麵屋豚豚拍子 x 辛味屋 (已結業)

❤️Beef Steak Set🐮🥢 not bad❤️..放假有時想吃得簡單點，就在附近逛逛，發現一間食日本菜看似很抵食，而且餐廳木系風格，感覺都好舒服，趁下午來試試吧。.套餐都係數十元至數百元，有拉麵、丼飯、套餐、火鍋、炸物、小食，都好多元化，價錢亦大眾化，難怪咁多街坊/學生👩🏻‍🎓👨🏻‍🎓 幫趁呢。.ll $68Beef Sukiyaki Hot Pot Set壽喜燒♨️ 午市定食，配凍柚子蜜 +$5。Sabusabu 呢d天氣都好岩，細細鍋，一人份量，小食多滋味，過過口癮。鐘意仲可以加額外配料。.套餐不能少既雞蛋🥚 + Udon🍜，吃火鍋不能少。.ll $108Beef Steak Set🐮🍱牛扒嫩嫩，那油脂香伴飯吃，加上牛肉燒汁，真的很吸引呢。而且套餐跟麵豉湯、沙律、飲品，不錯呢。..簡單都可以很豐富，簡單都可以很滋味。網燒雪花牛扒真的是推薦呢😋🥢，下次可以再吃。..×××××ש將軍澳貿業路8號新都城中心2期2樓2003-5號舖..

今日嚟到寶琳嘅新都城，知道開咗好多新嘅食店，就過嚟試一試有咩好嘢食，今次嚟呢間麵屋豚豚拍子x辛味屋試一試，呢度有好多日式料理嘅嘢，又有打邊爐又有咖喱飯，真係花多眼亂啊！而我今次食呢個就係燒牛肉咖喱飯，係日式嘅汁，咖喱汁唔會係辣，但係好香口，配合牛肉，送飯食一流！咖喱汁都有好多配菜，有時薯仔有蘿蔔有洋蔥，口感好豐富，好食！另外仲有小前菜，係粟米配車厘茄，仲有麵豉湯添，呢個套餐真係好抵食！另外仲叫咗個炸蠔嘅小食， 炸物一啲都唔油，仲有啲椰菜絲一齊食，中和返唔會覺得油膩，呢個都係一貫嘅水準！呢間食店嘅水準真係唔錯，份量有好多，男士食一定好夠飽！性價比好高！下次再黎一定要再試埋其他野先得！好多選擇，下次會想試埋烏冬！呢度嘅lunch set真係好抵食！

今日同女朋友去咗新都城行街行過呢間拉麵店兩個都不約而同話想食拉麵佢有個午市自選拉麵套餐 幾吸引幾抵食所以就同女朋友一人叫咗一個餐我就簡單啲要咗個黑豚拉麵 配埋個炸豆腐拉麵嘅黑蒜油好香而且豚肉都有三至四舊大大塊麵質軟硬適中啱晒我口味 炸豆腐有四舊外脆內軟新鮮炸起女朋友就揀咗個海老拉麵有兩隻大大隻海老 再加大量櫻花蝦試完啖湯好甜味南瓜薯餅又係啱啱炸起 香脆鬆軟總括而言我覺得呢間拉麵值得試吓200幾蚊兩個人有拉麵有小食仲有嘢飲新都城仲要有泊車優惠 一流

今次到了新都城逛街，看到有很多不同類型的食店，最後選擇了這間日式店舖，叫做豚豚拍子。事不宜遲馬上食評！黑豚拉麵：這個拉麵的黑豚湯完全不輸蝕貴價拉麵店中的湯底，調味和濃度剛剛好，不會過鹹或淡茂茂，而且拉麵的疾病也是我們喜歡的，幼身而且有少少彈牙！海老拉麵：比起剛才的那個，這個更加出色，而且有大大隻蝦爽口和質地彈牙。非常出色！自家製餃子：這個餃子算是中等偏上，皮身不會太厚，而且豬肉大大嚿，還有內有少許肉汁，不錯！北海道南瓜炸薯餅：這個非常好味，強烈推薦！薯餅的外層炸得非常香脆，而且炸衣不厚，剛剛好！炸魷魚鬚：這味小食也是必點！不但炒得非常香口，而且肉質彈牙，不知不覺便吃曬了！凍檸茶：甜度對於我們來講剛剛好。

見到呢間都幾抵食$100有減$30嘅優惠券 ，即係七折，所以夜晚同屋企人黎試吓，叫左豬肉日式麻婆豆腐飯 $59 ，麻辣豆腐食得多 ，原來日式麻辣豆腐餡料都幾豐富，入邊有洋蔥粒蘿蔔粒，唔會話太辣，非常好下飯，如果豆腐用百福滑豆腐嗰啲更加順滑應該會正啲，仲可以揀豚肉或者牛肉或者雞粒其他配料。親子滑蛋雞肉飯$62 最鍾意食親子丼，入邊有滑蛋洋蔥絲煎雞扒等等配料，營養滿分。另外仲叫咗個自製日式煎餃子，好似係佢哋自己整嘅，剪得非常之脆口，餃子入邊嘅豬肉調味得啱啱好，唔會太咸。總括嚟講呢間都好抵食，兩個人都係食咗$100幾姐，因為有100-300🤭

