麻辣派對 (瑞生酒店) (已結業)

今日午餐好想食d酸辣野，而每次買外賣都差不多必經呢間麻辣派對，今日就同同事試下午餐先。內裏裝飾華麗獨特，光線柔和舒適，仲有卡位坐添。設計色彩繽紛而且樓底頗高，空間感大。牆上油畫漂亮突出，可見畫工非凡。簡單嘅餐具都好細緻地印上店舖名稱酸菜江團魚魚片切成薄薄一片片的，魚片份量都頗多，平時食5至6片就無了，這鍋魚感覺食極都還有。當中切片連小小細骨都沒有，而且廚師烹調時間剛剛好，魚肉嫩滑仲啖啖肉，酸辣適中，非常惹味。辣度級別有幾款，可以自由選擇。一片片慢慢吃，簡直係人生一大享受。酸菜大大條份量又多，岩晒喜歡吃酸菜既我，當堂可以開胃d又無咁制。再配上白飯，非常飽肚，一個人真係食唔晒。藤椒花雕白貝白貝雖然細細隻但好厚肉和肥美，加上花雕和辣椒一起煮，非常入味。當中帶輕輕既酸辣，而且一點沙都沒有，味道幾特別，一食就停不了口。歌樂山辣子雞一大堆乾辣椒和雞粒炒在一起，睇落去真係好似好辣，吃不了。但原來這些都是假像，食落口肉質juicy之餘又唔算好辣，如果再配返杯啤酒簡直一流。我地叫左個套餐包餐飲，價錢都幾化算，款式又多。套餐都係最經濟的

在尖沙咀逛完街，突然很想吃川菜在街上看到麻辣派對大大的招牌就去試試店內裝修幾特別，打卡影相都幾靚菜式款式很多，酸菜、水煮、烤魚、雞鍋、小菜、涼菜、小龍蝦、海鮮、小麵、米線、酸辣粉……全部菜式都可以自選辣度，有分BB辣到大辣和男友兩個人點了一份涼菜、一個小菜和一個雞鍋我們全部都選BB辣😆涼菜 藤椒花雕白貝酸辣汁，配上大量蒜蓉和香菜，很開胃花雕酒味不是很重底下鋪了點青瓜絲，脆脆的吸滿汁小菜 乾煸花菜鹹肉花菜炒得很爽口鹹肉不乾，肥瘦剛好，厚切口感不錯麻辣雞鍋（半隻）滿滿不同種類的辣椒，爆香的配料，十分惹味，辣味也有不同層次雖然是半隻份量但也不少所有鍋類都有小火在下面暖著，愈煮愈香，愈入味，還可以自己加配料，配料種類也很多飲料叫了凍檸茶和冬瓜茶整體來說，麻辣派對做得很好的是，菜夠香夠惹味但不會很油；川菜菜式種類很多一定能滿足不同口味

朋友話好耐冇食辣辣，即刻上黎book左。lunch set真係好抵食，次次比點-辣子雞！！好香口，而且份量又唔少，2個人食啱啱好呀！！仲有一份係酸辣牛肉，認真份量夠足，裡面金針菇爽脆，配料好多！！

每隔一段時間都想吃一餐川菜或者重慶菜，就算不太能吃辣，都很喜歡那種惹味香辣的感覺😝香港專吃辣的選擇不多，而這家麻辣派對算是在尖沙咀這邊比較出名的，每次經過都能看到它那龐大的招牌😉這次終於來到一試，發現食物的選擇比想像中多🤓很可惜和朋友兩人來吃，實在不能點太多東西吃🥺最後就只叫了酸菜魚和火雞腎這裏的裝修很華麗，跟一般的餐廳不太一樣，樓底非常高，放了很多巨大的擺設，譬如在牆上的畫亦十分大幅🤡而餐廳亦有多部電視播着唱k的mv，猶如很大的k房—#水煮酸菜江團魚 $198餐廳建議水煮系列配上兩至三道輔菜，所以就跟朋友額外點了水晶粉(+$38)及萵荀(+$38)😀不太能吃辣所以點了BB辣，能輕嘗辛辣香料的味道🥳江團魚的份量慷慨，為數幾十片，好咁滑溜軟腍亦沒有骨，而且不會切得太薄，吃起來相當滿足🤓湯底亦不會油膩，酸菜的味道剛好，不算太濃味🥹#紅油火雞腎 $68在眾多的川渝涼菜中，跟朋友選了這個紅油火雞腎😎紅油加上了花生，多了一份果仁的香氣😝火雞腎比想像中切得較為薄，但尚算可以，有爽口的感覺

