麻辣娘子 (新都城中心) (已結業)

今日晚餐在將軍澳新都城的麻辣娘子，呢度係自己用QR code落單的鮮菠蘿咕嚕黑豚肉～有鑊氣而且份量十足，好大碟，好有水準👍炸漿薄而且肉質嫩滑😋菠蘿鮮甜👍蒜泥白肉（BB辣）～唔係好食得辣所以叫BB辣😂砌得好整齊好親😍味道也很好👍細軟的白肉索滿辣和蒜泥，真係啖啖知味，而且有青瓜絲墊底，卷住一齊食又有另一番風味😋黑金流沙包（3隻）～外表好型好吸引😍熱辣辣，裏面的流沙奶黃唔會太甜，味道剛好👌熱黑糖珍珠奶茶～平時我飲開凍的，但今日就叫咗熱的，個人覺得熱的比凍的好飲😋珍珠冇咁硬✌️

麻辣娘子喺將軍澳區開咗都一段時間，都未有機會去試，所以決定今日放工之後同朋友一試究竟。而家多咗好多食川菜嘅餐廳，主要都係酸菜魚比較出名，所以我哋都決定試下呢度嘅招牌菜酸菜魚，我哋兩個女仔食咁當然係叫咗細份啦，但點知一端上枱嘅時候，我都比個份量嚇親，因為真係超多超多超多魚，由於餐牌上冇寫酸菜魚入邊有咩配料，所以唔知道原來入邊都有好多配菜，包括萵筍、豆卜、芽菜同埋超多寬粉。每一樣配菜都非常出色，魚肉超少骨，分量超多，寬粉非常煙韌好飽肚！我哋另外嗌多咗個小菜係娘子小炒皇，超夠鑊氣，超好食，入邊有蝦乾、腰果、韭菜花、魷魚鬚、蝦球同埋豬肉，呢個菜式真係超級推介，相信我下一次嚟到一定會再encore ！至於鍾意食蒜泥嘅朋友記住都要試吓呢度嘅蒜泥白肉，因為餐廳將蒜蓉磨到超幼細好creamy ,而且白肉分量亦非常之多,辣油都唔算太辣,以我一個唔太食辣嘅女仔嚟講都應付得到。餐廳同隔離阿里山茶飲係同一間鋪頭,所以餐廳菜單都可以揀埋阿里山嘅飲品，我哋分別揀咗芝士奶蓋炭燒烏龍奶茶同埋芝士奶蓋黑糖珍珠鮮奶，只能說兩杯都非常出色，芝士奶蓋非常之口，而且非常濃郁，黑糖珍珠非常入味，而且非常煙韌，係一個非常好嘅配搭，

朝早落黑雨，成日都天氣差，但無阻想食好西既心情。去到寶琳，想食辣野，即刻諗起間麻辣娘子。古法咕嚕肉 $98唔知係新菜式定上次食見唔到，見到咕嚕肉有d想試，所以點左。咕嚕肉煲到好霖好入味，d肉少少偏肥，不過食咕嚕肉既話岩岩好。川式避風塘炒面 $72上碟熱辣辣，幾夠鑊氣。冇任何辣椒仔，但醬料帶有少少辣味。身為主食，但本身麵幾惹味。辣子黃金蝦 $148賣相唔洗講，真係好吸引。食個陣撥開d辣椒，夾起成隻放入口。蝦殼整到好軟，蛋黃釣哂d味。有時d殼會少少硬，但建議用口剝，因為d「黃金」真係好好味！芒芒水果炭燒烏龍茶加桃膠 $38芝士奶蓋黑糖珍珠鮮奶 $32麻辣娘子特色之一：食野可以飲埋珍奶水果茶。食辣野難免有少少油膩同想解辣，邊食邊飲e兩杯真係perfect match。雖然食緊辣嘢，味覺唔太好使，但杯芒芒水果加桃膠真係幾突出。橙🍊+奇異果🥝+其他幾種水果既組合唔會酸，又甜甜地，真心正。

