黑色經典臭豆腐 (已結業)

老公鍾愛一切大味美食，十一假期難得入元朗覓食，專程到訪黑色經典小食店，一試傳說中的黑色臭豆腐。步入水渠旁的橫街，馬上就聞到陣陣臭豆腐味，以黑紅色為主色的小店近在眼前。原以為要排隊等食，幸好下午茶時段客人並不多。除黑色臭豆腐外，小店另有售賣多種台式、泰式、西式炸物，飲品方面亦以台式飲品為主，有多種果茶、沙冰、奶茶和咖啡等。落單後，老闆先製作飲品，完成後再熟練地製作臭豆腐。見他汗流浹背的身影，經營小店一點都不容易。灌湯臭豆腐每碗$20有5件，原裝版有加辣醬和芫茜，雖然個人不能吃太辣，但為求原汁原味，仍然堅持要原裝版。2-3分鐘後，飲品和臭豆腐已經做好了！飲品方面水準實屬一般，味道似加冰加水的益力多，質感亦不似沙冰，始終小店主打臭豆腐，個人對飲品亦無太大期望。黑色臭豆腐製作時已聞到陣陣臭豆腐香，豆腐之所以黑麻麻，原來是製作過程中加入了墨魚汁，是來自長沙的風味小食。個人沒到過長沙，黑色豆腐還是第一次見，頗有新鮮感。豆腐炸好後，老闆在中間戳一個洞，淋上湯汁再加上辣椒醬和芫茜。豆腐入口外脆內軟，入口一點都不覺臭。"脆卜卜"的黑色外層，咬開原來是"白雪雪"的嫩滑豆腐，最特別是裏面灌滿湯汁，卻完全不影

元朗區真喺食肆林立，美食當道。要搵嘢食唔難，要搵好嘢就好難。入得元朗食嘢，掃街喺常識。第一站就試咗由大陸長沙入口嘅經典黑豆腐。朋友都好奇問：黑豆腐喺點整㗎？原來喺用墨魚汁調配出嚟！味道效果又特別又吸引！唔似一般臭豆腐，一味得個咸字，又臭。而且加上灌湯嘅做法，令到怕食熱氣嘅我都容易接受到！再加菜脯，蒜蓉，芫荽做配料，非堂嘢味！個一口小豆腐雖然叫做《灌湯臭豆腐》，但唔好俾個名呃到！食落根本野味可口，同港式臭豆腐完全喺兩回事！

店舖位置在大坑渠隔離，在美食集中地，並不難找。除了臭豆腐外，仲有南乳雞翼，黑/白豆槳、雞骨草及其他飲品供應。店舖雖小，但非常有誠意，臭豆腐即叫即炸，之後再灌湯，再加上生蒜、菜甫及芫茜，臭豆腐亦可選辣/唔辣，而我呢個係小辣走芫茜版。雖然豆腐灌了湯，但一口咬下，外皮依然保持香脆，內裡又食到湯汁及豆腐嘅滑，雖然叫咗小辣，但仍然辣得很（我懷疑係得辣同唔辣之分），雖然辣，但你仍然好想繼續食，因為真係好正。但食完之後已出哂汗，流哂鼻水，我諗冬天食會更加正，又保暖！

我是會吃臭豆腐的, 但不是逢遇到看到聞到就必吃那種, 只會去吃過認為好吃的才會吃. 那天下着雨拿着傘經過這間鋪, 其實是聞到這間鋪, 門面有很多吸引人的字眼, 甚麼「黑色經典」、「長沙臭豆腐」, 還有很多充滿人龍的相片, 最重要都是: 我想試!這個黑色臭豆腐是即炸後再灌湯的, 面頭加點生蒜, 芫茜, 菜甫, 辣椒醬.黑色豆腐+配料的顏色對比非好看, 聞到的味道又是那麼強烈, 很能刺激食慾. 而最重要當然是味道, 脆脆的外皮, 惹味的醬汁, 配搭得宜, 非常美味, 但外皮容易浸軟, 所以要盡快食完.$20有5件

