黃埔小廚

營業中

休息中

剛剛搬咗去新地址既「黃埔小廚 」 ，在這裏完全可以品嚐到懷舊風味的中式小菜，高質程度可以媲美大酒樓，但價錢平民大排檔風味，而且竟然可以喺度食到懷舊芝麻雞、新鮮豉油和鵝腸、脆皮炸大腸、麻辣薑蔥撈魚皮等等 ，滿滿驚喜的美味😋▪️是日精選例湯足料粟米紅蘿蔔煲雞腳豬肉，清甜下火▪️懷舊芝麻雞整晚亮點，第一次品嚐這個中菜懷舊芝麻雞，老實講連大酒樓都未必食得到，整隻雞的雞皮佈滿香脆芝麻，令到雞皮香口又香脆，雞肉剛熟，肉質如炸子雞一般嫩滑，就咁食雞味濃郁又鹹香，沾上自家製嘅芝麻醬，更加滋味👍▪️鮮菠蘿脆皮咕嚕肉這個咕嚕肉是近期食過數一數二好食，外層的脆漿與別不同，特別皮薄酥脆又掛汁，肉質使用半肥瘦的梅頭肉，口感軟腍又鬆化，非常出色，醬汁酸甜到剛好，伴上新鮮菠蘿特別美味😋▪️豉油王鵝腸用上新鮮鵝腸就是皇道，鵝腸中帶點肥膏和鵝腸肝，用豉油王爆炒，新鮮爽脆又入味，配上芽菜一齊食就是一絕▪️蝦醬通菜鮮魷這樣簡單的通菜爆鮮魷，蝦醬調味適中，鹹香惹味，通菜炒得爽脆，鮮魷都係用上新鮮，爽口又彈牙

臨近年尾就梗係要約D朋友出黎食下飯架啦, 朋友住開紅磡果度, 佢話食過一間叫做黃埔小廚新式既大排檔既出品好有誠意, 所以就跟佢去試下入面既環境幾有FEEL, 好多霓虹光招牌, 好似以前既香港,但當然環境比以前坐得舒服啦, 一入到黎既整體感覺唔錯避風塘炒蟹-$480(時價)D個避風塘炒蟹一上枱已經比佢既蒜香吸引左, 炒得超級香,炸蒜而且一點苦味都無, 其他餐廳好易炸過龍變得有陣淡淡的苦味。 炒蟹有D辣味更吊起成個味道, 而蟹肉食落鮮嫩, 仲係有海鮮的甜味! 肉質厚實, D避風塘味入晒去, 越食越想食, 可能話係我食過最的炒蟹! 最後仲拎咗D炸蒜返屋企炒下菜食, 勁正!黃金鮮魷-$108D個黃金鮮魷係大驚喜, 個外皮係脆的, 耐唔中會煮下野食既我, 都唔係好明點解可以整到脆皮的, 師傅功力好高! 而個黃金咸蛋汁做得好惹味, 鮮魷又鮮又厚肉, 冇得輸!炸乳鴿-$80炸乳鴿個外皮似食緊薯片, 超級脆, 而乳鴿既肉厚身而多肉汁, 好耐冇食過咁好食既乳鴿蠔仔粥-$88蠔仔好大隻, 好鮮甜, 完全冇腥味, 非常高質, 而且其他配料都有好多, 成個粥食得好舒服, 食得出滿滿的誠意總結, D間黃埔小廚好

最近天氣突然寒流襲港，約好中同聚會都梗係要揀打邊爐驅一驅寒意，聽講係黃埔新開既新鮮圍煮好抵食就過咗黎試下入門後右面係散客區，主打港式風情，牆上都係本地街市既相片，代表食材新鮮靚料，左面係包廂區域，主打日系木紋設計，仲有櫻花點綴象拔蚌刺身拼盤前菜一上就係惹味開胃既一滴入魂酒糟鴨舌同埋勁澎湃既刺身船，元貝食落清甜有點漿口，北寄貝最正係爽口彈牙有咬口，象拔蚌厚身大塊爽甜，特大甜蝦展示咩叫大海既鮮甜本地食材食完花膠雞鍋就可以加湯打邊爐，欣賞老闆都會採用本地食材，身體力行支持本地經濟，鮮乳龍蝦其實係體型較細，肉質比較厚實但啖啖都係精華，口感嫩滑彈牙，雞湯一煮就鮮味湧出

