麵屋豚豚拍子 x 辛味屋 (已結業)

我同朋友去完西貢交遊後，跟住去咗寶琳食晚飯，因為太肚餓嘅關係，所以諗住食個快靚正嘅餐，見到呢間個名幾得意於是就入去試吓。我哋叫左個自選二人套餐，$228包左2個主食加3個小食！我哋揀咗招牌牛油拉麵係麵豉湯底，上面加左一片牛油，撈埋左都唔會太油膩但係湯底就有小小鹹，拉麵爽彈，整體都唔錯。咖哩吉列豬扒飯啲豬扒有啲薄，但外皮就好脆，白飯底，上面包有一層滑蛋撈埋香濃咖哩汁同食好味。炸豆腐加上昆布汁，雖然唔係脆皮，但依然軟滑，吸收咗D醬汁，幾好食。自家制餃子外皮煎得香口，味道一般般，沒什麼特別。串燒雞翼同雞軟骨係有啲驚喜，師傅燒得外脆內有肉汁唔會乾身到鞋颯颯，本身無預佢有炭燒味，有真係bonus。整體上菜都算快，價錢又大眾化，係一個唔錯選擇。

日式豚豚晚餐今晚同好友去咗新都城買聖誕禮物，買完就一齊食埋晚飯😆😆 我哋兩個都鍾意食日式野，見到有間日式餐廳，睇個餐牌都好多選擇，都啱食，就入咗去食😊😊我哋都好肚餓，諗咗陣就決定點個兩人餐，一人一個主食，又有三個小食😌😌 好豐富咁☺️☺️ 由於天氣凍，我哋都係想食拉麵😂😂 傾吓傾吓，野食都一一送上，都幾快，同埋大部分都係熱辣辣的👍🏻👍🏻蟹棒拉麵：有四條蟹棒，唔係平時食嘅蟹柳，呢個有蟹肉鮮味嘅😋碗拉麵仲有半隻糖心蛋，好好，拉麵麵質又唔會過軟，有咬口👍🏻白豚拉麵：豚肉片簿簿的，味道唔錯，呢款麵質比較幼滑，面餅好大，食完好飽滿日式餃子：有六隻，都幾大粒，外皮不太香脆，但好多肉餡南瓜薯餅：新鮮炸起，仲有少少煙，外面好香脆可口，內面的南瓜蓉好綿綿又唔太甜，好好食😋魷魚鬚：好耐無食，好想食🤭 呢味炒得好香，魷魚好彈牙，配上日式醬汁，更顯出魷魚鮮味整體都滿意今次嘅晚餐，我哋坐得舒適，食得滿意😊😊

每次行過寶琳見到呢間野都好想試，個名好得意而且地方好似好闊落好舒服。今日同朋友行過就入咗去食。整體而言食物質素中規中矩，好在坐得舒服，好有日本食堂特色。Menu選擇好多，我哋今日叫咗吉列豬扒咖喱飯。同埋招牌牛油拉麵，小食方面叫咗雞軟骨同燒雞翼串。———————招牌牛油拉麵聽個名好似好得意，感覺上好邪惡。拉麵其實有豚肉，牛油，粟米木耳等等。雖然材料簡單，但係拉麵加咗牛油後有陣香香既奶香味，個人幾鍾意。但係稍嫌有啲咸。———————咖喱豬扒奄列飯豬扒炸得卜卜趣，熱辣辣。加上滑脫脫嘅奄烈咖喱飯，配搭10分完美。豬扒如果厚身少少會好食啲。兩個賣相同餐單嘅一樣———————燒雞翼雞軟骨串平平無奇嘅雞翼雞軟骨串燒。 冇乜炭燒嘅味道，麻麻哋，有啲乾身。———————日式餃子餃子炸得都幾趣口，但係豬肉冇乜肉汁，餡料唔夠豐富，冇乜豬肉味道。

