麵道 (已結業)

之前麵道推出左期間限定和牛拉麵，但因為太受歡迎食唔到😭。今次麵道出左另一款期間限定，又係好吸引😻，就係極邪惡既芝士白玉拉麵喇。芝士白玉拉麵 $108雖然呢個拉麵冇幅宣傳圖咁靚，但個芝士湯真係好正，好濃厚好creamy😛，而且面頭仲有啲半溶芝士，令個湯底更加更濃郁。如果你覺得仲唔夠，可以俾多$18追加芝士，但個人覺得本身個芝士已經好夠做唔加都得。麵質應該係普通，唔算太硬唔算太軟，而蛋亦都做到流心，同埋另上唔洗俾個湯浸到熱曬，唯一美中不足既係蛋既外型有少少凹凸不平，應該係剝得唔好。另外都想讚下塊叉燒，有兩大塊而且肥瘦適中，仲要係熱既，但有少少易散。味道：4/5環境：3.5/5服務：3.5/5價錢：4/5整體：4/5麵道地址：沙田石門安群街3號京瑞廣場第一期地下G1 號舖

肚餓路過石門，亂入左呢間拉麵店醫肚！湯底有驚喜！😎1️⃣雞叉燒糖心蛋雞白湯拉麵 （$80）雞味濃郁嘅雞白湯，濃度感覺上用上大量鮮雞熬製而成，但一啲都唔油膩！除咗食掛住湯既麵條，真係會忍唔住飲湯！😆叉燒都好軟嫩，肥瘦又適中～同埋麵幾大塊！2️⃣旨味鯛白湯拉麵配慢煮雞肉（$86）濃厚忌廉泡沫鯛白湯，好鮮味，同樣充分掛喺直身麵條上，真心好味！👍🏻‼️呢款拉麵係期間限定，鍾意魚湯既朋友要快啲去試下～

石門曾經是個沒有食物的沙漠，但近年開了商場後，變得十分繁榮熱鬧。這裡有著很多各式各樣出名的餐廳，有著不的特色和風格。今天來到一試這間拉麵。它的價值可不是便宜，但也人山人海的，所以便決定一試。我點了一碗特盛叉燒溏心蛋伊勢海老拉麵，除了叉燒和溏心蛋外，還有一些小配料，增添拉麵的吸引度。叉燒有兩大片，偏去多肥肉的，不會太瘦，所以吃起上來不會太乾身難咬開。而拉麵吃起上來彈牙，不會黏著牙齒。湯底濃郁可口，不會是很淡很水的湯。

真係諗唔到石門原來有好多嘢食石門地鐵站一出已經有一間好嘢就係拉麵店laaaaa入邊地方唔算大但裝修得幾靚因為好肚餓嘅關係有好多樣嘢都想試所以叫咗勁多野見到佢而家推出味玉芝士白玉拉麵額外加咗一份馬蘇里拉芝士跟餐優惠柚子味蓮藕片芝士羽根餃子鍾意芝士嘅人一定要試吓呢一款真係超多芝士仲要佢哋係基本芝士撈埋一齊芝士令到雞湯更加濃味仲叫咗特盛雞叉燒味玉雞白湯拉麵鍾意雞湯味嘅人呢就應該要試吓啦佢哋係嗰雞湯未係去到粟米湯嗰種但係香味同埋鮮味都好好而且上面嘅雞肉超級之滑另外拉麵都有糖心蛋大大隻， 好味小食叫咗幾款覺得都幾新穎因為之前未見過天婦羅入面係雞嘅燒汁天婦羅無骨雞翼芝士天婦羅無骨雞翼唐揚炸雞桃子梳打蜜瓜味碳酸飲品最後埋單三百五十幾蚊左右