這間位於黃埔的【黃埔小廚】，晚市主打多款懷舊小菜，例如芝麻雞、蝦多士等，另外還有多款新鮮海鮮供應，而且小炒菜式甚多，價錢貼地且份量十足，又無加一收費，過年去食團年或開年飯比酒樓平一截。懷舊芝麻雞必須要早兩天預訂的芝麻雞，表面沾滿了芝麻，炸至金黃香脆，充滿了芝麻香味，而且雞皮皮下脂肪不多，十分香脆，有陣陣雞油脂香，肉質嫩滑多汁。椒鹽鮮魷鮮魷薄薄一層的炸漿，包裏著新鮮的魷魚，外脆內爽，加上椒鹽十分惹味，送酒一流。鮮菠蘿脆皮咕嚕肉咕嚕肉炸至金黃香脆，每粒都沾滿了酸甜醬汁，食到最後都保持脆口，還配上新鮮香甜的菠蘿。蜜汁美極煎封鱔鱔件以蜜汁煎封，外脆肉彈，十分新鮮肥美，配上煎至香脆薯粒。

之前屋企樓下嘅黃埔小廚搬咗去家維邨附近 今日我哋去咗試下佢哋新舖嘅quality坐底冇耐店員為我哋送上例湯 當日係青紅蘿蔔豬骨湯 啲豬骨好淋好好食當日我哋好想食海鮮 所以叫咗避風塘炒蟹 隻蟹都幾大隻厚肉 個避風塘蒜蓉碎炒得辣辣香香 味道偏辣 但係非常惹味香口 蟹肉非常新鮮 食落爽彈鮮甜黃金鮮魷 新鮮炸起 外味香脆 魷魚口感煙韌爽彈 面頭係椒鹽 食落鹹鹹香香 送啤酒一流鮮菠蘿脆皮咕嚕肉 咕嚕肉個皮做得幾好 食落薄而脆 唔似坊間有啲咕嚕肉食落係淋啤啤 每粒咕嚕肉都包裹滿酸酸甜甜嘅咕嚕汁 而用嘅肉都係爽彈 所以食落幾香口 伴碟仲有係新鮮菠蘿 新鮮菠蘿非常鮮甜Juicy 可以解油膩感另外仲叫咗一鍋蠔仔粥暖下胃 蠔仔粥非常足料 尤其每粒蠔仔都好大粒 畀手指公仲要大粒 所以食落口感好豐富 而且鮮甜冇腥味 一鍋份量好大 可以一大班人食 另外佢仲有一碗碗嘅份量嗌

天寒地凍最正就係開返個羊腩煲，去左呢間主打港式大牌檔風味嘅小廚，集合鑊氣小炒，海鮮，煲仔飯菜式於一身，三五成群黎開煲就最好不過。古法雙冬支竹羊腩煲一大煲香噴噴羊腩煲上枱，羊腩帶皮，肉質軟稔，皮厚彈牙，配料有大量支竹，冬菇，竹荀，白蘿蔔，青蔥，湯汁濃厚惹味，支竹蘿蔔炆得好入味，埋爽嫩生菜一大碟，秘制腐乳醬汁，食完成身暖笠笠。玻璃皮炸乳鴿超級脆皮，肉汁仍然飽滿，肉厚，肉質嫩滑，醃得入味，不比內地名店質素遜色。潮汕蠔仔粥 大大鍋蠔仔粥，足夠4至6人享用，蠔仔量好多，肥美肉厚，鮮味爆登，潮汕氣格，飯粒鮮明，湯頭鮮甜暖胃。

