麵道 (已結業)

相約朋友去食lunch ,朋友話想食拉麵，見到以間咁多人排隊就去食下，見到門口塊黑板寫住招牌拉麵湯底有限量幾多碗，所以想去食就要早d 去啦，唔係又好快賣晒，以到係自己✔️落單紙，可以少油走蔥，麵質亦可以選擇，面湯底有淡味，中味，濃味，辛口，跟據自己喜好選擇。叉燒醬油豚骨湯拉麵（$72） 見到賣相已經好吸引，首先試個湯底先，湯底非常濃郁，好杰，好正，濃濃既豬骨香味，叉燒入口即融，拉麵係幼麵，軟硬適中。雞叉燒雞白湯拉麵（$72）雞排肉質好結實，好滑，雞白湯，湯料好足，麵質適中，湯好濃唔太咸，好好味。見到餐牌亦有兒童餐，下次帶埋囡囡去食。

荃灣葵青區近年開了不少拉麵店，但值得令人一食再食既少之又少，這間麵道開業了一陣子，經常見到大排長龍，可是始終未有一刻衝動令我光顧。星期六晚上九點多，經過荃灣城市中心（近年改名千色匯），見到不少鋪頭已經關門，正當唔知可以食咩之際，麵道內只有小貓三四隻，終於下定決心一試究竟。奇怪的是，明明入面座位好多，店員仍要我們在外排隊等候，莫非這是一種製造人流很多的營銷手法？麵道座位尚算坐得舒服，當然若有籃子俾人擺手袋會更好。拉麵大致分醬油湯和雞白湯為主，叫了一碗糖心蛋雞白湯拉麵，麵條掛湯力高，麵質彈牙，再呷一口湯，味道令人震驚，香滑濃郁，荃灣區內竟有始此高質拉麵？雞扒煎過，頗香口。然後再叫了兩款雞骨，芝士和香蒜......嗯....拉麵店還是吃拉麵好了

當日店內人不多，叫了的拉面很快送到店長見我老婆的頭髮長，立即給了一個髮夾給她，讚！後來，叫的面上了，我和老婆的麵都是雞肉面（如圖），味道點了濃的也剛剛好雞肉鮮嫩！但後來吃的途中發現有發泡膠粒，店長跟我道歉，問我是否更換新的，我說不用，只提醒他要小心點不希望以後再出現。難得的是，店長立即重發點菜單給我，除了免去我吃的那碗面的收費，取消全單加一之外，還再額外全單85折，我很想表揚這份待客至上的精神！因爲在香港幾十年來我從未遇過有這份精神的店家了

1. 特盛叉燒味肉豚骨醬油湯拉麵（＄90)揀左幼麵中味湯底，但濃度已經足夠，麵身夠滑，＄90有4塊叉燒算幾抵🤑不過叉燒外面唔夠滑身，但有隻超流心溏心蛋令成件事正左好多！👍🏻彤樂評分：8/102. 辛口雞叉燒味玉雞白湯拉麵（＄80)揀左適中麵質同中呼湯，麵明顯煙韌D，個人比較鍾意，而且揀左辣味，食落更惹味🤤🤤🤤唔會太辣，雞肉相反幾滑身，不錯！彤樂評分：8.5/103. 芝士餃子（＄28)🥟🧀煎餃子皮薄肉汁多，原來以為芝士係入面，點知係鋪係餃子上面，夾起時會令芝士同餃子分離，相對失色。彤樂評分：7/10

等左一陣 隔離檔攤既薯片仔到手都食唔切就有位已經無晒雞白湯 所以叫兩碗特盛版既醬油味（濃味）同伊勢海佬味兩個都係豚骨湯底 醬油味比較好食 但可以再濃點海佬味就話比較似中湯喎 （由於我唔鍾意食中湯 所以比較唔到 我覺得係蝦味重）肉就燒得幾好食 叫特盛有四塊超開心幼麵比較好食 粗麵就比較一大舊 要自己整散佢咁仲叫左個曾經暫停既香蒜天婦羅無骨雞翼香蒜真係好香脆 原隻上 有落調味粉都幾好食雞上翼同雞中翼都去左骨 雞翼尖無去骨都算可以接受既整體推介：拉麵個塊豚肉 香蒜天婦羅無骨雞翼