今日嚟到石門食拉麵，鍾意濃郁味道嘅我就叫咗兩款湯底比較濃嘅拉麵😋味玉芝士白玉拉麵鍾意食芝士嘅我梗係追加咗芝士喇，入口芝士味超濃郁，係芝士濃湯拉麵啊，啱晒芝士控🧀🤣叉燒味玉伊勢海老豚骨湯拉麵，呢個湯鮮甜濃郁，飲到有頭蝦殼煲出嚟嘅味道的味道，幾鍾意個湯底，麵質叫咗個硬身麵，咁就可以慢慢食，唔怕食到最後個面會淋左。小食叫咗炸蒜同燒汁天婦羅無骨雞翼，全翼都係$18幾抵食。🤣👍🏻👍🏻👍🏻

放假去大圍踩單車朋友介紹話呢間拉麵好食所以我地專登兜入去石門食😂星期一2點半左右下午茶時段會送汽水之餘仲送炸雞或者餃子呢日就送炸雞本身想試辣肉味噌可惜無哂最後揀左伊勢海老豚骨$90揀左硬粗麵再同朋友share加點左一份雞叉燒 $18炸雞先到 有三大舊熱辣辣 旁邊仲有辣醬炸雞高質 外面勁脆但肉質唔乾調味啱啱好 唔會過鹹值得單點海老豚骨本身係配豚肉叉燒既面頭既蝦油好香可能蝦油太搶鏡 唔係太試到豚骨湯底本身個味但係成個湯配搭係好食既呢度既粗麵 係曲身既 辛辣麵嗰種粗幼溏心蛋完整一隻 好食 熟度啱啱好豚骨叉燒入味 屬於偏肥嗰種滿足到我呢d重口味派雞叉燒一份有2塊 肉質嫩 不過味道比較清淡 似食緊普通雞扒我鍾意豚肉叉燒多d女仔一個食一碗麵已經夠加埋炸雞雞叉燒 我真係飽到上心口食完繼續踩單車🚴‍♀️ 題外話：間鋪真係每枱食完後用消毒劑清潔張枱先俾下一枱客 （疫情之下 呢d位真心加分）

💛勁creamy雞白湯拉麵🍜每日限定發售✨▫️呢間係位於石門嘅麵道，近期推出左每日限定嘅溏心蛋芝士豚骨雞白湯拉麵🍜($114)，佢地嘅雞白湯係熬製左12小時以上，湯底好濃厚，配上三重芝士勁濃郁，半溶芝士令湯底更加稠身！十分掛汁！仲可以加多$18追加芝士添！好邪惡呀！而芝士嘅火炙味好香，面頭灑上左紅椒粉，令整體湯底嘅味道更加突出！😍而面底冇得揀軟硬度，軟硬適中，溏心蛋做到流心嘅效果😋但略嫌叉燒偏鹹。▫️特盛雞叉燒溏心蛋雞白湯拉麵🍜($90)湯底揀咗特濃湯底，好香雞湯味，味道好突出！！😍▫️燒餃子🥟($25)餃子都幾多汁！唔錯！▫️地址：麵道 (沙田)沙田石門安群街3號京瑞廣場第一期地下G1號舖▫️為食指數:8.5（10分為最多)抵食指數: 7

🍜辣肉味噌叉燒溏心蛋醬油豚骨湯拉麵🐖$86 （7.5/10）⁣劈頭第一啖飲左個原味豬骨湯先，好純粹嘅豬骨香味唔油🤪，咸淡岩岩好，好滿足。⁣但撈左辣肉醬會變左擔擔麵味，豬骨味就蓋左過去，下次都係食原味豚骨湯好了🌶。⁣配料同麵質不過不失，只係一咬開粒蛋見到蛋黃好紅有啲嚇親🥚。⁣⁣🐔特盛雞叉燒味玉雞白湯拉麵🍥$90 (8/10)⁣湯底係香濃嘅雞鮮味但未至於超濃厚🥸🥸，有少少類似媽媽燉濃雞湯嘅味🤣🤣🤣，入口好順滑，雞香味係口腔遊走。⁣配料有筍、蛋同大大件連皮雞髀， 雞肉有少少韌～但份量幾多！⁣