📍黃埔小廚 紅磡📍去開紅磡搵朋友食飯，推薦咗呢一間充滿驚喜嘅高質餐廳😍👍🏻。想講呢間餐廳嘅大廚真係不得了，每一樣食物都好高水準，值得一試。💙避風塘炒蟹大大隻肉蟹，超級足料。大廚好有心機咁樣處理，做足步驟，令到啲蟹肉好入到味，同時保留到蟹肉本身嘅鮮味。配撘蒜頭、蔥段、豆豉、辣椒等材料混合而成的醬料一起爆炒，火候恰到好處，又有鑊氣，但係唔會好油，保持到蟹肉嘅乾身，係功力啊！💙黃金鮮魷好難得鹹蛋黃嘅外皮既酥脆，但係唔會太濃味，保留到鮮魷嘅味道。食得出鮮魷係真鮮魷，仍然濕潤彈牙，真材實料，與酥脆嘅鹹蛋黃脆皮平衡得好好，相得益彰。💙鮮菠蘿脆皮咕嚕肉應該係我暫時食過最好食嘅咕嚕肉。糖醋汁味道調校得恰到好處，酸酸甜甜。外皮酥脆，感覺好似有一層焦糖咁，不會太厚。咬落去，係有肉汁嘅豬肉粒，外脆內嫩。旁邊嘅鮮菠蘿擺盤都好有誠意，切粒之餘，特登用火槍燒過表面，美觀又好食😋。配上一個靚仔（白飯），再加一杯青島啤酒🍻，簡直係一大美事😋😋😋😋！推薦嚟一試！

今晩去咗新開既黃埔小廚食晩飯，餐廳有多款特色小菜，包括有避風塘炒蟹及芝麻雞，都非常吸引！懷舊芝麻雞芝麻雞外皮香脆比較少脂肪,上面佈滿白芝麻，陣陣濃郁嘅芝麻味， 份量非常大，好適合一大班人一起分享！ 三弄蝦球蝦球好特別，有三款味！ 大蝦非常新鮮爽口彈牙，外皮炸得脆卜卜柚子醬清香，去油膩金沙醬濃郁好邪惡另一款係酸甜醬，有點像港式嘅咕嚕肉，酸酸甜甜好開胃！ 黃金鮮魷魷魚非常鮮嫩，用了鹹蛋黃醬，炸得鬆脆惹味，食唔停口 蒜蓉菜心青綠爽口，炒得好有鑊氣！

📍黃埔小廚 - 黃埔天氣凍凍地最想就係食羊腩煲啦😋自己又唔識煮又懶得洗😂收工約左老公仔黎到朋友介紹嘅小廚嘆返個暖笠笠嘅羊腩煲先🥘小廚出名夠晒鑊氣價錢又夠貼地🔥而且冬天凍冰冰食返個羊腩煲真係冇得輸呀！！！🥘古法雙冬支竹新鮮羊腩煲羊腩煲用住個Gas爐加熱🤤熱辣辣食住羊腩煲特別滋味！有主角羊腩之外仲有好多配菜🥬有生菜、馬蹄、腐竹、大蔥、唐芹、冬菇、蘿蔔、竹筍！各種配料都好入味👍🏻主角羊腩肉整體上唔算特別肥🐏肉質厚身但煲得耐都唔會韌！加上經過特別調味嘅腐乳醬😋最岩撈埋啲羊腩肉羊腩汁送碗白飯就正啦！🦪足料蠔仔粥估唔到蠔仔粥咁大煲咁上😂大大份又夠足料！蠔仔隻隻都好飽滿又夠多🤤粥底仲有大地魚、乾魷魚、冬菇片等材料！每碗蠔仔粥嘅料同粥都可以平均分配👍🏻真係大件夾抵食！🍍鮮菠蘿脆皮咕嚕肉呢一道菜驚豔到我哋嘅味蕾😝酸酸甜甜嘅咕嚕肉粉醬唔厚而且仲炸得脆卜卜💥口感同味道都做到100分💯食完舊嘅咕嚕肉之後再食旁邊嘅新鮮菠蘿！特別一提嘅係菠蘿雪到凍冰冰！食完熱辣辣嘅咕嚕肉再食凍冰冰嘅菠蘿🍍呢個冰火二重天嘅享受真係會令人上癮㗎😂口腔就好似喺嘅沙漠中搵到冰水一樣！立即消暑解喝又解膩😋