呢間拉麵店成日都聽到話要大排長龍先食到﹐但今日咁啱行過見冇人排隊﹐所以就入左去試下｡ 餐廳入面係非常日式嘅裝修﹐配以 Open Kitchen﹐而且座位編排唔會密麻麻﹐所以空間感好大｡ 坐低左之後﹐店員會上前好細心咁問要唔要幫你掛起件大褸｡餐廳係半自助式﹐每張檯都備有 Order 紙﹐客人只要將想食嘅野剔晒喺 Order 紙上﹐之後交俾店員﹐就可以坐定定等食｡ 餐廳非常細心﹐喺 Order 紙上拉麵嘅項目﹐可以俾客人揀選鐘意嘅麵質 (軟麵、適中、硬麵) 同湯底 (淡味、中味、濃味)﹐另外仲可以剔少油、走蔥、走木耳 & 辛口 (如果可以揀多蔥 & 多木耳就好喇 )｡辣肉味噌叉燒醬油豚骨湯拉麵麵質同湯底都係揀中﹐有兩塊叉燒, 但略肥 ｡ 麵嘅軟硬度適中﹐食落去有 D 咬口｡ 湯底比較 “結” 身﹐果然係濃厚﹐而且味道都唔錯﹐但唯獨係唔太夠熱 

之前成日經過見到好多人排隊，今晚夜放工見到無人排，決定醫埋肚先返屋企。叫左個醬油豚骨拉麵，湯底好濃但好多味精呢，已經寫左唔要油但其實湯底本身都好油！食完真係好滯好口渴呀！幾塊叉燒都好硬，完全唔想食落去，結果只係食晒d麵，淨返晒d叉燒無食到！個隻溏心蛋咬開已經有大半隻蛋黃熟晒，得少少溏心。雖然價錢平過其他拉麵店，但質素真係好一般。份量都算大份嘅，麵都多過其他拉麵店。店員服務係唔錯嘅。失望而回，無下次了。

呢間面拉麵，個湯底有得俾你選擇唔同，拉麵有得俾你選擇軟身定硬身，最適合就係同一班朋友，但有各持己見嘅我哋！我最鍾意食濃味嘅拉麵，但女朋友最鍾意食清淡嘅嘢！呢邊嘅拉麵湯底選擇比較多，可以選擇鹽味，啱晒我女朋友呀！我選擇普通軟硬度嘅拉麵，並沒有讓我失望！呢個湯底我幾鍾意！呢個湯底我幾鍾意!每個拉麵都有一隻完整嘅糖心蛋，佢整得非常之靚，而且非常好食！呢度嘅特色就係蒜頭自己落、青瓜任食！我自己唔鍾意食青瓜，但見到女朋友食得不亦樂乎！

宜家荃灣多咗好多拉麵舖🍜😳 記得細細個嗰陣無乜地方有😴😴 千色店宜家裝修完多咗好多野食🤤🤤 開心🤭🤭講翻個拉麵先😬鍾意食辣既我揀咗個辣肉味噌雞叉燒溏心蛋雞白湯拉麵(點解要改啲咁長既名🤢🤢) 朋友就嗌咗個叉燒醬油豚骨湯拉麵🍜 （第二張圖）我地兩個都要咗濃湯 但兩碗我地都覺得個味唔夠濃😳😳 辣就唔洗講 完全feel唔到辣😩😩 相比上次辣到噴火嗰個 呢個真係小小小小小巫黎☹️☹️ 本身想加d辣但係佢無辣既調味料😭😭😭 變咗唔辣既普通濃湯拉麵 溏心蛋都好食既 但就未夠入味🤭🤭 可能我太重口味啦 如果鍾意清淡啲無咁濃味既 大家都可以試下呢間既🌝🌝