呢間食肆可以用拙劣來形容。食物，環境，服務全部喺九流。其中一個後生啲有鄉音嘅女侍應粗魯同呼喝，間舖頭十張枱得三張係有客人坐都會安排你去同人迫，咁我梗係唔會聽佢話咁傻。問你食乜嘢嗰陣時呼呼喝喝當然我都會用返啲同等態度對佢。反而有老員工態度都幾好，但整體服務都係差啲嘢食又係乏善足陳，個咖喱豬扒飯啲蛋鞋嘅，又係同日本米無緣。啲咖喱就好似用開粉果一隻，完全冇味道。啲豬扒炸到硬骨骨，外面嗰層皮厚過豬肉。整體都係非常差佢嗰啲粟米沙律好似擺咗喺度好耐咁樣，黑蚊蚊見到都唔開胃，賣相非常恐怖佢嗰隻蛋啲皺紋多過八十幾歲阿婆，外傭煮嘅都好過佢十萬倍（未請過外傭但係應該都唔會好過呢個廚師）另外嗰個豬肉飯就好似啲阿婆煮比佢哋孫仔食嗰啲糊仔咁樣，豬肉片係平價貨色，一啲都唔好食，又鞋又又硬而且淡味。啲洋蔥好似冇乜點切過一樣，刀工真係比心不在焉的外傭差好多陪。味道非常差，整體賣相非常求其。呢一間舖頭唯一比較可取就係價錢平，但隔離嗰間日式豬扒飯一樣平而又好食過佢一百倍。所以呢一間舖頭晚上七時半都係門可羅雀而隔離大排長龍係合情合理。最後個收銀俾咗張coupon我哋，我出到門口就立即揼咗張紙因為已經將呢間不知所謂的舖頭打入

有位朋友特登向我介紹，話寶琳新都城內嘅「豚豚拍子x辛味屋」啲下午茶抵食夾😋，於是相約埋其他朋友一齊嚟試下 😃👇🏻係朋友重點介紹嘅“金菇牛肉卷定食”～當上枱時真係好大份，牛肉卷數量唔少，牛肉併金菇味道好夾，配燒汁蔬菜粟米蕃茄粒+飯👍🏻😋😋😋另一位朋友點了👇🏻“漢堡扒定食”～係他的至愛，佢話漢堡肉質嫩滑，非常美味喎！😘而另一位朋友因唔食得牛肉，所以點了👇🏻“滑蛋豬扒丼”，但佢就話麻麻哋，味道一般啦！😅👆🏻各款茶餐均配一杯飲品或麵豉湯😉平心而論，連埋加一服務費，四個“下午茶”餐都唔駛200元嚟講，以上真係算唔錯喇！😜

今日去到寶琳探朋友，去咗佢屋企樓下新都城給一間拉麵店食晚餐。朋友都成日嚟食，因為呢間拉麵店都幾抵食，餐廳夠大座位多，坐得舒服，傾偈一流。我哋叫咗個二人餐，只係$229 ，就有齊兩碗拉麵同三個小食，真係非常之抵，食得極飽。赤豚拉麵：豬骨湯底、叉燒、筍等配料，湯底辣辣地好惹味，拉麵嘅麵質唔會太林，幾有咬口。海老拉麵：豬骨湯底、叉燒、蝦、櫻花蝦、筍等配料，試到豬骨湯底清甜嘅味道，叉燒都幾林，蝦都唔錯，如果櫻花蝦再多啲就更好啦！自選嘅小食款式好多，我哋揀咗嘅三款小食分別係雞翼兩串及雞軟骨兩串、炒魷魚鬚同埋牛油炒草菇，雞翼係鹽燒，皮好趣，都算大隻，好味道。雞軟骨大大粒，燒得好香。炒魷魚鬚份量唔少，好彈牙，炒得幾好食。牛油炒草菇都好香，食咗咁多肉係要食啲蔬菜平衡下。

朋友介紹我黎呢間日式餐廳: 麵屋豚，因為d野食性價比高又多款式，所以我地入左黎將軍澳。今日係星期一，好好彩霸到卡位坐🤩🤩 面對多款精美食物，睇menu睇到我目不暇給， 我拿不定主意，又想試下拉麵又想試下, 仲有2人餐tim… 2人餐多款主食&小食都可自由配搭都只係HKD 208, 真吸引🤩🤩 之但係... 份量太大。最後，我跟朋友都係各自選壽喜燒; 加2款小吃: 明太子雞翼及燒鯖魚。壽喜燒: (豚肉泡菜鍋 及 牛肉壽喜燒鍋定食)豚肉/牛肉份量多，配菜包括有娃娃菜、紅蘿蔔、金菇、豆腐、豚肉/牛肉等，另上烏冬，烏冬超級彈牙，咬落有口感。湯底鰹魚湯，味道帶點香甜; 而泡菜湯底係濃濃泡菜香帶微微辣，十分可口開胃。湯底滾起後，豚肉/牛肉都好快熟透。值得一讚值配件: 電爐很給力，力度十足。烏冬端上來時已經煮熟，滑溜煙韌，熱騰騰的。明太子雞翼: 雞翼控注意！注意! 注意! 又有多一個食雞翼好地方。以香滑去骨雞翼及皮包裹明太子，皮脆肉嫩，外層雞味濃郁，明太子餡料豐富飽滿，味道帶明太子微辣，美味開胃。一口食到明太子和雞翼的味道，真係令人十分十分十分滿足！燒鯖魚:鯖魚外內都唔錯，合格之選。外: 金黃至焦糖

