麵家山下 (已搬遷) 新店位置

今晚都係食自己，放工返到上水都唔知食咩好啊 ﹗蛇羮？上海酸辣湯小籠包？燒味？刺生？近來都成日食。行行下，見到麵家有位，好耐無黎喇，是但啦。請多左位講廣東話既男侍應喎，但係就唔見老闆娘同 BB 囉。草汁，夠健康又可以消滯。其實飲品無咩選擇，想清清地的話除左薄荷茶就只有草汁喇。日式餃子，係幾款小食中，餃子質數算係最好食又最穩定架喇 ﹗有豬肉味，帶微量肉汁，配上餃子淡豉油，滿意。叉燒麵特硬辛辣汁走蔥走芽菜，我居然唔記得左加半熟蛋呀 ﹗咁碗麵已經無左半個靈魂喇，陰功 ﹗又唔係喎，DX 拉麵先有蛋架喎，頂 ﹗感覺硬係無前兩次咁好食既？拉麵偏腍，叉燒穩定合格，豬骨湯濃得黎有點濁，仲油左少少。無落到辛辣汁既？又唔記得左，要自己落七味粉架。

最衰剛行過家品店睇左一兩分鐘野，有姐仔行我前面快我一秒霸左兩個位，搞到我要坐門口，勁無奈、勁傷心。店內只有四個較舒適既高櫈位，門外就開左三張摺枱，環境較惡劣，似街市後巷。青汁，完全唔知係咩黎，好奇下第一次試，有點奶油味，完全唔甜，聽到有食客講係菜汁黎，感覺幾健康、高纖。炸生蠔，上次試左炸蝦同餃子，今次專登試試炸蠔。不太喜歡類似吉烈既煮法，好厚粉啊 ﹗天婦羅正好多，酥炸都正。咬落有蠔汁，肉質夠嫩，但炸得唔夠鬆化，麵包糠好厚，麵包味濃，剝左層皮好食好多。特盛拉麵配黑蒜油走蔥走芽菜，挑戰大胃皇 ﹗叉燒特多、拉麵又特別多，我當然要食硬麵啦。上次已經想試下到底份量有幾大架喇，約十分鐘送到。當然先試幾口湯先啦，特濃豬骨味配上香濃黑蒜油非常冶味，麵質似乎腍左少少呢，發現有幾條芽菜，係咪因為忘記走芽菜，之後要慢慢夾返出黎，所以碗麵浸到腍左啊？薄薄既叉燒，口感同味道都不過不失。日式叉燒還是肥一點、滑一點更好 ﹗從各方面睇，今晚碗黑蒜油麵比上次碗辛辣粉麵都遜色好多，上次碗麵真係好好好味架 ﹗味附蛋兩大隻，半熟流心非常吸引，少許醬油香味，但今晚蛋黃味偏淡喎。今晚係第二次幫襯，難免經常跟第一次比較呢 ﹗依個特

我終於食到喇 ﹗終於可試傳說中既日本人拉麵喇！人生路不熟，上次搵左好耐終於搵到佢地，但居然摸門釘無開門，真陰功 ﹗發現原來機乎逢星期二都休息，星期一就間中休息，要注意喇。今晚因為又要食自己，所以決定行過黎碰碰運氣，睇睇有無開門，太好了 ﹗我終於食到喇 ﹗簡潔既拉麵小店，都係好有日本民宿 feel 啊 ﹗店內只有四個面壁高櫈座位，都算坐得舒服。家庭式夫婦兩個人營運整家麵店，所以唔好太過期望 menu 會怎樣多姿多彩呢 ﹗日本人夫婦，老闆就似乎完全唔識中英文，而老闆娘就識小小中文加小小英文，老闆娘負責落單同招乎食客，我仲見到有兩本中文譯日文會話同字典係度喎，係咪用 iphone 語音翻譯會更方便呢？老闆娘態度親切，服務殷勤，食得都開心啲。老闆只供應叉燒拉麵及豬骨湯底，夠專注 ﹗仲有沾麵喎。如果好食，其實真係一道菜夠，無需要搞咁多卓頭。依係要 order 及先付款架，然後就耐心等待。諗緊食唔食特大好，但我第一次食，唔知有幾大喎，又想留個肚試埋小食，所以都係食個 normal size 啦。見到 menu 度有張紙仔寫住 free tea or mint tea，咁得意？就叫杯 mint te

麵家山下由一對夫婦打理，位置其實頗難找。而店的旁邊都是圍繞著走水貨的人，在打包貨物、談天說地，說生意難做嘛，一定難，但仍能如此堅持的守業，心感佩服。店內的地方不大，但勝在舒適。拉麵(辛辣湯底) $55 生怕拉麵太大吃不完，所以叫了最少材料的一份，沒有蛋，只有麵和兩塊叉燒。以為辣湯底會是紅色？還是豬骨非常厚身湯，帶上小辣，味道不俗。雖則湯未能掛上拉麵，但勝在拉麵彈牙，吃到底都的時候，湯還是熱哄哄的，呻一口濃湯，很快便把整碗吃掉!

