麵道 (已結業)

平時都唔多機會去石門，今次就因為上堂而去到石門，估唔到呢邊都幾多嘢食，喺地鐵站一出嚟就見到「麵道」呢間拉麵店，睇落幾吸引就入去試吓😍味玉伊勢海老豚骨湯拉麵 $93拉麵湯係以豚骨湯為底，以蝦油及少許辣醬調味，味道濃郁，蝦油味強烈，適合重口味人士！我揀左粗麵，口感更得我心，拉麵份量較多，叉燒肉質好嫩，唔會太肥。有兩粒餃子仔收埋咗喺拉麵入面，好似發現寶藏咁🤣博多味玉豚骨湯拉麵 $83豚骨湯頭口味較清，唔會油膩，朋友既口味會偏向鍾意幼麵，會比較掛湯，幼麵煮既時間剛好，軟硬度適中。呢一款會更適合淡口味朋友仔！滿腹套餐 $25加$25就可以加一個小食同一款飲品，我地就加左羽根燒餃子 (三件)同唐揚炸雞 (三件)，餃子係普通既豬肉餃子，但欣賞佢地呢個煎法會整到個脆卜卜既底，即刻加左唔少分。唐揚炸雞外皮微辣惹味，配埋辣醬食就更加出色，記得趁熱享用🙈麵醬青瓜 $18青瓜解膩一流，同行朋友食到停唔倒口🤣🤣整體來講，食物質素高，而且服務態度良好，職員會講下建議食法，又會幫手較下冷氣，怕客人會覺得熱，一個可以享受優質服務既環境真係好加分，推介！

石門係作為新界人既我地經常會去覓食既地方~今日就試下依間港鐵站一出唔洗10秒就到達既拉麵店 - 麵道！一入店舖就覺得好有日本拉麵店既風格，掛住大大塊牌坊同紙燈籠餐廳提供左不少款式既拉麵可以選擇，滿足唔同客人既口味而且每一款都好吸引呢！黑松露蜆貝醬油湯拉麵店員送上拉麵既時間已經可以聞到好香既黑松露味呢！急不及待先試一啖湯，黑松露香而不會過濃郁，有Ｄ人會擔心黑松露味太勁，但依度就做得岩岩好！因為有蜆貝所以湯底亦帶有鮮味蜆貝份量都多，而且好大隻好新鮮！無太多既調味都好好味麵質簡左正常硬度，對我黎講岩岩好～都幾彈牙叉燒都好好味呀！帶有少少肥，完全唔會柴特盛叉燒味玉伊勢海老拉麵男朋友叫左依碗個名聽落夠霸氣既拉麵！果然名副其實，勁大碗呀！特盛叉燒有４大塊，每一塊都好大塊～淨係食叉燒都飽左一半，仲有一隻完整既溏心蛋湯底有好濃郁既蝦味男朋友叫左粗麵，佢話好配合個湯底，有掛汁既效果羽根燒餃子男朋友叫左套餐，小食簡左羽根燒餃子～餃子煎得好香脆，內裡仲保持Juicy總結而言一間非常不錯的拉麵店，位置非常方便，員工服務態度又好價錢亦優惠合理，拉麵既水準都係中上絕對值得一試

聽朋友講石門有一間拉麵好好食，成日有好多人排隊，今日終於得閒黎潮聖啦晏晝3點黎到都仲要排隊，不過好快就有得入座。雖然舖頭小小，但五臟俱全。叫左辣肉味噌味玉叉燒拉麵同特盛叉燒味玉海老豚骨拉麵。依家下午茶仲有每人一客餃子同汽水送添呀！我呢碗血池色既拉麵望落好吸引，雖然有辣油但一啲都唔油膩，而且上面既辣醬十分之濃郁。叉燒都好多塊！絕對值得一試贈送既餃子一啲都唔馬虎，好多餡而冊仲有汁滴出黎 另外再試埋天婦羅無骨雞翼同唐揚炸雞，二者肉質滑溜，唔會煮到太乾，食到二個人捧住肚離開

