麻辣娘子 (新都城中心) (已結業)

🔥今日又口痕好想食水煮魚, 黎左呢間新派川菜試一試. 係門口睇餐牌, 價錢都好親民. 入面仲見好多台都係食緊水煮魚. 即刻入去試試先. 唇舌飄香水煮魚🐟辣度係自己選擇的, 叫左BB辣, 魚份量好多, 2個人都食唔曬, 魚好新鮮好好味, 基本上都無骨, 除左腩位有粗骨入面除左有魚之外, 仲有青瓜, 大豆芽, 豆卜, 萵筍, 鴨血, 紅薯粉份量十足. 紅薯粉好彈牙特別一提, 原來青瓜同水煮魚係好夾. 麻辣娘子乾鍋🥘乾鍋都係叫左BB辣, 味道岩岩好, 好惹味, 非常入味. 我自己覺得比水煮魚更出色. 配料係自己選擇的, 我叫左水魷魚, 芋絲, 萵筍, 土豆片.阿里山烏龍茶🍃好清香, 食食下辣野又再飲一啖凍茶, PERFECT MATCH

新都城二期原來都有好多嘢食～ 今日就揀咗呢間餐廳～ 涼拌萵筍～ 好fresh ! 有麻油既香味～ 川汁皮蛋！食素嘅朋友可以揀清湯再加唔同嘅配料～朋友揀咗豆卜萵筍面底可以自己揀，呢碗係紅薯粉相信係招牌菜嘅娘子最愛酸菜魚我個人唔係鍾意食太酸嘅～所以我覺得個湯底幾好味！啲魚好林～ 好正！ 對於唔食辣嘅我來講… BB辣已經好夠！娘子辣雞煲…雞肉唔‘鞋’ 個汁好濃味！ 揀咗安格斯牛肉！ 每塊都有厚度嫁！ 好有牛香味！ 十勝紅豆伯爵奶茶🥤勁多紅豆！ 正 ！芝士奶蓋黑糖碳燒烏龍… 都好正 ！ 最可惜佢唔可以用自己嘅環保杯… 😢😢

💘麻辣娘子難得去一次新都城，見到呢度有間主打麻辣嘢嘅餐廳，門口仲大大個牌印着酸菜魚，我哋就毫不猶豫咁入咗嚟食！呢度大部份嘅菜式都有得選擇辣度，由唔辣、BB辣去到特辣不等，咁大家就可以按返自己嘅口味去選擇啦～🤍娘子最愛酸菜魚（小）（$248）呢個酸菜魚份量都算足夠，我哋叫咗小辣，覺得都適合我哋，酸菜魚嘅下面仲有好多酸菜同埋寬粉墊底，絕對夠晒飽肚，不過當然如果酸辣味更加入味就更好啦！🤍辣子黃金蝦（$148）辣味同埋鹹蛋黃嘅味道都好豐富，兩樣嘢配合埋一齊令到個蝦十分惹味，仲連啲辣椒嘅上面都有鹹蛋黃！🤍脆皮小豆腐（$58）雖然只係一個小食，但係外脆內軟嘅小豆腐令到我哋一粒接一粒食唔停口，應該可以話係成餐飯我最滿意嘅一個菜式～🤍蒜泥白肉（$48）蒜泥嘅份量好充足，一大pat白色蒜泥擺喺面令到個賣相勁吸引，當然配合埋麻辣醬就更加好味啦🤍涼拌土豆絲（$38）土豆絲嘅每條都切到好幼細，每條都沾到好香嘅麻辣味，而且價錢唔貴，性價比好高🤍蝦仁雞粒黃金炒飯（$78）見到黃金兩隻字我哋已經流晒口水，成個飯炒起上嚟勁有鑊氣，而且粒粒分明，鹹蛋黃味好香🤍黑金流沙包（$28）價錢非常之親民嘅流沙包除咗係黑金嘅顏色好