🦉業餘食評🍜25 Jan 2018👌🏻|| #sss_荃灣 || @snowsnowsound//特盛叉燒糖心蛋醬油豚骨湯拉麵//💰88——————————————————————🏮還道一白遮三醜，重粉難敵大孖瘡🏮京都系的拉麵在香港不算常見，這間位於荃灣的連鎖拉麵店麵道以此作招牌菜令我有一試的興趣。 說起連鎖拉麵店，現在香港的拉麵店連鎖之勢越來越強，幾乎每區最大的三兩都商場都有，量是見長，質卻一直為人詬病，這間卻令人印象猶為深刻。
湯: 🌕🌕🌕🌑🌑
說實話，麵道的湯底質素比我想像中高得多，可能比八成拉麵店都做得好，加了豬背脂的湯底看跟嗅起來都像模像樣，加上醬油比較重，單是這個可以說是合格而不常見的京都風已經在連鎖拉麵店中絕對佔有一席之地。//
料: 🌕🌕🌑🌑🌑
料方面也可說是合格的，叉燒料尚足部位也挑得不錯，有用湯煮製過，上台前也有用火槍燒把油香揮發出，總的來說相當合本地人口味，其他的配料如黑木耳，蛋等都不過不失。 同樣帶連鎖店中企得著腳。//麵: 🌕🌗🌑🌑🌑
在豬背脂濃厚的湯底中用博多直麵是個合乎常理的做法，不要少看這個常理，很多為做而做的店連這常理也不懂，但煮切水卻很差，時間過久致

第一次寫食日本拉麵的感受。對日本拉麵所知不多，據悉，明朝遺臣朱舜水到日本後，用麵條款待日本江戶時代的大名—水戶藩藩主德川光圀，傳入了中國拉麵和宋明理學，對日本人的肚子和腦子有很大影響。「ラーメン」的漢語名稱是「拉麵」，是源自中國的證據。在明治時代，來自上海和廣東的中國人在日本賣切麵，配以簡單的湯底和配料，拉麵在日本開始流行。香港人較多提起日本的「三大拉麵」（無定論）為：九州拉麵，以福岡博多拉麵為主，熊本拉麵、長崎拉麵等也都很有名；是豚骨（豬骨）拉麵的發源地。北海道拉麵，以札幌，釧路為主，鹽，味噌湯底較受歡迎。東京拉麵屬於醬油風味的拉麵。豬骨，日本麵豉-味噌，日本豉油-醬油，鹽四者，我較鍾情於豬骨，奈何湯底往往偏咸。此店標榜是京都風味，別豎一幟，平生未嚐，很有新鮮感。以主要食材去分析，豬，牛，魚三者居多。此店特色是供應雞白湯，蟹湯，都是冷門，正合我意。我是中午第一個客。點了毛蟹皇拉麵。混拌蟹皇球後進食，蟹湯鮮氣逼人。不咸，一滴不留。最特別是溫泉蛋，極為溏心，故不切開。唐揚雞就是日式炸雞塊，日文「唐扬」是「炸」的意思。關於這個辭彙的由來，一說是「唐」指的是中國，「唐扬」則是由中國傳入，將食

1個人係荃灣又去搵食先~去完日本真係好掛住拉麵呀!!!於是決定左去呢間~因為6點幾就去到,而我又1個人唔洗等就入左去~點左一個雞叉燒溏心蛋毛蟹濃湯拉麵同櫻花可樂!我唔係好知點解雞要叫雞叉燒但係我覺得有D"鞋"下次都係叫返豚肉,好似入口會滑D湯底有海鮮香,但我expect會再濃多少少既.溏心蛋係大家既至愛就唔洗講啦好有水準!講返個至重要既成份就係個麵底因為我剔到硬麵...但我都係覺得有少少淋佢係曲曲地既拉麵,我本人會覺得飽D但都不是太"索"到個湯底如果係直身既拉麵會入味D但整體都唔錯既~櫻花可樂係另加,冇SET既~有D甜,都叫係日本入口,好有風味!檯面有配料可以+,我就加左七味粉同芝麻!食完7點幾既時候,成間店就已經滿左啦

