麵鮮醬油房周月 (歌賦街)

營業中

休息中

Shugetsu, a ramen brand hailing from Shikoku, Japan, offers a unique twist on traditional noodles with their focus on tsukemen—cold noodles served alongside a rich dipping sauce. As soon as I entered the restaurant, I was greeted by a warm and inviting atmosphere, complemented by the attentive service of the staff, who were genuinely caring throughout my visit. I ordered the grilled pork tsukemen, excited to experience the flavors that Shugetsu has become known for. The noodles, made from fresh

聽聞lunch time 一定好full試左個和牛濃湯拉麵，麵好yin un, 好彩個湯唔太鹹，同埋和牛都真係好有鮮味。同樣，沾麵非常彈牙。試埋店員推介既真點蟹肉沙律，都相當唔錯。大讚服務一流！

本身我不定期都會去周月🌙幫襯，算係常客。不過近來先發現佢出左新野，就係和牛🐮壽喜燒🔥沾麵🍜，咁，身為捧場客嘅我，去啦喂。《和牛🐮壽喜燒🔥沾麵🍜》香味 (3/5) - 食過壽喜燒d朋友，可能都會覺得壽喜燒好食歸好食，不過個味道大同小異，特別係個壽喜燒汁，都係鰹魚汁，味醂，醬油嘅組合，係差在甜d定鹹d咁架姐。咁，今次呢個沾汁聞落去，都係嗰陣味 + 牛肉香，算係好聞嘅，不過真心冇乜驚喜囉。沾汁 (4/5) - 雖然，聞落係大路野，食落，周月🌙個秘製醬油真心救左個汁，令佢响壽喜燒汁同牛脂嘅味道中，升級左一個層次，味道有返個性，係好味嘅。另外，佢有d脆粒放响面，睇落似天婦羅碎，不過好快就浸到唔脆了。因為周月個醬油味道好鮮明，一個救左全家，所似都值4分。麵條 (4.5/5) - 有留意開周月嘅朋友，一定知佢自家製麵，粗幼，口感，味道，小麥香，都係一等一。唯一少扣分嘅係，因為佢有比人揀凍食定熱食，而我知道好多人都會推薦食沾麵應該係凍麵配熱湯，不過我偏偏就唔鍾意咁，我覺得熱麵配熱湯更啱我口味。而，因為係熱麵，除非你極快食完，否則，個麵條放耐左少少就會黏埋，夾會有少少煩。配料 (3/5) - 先由主角非

雖然想試很久，但每次去都總見到有人龍，今次在平日晚餐時間排了大概15分鐘就有位我和朋友分別選了招牌的周月拉麵和周月沾麵拉麵選了淡湯，依然好重鹹鮮味沾麵選了涼麵及濃湯，配合起來非常完美，涼麵可以減輕油膩感，而且吃落去比較彈牙；如果吃到中途覺得太過濃郁，也可以問店員在沾面湯裏追加一些雞湯，所以我個人覺得一開始選濃湯比較好沾面的湯底有一層厚厚的油浮面 ，但吃拉麵大家都預咗是重卡路里，食完今餐再算！🥲 他比平時沾麵湯底更加稀，但是我比較喜歡這種不會太膩的感覺，味道吃得出有醬油及魚的鮮味，非常過癮還可以$17再加一隻糖心蛋

我第一次食周月🌙其實都係近年, 不過看似周月响2015至今仍然掛住米記1星嘅光環, 一開始會去食佢, 或多或少都係因為追星心態.我個人非常之喜歡周月, 因為佢嘅拉麵同沾麵, 風味非常獨特. 不過有d可惜嘅係, 呢間店响各大平台媒體嘅人氣都不大, 加上, 醬油風味嘅光芒, 遠遠不及豚骨同味噌, 甚至乎亦不及新派系, 打起咭來, 同d識噴煙嘅沾麵 (對面食鯛魚嗰間就係😂), 亦相當輸蝕, 所以人氣不夠都唔係冇原因.我覺得佢風味夠獨特嘅原因:1. 麵條🍜係自加製, 呢一點非常加分💯!2. 湯嘅味道排常特別, 不止濃郁咁簡單, 醬油肯定係秘製, 唔係咁易响第二道食到咁嘅味道. 而且香氣極之充足, 蔥同油應記一功.3. 沾湯嘅味道同拉麵湯更高一個層次, 我相信因為佢加左適量嘅醋, 令到個沾湯酸酸地極之醒胃, 亦同時有解膩嘅作用整體 - 值得推薦 👍👍👍👍👍