只此一次 環境十分之差 服務亦很一般 食物質素亦差，想去既朋友自己諗清楚。餐廳環境十分擠逼，嘈雜到不得了，想同朋友傾下計都完全傾唔到，枱與枱之間距離十分之近，枱又細張。而且安排咗一個冷氣機滴水既位置俾客人，成餐飯不停狂滴 向經理反映被滴濕袋、衣服、頭，經理只係叫客人坐開少少，明明有空枱都唔安排調位，成餐飯要個客就住就住避開啲水嚟食飯 差到不得了！另外食物方面 叫咗一份土豆絲同半隻雞煲，土豆絲味道唔錯，但另一味雞煲啲雞又老又柴又多碎骨。就快食完既時候有員工粒聲唔出上咗2杯仔應該係桂花啫喱(?)之類既野俾我哋，但又唔講係啲咩，到底係送定係上錯？到底係咩食物？友人試咗一啖，感到質感味道十分奇怪就沒有食用。最後埋單，員工叫極都唔嚟收錢，到底係咪唔想收錢呢？等咗好耐先有人嚟 我地俾齊晒錢 個員工又數咗好耐 好似唔識計數咁，明明只係三張一百蚊加一個十蚊一個兩毫，唔知點解要數4,5次，仲諗住話我哋俾唔夠錢，十分無奈！

聽過麻辣派對好耐啦，身邊嘅朋友都好似食過，但係我係第一次食。咁我哋今次食咗酸菜魚、歌樂山辣子雞拼田雞、川北涼粉，我再加咗碗白飯，食辣野點可以唔配白飯呀。辣子雞可以+$30配田雞，一次過滿足晒我哋兩個願望，啲雞同田雞都有肉，而且好夠乾身同夠味。入面仲有啲花生🥜，真係好正，好滿足。但係另外兩道菜就略嫌唔夠未，酸菜魚入面啲魚掛唔到啲湯汁，而涼粉都好似唔夠辣唔夠麻 (少食，所以唔知平時嘅係點，不過對我而言就唔太夠味了。)下次如果再食，可能要揀啲重口味嘅湯底

勁鐘意食辣嘅我經常經過哩間店一直都末去試，今次試試哩閰嘅辣嘢。地下搭i上去1樓同2樓都係餐廳，樓下位姐姐喺對講機講咗2位上去1樓，上到去硬係無人理，要自己行入去講幾位。哩庋嘅装修又真係好似開趴咁幾花下，花到有啲low，地方唔算細，但係佢哋嘅對講機真係勁大聲，好鬼吵•講返食嘅，我哋點咗一份酸菜江團魚，香辣田雞拼蝦，手撕包菜，凉拌秋葵同一個酸辣粉，上菜都算快嘅。酸菜江團魚：我去其他地方都係鐘意點江團魚，因為魚肉夠嫩滑，但係哩度整到條魚好腥，酸菜味唔夠得個辣，好彩無加配菜，唔係實食唔落，唔鐘意腥味重嘅魚，都係十二味嘅好食好多。香辣田雞拼蝦：哩個夠香夠麻，味道唔錯，田雞比蝦多，蝦得8隻。手撕包菜：炒得唔入味，菜還菜汁還汁咁，無鑊氣，差評。酸辣粉原本都無咩期待，一般般，凉拌秋葵酸酸哋幾開胃，整體無驚喜，唔啱我胃口。

今天放假，一於和阿女拍拖去尖沙咀逛街街，吃下好東西，我們選了在麻辣派對吃午餐。我們大約1時半到達，一入門口，已感受到非常浪漫的氣氛。看完餐牌後，我們點了酸菜江團魚套餐、川味麻婆豆腐套餐，和涼拌花膠套餐。前兩者跟餐有燉湯/飲品、白飯，而後者可跟酸辣水晶粉及飲品。值得一提，這裡是可以選擇辣度的，可走辣，亦有不同等級的辣，初嚐者可試吓BB辣的。燉湯：用料豐富，火候十足，入口夠濃。酸菜江團魚：這個是這裡的招牌菜之一，見很多枱食客都有點。魚肉大大件，鮮味十足，配菜亦多，足夠伴兩碗飯啊！川味麻婆豆腐：豆腐嫩滑，肉碎非常惹味，大人小朋友都適合吃。涼拌花膠：真想不到$78 可吃到大大件的花膠，口感十足，帶點微辣，頗有風味。酸辣水晶粉：份量超大，水晶粉晶瑩剔透，配料地道，吃到不停口呀！

