麵屋豚豚拍子 x 辛味屋 (已結業)

老實講，呢間野我第一次去食真的使人失望，我見到嗰間鋪頭都幾光猛，又唔係算太多人，中午12:30鐘左右，於是入去試吓，點左個咖喱雞扒蛋包飯，首先個蛋包飯令我失望，因為蛋包飯唔係就咁一塊炒蛋皮冚在飯上面，而應該好似一塊奄列整整咁包住晒，而佢個炒蛋皮，唔夠滑，太鞋口第二，佢個雞扒好明顯業唔夠耐，淡茂茂。另外我朋友叫咗吉列豬扒飯，啲豬扒外果層皮太厚，一樣都係麻麻哋。只能講啱晒啲學生哥冇咩錢去食，但佢啲嘢唔係平。

見有服裝連鎖店減價， 就同阿媽去新都城行街食晚飯，shopping 出血， 食飯便選擇一些比較經濟實惠的餐廳。 見到這間日本餐廳門面吸引， 再看一看餐牌， 價錢實惠， 就食你啦這間餐廳真的有很多選擇， 主打有拉麵、壽喜燒、咖哩飯和定食。 花多眼亂最後決定食拉麵和壽喜燒。牛肉壽喜燒($75) 配料豐富， 主角牛肉不算太肥，豆腐，菇菌和紹菜不少得， 還有生雞蛋和烏冬， 壽喜燒湯底是鰹魚汁， 味道微甜不太鹹， 整體感覺良好又十分夠飽黑豚拉麵餐($94)， 餐廳並不是拉麵專門店， 但拉麵比想像中好吃， 大量爽口的木耳配三片厚身的豚肉， 拉麵是幼身煙韌， 湯底有濃濃的黑蒜味。小食要芝士年糕， 超愛這一款小食 芝士年糕帶有溫度，煙韌的年糕夾有軟身香口的芝士還點了燒多春魚($28)， 新鮮炸起，要趁熱口才會皮脆香口當然還少不了健康的芝麻沙律 ($38)， 少少一碟的沙律有不同的配料， 粟米、蕃茄、青瓜、生菜絲， 新鮮爽脆。在大型商場內， 晚市有這麼親民的價錢， 不錯的食物質素， 性價比都幾高㗎

見到呢間餐廳有好多選擇，咖哩、牛丼、拉麵，壽喜燒都有，就去試下啦！入到發現原來有2人set，都算抵，2個飯/拉麵，再加4款小食，仲包飲品。我飯其中一個揀左鰻魚飯，需要加$10。成餐飯都係$306，其實咁多食物真係平滑蛋豬扒飯鰻魚飯: 我覺得唔夠多鏝魚汁，但都好味。飯唔會好dry呢個小朋友好鍾意食餃子: 入面大大舊肉雞軟骨+雞翼 : 呢個ok la，但再食的話唔會叫呢個。雞軟骨正常啦，雞翼背部燒到太燶南瓜薯餅: 好食，唔厚粉又夠脆Asahi唔洗加錢

今日入去係食晚飯。人唔算多，等位等咗5分鐘左右就可以入去。環境算幾大，座位間隔算闊落，燈光充足。我叫咗一個咖喱吉列魚柳飯餐，個餐有嘢飲同沙律。沙律係粟米番茄沙律，配胡麻醬，我覺得個醬可以落多少少。飯方面，個汁份量夠晒撈飯，啖啖都係汁，好正。魚柳炸得唔錯，個皮唔算厚，感覺魚肉幾新鮮無乜雪味。我再加多個自家製餃子。餃子係煎的，size唔算大，但皮薄餡靚，幾有口感。嘢飲方面我無要到麵豉湯，加咗幾蚊飲汽水因為要解辣。

呢間餐廳幾特別，又可以壽喜燒，又有咖哩又有拉麵，又有串燒，定食。所以就食呢間大家都揀到想食既野。咖哩豬扒飯：咖哩幾香吾辣，炸豬扒太多麵包康，食落好硬吉口，粉較厚，吾熱但脆既。。海老拉麵🍜好多櫻花蝦係面，好香。麵係幼身無梘水味，湯底都好濃味壽喜燒：普通，幾片牛，豆腐同菜，無乜特別燒牛舌：好薄，吾夠熱又無乜味南瓜薯餅呢個好食，脆微熱好香雞亦雞軟骨串每款2品，個味好似就甘燒無醃製過，有檸檬可以加上去。。其實呢度食野都吾貴，種類選擇又多，多卡位，舒適坐。。但大部分食物吾夠熱應該都係預先整好。。