呢間食川菜既餐廳位於寶琳新都城廣場 交通便利 而且價錢好親民 但人流頗多 要排隊一下子 整體來講CP值都好多 而且菜式可選BB辣 食辣新手啱晒😛同朋友二人叫了兩個lunch set再加兩道小菜及飲品 都只係$300埋單 十分吸引😊酸菜魚 $66 - 因為我地唔太好酸菜的口感 餐廳可選擇走酸菜粒 食得方便啲😂😂魚好滑又只有少少刺水煮牛肉 $56 - 水煮對我黎講係川菜必食 餐廳煮得剛剛好 有芽菜放低 一流😛乾扁四季豆 $68 - 四季豆炒至焦邊 好夠鍋氣 川式口水雞 $68 - 雞肉好嫩 而且隻辣醬做得好出色飲品選擇好多 更有台式飲品 朋友試了「絕色佳人」 內有紅棗、杞子、桃膠 及玫瑰花 而茶底既烏龍茶味都香濃 跟餐$12好抵😂

今日行開將軍澳呢邊行街，見到呢間川菜好想試下。店內掛滿晒紅燈籠，好有中式感覺。晚飯時間都算多人，坐低左之後見好多枱都有點脆皮小豆腐，我地一定要試下呢道。另外我地仲order左四款（啫啫魷魚鬚，川汁皮蛋，川式口水雞，蒜泥白肉）同埋呢度有台式飲品呀，平時最鍾意飲架喇，一於試下佢先。脆皮小豆腐真係一定要試！啱啱炸起好脆而且皮唔厚，豆腐好滑，加埋啲炸蒜好香口，細細粒好易食，啱啱好一口size啫啫魷魚鬚一上枱就聞到好香，啲魷魚份量好多，好抵食，魷魚啱啱好，唔韌，啲配菜都好好味，洋蔥仲係甜架川汁皮蛋皮蛋唔係平時黑色嗰隻，係黃金皮蛋，加埋佢地嘅醬汁好惹味川式口水雞好大碟呀，雞件每舊都啖啖肉，超級抵食，我地叫左中辣都唔算太辣，啱啱好蒜泥白肉薄切豬腩肉上面有大量蒜泥，啲蒜泥完全無顆粒感，磨得好幼細，唔錯，啱晒鍾意食蒜嘅朋友另外點左兩杯台式飲品（阿里山）花好月圓入面有桃膠，桂花，桂圓，杞子，成杯都好足料，每啖都好滿足，點左少糖啱啱好黑糖珍珠炭燒烏龍奶茶朋友點左半糖，甜度適中，珍珠都煮得軟硬適中，好好飲

下午茶時間嚟呢到，人流唔多，座位相當闊落。點餐係類似車仔麵咁去寫紙仔，首先揀湯底然後揀餸，湯底三款：四川春辣湯、清湯和酸菜魚湯。我就叫咗酸菜魚湯，記住呢個只係湯底，需要魚要係配菜到剔埋鮮魚片！最後我揀咗酸菜魚金針菇米線$48，呢個價位嚟講絕對對得住有餘！對於我呢個唔太食得辣既人嚟講我都可以食得到，有麻香又夠酸！一碗既份量都幾大碗，而鮮魚片係絕對要嗌！因為魚質好滑而且無骨，塊塊都幾大舊而且數量都幾多。同行朋友就揀咗酸菜魚湯萵荀鴨紅紅薯粉，佢就認為紅薯粉好彈牙，而萵荀同鴨血都唔咪常見到有得揀既配料，味道唔錯，但餸既份量同鮮魚片比起就無咁多。

第一次食麻辣娘子的晚餐，叫了雞煲，咕嚕肉，土豆絲先講雞煲，味道不錯，麻辣夠香，雞的分量都足夠，雞同配菜都吸收到麻辣汁的味道，非常入味，不過，略嫌唔夠汁！另外，驚喜的係入面有加入肥腸同魷魚做配菜，配搭都算新鮮咕嚕肉同埋土豆絲分量十分，好大碟，咕嚕肉外脆內軟，好有口感，菠蘿就略帶一點酸，食落都開胃，其他配菜都好多好好味土豆絲都抵食，酸辣味道不錯！爽口彈牙服務方面，上菜十分快，侍應會主動幫手處理雞煲，夠體貼！