之前係石門做野，成日經過石門站，對出有間拉麵叫麵道，都幾印象深刻，睇落都係幾正宗個D黎。咁岩今日佢地做緊和牛祭promotion，做問卷送飛驒和牛粒，一於就試下啦。入到舖內，店員都好熟練咁用日文講歡迎光臨，店面有吧枱同普通餐廳枱，有好多燈籠同日文poster，好有日本地道氣氛。我都算半個和牛控，佐賀和牛整嘅開運雙牛拉麵每日限定15碗，好好彩咁成功叫到當日最後一碗。和牛粒同拉麵都係即叫即整，開放式廚房睇住店員料理都係一種樂趣。同店員傾開先知，原來而家日本和牛做到非常高檔次，每塊和牛都有番D QR CODE俾你SCAN到來源同特色，食客對店家品質更加有信心。店家亦有七味粉同胡椒粉提供，亦都可以問佢地拎生蒜。和牛粒首先上場，鐵板煎香再用火槍梅納效應封住表面，加上炸蒜點綴。牛粒咬開多汁，肉身軟嫩，油脂香配上炸蒜非常可口。然後就到佐賀和牛拉麵登場啦！成個擺盤都幾精緻，有咩配料一目了然。呢款拉麵湯同麵分開上，因為和牛太熟會影響質感。熱辣辣嘅牛骨湯一倒，生和牛片就燙成迷人嘅粉紅色，和牛香味即刻四溢。試啖牛骨湯，牛味重，濃香帶少少甜，加埋岩岩整嘅蒜泥入去就大功告成。和牛大大塊入口即融，個種油脂香味真係

Seems like I am eating in Japan 🇯🇵 The 拉 noodles are fabulously yummy 🤤 It was surprised I found this shop in Sha Tin~To begin with, the hygiene here done very good👍🏻 There is notice that we need to hv hand swap before getting into the shop.Beef noodles, 半生熟，very mouth-watering 😋 with soy sauce added, the taste is better you imagined (限量發售，每天只提供15碗，好彩我地有份食，just cost $128, 但味道超出想像）豚肉拉麵，今次我地揀左幼麵，彈牙爽口👍🏻👍🏻recommended 😊must give it a try !We finally ordered the cheese dumpling 🥟 the taste of cheese

一向呢都聽聞石門呢度呢非常之多嘢食啊，今次呢我就同朋友準備去野餐，野餐之前呢我哋就嚟咗石門食日本嘢，我哋呢就揀咗一間非常之近石門火車站嘅拉麵店。我呢見到呢個宣傳單張呢，二話不說呀就俾佢吸引咗我，我就叫咗佐賀和牛濃厚牛骨湯拉面。拉麵上到嚟，店員會即刻幫你倒湯，和牛係熱辣辣嘅湯入邊呢就會開始熟。牛肉非常軟身、厚薄呢均勻。至於個湯底非常之入味，唔會太油膩，亦都係有非常濃郁嘅牛骨湯味。朋友叫咗叉燒溏心蛋伊勢海老豚骨湯拉麵叉燒唔會太肥啦亦都唔會太瘦啱啱好，而呢個Etoner除咗有豚骨嘅眉之外呢仲有蝦嘅鮮味，非常之鍾意呢一個湯底啊，亦都非常推介比鍾意蝦嘅朋友呀。小食方面呢有炸雞鎚同埋柚子味蓮藕柚子味蓮藕酸甜酸甜，呢非常清爽啊一解炸雞嘅油膩。