幾經濟，味道算唔錯。奄列薄咗啲，咖喱配料多，有蘿蔔，洋蔥，好似仲有肉粒，但汁太稀。下午茶定食 $52 大約比午巿平十蚊，包熱飲，凍飲 +5 比較貴。另外叫咗個金菇牛肉定食，我鐘意個椰菜絲。

Home office 多了時間留在家中與公主一起，每日都足不出户。今日剛好有些事要處處理，終於去了遠少少順便揾間新損餐廳試下。疫情下要揀間比比較寬敞又衛生的餐廳，最後揀了間未試過的【豚豚拍子】。旁邊有間食拉麵的【辛味屋】，以為兩間是獨立舖，甫進才發現兩間餐廳是打通的。店內日式裝潢，沒有亮麗設計，勝在多卡位私隱度高。枱上已經放了【豚豚拍子】及【辛味屋】餐牌，而且午餐、茶餐都有……眼花撩亂。不過都係拉麵、日式咖喱飯、日式豬扒……等日式連鎖食品。沒有大驚喜，只是茶餐價格吸引。餐牌食物圖片不太吸引，揀了【吉烈豬扒烏冬 $48】給我家公主，自己加個小食【吉烈生蠔 $22】。單看這個吉烈豬扒烏冬賣相就不太吸引，不過筆者從來沒有任何期待，所以就不會失望。吉烈豬扒炸皮不太厚入口也脆口，豬扒太瘦沒有半點脂肪，入口乾身不太juicy。咖哩烏冬改了豬骨湯，公主竟然話豬骨湯味道不錯。【吉烈生蠔 $22】熱騰騰，吉烈外皮脆卜卜，生蠔juicy 味道不錯。

有時食晏唔想諗，食嚟食去都係嗰幾間，新都城有幾間餐廳未試，今次食午餐嘅呢間日本餐廳亦係其中一間。有次行過比啲食物模型吸引，除咗拉麵仲有飯類，選擇都幾多，其中有麻婆豆腐飯比較奇怪。餐廳好多卡座，感覺乾淨舒適，食物方面味道可以，價格唔貴，服務方面都唔錯，職員有禮。小食：雞骨腸，有啲似台式腸，外皮乾身，口感爽有咬口，好味。廣島炸蠔，都比較大粒即炸新鮮好味。燒雞扒奄列咖喱飯，雞扒唔鞋，份量都幾多，咖喱甜甜哋易入口，唔錯。吉列豬扒咖哩烏冬(豬骨湯底)，似雞湯湯底，味精重，豬扒好鞋，外皮係硬脆。午巿自選拉麵套餐：白豚拉麵配炸豆腐。炸豆腐好軟滑，熱辣辣，好味。白豚拉麵，湯底都係味精重，麵都可以，肉都鬆軟。

燒雞扒奄列咖哩飯 單叫48蚊 跟餐58中午見到依間野幾平，門面又幾乾淨企理，就入左去試下啦。因為依排窮所以點左個最平既，48蚊有個午餐食都不錯，仲有個湯飲同栗米沙律小食送。個燒雞扒奄列咖哩蛋飯味道不錯，日式咖哩不辣，有少少甜味同埋咖哩香味。燒雞扒份量多，雞皮好脆，個奄列好滑，飯都幾多，女仔食既話可以叫佢少飯。整體來說午市好抵食，味道還算不錯，性價比好高。再睇返晚市原來都係80蚊內，有d 69蚊，好抵食。

依間日本餐勝在多選擇拉麵 烏冬 蓋飯 便當 壽喜燒 咩都齊又想食便當又想食壽喜燒最後叫咗個嫰雞壽喜燒鍋定食 跟飯🍚 ($68)其實功夫唔多 所以好快上到菜真係全部生材料放起個煲 加啲醬油湯就ok唯一好係佢足料👍🏻4大件雞起面 仲有成塊硬豆腐 配菜有娃娃菜 冬菇 紅蘿蔔片飯都一大碗味道黎講 雞好滑好嫰 少根 好肉地😋不過豆腐冇乜味 連豆腐味都食唔出菜就超級吸汁 勁入味湯底味道ok 少鹹 食完口乾 係咁飲水飯唔係日本米 遍硬身服務都唔錯 不過不失啦