同朋友去咗將軍澳行街，見到呢間麻辣娘子，啱晒我哋呢一班鍾意食辣嘅人，所以就決定試吓。餐廳嘅食物種類好多，有辣同埋唔辣嘅選擇，仲有甜品同埋阿里山台式飲品🤩，一次過滿足晒想飲芝士奶蓋同食辣嘅願望。飲品方面叫咗杯芝士奶蓋茉香綠茶，奶蓋好綿好厚，個茶底本身唔係好甜，配埋鹹鹹地嘅芝士奶蓋，超級夾，食咗太多辣之後飲一啖，即刻舒服晒😂主菜方面叫咗個脆皮小豆腐同埋麻辣重慶毛血旺，呢兩個主菜送飯一流，建議大家可以叫個白飯🤣。脆皮小豆腐嘅脆皮好薄好脆！入面嘅豆腐仲keep到好嫩滑！調味方面都啱啱好，食唔到辣嘅朋友可以試吓叫呢個～麻辣重慶毛血旺入面嘅配料好豐富！啲毛血旺配埋啲麻辣汁一齊食好過癮😝我鍾意呢個餸係麻多過辣～唔會話真係食到好辛苦，但係又可以過吓辣嘅口癮！食完主菜梗係要叫返個甜品！叫咗個黑糖桂花冰粉，食完辣野之後再食呢個感覺好清爽好解辣，個冰粉好爽，加上個湯底唔會話好甜，好適合食完辣野叫嚟食！我哋仲叫咗個紅糖糍粑，呢個甜品真心好食！！！強烈推薦大家要叫一個試吓！佢外面個皮好脆，但係入面嗰糍粑煙煙韌韌，配埋出面個甜甜地嘅紅糖，超級好食！鍾意煙韌甜品嘅朋友一定要試吓😋😋

今日去多地方做嘢，最後一站係去咗將軍澳新都城影相，攰死我啦。決定今日要食我鍾意嘅辣辣辣，抬頭一望見到上面有間麻辣娘子，唔使諗今日決定食佢。太肚餓今日叫了麻辣13香小龍蝦，娘子最愛酸菜魚，霸王辣子雞，涼拌土豆絲，四川酸辣湯，鮮奶炸饅頭，低糖豆漿及黑糖珍珠鮮奶。碟碟餸都分量十足，酸菜魚酸辣幾野味，魚肉嫩滑新鮮，小龍蝦吵得味道濃郁，霸王辣子雞唔太燶夠晒辣啱啱好，炸饅頭內脆外軟，涼拌土豆絲夠晒清甜，略嫌酸辣湯鹹咗少少，低糖豆漿唔太甜，黑糖珍珠鮮奶啲黑珍珠硬咗少少，但口感都OK。

今日同母親大人食飯,知道佢中意食辣就黎住帶佢去食一間正宗得黎又多啲選擇既餐廳─ 麻辣娘子果然，一坐低，母親大人已經好滿意，話想食既菜色呢到都有齊，讚我揀得好我地兩個人食，叫左一碟涼拌土豆絲($38)，一個脆皮小豆腐($58)，主菜就揀左娘子香辣鍋($38起)，配料自選。最後食左個紅糖茲粑做甜品先上菜既係涼拌土豆絲，辣度由BB辣到小辣自己揀, 我地就揀左個小辣，一食落口辣度岩岩好，而且仲超開胃之後上菜既係脆皮小豆腐，一放上台，一陣香香既蒜味傳出，即刻就夾一粒試試。果然，除左淡淡既蒜香，仲要外皮超脆，而入面超滑，兩種唔同既口感夾埋一齊，食左一陣，主菜娘子香辣鍋終於到，我地揀左5款配料，分別有滑雞片、小雲耳、鮮腐竹、娃娃菜、椰菜花。有菜又有肉，樣樣都正。值得一讚，待應好貼心，幫我地用暖住個鍋，慢慢食都唔驚凍。香辣鍋重點要夠辣夠乾身先好食，而呢兩點，餐廳都做到食到辣辣地，我地叫左兩杯牛奶飲解一解辣，一杯黑糖珍珠鮮奶($32)，一杯十勝紅豆鮮奶($32)，兩杯都好重奶味最後，紅糖茲粑做甜品，脆脆的皮，內心軟軟淋淋玥加上紅糖，味道一流

麻辣娘子-近期發現將軍澳都開左間川菜，無論午市晚市都幾多人。所以決定要去試試佢！除左一般的飲品，佢地仲有一系列的手搖飲品。當食完辣野飲返杯超爽呀😚-🆗招牌酸菜魚。呢度的酸菜魚又同以前食的唔太同🧐湯底冇咁油膩，比較清，同時都小左陣花椒油的香味😶 味道較酸，叫BB辣的我覺得啱啱好，不過如果可以再麻d就好😳 呢到的魚片好大塊，切得都幾厚，但唔會有骨👍🏻 食落都滑，不過有小小的腥🥺 除左魚片，仲有大量寬粉，好煙韌好正！其他配料就有豆芽、豆卜同萵筍，索晒個湯！🤓-✅娘子小炒王。有鑊氣，好食！入面有韮菜花、蝦乾、魷魚絲、腰果、鹹肉🥰 韮菜花好嫩冇渣，其他的配料都帶鹹香，加埋好似老乾媽個d醬，好惹味🤪 不過真係會鹹左啲，餸下飯會正！-將軍澳有呢d已經好開心，偶爾食下，多個選擇😋 午市仲有啲自選粉麵，一樣可以揀酸菜湯同魚片架！☺️

