrimp wonton soup. The noodles are springy and tasty, the broth is more flavourful than it looks, and the dumplings are delicious.Cost-wise this is not going to break the bank either, so eat with a clear conscience.

經常看到媒體報道麥字排頭的雲吞麵是香港特式。未封關以前，路過佐敦麥文記門口總是有長長人龍排隊光顧，所以從未幫襯過。今天下午5点多經過白加士街，原來這里有麥文記和麥奀記二家麥字麵店，二家也沒人排隊，看看兩家舖面，麥文記食客比較多，門囗玻璃也貼上連續三年的米芝蓮榮譽，便進去吃碗雲吞麵。下單後，三分鐘雲吞麵上桌，散發出很香的韮黃氣味。看上去湯色金黃，但顏色有點深，幼麵很挺身放在雲吞上，綴上幾條韮黃。先喝口湯，口腔充滿了蝦子大地魚味道，很鮮濃。一碗4粒全蝦雲吞加入大地魚粉，蝦爽，好像沒有一点肉的。麵很Q彈，有嚼勁，沒有梘水味，可見師傅淥麵的手藝高超。感覺這碗麵，湯第一，麵次之，然後才是雲吞。下次再來便要嘗試另外的麥奀了。