「這菜煮得非常臭！」會把此當成讚賞的應該只有臭豆腐。我這次吃的臭豆腐也確實非常臭，有友人告訴我他曾經找不到這家店，就是沿著那陣臭味找到這裡。 其實我也沒有甚麼資格為臭豆腐寫食評，因為我從來都未吃過臭豆腐，感覺把一塊炸物放進口就會弄得滿口油。本來打算買給朋友，但在店員極力遊說，免費弄了一 塊給我，於是就嘗試了一塊。這裡的臭豆腐跟平常見的不同，可以泡在湯裏，我吃的就是這種。湯有濃濃的蒜香，而且有點海鮮湯的鮮味，跟豆腐一齊放進口洗刷了 油膩的感覺，而且意外的好吃。些微的辣味使人更開胃。味道像叫了一個硯湯，但主角變成了豆腐。豆腐確實炸得外脆內軟，找不到更適合的形容詞。 這次一試，大概又迷上了多一樣食物。

黑心食物通常泛指在生產時加入及使用對人體有害的材料, 來製成的低品質食物, 目的當然是為大量生產而謀取暴利。  箭頭通常會指向某國, 不過以宏觀的角度來看, 黑心食物遍佈全球, 常言道: 無商不奸。 不過, 眼前的卻是一件件黑皮白心食物, 是來自湖南長沙的好東西, 據說在1959年6月, 毛澤東回到闊別32年的故鄉, 在長沙火宮殿吃了這種黑皮白心食物後便深情地感嘆了一句, 這句說話竟然可以從長沙「紅衛兵」手中救了火宮殿的滅頂之災 ---「火宮殿的臭豆腐還是好的嘛」 那天晚上我們不走大街, 鑽入元朗大坑渠旁的窄巷, 越過 B仔涼粉 再往前走, 就被一間名字叫「黑色經典」的小店所吸引而停步... 小店不大, 全間舖就是一個廚房, 獨沽一味賣灌汁的長沙臭豆腐, 而「黑色經典」就是內地臭豆腐連鎖品牌, 據悉他們所滷製的臭豆腐方法是與長沙火宮殿的同出一轍。 由於對長沙臭豆腐的好奇, 縱使 $20 (5件)並不是昂貴的價錢, 但都需要讀讀貼在舖前的雜誌介紹, 大約是講解「黑色經典」的臭豆腐是黑色, 原因是在滷豆腐時加入墨魚汁。而香港店的老闆在取得品牌總代理後, 便在屏山自設工場, 做臭豆腐的步驟及

第一次食黑色臭豆腐，真的有點害怕！但又非常好奇地想知道這個是甚麼東西，所以膽粗粗試一試！咦！好特別喎，細細件的黑豆腐炸得非常鬆脆，個阿姐用筷子在每件豆腐上篤了一洞，然後將辣菜甫釀入豆腐內，最有趣的是她再將大約半碗的高湯倒入豆腐上，這就是他們的灌湯臭豆腐了！口感外脆內軟，還有清甜的高湯在內，又有辣的菜甫，一口有了幾種的味道和感覺！非常豐富和精采！臭豆腐本身不太臭，加上蒜蓉丶莞茜和辣菜甫，更加蓋過了臭豆腐的味！但味道有濃郁的家鄉風味！＄20有五件都算OK！我極力推介！ps．食到好開心，唔記得影相！

地點就近，而且好朋友圈內個個話好食，所以就抽出一日去試下。地點係舊 B 記旁邊，如果唔知舊 B 係邊既話...去到元朗搵到條大坑渠，再沿住條渠走就一定會搵到。店面細細，可能因為新開張既關係，廚房各類用具都好新淨，好令人安心。近看賣點，文字上看來，這款黑色豆腐就好似係長沙特產，搬黎香港賣咁...先唔好講太多門面野...淨講臭豆腐...黑色，我真係未見過。仲要灌湯，其實都真係幾有趣。而且，圖中果位丫姐，我見佢連食 2 碗，等食等到停係店入邊被「臭氣」俘虜亦在所不惜...我的確有心動。價位 : $20 / 5舊我揀左小辣﹑走莞茜。呢款黑色豆腐加埋 D 辣椒絲﹑蒜，賣相其實都唔樣衰，而且亦唔係黑到一舊碳咁。舊豆腐內膽雖然灌左湯，不過豆腐外皮都係脆身，咬落 D 湯汁流出黎果刻，真係有 D 小籠包 FEEL，揀左小辣對於我黎講係岩岩好，好香。我試過一口放成舊豆腐入口，雖則無「辣」到咀，不過唔夠放，D 湯會係咀角流出，所以都係分半黎食會好 D。據我所知，依家全香港係得呢間賣緊呢款黑色經典，大家有興趣，入開元朗去完 B 仔，記得幫親。我頭先仲發現 OPENRICE 未有人寫過佢，所以...我依家就去搶