話說細佬生日崇日既佢好鐘意食拉麵咁就一家人同佢食拉麵嘞！一入去裝修好靚既～位又唔迫！幾好窩又我就食咗個叉燒糖心蛋拉麵！個叉燒好食！但肉味唔太濃湯底無味精，掛湯！但又唔算濃味因為佢湯有得簡濃定淡我簡咗中等！好岩唔同口味既朋友一齊食！最貼心佢有得簡少油岩哂女仔黎食！但老實講我呢個拉麵控係鐘情魚介湯對於豚骨湯都係吸引唔到我媽媽食咗雞拉麵，佢覺得好食過豚骨我地仲嗌咗煎餃！好脆好好味！比一般拉麵店同大阪王將都要好味！值得嗌！爸爸食咗限定毛蟹湯底拉麵 ($108)好正！！！！！我飲咗一啖湯底，好後悔無嗌呢個個蟹味好出！唯一缺點係佢得一塊叉燒呢個價錢$108得一塊又姑寒咗d我覺得呢間拉麵起香港黎講真係中等但服務好好啊真係！起香港少見話說爸爸未食過拉麵一飲啖水即大嗌：「凍冰冰既d水！」個侍應哥哥即刻拎熱水黎！我地食生日蛋糕又無收切餅費之餘我地影緊相既時候侍應哥哥即刻主動問洗唔洗幫我地影！真係超級nice!咁既服務態度香港少有！！我無打算寫食評所以無影裝修同拉麵但因為服務態度想表揚佢

凍凍地 食拉麵呢幾日天氣凍凍地, 除咗打甂爐, 食拉麵都係一個唔錯選擇. 閒日晚上8點幾, 都仲有幾個人排隊. 店內整體裝潢較日式, 掛著日本海報, 都算營造到食日本拉麵氣氛!! 香港地方細, 出菜位旁就係bar枱位. 好多人鍾意坐呢邊, 睇住師傅整嘢食; 而且更近似響日本食拉麵的格局.當時餐牌共有三款湯底:濃厚醬油豚骨湯、毛蟹濃湯、濃厚雞白湯不過我地唔夠早食,  得返濃厚醬油豚骨湯湯底.<<叉燒醬油豚骨湯拉麵>>第一次來食, 我選咗麵質適中, 而湯底中味.叉燒共有兩片, 配料仲有芝麻、香蔥、木耳同一片紫菜. 拉麵本身係直身麵, 唔太掛湯, 可能係咁, 湯底比較濃味而且好夠熱! 叉燒肥瘦適中, 而且口感鬆嫩, 仲可以睇到有師傅響上枱前有火鎗炙過. <<特盛叉燒味玉醬油豚骨湯拉麵>>同無特盛比較, 多多兩片叉燒同一隻溏心蛋.咬開蛋黃, 都算係呈膏狀;蛋味唔算太濃, 都算好食. 下次再來, 要試下近期大熱<<濃厚雞白湯底>>! 

之前食過一次，環境麵唔錯，服務幾好，除左星期六日晚餐時間外，其他時間多數唔洗等位，次前食過一次雞湯覺得唔錯，湯夠濃，有鮮雞味，雞肉肉質算彈牙。 係荃灣少有好食嘅拉麵，算係拍得住銅鑼灣尖沙咀果堆日本拉麵鋪。今日lunch經過決定再試下佢其他湯。 今次叫左個醬油叉燒，麵質就要適中，湯頭要濃。碗麵黎到第一時間梗係飲淡湯先啦，濃係濃，但太咸，有少少蓋過左豬骨味，呢個湯底有少少失望。其他配料叉燒糖心蛋就仍然好食，叉燒肥瘦分明，肉質軟，入味。下次應該麵係食返雞湯