今日放咗工又來到此開餐，當然搵下午茶餐是最抵食，幸好趕到530pm前來到，阿妹都讚這間咖喱吉列朱扒飯都幾好食，我剛好前兩天在此食壽喜燒，今次決定食番個咖喱飯下午茶的吉列豬扒咖喱飯只售$38，另加了小食點了個廣島炸蠔($22)，前者雖然個飯份量晤多，但對我就已經夠食，吉列朱扒都好香脆，豬扒都爽口，咖喱汁濃郁美味，有些甘筍、薯仔等，讓吃起來口感更豐富，而小食令人最有意外驚喜，即炸真是熱辣辣，咬下有蠔肉的水份，味道鮮甜，再蘸沙律汁份外滋味套餐配有一個沙律及麵豉湯(或飲品)，沙律是芝麻汁的凍食粟米，再喝一口麵豉湯已經讓我捧腹而回，下午茶連加一只是$66，所以食下午茶都是最抵

適逢放假日子，午市時份走到屋企樓下附近的新都城2期食飯，今次試下食《麵屋豚豚拍子》，午市的選擇都很多，有拉麵、定食、咖喱飯、壽喜燒鍋等……價錢由五十幾元起，都好抵食妹妹選擇了午市自選拉麵套餐$69的《泡菜拉麵》，選擇了扎幌的味噌湯底配粗麵，配搭小食北海道南瓜炸薯餅，叉燒都大大塊，湯底濃郁，粗麵的口感煙韌，炸南瓜餅外脆內軟，蘸沙律醬更是滑溜我就想食火鍋，選擇壽喜燒鍋午市定食，豚肉辛味屋鍋定食$65，有娃娃菜、紅蘿蔔、金菇、豆腐、豚肉等，配料仲有碟辣味泡菜及烏冬，湯底鰹魚湯，味道帶點香甜，湯底滾起後，豚肉都好快熟透，烏冬端上來時已經煮熟，滑溜煙韌，餐飲另加$3要熱奶茶，奶茶是捷榮，茶味一般，有點晤夠熱服務方面個別的店員的招呼都好細心，斟茶收碟都做足，環境都好舒適，有沙發位 ，整體食物水準不錯，都抵食

同朋友行行下街 大家都有啲肚餓 咁岩經過呢間豚豚拍子，見到啲下午茶餐都幾平，選擇種類多，所以就決定入去食個下午茶我地去既時段 唔駛排隊就入得，店入面環境幾寬敞赤豚拉麵 ：碗拉麵一黎到就聞到好香，食落口辣辣地，幾惹味。但食到最後會覺得有少少咸有三塊豚肉，但都略嫌有啲乾漢堡奄列咖喱飯：呢個set連埋個小小沙律 同埋熱飲，今日個沙律系粟米沙律 飲品我就要左熱奶茶。個咖哩太甜，雖然日式咖哩系甜既，但呢個系太甜！一啲咖哩味都無。漢堡有兩舊奶茶系奶味偏重個種枱面有七味粉 蒜蓉 可以加 如果覺得唔夠味都唔怕

今日去食晏，埋單嗰陣用儲左好耐嘅印仔卡去扣錢，點知！...1 印仔卡要先redeem張coupon，同時間今日又唔可以用，(我D印係之前儲落，唔係今餐飯得返嚟) 2 如圖所指，我要兌換90蚊，收銀阿姐話唔係，係換3張30蚊，食100蚊可以用1張咁我駛Q儲到90蚊先用呀？我一早扣左佢啦全張印花卡冇一處有寫上述條款，我問阿姐咁我點會知道要預先兌換，而且30蚊30蚊咁用，即係昆我啦～ 阿姐回佢地不嬲都係咁(怪在我上次食完問店員，係咪下次就咁扣就得佢答我係)而且佢地收銀處後面個位有放T&C講條款，即是我要埋單先會有機會見到張T&C而知道唔用得(係放收銀員身後，唔係你面前個位)，但當初飯已食完，唔通唔俾錢咩～咁就中左招，以為可以扣到90蚊，原來唔得幾十蚊我仲俾得起，當買個教訓，以後唔會幫襯至於誰是誰非，我係咪西客，由各位自行判斷強調一聲，阿姐態度係ok，我投訴的是店鋪，非店員全文完

疫情影響，大家都少咗出街食嘢，變相好多餐廳都唔使等位可以直接walkin入去食今日難得有一日假，shopping shop到餓餓地，就諗住入嚟食碗拉麵。呢間餐廳平時幾多人，今日見有位唔使等就入去食個快餐之前有嚟過但未食過拉麵，所以我就叫咗個黑豚拉麵其實黑豚拉麵即係黑蒜油拉麵，其他配料都係例牌果啲，有兩塊叉燒，有啲荀同蔥咁樣。等咗10分鐘就有得食，應該都係即叫即淥碗麵份量適中，叉燒半肥瘦，唔會太肥又唔會瘦到痴牙啲木耳份量幾多，好健康。我最鍾意嘅蔥都好多下最緊要係個湯底好濃，啖啖都三分二湯加三分一面，大滿足