喺麵鮮醬油房周月試咗佢哋嘅兩款招牌麵：和牛沾麵同周月拉麵。和牛沾麵係限定嘅一日只得30本，咁都有機會試決定試吓。和牛沾麵：呢碗麵係用頂級和牛熬煮嘅鮮湯配上彈牙麵條，鮮味突出，和牛肉質鮮嫩，入口即化，令人回味無窮。周月拉麵：周月嘅拉麵彈牙爽滑，湯底濃郁鮮甜，配料豐富，令人食完之後心滿意足。麵鮮醬油房周月嘅麵食質素同環境都唔錯，保持住傳統手工製作嘅風味同質感。佢嘅麵食口感出色，值得一試。期待餐廳繼續保持水準。

呢間拉麵真係令人失望, 湯底完全冇鮮味,只剩低一股鹹味。嗌咗一碗百幾蚊嘅拉麵, 份量唔多，連基本嘅叉燒肉都冇,但要收費超過100蚊,實在太過份。麵條都算入味，但係湯底好似豉油咁樣, 坐位又唔舒服。服務都唔好。完全冇考慮過顧客嘅感受,只顧自己賺錢。

行開中環肚餓搵食，試左一間連續多年都獲得米芝蓮必比登推介既拉麵店 ！今次分別叫左2 個，一個拉麵一個沾麵試試佢 ，黑豚香蔥拉麵同燒黒豚沾麵 （200g) 。黑豚香蔥拉麵 🍜 （$136）呢個拉麵選左淡湯，但其實湯頭都好濃郁，而且蔥味都十足，鐘意多蔥既朋友應該會喜愛 。黑豚半肥瘦，咬落充滿油脂，仲食到好重炭燒味，非常可口 ，仲有隻食拉麵例牌有既半熟蛋 。拉麵軟硬度都適中，整體都ok。燒黒豚沾麵 （200g) （$139）另一款就叫左個沾麵試下 。佢可以自選麵溫度同份量，麵既溫度可以凍上/熱上，今次係擇左熱上 。麵既份量有100g / 200g / 300g, 重點係價錢都係一樣，自問大食既朋友，建議不用思考直選300g 。另外湯頭係選左濃湯 ，飲落湯頭都係偏濃，其實淡湯都可能已迎合大眾口味，另外食得出有醋酸味，特別開胃，但個人略嫌醋酸味太重，減輕少少可能會更佳 。燒黑豚一樣半肥瘦，咬落充滿油脂，仲食到好重炭燒味 。拉麵軟硬度都適中 。最後食完晒拉麵，店員會詢問是否加雞湯飲個埋個沾麵汁 。呢餐好滿足 😌

今次叫咗"麵鮮醬油房 周月"嘅周月沾麵外賣，整體體驗都幾好，值得一試。首先，麵條質地保持得唔錯，外賣返嚟都唔會soggy，仲係有口感，彈牙有嚼勁。沾汁嘅味道相當濃郁，帶有豐富嘅醬油香氣，同麵條相得益彰。不過個人覺得沾汁稍為鹹咗啲，如果可以稍減鹽度可能會更完美。總括嚟講，"麵鮮醬油房 周月"嘅周月沾麵係一個好嘅外賣選擇，喺保持麵條質感同味道方面都做得幾好，如果你唔介意稍鹹嘅味道，絕對值得推薦。

傳聞好好味嘅醬油湯底拉麵，我本人覺得就一般。個湯飯底有陣怪怪的調味粉味，可以見到有好多似未攪得好勻循的，似沾麵加水。麵質係好的，彈身。燒過的叉燒有小小燶，帶苦。筍係甜的。唔知點解隔離左右都冇咩客，佢最多。

拉麵店位於中環的一條小街上。看似低調，生意卻不錯。好奇心促使我來到這裡試試看。首先要提的是拉麵湯底。拉麵湯汁可選濃淡，今次試了濃湯底，湯肉味十足。拉麵本身也很有講究。麵條彈性恰到好處，吸湯能力強。一碗拉麵口感豐富，滿足感極高。整體來說，週月氏拉麵的特色在於其原汁原味的湯底。湯汁鮮美，以後再來中環或會再來這裡。