難得早放工就梗係去食餐好，去到石門揀左呢一間拉麵店，麵道🍜🔸開運雙牛拉麵(佐賀和牛濃厚牛骨湯拉麵)見到隔離枱食緊超吸引😍牛年食返碗和牛拉麵先😝熱湯係另外上嘅，可以同靚靚和牛影左相先，再落熱湯，睇住佢變熟好治癒😆和牛油脂分布好靚，十分柔嫩。湯底好濃嘅牛味😋估唔到呢度嘅拉麵用咗粗麵，軟硬度適中！店員話有和牛祭送和牛粒活動😚影低開運雙牛拉麵打卡 #GetWagyu Scan QR code填左份問卷，就有A5飛驒和牛粒粒😍咁簡單，就即刻填份問卷拎咗呢碟和牛粒粒😝和牛粒好厚身，無咁多脂肪，但一咬落好多肉汁勁juicy😋 和牛祭優惠至到28號啊🙊🙊有興趣真係要試試佢🐮🔸特盛叉燒溏心蛋伊勢海老豚骨湯拉麵🍜🦐湯底有龍蝦頭、蝦殼、蝦膏同埋蟹子加入豚骨煮成，真係好香，好濃郁。叉燒燒得好香，不過比較多肥膏。呢一碗有完整一粒溏心蛋，仲有兩粒小雲吞🤣喺日本食過一次拉麵都係咁😂🔸芝士餃子🥟加左芝士係面頭，一夾有拉絲效果，煎到其中一邊好香脆。

沙田石門越黎越多好西食今年見未食過拉都，近近地就去左呢間，又唔錯喎依家做緊呢個和牛祭睇落好吸引打個卡同做問卷就可以送Ａ５飛驒牛，可惜我去果日送晒仲有都幾抵食既小食追加優惠佐賀和牛濃厚牛骨湯拉麵呢塊和牛真幾靚，脂肪分佈幾平均呢個拉麵特別之處係佢湯同麵係分開上咁係為左唔好令塊和牛過熟，幾貼心將和牛浸到半熟就最正，入口即溶，牛味香濃牛骨湯牛味勁香濃，配埋黎食一流拉麵麵身都唔錯流心蛋唔會過熟，食落ｃｒｅａｍｙ，蛋味香濃特盛叉燒味玉伊勢海老豚骨湯拉麵呢到叉燒特別之處係佢比一般日式拉麵店更焦香龍蝦豬骨湯底味道又鮮甜又香濃柚子味付蓮藕片、炸池魚、提子味梳打呢幾樣係套餐跟既，都唔錯蓮藕片好爽口，仲有好清爽既柚子味，食完好開胃炸池魚亦炸得幾脆

之前食過佢雞湯拉麵，好驚艶，今日見出左新款開運雙牛拉麵（$128），主打和牛，今年牛年梗係要支持下！見到和牛雪花好靚，油脂均衡😍😍，湯係另一個容器度另上，店員會幫你倒落去，因為啲湯夠晒滾熱辣，啲和牛即刻熟之餘，又保持鮮嫩口感，試吓湯底先，係好清甜既牛味湯底！至於拉麵係比較粗闊，食落煙韌有口感。特盛叉燒溏心蛋伊勢海老豚骨湯拉麵（$100）呢款拉麵就幼身同軟淋啲，湯底味道都比較濃烈，微辣。叉燒肥瘦均勻，仲有個蛋香濃郁既減心蛋！試埋小食炸雞跟啤酒，炸雞整得幾出色，食質保持鮮嫩同juicy,好味😋

今日同屋企人去換身分證，順便喺嗰度食埋lunch。見到有間拉麵店，橫掂好耐冇食拉麵所以就入咗去食。見到佢有個和牛祭，好似好吸引咁，所以我同朋友就叫咗一個開運雙牛拉麵同埋特盛叉燒糖心蛋醬油豚骨拉麵。我哋再加$38叫咗個小食套餐，包飲品、一個前菜同埋一個小食。前菜方面我哋叫咗個柚子蓮藕片，佢酸酸地幾開胃，同埋佢柚子味幾濃！小食我哋叫咗個炸魚仔，佢炸得好鬆脆，同埋食落去啲魚好鬆軟簡直係外脆內軟。個和牛拉麵係用佐賀和牛，食落去入口即溶，係好幸福嘅味道，霜降均勻，牛同脂肪嘅比例恰到好處。我係咁飲佢個湯底，因為個湯真係充滿牛骨味道，喺出面好少飲到咁好飲嘅湯，真材實料。朋友嗰個叉燒拉麵都唔錯，佢係用日式細麵麵條，啲麵條充分吸收左豬骨湯嘅味道，好索汁！