家常豆腐炸豆腐角豆干煮後綿嫩，入面更滑溜，這道叫了bb辣，惹味得來沒有喧賓奪主的完全蓋過豆香。其他材料也挺豐富，量給得慷慨，木耳脆爽，青椒🫑翠綠，菇菌香軟，整体綿密調味柔和，很好送飯。孜然蔥爆蒙古羊肉份量不少，大蔥爆得香，孜然點到即止不嗆喉，肉質濕潤，沒有羊膻，跟爽口大蔥相映成趣。點了中辣，比估計的稍辣，菜式有肉眼可見的辣粉，吃時更添滋味。香鍋單點要了小辣🫶🏻一大鍋紅辣干花椒上台，又用蠋台保持著溫度，簡直是氣勢焰焰。整道餸五顏六色，眼球得到絕對的滿足。拍照時已有薯香撲鼻，土豆🥔是大大件薯角切法，做得很粉，相當喜歡，辣度叫了小卻更顯原味道。有機花菜爽脆，有嚼勁，有足夠口感。高山娃娃菜很大棵，菜身最上辣，全部都均勻滲有辣香味道，比較刺激。蓮藕切得厚要大件，質地和坊間不同，帶點酥脆，吃辣項目少不得。血旺第一次這樣食，原來亦夾，第一口質感實淨，出奇入味，口味更是濃縮，與眾不同。香鍋的份量很多，二三個人分享一定足夠。店員更幫忙翻炒，更引食慾，更有睇頭。食後感：食物全部大堆頭，切得大，有内地的大方手風，份外地道，冷氣充足，吃辣不會吃得一身汗😹P.S.辣度較多年前精準，小辣就真的小，大辣就真心辣👏🏼

早前去左尖沙咀一間好有特色既麻辣料理餐廳!! 裡面裝飾好華麗!! 走暗黑歐陸華麗風✨ 掛有大油畫、乾花、霓虹燈咁，主調是紫色光，好有氣氛!! 想不到是主打麻辣料理🌶️有烤魚、水煮魚、酸菜魚、雞煲同片菜等~~ 我地就叫左:..🍲黃燜雞煲 (半隻) 加配 香乾豆腐用大大個花形盤裝住，好靚! 半隻雞份量都很多😍 用上大量紫洋蔥同菇一齊炒，超惹味!! 雞煲可以加配其他配料一齊煮，我地揀左香乾豆腐，乾身既豆腐，易吸收同入味，果然無叫錯，口感好正!! 雞肉件件都啖啖肉，無過多調味已經好好食，而且雞肉好嫩滑!..🌶️鮮椒爽脆生腸唔太食得好辣既我，揀左唔辣🤪 但要讚下，真係唔辣之餘但保留左麻香味，所以勁香!! 生腸好爽，勁鍾意個調汁好好食! 酸酸麻麻咁，好開胃!!..🍹蜜語水果茶係一渣咁上，兩個人飲都得!! 大約有2杯半份量，裡面真係勁多水果，有橙、檸檬、火龍果、西瓜等等，仲要大大件，飲完之餘可以食埋水果! 水果茶好香好解渴，唔會好甜，唔錯!!..🍮桂花啫喱最後店員仲送上每人一小杯桂花啫喱，好香桂花味!! 真係好適合食完雞煲/麻辣野後食用，可以清新下味蕾，好貼心!!..每枱都放有手套俾客人用，手套包裝好特

意想不到嘅華麗裝潢，加上燈光同色調嘅型格配搭，再以不少特色掛畫點綴。真係非一般嘅川菜館，感覺新潮，增加唔少新鮮感。👍孜然蔥爆蒙古羊肉套餐$78真係只可以講，愛蔥愛辣愛羊嘅唔洗考慮，必叫之選。辣度啱啱好，唔會辣到噴火😂。羊肉仲要有少少🤏羊羶味，連埋好多份量嘅京蔥，非常好送飯！我另一半真係好鍾意，讚不絕口❤️🤣。酸菜江團魚套餐$78最愛食酸菜魚，所以每次食親川菜都係必點菜式，辣度一定至少叫中辣，呢個酸菜魚好夠辣，魚嘅份量亦唔少，而且夠鮮夠滑，都係好好送飯嘅選擇！紅油火雞腎套餐$68雞腎份量好多，兩個人食都食唔晒。紅油辣度適中，配搭青瓜絲提升爽口程度亦令到雞腎油而不膩。凍蜜語水果茶茶味濃，但亦都唔會蓋過水果味😋。大量水果🍉🫐🍎🍈🍋🍊，好似飯後嘅生果盤咁。🤣🤣🤣燉湯上枱嘅時候熱辣辣，湯中有濃厚肉味，粉葛煮得非常入口，非一般例湯。麻辣小面飯當然係川菜嘅絕配，但係同時鍾意食麵嘅我都俾依個麻辣小面吸引到。麵質彈牙，唔會係令人失望嘅軟林林👍。配以花生🥜提升爽脆度，重點係雖然只係小面，但麻辣做得唔會馬虎。