石門地鐵站附近的一間拉麵店，朋友介紀話鍾意食幼麵嘅可以試吓，去開嗰頭一於就試試😗·<博多雞叉燒味玉雞白湯拉麵> ʜᴋᴅ 83比起豚骨湯個人更鍾意雞白湯，所以去拉麵店見到有雞白湯都會試吓😆呢度嘅湯底濃淡、拉麵軟硬都可以自己選擇，我㨂咗濃湯配普通軟硬嘅麵🍜雞白湯好濃厚，質地微稠，隱約有種熟悉嘅味道，就係阿媽煲足料雞湯嘅感覺，當然佢更加濃🤭拉麵使用幼麵，聞落有少許碱水味但食落唔覺🤫本來都想叫特盛叉燒，但店員話唔夠雞叉燒了，所以只得兩塊🥲其中一塊帶一大塊雞片，食到好香炭烤嘅香味，雞肉質哋偏紮實，如果再嫩滑啲就好😉·<醬油特盛叉燒味肉豚骨湯拉麵> ʜᴋᴅ 93湯底一試就食到醬油嘅甘香，濃度適中唔會過膩😉叉燒切得較薄，肉眼睇以為肥膏位居多，但食落又唔覺，肉質已經好軟淰，帶有微微炙燒香味😋溏心蛋表現就稍遜色，蛋本身生熟度是偏熟但可以接受，覺得醃得未夠入味😕·<芝士羽根燒餃子> ʜᴋᴅ 28煎餃配上一大片芝士🧀記住要趁熱食芝士先可以拉絲呀，放涼之後就會凝固咗拉唔到㗎啦🙈·<柚子味付蓮藕片> ʜᴋᴅ 18蓮藕片保持到爽脆口感，酸酸甜甜好清新

石門呢間拉麵店出乎意料之外好食，4片超大塊炭火燒叉燒肥瘦適中，非常滿足食肉獸，入口融化香口🤤🤤係香港數一數二優秀嘅日式叉燒，喺我心入前一兩名😍😍味蛋有蛋味兼難得醃得夠入味，實屬驚喜！揀左伊勢海老豚骨湯，略嫌蝦味唔夠濃，但湯底唔咸，飲完都唔口渴，好好飲！而且湯底好多選擇，有雞湯、豬湯、蜆貝湯，好加分😋叉燒比出面啲沾麵大一倍有多，價格都平好多，又冇加一，性價比算高！另外，叫左個餃子，好特別，有一層薄薄嘅皮，好食🥟

🍴博多雞叉燒味玉雞白湯拉麵 HKD 83(Mozzarella cheese另加HKD 18)湯底係3款最清淡既一款🤭似淡淡地既忌廉湯 亦都有雞帶出黎既甘甜味🐓加左芝士就令整體食落口感更creamy👌🏻但味道就唔算太突出啦🙈可能加係啲辣既湯底到會更出色🧐🍴 雞叉燒味玉醬油雞白湯拉麵 HKD 83呢個同上面既其實就差在一個辣一個唔辣😂(而且辣度都係bb辣👶🏻) 咁就著重講下佢啲雞叉燒～每嚿都厚度適中🤏🏻帶有煙熏味之餘都幾嫩滑😬🍴味玉伊勢海老豚骨湯拉麵 HKD 93⚠️推介重口味人士之選⚠️雖然佢配料上連蝦米仔都冇粒 但係飲落係勁濃郁蝦味🥰食完亦都唔會好口渴 湯底應該落足心機去處理🙈而叉燒都係肥瘦均勻阿～～以上3個拉麵我地都加左HKD25 轉餐😬咁就有埋小食同飲品💁🏻‍♀️飲品都係樽裝茶就唔多講😂而小食分別揀左餃子 唐揚炸雞同天婦羅無骨雞翼🐓個人覺得3款最好食係唐揚雞 辣辣地個皮又夠脆 幾惹味👌🏻另外2款就不過不失 叫黎同朋友share都ok😛