今日係新都城附近食新野，其實都開業左一段時間，只係一直都搵唔到時間黎試下，今日終於的起心肝去試下呢間麻辣野。其實係比酸菜魚吸引到入去，餐廳係用QR code自助落單，其實都好多details可以揀，例如辣度同埋走青果D。娘子最愛酸菜魚(小份) $238我地兩個人就叫左個細份嘅酸菜魚，小辣走芫荽，唔洗等好耐就有得食，魚肉都幾新鮮，同埋份量都好足，好多魚同埋兩個人食勁飽。不過整體酸度同辣度都唔夠，辣度可以揀辣D，不過酸度就冇得加酸。而且好多花椒八角，基本上每食一啖都有好多花椒八角，口感唔係幾好。整體一個字講晒，唔好食！清炒萵筍絲 $58清炒比較清淡少少，不過食到尾先知原來好多油，不過整體感覺份量都幾多，CP值一般。黑金流沙包 $28流沙包就係岩岩上枱就食左，好正，黑色嘅外表，其實幾型（但表皮爛嘅？），食落流沙奶黃唔會好甜，味道岩岩好。餐廳同隔離有間飲品鋪有合作，店員會suggest你去買果間嘅野飲，第二杯有半價，不過就需要行過去落order同埋另外再比錢，有啲唔係好user friendly。芝士奶蓋黑糖珍珠炭燒烏龍茶 $32花花世畀 $28Overall黎講，cp值唔算高，雖然係大份野食

今日經過呢間麻辣小店，午市套餐有一人份量嘅川菜客飯都唔錯喎，但又好耐都有食過紅薯粉😝即刻又入去e下肚先♦️香辣湯BB辣紅薯粉餸加咗肥腸同魚片 湯底感覺麻麻地，唔係咁正宗 酸菜偏鹹，魚片🐟都滑不過份量比較少♦️再追加小食蒜泥白肉 不過不失🙈♦️芝士奶蓋茶整體覺得有啲失望嘅一餐

麻辣娘子有新分店開張，今次嚟到筲箕灣再次食辣野😎。上次去過將軍澳嘅分店食過招牌菜酸菜魚，今次當然是食佢嘅第二種主打招牌麻辣娘子乾鍋😝。。食主菜之前，先黎一個頭盤暖暖胃🙈，我叫咗一個涼拌土豆絲，土豆絲非常之爽脆，而且食落口又香又麻又辣，幾香口，不錯👍🏻。。跟住今日嘅主角終於上台，勁大個干鍋出現係我面前🤩，上面放滿咗好多辣椒同埋自選嘅食材。我揀咗四款嘢食，分別係嫩牛肉、牛柏葉、肥腸、魷魚鬚。。味道方面，麻同鹹嘅味道非常之到位😋，不過辣味方面略嫌有啲不足，我已經叫大辣，不過就唔太夠辣味，對於作為一個辣控嘅我來講，略微有點不足。不過整體而然都非常之好食👍🏻，牛肉同肥腸唔使講啦，干鍋嘅經典配搭，完全冇得輸🤣。而牛柏葉非常之入味，勁送飯，咬落口感好爽。而且魷魚鬚都唔輸蝕，口感彈牙，咬落QQ😆。。

本身去寶琳行過依間商場打算食下辣嘢本身本人食過內地川菜對香港川菜無太大期望打算少少好食就夠我亦都唔係啲西客但今日 比我遇到依間真係要打翻個食評講聲太難食喇（全部菜小辣 就翻女朋友廣東口味）以下係我叫既菜 希望各位朋友小心啲睇路1分（因為係肉）回鍋肉非常重鹽 重油依個價錢得10塊肉片脂肪多過瘦肉最重要係太鹹1分 口水雞淘寶口水雞醬普通冰鮮雞 雞胸多唔係話唔好食係全部嘢加埋無驚喜雲貴香個口水雞好食好多0分 紫薯包餡料過甜食到有玫瑰花味（？）包係翻叮嘅，包皮好硬太難食可以挑戰下總結 真係唔知點解可以仲有咁多人食依間野好食既辣嘢香港真係大把價錢貴服務不錯環境不錯但野食.....Bye！

