麻辣派對 (瑞生酒店) (已結業)

酸菜魚嘅餐廳越開越多，今次我哋幫襯嘅呢間用咗Party做主題，感覺新潮得黎又帶有中菜嘅味道，仲有唔同嘅酒類型選擇，啱晒各位辣妹朋友約埋朋友食飯飲嘢😆入去見到裝修較為黑暗，再有七彩顏色嘅燈襯托，營造party感覺，而呢度嘅餐具全部都係用佢哋自家設計，碟囉上菜盤都係花花型，並印有佢哋嘅舖名，頗有心思餐廳食物款式種類好多，唔單止有烤魚、酸菜魚、雞煲，仲有海鮮、小食、乾鍋同粉麵😁酸菜魚(江團)我哋揀咗江團魚，魚肉嫩滑帶有少許魚皮，食落口更加滑身，湯底本身有唔同嘅配料，好似芽菜、水晶粉、蒟蒻等等！而酸菜魚可以揀辣度，我哋想飲埋酸菜魚嘅湯底，所以我哋揀咗BB辣，唔係好食得辣既我哋食得舒服，唔會辣到流晒汗！麻辣雞煲(半隻）雞煲半隻份量啱啱好二人食，雞煲都係有唔同辣度可以選擇，我哋揀咗小辣，每件雞掛住雞煲醬汁，再配埋辣椒青椒等等配料，惹味，送飯一流

當晚叫咗個香辣蝦同跳跳蛙，上枱都好大碟，但係用料唔新鮮，收得又貴，完全唔值呢個價錢。仲有個京蔥羊肉，好大陣雪味，只係用好多孑然粉去蓋過雪味，同茶餐廳水準一樣，但係份量都算多，味道只係一般，是但一間川菜都好食過佢。☹️服務都算唔錯，但係當日隔離有兩枱客非常之嘈，店員冇制止之餘仲同佢地一齊嘈埋一份，用餐環境很差。最嬲係明明當日出席咗，佢地竟然喺open rice話我缺席，我又冇check到，搞到我record 花咗，呢間嘢都係冇下次。😡😡

今日同朋友book咗麻辣派對食dinner ,一入到去見到網紅式嘅裝修！打卡一流！好多紅色嘅花球掛滿晒天花板環境都幾好另外值得一提就係有個大嘅螢幕不停播卡拉OK嘅歌仲要係有字幕可以跟住一齊唱先叫個七味雞軟骨小食！外鬆內軟熱辣辣一啲都唔乾！好味仲要好大份跟住再叫咗個麻辣雞煲！啲雞好幼嫩好入味，啲配菜都好好食，辣到好過癮！仲叫咗個魔法咕嚕肉!!!啲咕嚕肉外皮香脆有驚喜總括嚟講食物都幾大份，cp 值高下次嚟要食埋個酸菜魚先得！

今次係第2次食，黎到首先問店員可唔可以雪一雪個蛋糕跟住坐低叫左個酸菜魚同辣子田雞，2碟個份量都好足，另外叫咗2杯野飲都大杯，最後剩左少少留肚食蛋糕上蛋糕時店員幫我哋點埋蠟燭

對於試下食辣既朋友仔，我都向佢地推介麻辣派對，因為好多食物都可以揀小辣或走辣，味道亦同樣出色。質素又相當保証。餐廳內都系花巧既裝修，好多射燈，環境比較暗，天花仲有好多裝飾花球，同傳統嘅裝修別具一格。泡椒雞鍋 $168雞鍋上枱，分量比想像中還要多，鍋內醬汁較多又有芹菜和類似蒟蒻等配料。除著越煲越耐，泡椒辣味開始浸滿整個鍋內。由BB辣升華至另一種層次。聞到雞鍋的香辣味，而主角的雞肉同樣大大件啖啖肉，就算經加熱過雞肉，肉質保持鮮嫩。 涼拌花膠 $78軟腍腍，花膠應該浸左一段時間，超入味又惹味。總結:餐廳服務不錯，好有禮貌招呼，坐位好舒服。而且外賣自取免加一再七折，好吸引啊！

咩時候都要食辣🌶️🌶️🌶️食到出哂汗就最正我地今次揀左酸辣魚🐟🐟酸酸辣辣開胃啲 雖然油啲 但都畢左啖湯飲 好濃郁好正 同埋啲酸好夾 唔會酸辣分離 不過重點係啲魚冇骨 岩哂懶人同唔識吐骨人士！