星期日點半左右嚟到巷仔街，已經被水貨客攻陷，好討厭的水貨客！之前次次嚟山下都坐滿人，食唔到，今次難得嚟到唔駛等位，樓上大把位。聽咗勁耐上水人講呢到個湯底好正… 所以試試啦！醬油义燒拉麵 － 湯唔夠濃…  拉麵係幼身拉麵，尚算彈牙。义燒薄切，燒脆個邊，都幾香。相對另一碗黑蒜湯底嘅拉麵，味道香D，但個湯仍然係唔夠濃… 真係有D失望… 湯底係拉麵嘅靈魂！叫多碟煎餃子(5件)+兩杯飲品，盛惠$170真心講，呢個價錢呢個質素，個人覺得唔係物有所值，OK吧！P.S. 店內環境雖然有日本拉麵店嘅自助水，但人哋日本嘅拉麵店環境感覺係整潔，呢到只係覺得D嘢好殘舊。

我黎左幾次先食到，地方真係唔顯眼，只做午膳及晚餐時段，估唔到上水有間咁既舖頭，居聞係日本人開。我地叫左沾醬麵和Dx,沾醬麵個湯底加左木魚花，所以有振燒烤香味，無咁杰，但好香囉，同出面沾醬麵唔同；DX叫左個辛湯底，唔辣，但都好好味；兩個麵麵質唔同，但一樣比一般硬。我覺得係值得一試。

呢間野好似都開左一段時間，由於唔係位於大街上。一般都唔會諗起佢，但呢排聽朋友講佢係日本人開既，甘就一心諗住試下啦。果日大約晏就3點令中去到，佢個店面位置好細，估計只可以坐到3個人。跟住就有個女侍應問我幾位，同埋要落單比左錢先，然後再問我坐樓上定樓下。雖然未知上邊咩環境，但應該會好過下邊掛。上到去竟然一個人都冇，暗暗地，有冷氣，有自助水機。佢仲有個放左日本漫畫既書架仔。感覺好似去左日本既小店甘。落單果陣見到佢有3個湯底揀；豬骨，味噌同黑蒜。係甘易問下個女侍應邊個多人叫，佢話黑蒜好味。甘就試下個黑蒜叉燒拉麵啦。由於我食果陣得我一個客，所以好快就有得食。食拉麵更係一黎就試下個湯底先啦，聞一聞，好香蒜味，再試淡，ok 喎，個湯有小小蒜味，紫菜味同咸味。再試下個叉燒，嘩！點解係豬腩肉甘既，不過好淋。拉麵就岩岩好，唔太硬唔太淋。其他配料都冇咩特別。炸雞軟骨好香好好味，粒粒都炸得好香好脆。但要點果個汁真真係小左d。。。點解個啤酒係唔凍既  個女侍應服務仲要好好，一令黎就即刻幫我開左，因為落左單比哂錢先上去樓上既關係，冇辦法   唔明點解一間餐廳有啤酒但竟然係唔凍既。落單前應該先提醒客人有冇飲開熱啤

當拉麵風吹遍香港，隨街順手拿來都係拉麵店，但係作為一個新界人，想食一碗好既拉麵並唔算太多選擇。聯和墟既爵士拉麵相信大家都耳熟能詳，好並唔係唔好，只係食左咁多年都係得一家，確實需要一新口味！其實都算專程去試，不過係抱住隨緣既心態。臨收舖前半小時去到，為免阻住店家收舖，點完就快快上二樓雅座等食！兩個人一人嗌左一碗拉麵，我就味噌，湯底好濃，好香，少少咸同少少油膩。男朋友要鹽拉麵，都好正，不過詳細味道要問佢喇。不得不提叉燒真係good，每片都好薄好入味！到個雞軟骨，都好味，不過醬汁偏少。至於杯乳酸。。。呀。。。確實唔太對口味。

今日同寶貝約左出黎下午茶傾下心事~突然想食拉麵,就諗到黎呢間小店~舖頭細細間,唔落雨的話樓下門口外可以開多兩張枱,坐8個人左右,一如以往樓下冇位,所以我地坐上二樓~二樓唔係好大~可以坐10個人~呢到食野要喺樓下落單比錢,之後服務員太太會拎麵上黎比大家~麵的選擇唔多~只有4,5款主打~仲有好少的小食同飲品我同寶貝每人叫左個拉麵加D小食,兩杯飲品,諗住叫佢的吉列蚝,點知佢話賣晒~!招牌豬骨湯拉麵 - 豬骨湯底質感輕輕的又比一般的重口味,唔算係好濃,如叫做'招牌'的話就未合格LA,拉麵煮得啱啱好,唔會太硬身~由樓下拎到上黎都有彈牙的感覺!日式叉燒,-唔算係算得上''日式叉燒'',味道唔同~我諗這叫豬肉片會適合一點自家製餃子 - 入口覺得唔會係自家製~因為一D肉汁都冇,好似雪左好耐,皮好硬~唔係煎得硬那種,而係放得好耐那種硬炸鷄軟骨 - 可能唔係用好滾的油去炸~所以覺得淋淋地唔夠香脆~鷄軟骨伴有汁料,用心感受後乃仍唔係咁清楚係乜野味道~最大可能係一點淡味豉油加點蔥..青草汁 - 用左個好時尚的尖腳杯子裝著,味道唔係太突出,冇乜飲緊5 青汁的清新的感覺~乳酸飲品 - 同樣係用左個好時尚的尖腳杯子