最近去咗何文田一間主打大排檔風味嘅小店，餐廳擺設簡單而親切，非常有情調。✨🍽️*蠔仔粥*：呢碗粥嘅蠔仔鮮美多汁，粥底香濃，蠔仔同粥底完美結合，鮮味十足，。🦪🍲*芝麻雞*：雞肉煎得外脆內嫩，冇乾柴嘅口感，仲有濃郁嘅芝麻香味。芝麻同雞肉完全融合，每一口都係濃郁嘅香氣🐔🌾*西蘭花炒帶子*：西蘭花炒得青翠爽脆，帶子鮮甜多汁，炒得非常入味。🥦*通菜炒牛肉*：通菜同牛肉炒得恰到好處，牛肉嫩滑，通菜鮮脆，兩者完美，非常開胃。🥩🥬

以前在紅磡區居住及工作，因此對這個地方非常熟悉，最近知這裏開了一間新的食肆，今晚便專程來到。避風塘炒蟹，預約時價，今天是$480。蒜蓉香濃而不帶乾，辣味適中，而且不會過鹹，這個避風塘配料的味道做得不錯。炒蟹經過泡油之後，將肉汁所在蟹肉裏面，蟹肉鮮甜可口，如果這蟹肥一點更好。潮汕蠔仔粥$88，配料除了蠔仔之外，還有冬菇絲、魷魚絲、冬菜、中芹，蠔仔份量十足，鮮甜可口，加上配料的味道，有潮州特色而又帶點創新。菠蘿咕嚕肉$108，用上了上海拔絲香蕉的做法，脆漿比較後，咕嚕肉份量比較較少，是用上了創新的意念來做廣東菜，不過個人喜歡傳統做法多一點。冬瓜茶$12清炒菜心$78，廚師將菜心處理得軟硬適中，排列整齊。

紅磡廣場附近開咗間黃埔小廚，聽講啲嘢抵食大件有鑊氣，今晚就去試吓舖頭轉咗上條橫街反而環境幽靜，而個Menu就非常多選擇一坐低先送上一碗無味精老火靚湯，起窩心揀咗避風塘炒蟹，蟹走油嘅時候唔過火唔會太乾身，咬落去仲有汁水，調味嘅蒜味辣度都啱啱好，果然係有鑊氣嘅小炒店，第一碟已經有驚喜成日聽人講如果要試一間中菜館嘅水準，試佢嘅咕嚕肉就略知一二。所以我哋揀咗鮮菠蘿咕嚕肉。咕嚕肉嘅粉漿我估應該加咗啤酒去調製，非常非常鬆脆，而肉係揀咗半肥瘦，咬落肥瘦適中唔會太乾。而個汁啱啱好掛哂上啲肉度，食到後段個皮都仲係脆嘅，呢碟咕嚕肉合格有餘最後揀多個蠔仔肉碎粥，蠔仔份量多又飽滿，加埋肉碎唐芹冬菇絲大頭菜，口感豐富味道有層次。湯底仲有啖啖嘅大地魚味，非常好食