好耐無喺新都城二期食飯，今日同契女出街玩，經過見到呢間新開餐廳，好朋友話入黎試下😁我地2個都叫左滑蛋豬扒飯炸豬扒ok，炸漿同豬扒唔會散開但有少少硬👌洋蔥好生，醬汁多但好浠好淡味☹️價錢雖然唔貴，但唔好食👎喺商場有大把選擇下，我下次唔會再食呢間😥

最近交通唔方便，好少出區外食嘢，今日就嚟咗屋企附近搵食通常食日本野一定就係最穩陣嘅，店內裝修幾簡潔。餐牌嘅選擇都好多唔單止有拉麵，仲有咖喱飯同蓋飯，小食嘅價錢都相當合理。我哋叫咗個自選二人套餐，包括任選兩款拉麵或飯同埋配三款小食，都係200零蚊，喺商場來講個價錢真係好難得。我叫咗店入邊推介嘅招牌牛油拉麵，拉麵上配有塊牛油（太心急想食唔記得影），撈完之後個湯底即刻變得好有奶油香，口感creamy好多，面質非常彈牙亦都好掛到湯，食完好滿足。我朋友就叫咗個豬軟骨拉麵，豬軟骨好入味，仲配有兩隻流心蛋，好足料。小食方面叫咗個吉列魷魚圈，炸到表皮好甘香，食落好香口，唔介意熱氣食既一流。炸豆腐嘅時候表皮好薄，入面又好滑嫩。最後就係燒雞翼同埋燒雞軟骨啦，無咁熱氣又好惹味既選擇。俾咗二百幾蚊就食到成枱都係嘢食，真係超級抵食呀。

麵屋豚豚拍子 x 辛味屋開業了一段時間這個星期六的晚上見到候位的人不算多，就來試試吧！menu上的菜式選擇都多主食和小食都有充足選擇於是我和老公點了較為便宜的一款二人餐$208包2款主食及3款小食～～有些主食需要額外加錢，例如我們選的鰻魚飯及黑豚拉麵就分別加$10及$15北海道南瓜炸薯餅，南瓜薯餅夠鬆脆，不油膩南瓜餡夠香甜！炒魷魚鬚，魷魚鬚的質感爽脆味道帶點生薑燒的味～幾惹味！燒牛舌，是三款小食中相對遜色的一款牛舌太薄身，沒什麼咬口之餘，還有點乾身牛味不算好濃...鰻魚飯，鰻魚燒得夠香，厚身肥美，不會太油，份量都算足夠鰻魚汁香濃而不過鹹，只是略嫌少了一點飯不會過濕，算是不錯～～黑豚拉麵，豬骨湯底加上黑蒜油，味道香濃配料亦算豐富，有叉燒﹑木耳﹑筍，叉燒軟稔，木耳及筍爽口拉麵麵質軟硬度適中～～整體而言，食物質素都屬中上水平唯獨燒牛舌略為失色應該間中也會光顧一下～～

寶琳看似好多野食，但有時真係揀唔落手，唔知可以食咩。呢間野雖然唔起眼，係商場既盡頭。而佢有一人一鍋既壽喜燒鍋，價錢唔會比xx家貴好多，而且d牛肉新鮮好多，菜又多d，值得一試。佢仲有隻生蛋比你，等水滾最後仲可以打蛋花。佢係同另外一間拉麵屋合作，如果同行既人唔鐘意打邊爐，可以叫拉麵或者咖哩飯，而佢既拉麵都好食，又唔算好貴。.另外，環境都算闊落，見到好多一家大細黎食。如果係寶琳唔知食咩既時候可以黎試下。

路過呢間好多次不過第一次試～6點食dinner太早了所以餐廳唔多人豚骨湯拉麵雖然好多拉麵湯底都好好味，但我最愛既始終都係豚骨湯底。拉麵不過不失，叉燒好冧，再肥少少就更好，湯底我飲哂呢咖哩豬扒蛋包飯。豬扒粉漿略嫌厚左少少，大路既日式咖哩，蛋我覺得熟左啲啲。牛油粟米又幾好食喎！晚餐黎講都算抵食丫，仲有30蚊coupon送添，下次可以再幫襯