久唔久就要來麻辣派對食他們的香辣鍋，食過第一次之後，就一直都好中意食，今次黎到當然唔例外！餐廳有2層，佈置華麗又色彩繽紛，有卡位亦有普通座位！鮮椒爽脆生腸，這款小食選擇揀辣度，我們點了小辣！生腸爽脆，味道帶有小辣，底層還有青瓜絲，味道開胃！清炒萵筍，萵筍口感爽口，有稍稍調味，清清地，很適合食完香辣鍋解辣！自選香辣鍋，每次必點的香辣鍋，這次就點了肥腸、鮮牛肉、午餐肉、蓮藕和土豆！肥腸有稍稍炸過，食落juicy！牛肉嫩滑，口感鬆軟！午餐肉亦有稍稍煎過，吸收了辣味味道更美味！蓮藕爽身，土豆口感好綿，味道麻麻辣辣，點了小辣，剛剛好呢！配上白飯一齊食更美味！凍蜜語水果茶，水果茶好大杯，入面有西瓜、火龍果、橙等，飲落有水果的甜味，亦有茶的澀味，大大杯解辣最岩！冰雪鮮檸C飲，非常需要補充維他命C既我飲呢杯就岩，入面有橙和青檸，加上仲有奇亞籽，酸酸甜甜，又有口感，十分解渴！最後店員還為我們送上桂花凍，十分解辣！

餐廳樓下已經有接待員帶上樓，仲要幫手撳埋Lift，上樓後即時有服務員帶位好Pro餐牌有少許難睇，其實是因為食物種類非常豐富座位空間感亦足夠，想讚賞一下這家店桌子夠晒大，用來放香鍋等等的食物也有足夠的位置果然適合一大班朋友來聚餐食物味道也是一如既往的好份量也足夠飲品仍然是大大杯OpenRice仲可以即時訂位，結帳時提供訂位詳情就可以有少許折扣，真的很方便疫情期間經營真是不容易啊食川菜一定會想起這家店無論是門面、服務員、食物質素都是中上水準謝謝款待

同舊同事飯一行5人，食物質素良好，味道亦很好，直得再來最好食酸菜魚，料子足夠，送白飯一流，涼拌生腸夠爽脆，無押味，炒咼筍亦爽口夠味1,酸菜魚＋配料👍🏻👍🏻2,雞煲3,涼拌青瓜4,涼拌生腸👍🏻👍🏻5,涼拌秋葵👍🏻👍🏻6,涼拌粉皮7,炒咼筍8,水果茶

我和朋友兩個人共點了兩款：一款是冮團蕃茄魚，一款是辣子雞🥰因為江團魚沒有什麼魚刺🫰🏻👍👍本人怕吃有刺的魚如果和我一樣怕吃有刺的魚可以選擇江團魚🥰⭐️番茄江團魚由於朋友不能吃辣，所以選擇蕃茄魚，有四款魚可以選擇，江團魚、黑魚、剝皮魚和桂花魚，江團魚沒有什麼魚刺，方便進食，配料好多，有牙菜、粉皮、酸菜、芋粉皮，絕對不吝嗇。⭐️辣子雞BB辣剛剛好、好惹味，雞肉份量很多，花生咸酥脆👍🥰🥰⭐️蜜語水果茶這是很大的一杯，兩個人share剛剛好，由於有不同的水果，所以少糖都不太寡

今日跟同事在尖沙嘴工作後一起食晚飯，我們都是食得辣之人，所以同事就找了這家麻辣派對～餐廳的位置方便顯眼。而且裝修華麗中帶啲復古，打卡一流！•酸菜魚 (江團魚）另外加配了土豆、蓮藕及水晶粉。魚肉非常嫩滑而且無骨，選擇了中辣，辣度剛好，過足辣癮之餘又不會掩蓋魚肉的鮮味，湯底中的酸菜多，有大量芽菜和酸菜，令口感更豐富。土豆和水晶是必點的，土豆既爽口又入味，水晶既彈牙又掛汁！·辣子雞加肥腸雖然好多辣椒，但味道沒有想像中辣，肥腸清洗得乾淨，雞件和肥腸炸得香脆內軟，而且炒得香辣惹味，連花生好好味！·水果茶放了極多水果，味道甜甜的，好解辣。

麻辣派對 (瑞生酒店) (尖沙咀)尖沙咀加連威老道29A號瑞生酒店1樓古法咕嚕肉88先來一個古法咕嚕肉，大大碟嘅咕嚕肉，外脆，肉滑，好入味，懷舊配搭，粉紅色嘅酸薑，橋頭，青紅椒，酸酸甜甜，好惹味。超醒胃😋😋😋涼拌魚皮卷（小辣）78 🐟涼拌魚皮卷，小小辣，仲有香脆嘅粗粒花生🥜，青瓜絲，魚皮卷食囉確確脆，超爽，超脆，超香，超好食😋極力推介，必食👍👍👍水煮味型江團（小辣）198紅噹噹，大大盤嘅水煮魚，開胃囉，大大塊魚肉鮮甜嫩滑，爽爽唧牙菜仔，滑口彈牙煙韌嘅薯粉，仲有啲薯粉片，爽滑有口感，好夠師傅，配搭一絕，味道一流，麻辣到雪雪聲，越食越想食，醒神晒🥳🥳🥳紅糖桂花冰粉餐廳🍴送嘅甜品，勁解辣，冰凍感高🥶清甜可口😊