好耐冇食到會令我為之驚嘆嘅好味拉麵，大海撈針咁搵，比我搵到呢間“麵鮮醬油房 周月”🍜，有米芝蓮加持，一於試吓好唔好味。⠀麵嘅款式唔多，介乎係沾麵同拉麵之間，有唔少人推薦嘅係沾麵，我亦見餐牌寫沾麵用嘅係粗麵，會比較煙韌彈牙，但我反而想試拉麵(幼麵)，希望佢可以更掛湯🤔。⠀最後嗌咗“周月拉麵(濃湯)”，雖然大多數人認為淡湯已經好夠味，但我都係想試吓濃味有幾香。賣相幾好，睇得出湯比較濃稠、食落湯底亦帶有微酸(好微嘅酸味，我後尾再加咗啲醋)，面頭有一層油，唔怕油膩嘅朋友可以試吓。豚肉烤得幾香，肥瘦尚算適中，吸咗濃湯嘅叉燒反而會有啲鹹。幼麵質地好掛(濃)湯。想特別講吓啲筍，我幾中意食拉麵嘅筍，坊間麵店通常只有一陣筍味、帶有微酸，但周月嘅筍比起坊間拉麵店稍有不同，佢冇嗰陣微酸，取而代之嘅係帶點微甜，同帶有微酸嘅湯底放埋一齊反而好開胃😋，呢點係加分位🆙。店內亦有提供即棄圍裙同橡筋比客人使用，都幾窩心😉。⠀總括嚟講佢係好味，但又未至於surprised到短期內會再encore咁🤔。

自從離開中上環的工作環境便久久沒有到訪過周月了最近常常在social media和影音平台看見人家吃拉麵沾麵忍不住要來寵幸一下他跟朋友約好午餐時間到達時剛好入滿了一輪客但都只是等了大概二十分鐘便有位店員處理入座時都非常有禮貌和盡責在等位期間店員都建議先落order一入座就有得食我叫招牌的周月沾麵100/200/300g的麵都同價因為太肚餓的關係叫了300g的麵濃汁湯底配涼麵麵質彈牙爽口沾麵湯內含豬腩肉及筍條豬肉不柴帶有肉汁不過可能叫了涼麵所以沾湯好快就冷卻了如果天氣唔係真係好熱下次都會叫返熱麵另外跟朋友分食了餃子和小份炸雞餃子新鮮熱辣出爐但個頭比較細小及欠缺飽滿味道不過不失炸雞醬汁咸香上面配有洋蔥味道不錯不過雞肉部份邊位有點兒炸過頭變得有點柴但整體來說沾麵和炸雞都推薦

路過睇到間麵好西利，可以係2014年至2023年攞到米芝蓮推介，足足拎左9年。周月標榜只用最優質的原料，並對防腐劑、味精等採取零容忍政策🫢整體食落係唔覺有乜味精，但係實測覺得味道就有少少重口味嘅。-Shugetsu boasts valuing superb taste as well as health with only the highest quality ingredients and adopts a zero tolerance policy towards preservatives, MSG and the like.My experience, the flavors were a bit heavy taste.至於環境非常之有氣氛、乾淨整潔。店舖亦都好細心預備好橡筋同埋圍裙比女士，同埋一啲成日食湯麵彈到上身嘅朋友仔。今次就試咗拌麵同埋拉麵，都幾多人推介嘅沾麵暫時今次未試到。Ambiance:the environment is very atmospheric and clean. The staff is also attentive, providing h

天氣開始轉凍，突然想食d 熱野😳諗起拉麵就去左中環周月，2個人叫左一碗周月沾麵、周月拉麵、煎餃子🥟1. 周月拉麵拉麵係幼身麵底， 湯底都幾香不過偏咸，比較普通。豬肉都係好冧好香又有小小炭燒味。2. 周月沾麵沾麵係較粗身d 既 麵質，麵幾彈口，職員教左我地如果麵底痴住，就用沾麵汁搽一搽個麵底😝講下個沾麵汁，我地揀左個辣汁， 連埋d 芽菜，好好食🤩辣得黎又有d 豬肉調麵，d 豬肉又香又冧加小小炭燒味， 好好食😋 推薦！3. 煎餃子個餃子絕對有驚喜， 外脆內軟，又有小小肉汁又唔油膩！ 值得再食🤤🤤