豚豚拍子 x 辛味屋首先，點解係「乘」呢？其實即係同一間舖可以叫到兩間舖既食物，豚豚拍子主要係食拉麵既，而辛味屋就係定食類為主，適合想食唔同日式食物既食客。平時去食拉麵既食店，真係除左拉麵冇其他野可以點，今日難得有兩類日式食物可以點，就每邊都點Ｄ黎試下。分別點左親子蓋飯、招牌牛油拉麵、餃子同埋豚肉壽喜燒鍋定食。好快上齊餐，全部都熱辣辣，親子蓋飯都係定食黎，有埋小食（粟米）同埋麵豉湯跟埋，個麵豉湯份量都幾多，親子蓋飯即係滑蛋雞肉蓋飯，Ｄ滑蛋比一般食既親子蓋飯混得比較入Ｄ雞肉度，令雞肉個口感都唔同左。牛油拉麵個湯底本身都好好味，等舊牛油溶左之後多左陣牛油香就更好味，碗麵既份量比我想象中多，差Ｄ食唔哂。壽喜燒鍋個湯汁好濃味，正！豚肉質素都唔錯，烏冬更加係靚烏冬，食完Ｄ料落烏冬，Ｄ湯岩岩好煮完仲有得飲。個餃子應該係我食過最豐富既餃子，咬落去好足料，漲卜卜咁。總結各樣食物都唔錯，價錢中等，地點就腳，可以多食！

最近發現喺寶琳嗰邊開咗好多新嘅餐廳，真係好耐冇行過依一邊！今晚好想食下日本定食，見到一間餐廳款式好多，又有飯又有烏冬又有拉麵，二話不說就入咗去試吓啦😊😊😊😊佢同時間都有晚市套餐，款式好多😊😊😊😊朋友叫咗晚市自選拉麵套餐，好多選擇㗎😊😊😊😊佢揀咗個黑豚拉麵，配餃子🥟湯底算濃郁，麵質亦都適中😊😊😊我就叫咗個自選烏冬套餐 ，炸雞塊咖喱烏冬 湯底可以改豬骨湯底😊😊😊😊另外再叫多個燒油甘魚餃，非常滿足❤️記得一定要加蒜蓉呀！

🐷🐷🐷🐷▪️黑豚拉麵套餐 ($84)黑豚拉麵湯底香濃，食得出並無刻意加味精，真係由豚骨烹製而成，價錢上比起轉做拉麵嘅專門店便宜得多，但質素上絕對拍得上某啲日本過江龍嘅拉麵店🥰 麵條幼身又彈牙，叉燒肥瘦參半，overall表現出色。但炸雞嘅炸皮比較厚，除此之外呢個套餐都冇咩好挑剔嘅地方🙆🏻‍♀️〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️照燒雞扒漢堡扒便當餐 ($79)由細個開始就對日本嘅便當有種情意結，覺得日本人pack得好靚，令人好有食慾🤣 便當包含粟米粒，椰菜絲，蛋黃醬，燒雞扒，漢堡扒同埋飯。款式上可以話應有盡有，燒雞扒表皮較脆但肉質比較乾身，所以我會點蛋黃醬食。漢堡扒Juicy入味，兩種配搭得唔錯。〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️燒雞扒奄列咖喱飯 ($68)燒雞扒同邊個入面係一樣嘅，優點係表皮香脆缺點係肉質比較乾身。奄列蛋煮得幾滑，而咖喱汁嘅味道比較普通，係不過不失，價錢比較便宜嘅選擇🤔〰️〰️〰〰️️〰️〰️〰️3/5🐷〰️〰️〰️〰〰️️〰️〰️🔸Overall ($239+1)📍麵屋豚豚拍子 x 辛味屋 (將軍澳)將軍澳貿業路8號新都城中心2期2樓2003-5號舖

今日同媽媽橕枱腳去食個lunch，大約12點到都已經有唔少人坐左係入面，有小小比較日式既卡位。食物方面媽媽叫左咖喱吉列豬扒烏冬，佢地係用讚岐烏冬，咖喱湯底唔算杰身，頭一啖覺得味道剛好，連烏冬都吸到咖喱味，食多幾啖就覺得唔夠濃味。吉列豬扒炸得好脆，配上酸味較重既沙律醬，味道還可以。我就叫左燒牛肉蓋飯，賣相同吉野家牛肉飯類似，牛肉份量不少，雖然肥瘦適中，但係口感好硬，醬汁都好淡，比較失色。2個定食都有碟粟米，加左小小芝麻醬，味道不過不失。

同朋友第一次過黎新都城行街搵野食發現呢間豚豚拍子x辛味屋店舖好大好新淨 最緊要夠多位 適合朋友情侶大班朋友同事👪👬👭食物都好多款式揀 拉麵 炒飯 邊爐 小食最後揀左日式麻婆豆腐飯 （有相） 原來日式都有麻婆豆腐 可以轉烏冬/珍珠米 仲叫左炸蝦 炸芝士餅個芝士餅係出奇地超級好食！！ 真心會食上癮！朋友食左個鰻魚飯（唔記得影相） 鰻魚好厚身好好味同餐牌相片一樣，食完真係會飽好滿足！總結：店舖感覺很好 食物有質素且價錢合理👍會回購 ！！