難得過開新都城，睇下有咩好野食見到呢間餐廳門面幾好，所以決定一試估唔到真的中伏了，唔會有下次點左份豚軟骨拉面超級難食仲要加一我從來都未寫過食評，今次忍唔住要公諸於世！

突然間心血來潮想食拉麵，點咗午市套餐$69，黑麻油嘅豚肉拉麵🍜(另加$5)，附送一客小食，我就揀咗餃子(3隻)，凍飲要另加$8，都唔緊要，一心諗住拉麵應該都唔會差，當個拉麵🍜到咗，我一望落去就已經心知不妙，我先試個湯，味道非常淡，拉麵本身寫明係幼麵，我亦試過唔同拉麵店嘅幼麵，冇諗過係同食雲吞麵嘅感覺一樣，仲要個麵一啲都唔彈牙，跟住再食個豚肉，筷子一夾即散，我當時真係覺得非常失望，$90嘅價錢食啲咁嘅質素食物我唔會再幫襯

今日去完寶琳探朋友之後，順便係附近搵野食，真係唔去唔知道原來新都城多左咁多唔同既餐廳，因為想食拉麵既關係，所以我地就揀左哩間日式料理餐廳試下。餐廳環境日式，而且有大量卡位，坐得舒服。餐牌上面仲有好多午市自選套餐可以選擇，價錢都幾實惠。🍜午市自選拉麵套餐 $69海老拉麵 +$8佢有八款拉麵可以選擇，因為我自己本身好鍾意櫻花蝦，所以專登加$8要咗哩個海老拉麵，拉麵上面櫻花蝦乾同木耳絲既數量唔少，仲有兩隻蝦同埋一大塊叉燒，湯底味道濃郁，飲得出濃濃嘅豬骨湯味，拉麵係幼麵，軟硬度適中，撈埋應該櫻花蝦乾一齊食味道唔錯。🍢任選一款小食：串燒雞軟骨雞軟骨有兩串，燒得啱啱好，夠晒香口惹味，而且非常好咬，好食推薦👍🏻🍹加$8加配凍檸茶🍱燒鯖魚+豬肉便當 $69便當有兩舊燒鯖魚，好多豚肉同埋粟米沙律，豚肉入口juicy有肉汁，醬汁微甜，燒鯖魚魚肉嫩滑，充滿魚油香，送飯真係一流！🥣配麵豉湯🍯加$5配柚子蜜整體黎講，餐廳環境唔錯，午市套餐性價比都幾高，值得一試。

位於將軍澳寶琳的日式料理拉麵店，不只提供拉麵，還有其他日式料理。以日本菜來說，價錢相當親民。餐廳面積大，入面日式的裝修設計，枱及座位寬躺，有卡位。可以單點或是晚市套餐，一人套餐包一款小食或是二人套餐包三款小食，價錢相宜。拉麵：黑豚拉麵拉麵沒有很多材料，主要是筍片、叉燒及木耳絲。黑蒜油的湯底，蒜味不算突出，只是偶爾散發出淡淡蒜香。兩片薄薄的叉燒肉，沒有肥肉，拉麵韌度剛好。鍋物：嫩雞壽喜燒鍋定食壽喜燒醬汁的湯底清淡卻鮮甜，湯底採用了豉油、糖等調味混合而成啲咁湯汁，再加上一大鍋豐富的食材配料，有嫩雞肉、大蔥豆腐、草菇、大白菜就成了。嫩雞肉份量多，非常大件。本身跟一碗白飯，可加錢配讚岐烏冬， 烏冬口感質地細滑彈牙，很掛湯。咖喱飯：燒雞扒奄列咖喱飯套餐雞扒燒烤過，雞皮煎香，肉質依然保持嫩滑，十分香口惹味。經典的日式咖喱飯的味道，奄列覆蓋著整個白飯，旁邊有些雜菜粒；咖喱甜且不辣的，易入口。這個飯套餐還有些前菜及麵豉湯。