《味玉醬油豚骨湯拉麵》HK$83 🍜兩大塊嘅炭烤叉燒肥美，食落有少少入口即溶嘅感覺，加上微微嘅焦香，可謂肥而不膩！湯底香濃醇厚，不過略嫌偏鹹；拉麵幼身，但亦爽口彈牙，掛湯力十足！煮醬油溏心蛋嘅時間同溫度亦掌握得好好，夠哂入味，夠哂溏心，正！🤤*《芝士燒餃子》🧀🥟燒餃子不過不失，特別在上層鋪滿咗香濃嘅溶岩芝士，芝士控必試！-特別服務💕：因應客人嘅需要，餐廳會提供新鮮嘅蒜頭同芝麻俾客人現成即磨。對於重口味嘅為食妹黎講，呢個服務真係好貼心！🥰

麵道地址: 沙田石門安群街3號京瑞廣場第一期地下G1號舖石門人一定有食過呢間性價高嘅拉麵店，特盛叉燒糖心醬油豚骨湯拉麵 🍜 $93，醬油豚骨湯啖啖都好濃稠，完美做到掛汁效果，而且飲得出落得好足料。麵質硬度適中，口感彈牙，掛湯口感好好。叉燒很大片，表面帶微微焦香🤭，多咗一份少少嘅火炙味道。

疫情嚴重其實真係少左出去食嘢，但真係日日煮飯煮到人都癲，一星期一兩餐出去食真係戒唔到，而且百業蕭條好多小店真係要我哋幫襯至撐得住，雖然一個人食量有限但做得幾多得幾多啦！今次叫左博多雞白湯同博多豚骨湯，個人其實偏愛雞白湯因為即使湯底偏濃厚一啲，都唔會有豬骨湯咁膩，但如果香啲既話咁的確豚骨湯係比較出色。雞叉燒做得不錯，有人可能接受唔到咁大塊雞皮，但有皮真係會香口一點，表皮仲有少少煎過既香脆，我自己幾中意；豚肉相對我覺得遜色左啲，比較柴同乾身，厚度都比較薄。麵係直身果種白身幼麵，我點了較軟身，整體口感我滿意因自己係比較中意依種拉麵多於太麵/曲麵身果種，但同行友人就不太欣賞依種麵了😅😅仲叫左炸雞、餃子，同無骨雞翼。炸雞我估唔到佢表面既粉漿已經帶微辣，因本人對辣椒敏感所以無食到好多，其實個人建議店家唔好整辣因為真係唔係人人食到辣架雖然佢對大家黎講既辣度應該好似黑椒同胡椒多啲既程度，但真係有啲人係一點辣都唔食得；餃子真心不錯👍🏻😌雖然都應該係來貨，但煎完到我口時咬落仲好有肉汁；無骨雞翼好食既不過我叫燒汁佢出左原味，試唔到我最想試的，整體好食，雞嫩有肉汁但唔算好驚喜整體來講還可以😌，比預期中好食的，

很久未有吃過拉麵，原因除了是天氣太熱的問題外，自己在香港尚未找到一間值得一去的拉麵店。但今次卻找到一間拉麵小店，其湯底的味道，令人眼界大開👀環境🌴因空間有限，餐廳的設計比較簡單：樓面的日式拉麵店的典型設計，木製桌面和座椅🪵牆上貼了不同日本漫畫的圖片，空酒樽吊在天花板上，凸顯出昭和時代的設計風格⛩食物🥟主要以售賣拉麵為主：除了拉麵必不可少的豚骨湯之外，餐廳還有不少精心熬製湯底，例如伊勢海老豚骨湯，它用香烤蝦頭、蝦膏混入豚骨湯精製而成，其他餐廳很難吃得到🦐另外，部份拉麵是每日限量供應的，例如蜆肉醬油湯，當日只提供20碗，先到先得🏃🏽‍♂️💨1. 博多豚骨湯拉麵🍜（$77）🔸 豚骨湯的湯底濃度選了中度，因此湯底不會很鹹，但品嘗到淡淡的豬骨香；叉燒燒至微焦，而且是半肥瘦，肉香很濃厚；不過木耳的味道較淡🤭2. 博多雞叉燒雞白湯拉麵🍗（$77）🔸 雞白湯經大量雞肉熬煮，但吃下去不覺得油膩；雞肉口感嫩滑，但味道一般；拉麵的麵條幼身軟腍，有咬口😋服務🤵🏼‍♂️職員的服務態度不錯，上菜迅速🏃🏽‍♂️💨總結😆拉麵最重要的是湯底：香港不少拉麵店供應的圍繞着豚骨湯、辛味湯、鰹魚湯等pattern，款式差不多。但這間