麻辣娘子，一聽個名就係食麻辣嘢！除咗主打勁大盆嘅酸菜魚外，自選香辣鍋都一樣咁正㗎！芝士奶蓋黑糖珍珠鮮奶 $32奶蓋濃滑，黑糖甜美，好飲又解辣！川汁皮蛋 $38比起黑色皮蛋，黃金皮蛋更索川汁，開胃良品！蒜泥白肉 $48勁多蒜泥，豬腩片又薄又爽，愛蒜人士必點！川式口水雞 $68勁大份，雞肉同雞皮都好嫩滑！娘子香辣鍋 $38魷魚鬚 $48蓮藕片 $25萵筍 $25鮮腐竹 $25乾炒鍋可自選配料同辣度，加麻係必須嘅，香辣之餘，仲要有後勁同埋夠刺激！配料索滿晒香辣料嘅味道，超香口惹味！魷魚鬚香辣得嚟仲可以嚼出鮮甜味！鮮腐竹炸到乾身香脆，同麻辣好夾，正！

今天經過將軍澳看到看到餐牌看起來挺好吃的就進去試試，點了酸菜魚中辣挺好吃又大碗很多肉。然後沒想到這裏有小龍蝦，看起來挺好吃的不過只有外殼有辣味，裏面的肉沒有辣味而且肉裏不夠入味，但是它的殼就挺香的。還點了鮮奶饅頭很好吃但如果煮得再久一點那就回更好。之後點了涼拌土豆絲BB辣個人口味就不喜歡吃。還點了辣子雞 小辣挺好吃的。最後還點了杯黑糖珍珠鮮奶半糖50%少冰25%，鮮奶挺好喝的不過珍珠不好吃，感覺好粘不喜歡吃。

今晚和兩位喜歡吃麻辣的好朋友到了麻辣娘子吃了一頓值得推介的晚飯。首先，我們叫了一個小食，這個脆皮小豆腐簡直點綴了這餐飯，豆腐表皮炸得十分香口，豆腐則十分嫩滑，有些椒鹽灑在表面，滋味無窮。我們三個都十分喜歡這個菜色，一致讚好。之後，我們就吃了一個傳統重慶毛血旺，第一次吃這個菜，第一口已經感受它的麻，後勁才有辣，一擺上餐桌，被嚇到了，因為它被大量辣椒和花椒八角遮掩住，下面是各樣的食物，有蔬菜，如：椰菜花、勝瓜和芽菜，還有牛肉、豬腩肉、芋絲、海鮮、鴨血，林林總總，什麼都有，很美味。由於很久沒有吃雞煲，我們便叫了一個奇味雞煲，結果不但不奇怪，反而超級好味，雞肉嫩滑，豬大腸入味，我們同時加了一份鴨血，鴨血滑溜可口，值得推薦。吃完正餐，就當然要叫甜品，叫了一個紅糖糍粑和一個黑糖桂花冰粉，糍粑太好味了，煙韌，表面有炸過，甜甜的，十分滋味，而冰粉則是我第一次食，和涼粉很像，也很像啫喱，和黑糖桂花的糖水很配合。總括而言，我們對整頓飯十分滿意，大力推介這間麻辣娘子。

等左大半個鍾先有位！見到滿滿既人流已經對餐廳好有信心！川汁皮蛋做小食！佢係透明架，好可愛！18蚊份真心無得輸了。酸菜魚客飯。有好幾塊大魚，而且芽菜等等份量好足。66蚊而言係好高質。下次我會叫中辣，應該更惹味！娘子香辣鍋係最正之選。佢有好多配料揀。我地要左肥腸，牛肉，牛栢葉，萵筍！勁足料，肥腸多到最得食唔哂添呀！老公跟客飯加5蚊要左凍豆漿…我就…抵受唔到店內有阿里山台式飲品既誘惑！十勝紅豆鮮奶好正。紅豆量勁勁勁多。滿足！