《麻辣派對 - 尖沙咀》近年香港多左好多食辣野既餐廳，總有一兩間川菜在左近😂呢一間我以前都光顧過幾次，不過轉左地方做野就少左啦，今次同朋友喺附近行街又突然想食啲辣野，所以就簡左麻辣派對啦🤓餐廳裝修都仲係好浮誇😂入面既擺設五顏綠色，配上紅紅紫紫既燈光，好似去左teamlab 咁，我地兩個女仔一共點左兩杯飲品同埋三款野食💁🏻‍♀️💁🏻‍♀️麻辣肥腸鍋雙拼豬手(另加蓮藕同香乾豆腐) $244本來我地諗一係食乾鍋，一係就普通既麻辣肥腸鍋，不過我地最後都係簡左麻辣肥腸，因為朋友怕乾鍋太辣同埋呢個鍋先可以加豬手😂我地怕唔夠食仲叫多左兩個配菜添😎肥腸處理得好乾淨，都無咩奇怪既味道，有啲似濕炒既感覺，啲汁用黎送飯應該會幾好食🤤蓮藕炒完後仲係保持住爽脆既口感😋我都幾鍾意❤️💁🏻‍♀️七味雞軟骨 $88雞軟骨份量都幾多，食極都仲有既😂如果飲啤酒既話應該覺得幾爽😆餐廳會另外再比椒鹽你點，鍾意重口味既話加啲椒鹽會幾惹味👍🏻💁🏻‍♀️鮮椒爽脆生腸 $78呢個涼菜有啲似平時食既涼拌小食，比較濃口味，生腸切到細細件方便入口，下面墊底既青瓜絲吸滿曬汁好好味😋個汁酸酸地微微辣好開胃呢💁🏻‍♀️凍蜜語水果茶 $38我同朋友見到枱枱都

餐廳裝修有特於一般中餐餐廳，比較似酒吧較有情調，同餐廳名中的派對都幾配切。山城回鍋肉 - 回鍋肉肥瘦比例適中，香濃惹味，口感軟糯。鼓椒炒蟶子皇 - 蟶子無沙，炒得好惹味唔會老，好鮮甜。涼拌花膠 -   口感爽脆且入味，好開胃。黃燜豬手鍋加肥腸- 黃燜豬手鍋下有個爐熱住個鍋，可以保持溫度。豬手處理得都好好，食落唔見有咩毛，唔會好似出面有d餐廳成隻豬手都係毛。豬手食落非常稔軟而且夠晒入味。鮮椒爽脆生腸 - 生腸麻香撲鼻，食落好有咬口，加上新鮮的川椒，忍唔住一啖接一啖。紅燒排骨小麵 - 份量十足，麵質有咬口夠彈性，加左大量花生、葱花配料。排骨唔會太乾身柴口。豆花小麵 - 豆腐細嫩，麵條綿韌，味道唔錯。飯後仲送左紅豆沙比我地飲，為呢餐劃上一個完美句號。

上個禮拜突然好想食辣野，️於是就同屋企人去左麻辣派對食午餐🌶 搭lift落到樓下，發現原來間餐廳都幾大幾闊絡，可以容納到好多人。因為我地係食飯時間去，所以愈黎愈多人好熱鬧 😜午餐有大量選擇，而且好抵食，好多都係80蚊內，而且有埋飯同湯或飲品 🍚我地幾個人點左三個午饍套餐，分別係山城回鍋肉、歌樂山辣子雞同埋古法咕嚕肉套餐。山城回鍋肉套餐 $78屋企人一見到餐牌就話想食回鍋肉，今次可以滿足下佢既願望。山城回鍋肉一上枱就已經香氣四溢，材料雖然簡單，但味道好豐富。半肥瘦肉加上洋蔥、椰菜、辣椒等等，爆炒之後香氣濃郁。味道方面十分惹味，好中意佢爽口彈牙嘅豬皮，肥而不膩 🥓歌樂山辣子雞套餐 $68呢道歌樂山辣子雞都係BB辣，雖然望落有大量辣椒🌶 但食落真係唔算辣，唔食得辣既人都岩食👍🏼辣子雞既雞肉好嫩滑，入面仲有芫荽、辣椒做調味料，係名副其實既香辣惹味～古法咕嚕肉套餐 $78古法咕嚕肉既甜酸比例做得唔錯，唔會太甜或太酸。咕嚕肉外脆內軟，配埋香甜既菠蘿同埋色彩鮮艷既青紅椒，稱得上係色香味俱全。是日餐湯— 燉湯平日屋企都會煲下湯水，又好味又健康～ 我地都好中意飲燉湯，覺得特別入味同埋有營養～ 飯後甜品—