今日去咗呢一間餐廳食拉麵，同朋友介紹咗呢一間慢煮豬肩肉嘅拉麵俾我食，望落去成個湯底都幾吸引嘅，係非常濃厚嘅豚骨魚介醬油湯底！至於呢度嘅拉麵質地都算係幾有口感，豬堅肉就好薄，而且豬肉味道幾好！

石門站C出口一出就見到呢間麵道3點幾先去到去到得返豚骨湯同埋伊勢海老豚骨湯醬油豚骨湯拉麵$77加拉麵 $15豚骨湯用大量豚骨熬煮12小時以上豚骨湯味道濃郁經過可以一試味玉伊勢海老豚骨湯拉麵$93溏心蛋味道略鹹湯底雖說用大量蝦頭蝦膏熬煮而成但海老味道不重整體不過不失以下附上餐牌

平時放工經過總見好多人排隊等候，諗住應該唔差，而且我對個柚子湯有興趣，於是今日假日ot前去食個lunch。11:05去到「準備中」明明營業時間係11點開始，於是在京瑞廣場逛一會，等到11:20還是「準備中」，因為要上班關係就改食第二間，到放工才來食晚餐。7:30去到幸好無人等位，但一坐低職員就話小食只淨下餃子，雞湯底同蝦湯底都售罄，只好醬油豚骨拉麵。等左15分鐘，食物終於到，食完成碗麵有以下結論湯底：濃濃的豚骨味，不錯，唔會太咸拉麵：我選擇軟麵，但食落都係有點硬叉燒：肥瘦比例剛好，不過有點咸木耳絲：超出想像，完全無任何味道，比其他拉麵店的差太遠溏心蛋：食第一口一個字「咸」食第二口「好咸」食第三口「好似食緊豉油」滷得過份入味，咸到不得了，超後悔加左隻蛋總括係失望，我最愛吃的溏心蛋，竟然係最差

無論幾時都要等位，平日下午1:45左右到，前面仲有2位，等左15分鐘左右。醬油白雞湯拉麵加蛋-$83(3.5/5) 雞片係同叉燒片一樣切到好薄咁上，白溪湯排麵我tick 左要濃味，但出到黎味道都係偏淡。醬油豚骨湯特盛叉燒拉麵-$93(4/5)對比起白雞湯醬油豚骨湯濃好多，叉燒有再用火輕輕燒個邊，有炙燒既香味。總結： 佢又末去到覺得好好食至令人驚嘆，湯底好味但又末去到要再食，如果係石門念唔到食咩，都可以一試。

石門有好多小店 一出車站最搶眼係呢間拉麵店 夜晚6點幾都已經有一條小隊～ 【博多雞白湯】$77麵質同湯底都揀左普通～ 如果個湯底揀濃厚 應該會再creamy 同埋好適合掛湯！三塊雞叉燒 肉質嫩滑！外皮燒過 好香口！ 不過份量略嫌不足～利申：女仔🙈【醬油豚骨湯】$77三塊叉燒 再配上木耳絲 蔥花 好爽口！湯底唔太濃亦都無過咸！ 不過不失拉麵～【芝士天婦羅無骨雞翼】$26呢個一定要趁熱食 芝士先會做到拉絲效果！啖啖雞肉 好滋味！ 不過覺得天婦羅同普通炸雞翼無乜分別～ 同埋一隻雞全翼分做4舊！