現在已經很少餐廳會提供一些懷舊菜式了，但這間新開的小店就真的有驚喜，有不少特別菜式提供，而且整體的價錢都不算貴，挺有性價比的！同場聽到有客人想即場叫要預訂的菜式也沒法提供！所以真的要留意一下！懷舊芝麻雞(需2日前預訂)這個芝麻雞比平常的雞大隻一隻，煮到剛剛好熟，骨還帶一點點血的，所以肉質很嫩滑又有彈性，雞皮布滿了芝麻，吃起來特別香脆，而且有很濃厚的芝麻香！吃的時候再配上芝麻醬，味道特別惹味，鹹香的雞肉多添一份甜香芝麻味！玻璃皮炸乳鴿用的不是ＢＢ乳鴿，所以尺寸是比較大隻的，但就更考驗師傅的手藝，煮過火肉質容易變老！這個玻璃皮炸乳鴿特別外脆內嫩的，玻璃皮跟平常的炸乳鴿不一樣，會多了一層的脆漿在表面再去炸的，所以表皮特別香脆！肉質比想像中的要嫩滑多汁，亦因為大隻的關係，所以特別多肉！菠蘿咕嚕肉這咕嚕肉吃起來比較酥脆的，肉質挺嫩滑，醬汁酸甜開胃，配料不會很多，好評！炒豉油王蝦性價比不錯的，用的都是比較大的隻，蝦被煎香，再跟調味料一起炒，挺有鑊氣，外脆內爽滑，連殼都可以吃的！而且蝦都有蝦膏！椒鹽鮮魷這個鑊氣挺足的，而且鮮魷很好的幫你開花，吃起來口感更豐富，炸得酥脆，又爽又滑的，調味鹹香。小炒肉用

今日去咗家維邨後面新開嘅一間叫做黃埔小廚嘅餐廳度食晚飯 餐廳位於不起眼嘅街巷 門口掛住彩光十色嘅燈牌我哋叫咗幾款推介菜式懷舊芝麻雞 呢個可謂係功夫菜之一 如果想識嘅最好同餐廳先預訂 因為當日都聽到後面嗰台想嗌 但係已經賣曬 芝麻雞其實類似炸子雞 不過雞皮灑滿咗芝麻粒 雞皮煮得夠乾身所以食落好香脆而且有芝麻嘅香味 而雞肉食落仲好嫩滑唔會overcooked 伴碟仲有啲炸香咗嘅芥蘭粒 我哋叫咗一隻 隻雞都算幾大份 足料蠔仔粥 我哋叫咗一鍋蠔仔粥非常美味 蠔仔粥裏面有蠔仔/冬菇/肉碎/魷魚乾/薑絲等等 蠔仔每粒都大大粒脹卜卜非常飽滿 食落鮮甜唔會有腥味 咕嚕肉 我自己不嬲都鍾意食啲甜甜酸酸香口嘅嘢 而咕嚕肉就啱曬我 呢度嘅咕嚕肉煮完出嚟個皮仲脆嘅 而咕嚕肉嘅肉質係爽而唔係鞋口 加埋佢配嘅係鮮菠蘿而唔係罐頭菠蘿 更加加分一口反沙芋 最後叫咗個甜品 媽咪最鍾意食芋頭 而家唔係太多餐廳有整反沙芋 芋頭夠粉 面頭包裹咗一層脆皮砂糖 啱曬男女老少食我哋無意之間仲聽到店員講原來餐廳之前喺黃埔 因為舖租關係搬咗嚟呢度 難怪餐廳叫黃埔小廚 哈

比較少行去嗰頭 唔知係咪新開 今日夜左返 比佢個煲仔飯個牌吸引左野食偏貴 個煲仔飯（佢寫2-4人） 但一男一女食係會有一個人唔飽炒菜幾好食 但88蚊個唔包飯唔包野飲 有好多其他選擇上煲仔飯前後面嗰枱上先 勁大陣煲燶飯既味道 唔係飯焦味 係堅燶味 好彩我嗰煲無事叫左北菇雞 啲雞斬到好多碎骨 同埋有浸雪味？好多薑片都去唔到一個煲仔飯加蠟腸 一個蝦醬通菜炒牛肉 一杯凍檸茶 埋單284蚊埋完單先發覺野飲另計 廿幾蚊一杯 自己蠢左一定唔會有下次