有時候放工返到屋企真係懶得煮～～早兩日經過麵屋豚豚拍子，見到個2人餐幾抵食😍😍於是就同屋企人去左試試😋😋🍱自選二人套餐 (任選指定2款主食 & 3款小食) $228✨-📍海老拉麵 (+$10)🍜豚骨湯底好濃郁，仲有好多蝦花蝦，鮮味十足！！配料就有叉燒、蝦仁、木耳絲同香蔥粒，好豐富～～拉麵軟硬適中，索哂湯汁好好味❤️❤️📍炸雞塊奄列咖哩飯 (+$5)🍛咖哩味道唔錯，醬汁有紅蘿蔔、洋蔥同肉粒等～～仲有3大舊炸雞，送飯一流🤤🤤📍燒雞翼2串及燒雞軟骨2串🐥雞翼醃得好入味！！攤開來燒所以皮脆肉嫩好均勻，唔錯👍🏻👍🏻📍自家製餃子(6隻)🥟係日式餃子的味道，皮薄餡靚😋😋如果煎得香脆d會更加好食～～📍北海道南瓜炸薯餅🍠炸薯餅炸得好香脆，裡面有滿滿既南瓜蓉！！外脆內軟，下次會想再食😍😍

比個大燈籠吸引咗，引起我注意，食物價錢都算平，就入咗去😎牛肉壽喜燒當壽喜燒滾了以後，香菇、豆腐會慢慢出水，所以一開頭啲湯的份量岩岩好，唔會煲到滿瀉？牛肉大大片！如果一開頭另上會更好，因為我覺得先煮其他配料，再煮滑滑的稻庭烏冬，最後煮牛肉係最合適~仲有個生蛋送！用來沾牛肉，就係最地道的食法。雜錦拉麵用咗札幌味噌熬嘅湯底，麵就係粗麵，夠晒彈牙，而且有齊叉燒、蟹棒、豬軟骨，啱晒我依啲有選擇困難症嘅人🤣。佢另外仲有豚骨湯配幼麵，下次再試下。當然要加啲小食啦😊👍🏻 炒魷魚鬚甜甜地，不會好乾身，好彈牙！吃起來不費勁！自家製餃子如果脆底煎得再脆啲就會更好！餡料好rich，有肉有菜，味道良好！

新都城人均$130食二人餐二人套餐 $228雜錦拉麵加$8拉麵上有豬軟骨，叉燒同埋蟹柳棒。配菜有粟米，海帶，雞蛋🍳係一個好豐富嘅拉麵🍜可以一次過試曬所有嘅配菜🥰拉麵係黃色，比較粗同卷曲個種😘彈牙，有蛋香🍳黑豚拉麵🍜加$5黑豚湯底加咗黑蒜油，味道濃烈，湯底都比較厚。麵底係幼身白色個種，比較淋🍜小編覺得份量都好夠，如果有多少少配菜就好喇💕自家製餃子🥟六隻估唔到餃子🥟做得幾出色。餃子皮薄，肉餡好多，咬落仲有啲肉汁出嚟👍🏻非常滿意炒魷魚鬚🦑魷魚鬚嘅份量都唔少，簡單用鹽調味，勝在魷魚鬚幾新鮮，爽彈鮮甜💕炸雞肉雞肉應該係用咗雞扒嘅位置，炸得香脆，入邊有肉汁。如果切到一口大細就更加合適啦😘環境方面，餐廳位於新都城二期商場入面，餐廳內有日本特色嘅裝修。間隔舒服，幾大好多卡位🥰而且幾乾淨衛生，平日夜晚嚟滿咗一半座位左右總括而言，呢個二人餐真係幾抵食，而且食得好飽，拉麵質素又高又可以試到唔同小食😍如果住喺新都城嘅人一定要試吓🧡

父親節本來想食新開個間餐廳，但排晒隊，就去附近另一間拉麵鋪，諗住入去幫襯間野人唔多，而家疫情期間感覺坐松啲好（人唔多就係伏的規律），餐牌都好雜，感覺好多野揀又好多係重復唔同組合，炸蠔中規中矩，黑豚拉麵超重味精，湯底勁咸，麵好淋，食完狂飲水，中曬伏，總之好難食⋯⋯食剩好多