 獨自去上水shopping ,行到肚打鼓,又唔想食隨便食碗云吞麵算,就上open rice 看看有無好介紹,結果,發現了小巷內的這間"麺家山下"。由於7:00pm到達,時間尚早,未有人等位。看一下餐牌,只做幾款拉麵,小食和飲料。要了個玉子叉燒拉麵($75)配辛湯底+小食炸蠔($20),麵要求了軟一點,店內還有部飲水機供應水,可自助使用。不久,拉麵、炸蠔都上枱了,炸蠔熱滕滕,蠔味道新鮮, 抵食。溫泉蛋叉燒拉麵有兩隻溫泉蛋、叉燒、紫菜和魚碎,先喝口湯,"辛"湯底原來只有少少辣,湯充滿了濃郁的豬骨味,好味 !叉燒是我喜歡的軟叉燒,拉麵要求軟的,口感很好,配合濃郁的豬骨湯底,yummy !!!雖不是華麗的菜色,但就這樣一個人好好享受了一頓簡單的飽餐。

經友人介紹呢間日本人開0既小店，專誠到訪，果然係好好味，拉麵彈牙，唐心蛋全隻，叉燒林，湯底正，仲有小食芝士餅好特別好有芝士味，一咬d芝士爆出來，份量十足。另外炸蠔都好好味，好新鮮。值得甘遠黎。

好味豬骨湯底用十個鐘煎成，完全唔落味精、我成碗飲完都唔口渴！有濃味的黑蒜、淡味的醬油、還有味噌。還可加鹽、加辣。我試過晚些來老板話賣完無得食……每天限量發售！！麵是正宗日本風味比較~味x~的硬，但是如果你喜歡軟的麵可以落柯打時通知！义燒夠淋又入味，温泉蛋白夠硬但蛋黄流汁！多款小食，我最愛炸蠔、炸蝦和芝士餅。特式飲品~青汁、乳酸菌。

午市一點多到，基本上只有不多於五位人客。所以唔駛等位，俾過錢後直上樓上。但燈光不足，陰暗的環境只讓人感覺到與一般港式茶餐廳的污穢環境一樣，對於一間拉麵店來說完全不行。湯頭：應該有用豬骨淆湯，因為有淡淡的骨腥味，不過就混合大量現貨湯頭，豬骨的味道完全失去了，變成味精湯。麵：大約100g麵，連女仔我都懷疑食完唔飽。而且同一般超市貨色沒有分別，極無掛湯能力，不彈牙。配料：如果我無估錯，佢的叉燒片係現貨，則係凍肉店的豬腩肉片煮熟，放係麵上面當係叉燒，唯一好處係呢個處理令佢好食左。不過湯內有少旺唔同樣的叉燒粒，反而個D十分入味，有肉汁。如果整塊叉燒係咁就會好好多。我唔明白如果係佢親手做的點解唔放係拉麵內？芽菜，算啦得個十條八條食唔出分別。荀：現貨，咸。蛋：溏心做得不錯，可惜調味差，而且平價蛋，無蛋香。我估係上水買的平價蛋。收我75元有兩隻蛋，俾咁多我又有乜用？坦白講，一碗拉麵的其中一個精髓係配料的配合，料多係扺食，但係太多就係過份，亦令味道下降。75元的一碗拉麵，拍得住中環價錢，但味道同水準就差十皮。俾呢個價，我不如食雲吞麵？呢個價我可以食好豪。還有，店內衛生情況惡劣，筷子黑黑的，我曾經有諗過佢

一向都提早同老人家食團年飯，所以正年三十那晚就隨便食一點簡單晚餐。到上水行行，竟發覺平日要排隊的隱世拉麵山下有開門營業，立刻進去坐下，來碗黑蒜拉麵、沾麵、餃子及炸蠔。餃子皮薄餡靚、炸蠔新鮮熱辣、初入口覺得普通、但竟然有頗重的蠔味，讚。黑蒜拉麵味道令人好舒服，黑蒜不搶味，重飲晒d湯。沾麵更加令你一啖接一啖，每撮麵浸落湯，拉起一點肉絲，放進口內，嚥嚥靭靭，美味無窮，味覺同口感嘅享受。

上次食完之後，都想食既衝動經常有，但本身唔係附近住，終於今日放假！天氣轉涼！我又黎食拉！今次自己食！食就食多！我叫左個dx！味蹭味道！5分鐘到就黎左！（可能閒日黎）12點半暫時得幾個客！果然碗拉麵都冇令我失望！照舊好食！配味蹭拉麵隻麵是較粗身，口感較上次好不過我下次都係食返黑蒜！湯底較為淡比較岩我所以話食物呢家野就好主觀！最後如果有期間限定拉麵既話就好拉！ 加油！支持小店！同山下小姐傾下日文都幾開心