今日叫左口水雞加水晶粉套餐，口水雞食到最後近醬料嗰度見到有條黑色物體，心知不妙，用筷子一夾果然係一條長長嘅黑色頭髮，即刻叫職員嚟，個職員話換過碟俾我，我都唔想再食啦，啲頭髮喺醬汁度，我話唔使啦，個職員即刻9秒9收走碟嘢，之後過來話因為我已經食咗個水晶粉所以只可以俾個9折我🤣唔該晒，因為呢間野平日着制服係有9折，所以對我嚟講冇分別，但係唔會再嚟幫襯，因為條頭髮係喺最底發現，唔係喺面頭跌落去。

最愛食酸菜魚既我，間中又有酸菜魚的心癮😏隔一排我又好想食, 所以呢一晚決定去食先🤤去左地點方便既尖沙咀 麻辣派對📍🌶川菜之選，真係好多唔同款呀!😍-主打當然要食水煮魚🌶唔太鍾意改變既我都係揀左酸菜味型江團魚 🐠下次可以試下其他湯底!🥘不過酸菜魚小辣真係好岩我口味，少辣又開胃! 而且呢間的酸菜魚真係好足料!🥬魚肉好滿，而且無骨，魚身好滑，食落啖啖魚肉!🐟而且份量真係好足夠，入面仲有粉條😋所以一定更飽! 仲有埋芽菜、酸菜等配料，好滿足!😌-由於本身份量好多，所以我只係點了一個小食!🔖點了涼拌黑木耳，來一點小清新💚黑木耳爽口，涼拌岩晒夏天食! 💕不過相對會辣一點，食唔到辣既朋友要留意!💡-另外老公都點了白飯，同埋凍檸茶🍋我地都食得好飽呢😆鍾意川菜同辣既朋友會好岩!🥳

上星期朋友說想吃辣，於是用關鍵字「麻辣」無意中找到麻辣派對，就在Openrice 預約訂座了今晚。餐廳環境，餐廳好有氣氛，燈光、裝修、佈置都同麻辣派對好貼切，真的感覺在參加派對，但好像主要2-4人枱為主要，如果人多可能要預先預約。食物選擇很多，有小菜、有乾煱、有烤魚等，每款都有不同配搭可隨意選擇，令我和朋友都覺得花多眼亂，心大心細每款都想試一下，只可惜每人就只有一個胃🤣，最後我們選擇了麻辣乾煱雞煲，因為平時比較少見，另外點了涼瓜和羊肉，+乾煸花菜鹹肉+戀味毛肚。剛入坐就放眼四周，差不多每枱都2個煲以上，原本都打算點兩款煲可以多試一款口味，幸好最後決定只叫一煲加小菜，否則要打包，剩下會浪費。餐廳每道菜都份量十足！麻辣乾煱雞煲+涼瓜+羊肉/麻辣雞作為本鍋的主題，自然不可以比其他配菜遜色。麻辣派對，麻辣是主題我和友人都怕應付不來，所以只選小辣上枱時麻香已經撲鼻而來，入口麻而不辣，油而不膩，雞肉鮮嫩緊緻，汁醬完全融入其中，涼瓜爽脆有咬口，羊肉相對有點失色。乾煸花菜鹹肉/這道菜關鍵在於乾煸，而這個菜個人覺得合格有餘，無多餘的油或者汁水，將水份留在花菜裡面。鹹肉因為是淹製食物，乾是正常的重點要鹹香

今晚同朋友食四川菜，決定去一間叫麻辣派對食辣野啦。睇過菜牌已經好有設計感食辣野又點少得我哋香港人至愛既水煮魚。我哋揀左江團魚做主角。貪佢易入味。上菜時我哋都嚇親，大大盆既水煮魚，份量十足！個人建議一定要配碗白飯。水煮汁加飯特別惹味開胃。魚片夠大塊，夾時不易散，證明魚夠新鮮。食落魚夠滑，仲爆發出各種辛香料係口腔擴散。花椒 八角都勁道，小辣都辣得過癮。重點係麻勁晤會被辣味蓋過哂。完全做到麻辣既正宗效果。加上芽菜水晶粉各種配菜。令即使一片紅海既水煮魚，帶點解膩既效果，不會單調，反而愈食愈有驚喜。因為不同食物吸收辣汁後，相得益彰。既辣得刺激，又口感豐富。而另外一樣邪惡至極既係辣子肥腸！呢樣夠肥但真係好正！又一份量十足之作！肥腸炸過再炒。保留外脆內香既口感。師傅切得夠厚身，保留到肥腸既油脂香。入口即溶嘅感覺令人回味無窮。加上花椒既微辣隨油脂散出，令個人不會容易有膩既感覺。香味四散於口中，帶小小麻既感覺，層次豐富。得難得一遇既佳作。雖然食完卡路里爆錶。但難得遇到有餐廳做到上上之作。肥啲我都制呀！由於得2個人食。基本叫2個餸已經食到超飽！我一定會再返黎，再試埋其他我未食過既好西！