💖麻辣娘子唔知大家有冇發覺呢排香港多咗好多食麻辣野嘅舖頭🤔總有一間喺左近 呢間喺新都城二期開咗冇耐 成日夜晚都好多人排隊所以就試一試佢！💰人均$150 dinner雞煲有麻辣同原味揀 兩款都好香！佢個脆皮豆腐真係外脆內滑 值得一試🤤仲有個咕嚕黑豚肉 唔使點咬咁滯而且個汁教得好好👍🏼不過建議晚飯就可以兩個人叫一碗飯因為佢個飯超級大碗🤣

酸菜魚（大陸味）相信有好多人都中意食啲酸味味既野 熱辣辣既天氣 食酸野最開胃 今日就黎到將軍澳新都城二期 食麻辣涼子酸菜魚lunch set中午時分嚟到呢度 門口唔係好多人 唔使等位即刻有位 睇睇個menu 全部都係我鍾意食嘅辣野 包括酸菜魚水煮魚等等......再一次令我選擇困難症 呢度係掃 QR code落單嘅 所以唔洗尷尬 可以慢慢揀 QR code落單佢好多額外選擇畀你揀 包括辣度你大中小 多麻少麻 任君選擇我就揀咗大辣多麻 酸菜魚酸菜魚酸菜魚嚟到我梗係要試一試佢個湯先 食落唔算好辣（平時食譚仔我係食中辣) 個湯又唔會過酸 啱啱好 之後再夾舊魚試下 個魚質感好滑 冇骨唔會怕哽親 而魚嘅份量都算多 唔會係得兩三啖飯食完 再睇下個底發現有QQ粉 煙煙靭靭 而我個食法就係湯撈飯 幾乎成碗湯畀我飲曬 如果鍾意食辣嘅朋友可以試下大辣 而食辣嘢最緊要配汽水涼拌土豆絲土豆絲可以跟餐加配小食 平時出面叫一碟土豆絲都要四五十蚊 而十幾蚊配一碟 一個人食都好抵食 同樣都係可以揀辣度 麻度 不過呢個土豆絲我就唔係咁推薦大家食 食落都係一般 都係平時四五十蚊的好食啲 不過土豆絲個質感都係爽脆嘅 只不

唔好誤會啊，兩個菜食曬唔係因為佢哋好味，而係份量實在太少☹️1）酸菜魚（小辣）：湯係乾辣唔係香辣，魚有一絲淡淡鹼水味，酸菜得個鹹字，配菜嘅豆芽有部分變咗色，唔夠新鮮。薯粉墊底，魚唔超過10片☹️2）牛肉麻辣香鍋：用做冒菜嘅做法做香鍋，大量椰菜花墊底，表面幾片牛肉充撐下姐3）酸梅湯同白飯：成個午餐唯二味道正常，份量正常嘅食物講完菜式講下服務，我哋兩個人order咗兩個套餐，酸菜魚先上，店員只拎咗一碗飯過來，咁我就同店員講：唔該上埋另一個餐果碗白飯俾我哋，店員就答好好好，之後就消失咗好耐，直至麻辣香鍋上菜先拎果碗白飯過來，而當時餐廳食客好少，一啲都唔繁忙，好明顯店員係唔洗為一碗白飯行多一轉😒

今次午餐決定試吓呢間新開嘅川菜嗌咗一個酸菜魚set lunch 魚肉鮮甜嫩口，喺香港少數嘅高質酸辣魚湯底嘅辣味好足， 建議大家叫加麻 湯汁會更香口$70有找大份夾抵食 正