今日嚟新都城呢邊搵朋友，順便同佢一齊食餐飯，佢話鍾意食辣野我哋就試吓呢間麻辣娘子。雖然係食四川菜，但係竟然有個角落係佢地專屬嘅飲品站，有多款手搖飲品，全部都好吸引，包括大熱嘅芝士奶蓋同埋水果茶！《涼拌萵筍》$38萵筍好爽脆，又夠蒜香味，如果再凍啲就更好。《娘子最愛酸菜魚》$248食辣野當然唔少得酸菜魚，亦都係我最愛嘅菜式之一，呢個係二人份量，BB辣。魚片好滑，一啲腥味都冇，完全冇骨👍🏻👍🏻用靚魚抵讚！花椒味啱啱好唔會太重，而且酸菜都好好食，又有大量嘅配料：薯粉、豆卜、芽菜，好好味，呢個價錢來講份量都算多。《霸王辣子雞》$118呢個辣子雞口感香脆又炒得香，而且腰果都係好脆，食到停唔到。分量方面都算多，因為試過好多店舖都係只有大量嘅辣椒。《芝士奶蓋炭燒烏龍茶》$26個價錢飲到芝士奶蓋茶真係好平，原本期望都唔大，點知原來都好好飲，奶蓋好厚又重奶同芝士味，比想像中出色，而且烏龍茶都茶味都好濃！ 總括嚟講，食物嘅質素都唔錯，價錢亦唔算好貴，有機會可以encore。

朋友約食飯，突然間勁想食毛血旺，所以立即分享呢一間附近嘅川菜坐位好舒服，空間闊落，裝飾都古香古色！係用電話落單，二話不說即刻點返一個毛血旺。紅紅辣辣的一盆，上面漂滿了乾辣椒、花椒、紅辣油，光係見到就流口水。食毛血旺點少得白飯🤣強烈建議一定要嗌返個白飯！！！入面有毛肚、豆芽、牛百葉、午餐肉、豬肉片，仲有寬粉😍😍超正叫咗個一口脆皮豆腐椒鹽味好好食外脆內軟，食到停唔到口🤣必點川菜甜品冰粉、紅糖糍粑冰粉涼浸浸，解辣一流紅糖糍粑炸得好鬆脆，入面軟糯🥰

疫情以來，最大的好處就是做事情專注很多，因為少了很多誘惑🤣 周末我通常早晨起來護膚，中午出門吃飯，下午回家睡覺😴。 之前吃過麻辣娘子之後，就是念念不忘，必有回想。 今天又過來 吃了！午市套餐原來更加划算。我點了最愛的冒菜，又點了水煮牛肉。都超級不錯。 冒菜價錢真是很划算，28就有一份，加上一些配菜也就40左右，喝的也只需要加5元。好大一份，中辣，剛剛好。薯粉也很入味。 水煮牛，特別鮮嫩，且不噻牙齒。年紀大了，吃飯的舒適度，很重要。麻辣依然是剛剛好 下次可以嘗試大辣。 他們家環境很好，衛生也放心。最後，點了一杯黑糖桃膠鮮奶，少糖少冰，加桃膠，當手搖杯，拿著走，特別愜意。麻辣娘子將軍澳欣景路8號新都城中心2期2樓2035-2036號舖

放假約咗朋友行街食嘢，經過見到呢間主打川菜嘅餐廳，而且近排都想食辣野，所以就入去試吓啦。下午兩點幾，餐廳仲坐滿晒客人，都要等5至10分鐘先有位，睇嚟餐廳都幾受歡迎。餐牌方面，食物款式眾多，除咗有午市客飯之外，仲有四川冒菜粉、涼菜、小食、甜品同飲品，價錢親民。涼拌土豆絲土豆絲口感爽脆，咸香帶微辣，非常開胃。涼拌萵筍萵筍清爽新鮮，帶微香蒜味。拍蒜青瓜青瓜清甜脆口，拍得夠晒入味，酸辣比例啱啱好。我哋分別叫咗兩個客飯，飯嘅份量都可以喺手機點餐嘅時候選擇多飯少飯或者走飯，非常貼心。川式口水雞份量都幾大碟，雞肉鮮味嫩滑，口水汁濃郁惹味，麻辣味十足，香氣逼人。紅燒肉肥肉同瘦肉層層分明，肥肉口感爽口，唔會覺得好油膩，而瘦肉都煮得幾腍，幾入味，送飯一流。芝士奶蓋炭燒烏龍茶芝士奶蓋質感濃厚，芝士味道濃郁幼滑，充滿鹹香。烏龍茶茶味順口，不苦不澀，甜度適中。芝士奶蓋茉香綠茶茶味清香，口感溫潤，既有天然茶味，亦有茉莉花嘅芬香，唔錯。