點饌 (已結業)

When I saw these rice containers, it brought back so many childhood memories to me!  I remember when it came the day before Chinese New Year, my grandma would fill up the Rice container and paste red Fie Chun with the sayings "常滿" and "福" on it.  It is a symbol of abundant food for the family and signifies good fortune for the coming year!🍚常滿香茜牛肉飯 Steamed Rice with Beef (HK$34)👍👍👍👍👍The Rice was steaming hot and fluffy, the minced Beef was moist with the aroma of coriander, topped with a half boi

新春期間特別想食多d中餐，點心係其一啦。有好應節既新春點心好可愛，但我見好多人叫金魚餃，就放棄左依個，哈！我估唔到點心店有蛇羹食，仲要係五蛇羹。全因此店和一間蛇店合作才好，好耐無食過，期待。材料見到主角蛇肉 木耳似的同脆脆。首先，易入口。第二，有蛇肉同少少豬肉配搭，更易令少食蛇羨既人接受。蛇肉顯而易見嫁！再嚟冬茹同陳皮為蛇肉添香。但無檸檬草同咸少少，過過口引就可。金魚餃菠菜汁好似水池咁。蝦餃既高級level！金魚做到有魚鱗，維肖維妙。內料係彈牙蝦，外皮厚得嚟好彈牙。鮑魚燒賣鮑魚都大隻，食落有乾鮑魚感覺，廚師好野。鮑魚有咬勁同鮮。鮑魚下好大方多蟹籽，少少脆。燒賣盡是蝦肉同豬肉，肥肉不多，讚！XO醬帶子餃好似粉絲蒸帶子咁，有心思。XO醬配粉絲是一流，好似比蒜頭更好食咁，嚇一跳。有好多帶子肉在內，qq鮮味up。大王雞仔包外形非常可愛同活生生啦，哈哈。斑蘭蓮蓉好特別，第一次食呀。淡淡斑蘭香味，口感就平時既蓮蓉咁。麵粉都軟既，不錯，要食！奇脆鮮竹卷點豬骨湯當食火鍋響鈴咁，一點就食。脆口，卡卡餐，有豆香。好多蝦肉囉，仲有胡蘿蔔絲。雖然炸到幾靚，入面都保持白白豬。常滿冬菇滑雞飯好好意頭既碗，常滿。飯

剛好去開沙田又唔想去新城市迫選擇左黎較偏僻的石門搵食馬鐵旁新開左兩個小商場好多店舖都還未租出沒有什麼好逛 但就有好多細細的食店真係超多選擇 每間食店店面都很細全部都係小本經營沒有太多連鎖餐廳 選了這間點心小店 反而幾有驚喜店裡相信只有不足30座位 而且坐得非常擠迫後面的廚房亦很細 難以想像能蒸出那麼多點心來...只能說香港人真係好擅長活用空間大王流心包 | $38幫奶皇包帶副黑超 同個emoji一模一樣唔係淨係得個樣架 超流心奶皇稍為甜左少少 唔夠蛋黃香不過勝在夠新鮮 真係一蒸好就上碟熱辣辣奶皇包係冇得輸雞仔包 | $32佢個樣真係好鬼得戚 有性格我鍾意!唔好以為係雞包仔 裡面的餡料其實係班蘭蓮蓉食落果然有班蘭味 但蓮蓉味比較濃一點但幾好味喎 而且未食過咁的配搭 幾創新至於點解要整雞仔樣就唔知啦鳳爪排骨飯 | $36迷你米缸裝住個蒸飯 幾有趣個飯份量都唔少 真係成個缸咁深鳳爪排骨都好味 加埋個甜豉油勁正唯獨個飯偏濕左一點 乾身返d就好啦但咁的價錢幾抵食金魚餃 | $38一條脹爆肥魚 係整得幾似既不過其實係普通蝦餃(亦加左少許魚肉)味道上沒有特別驚喜可能為做個魚 所以個餃皮較厚叫一件黎試

看了相關食評,以為在屋企附近真的有一間隐世食店,馬上一拖三出發。均价点心三十多元。食左五款点心,質素约等同同一個商場二間酒樓。但肯定同一商埸之彩福更差。今日食左两個飯。二個字形容唒“乾;硬”。我非常佩服有二十篇鱔稿能夠刋登。如想享受超值之美点,强烈推介位於火炭嘅稻香訓練酒樓。平日大中小点有六折,不收茶芥,不收加一,比一般稻香質素更佳。我其實很希望小店能经營下去,但此店相比任何一間五星酒店的出品實在相差太遠。努力D啦!

睇到報章介紹慕名而來！見到地址係石門都要搵下點去，不過原來黎都好方便，坐馬鐵去石門站行5分鐘就到，京端廣場就係正個岀口隔離入面牆壁掛左一個個蒸籠，入面仲有D雞包仔好盞鬼必點的鮑魚燒賣，晶瑩剔透GE鮑魚原隻上十分豪華。一啖咬落去，鮑魚彈牙好味，燒賣亦非常鮮美！賣相非常精緻的金魚餃係由師傅人手上色GE誠意之作，非常有心機！岀自師傅手筆，令金魚係魚池中相當栩栩如生，而且味道都好好食，入面塞滿好足料GE蝦餃餡，令金魚相當之肥美飽滿老婆鐘意食脆口野，點左LEE個芒果芝士龍王酥。新鮮滾熱辣炸起用龍舟上菜非常霸氣！，食落熱騰騰又酥脆無比，惹味！另一個炸物就係甜酸旋風蝦，外層薯絲炸衣食落酥脆噴香，內層的蝦肉鮮嫩多汁點個甜酸醬更惹味帶黑超GE大王流沙包！個包食落口感好濕潤綿密，而且一咬就有滿滿GE流沙溢岀，甜而不膩，好味冬天係食蛇GE季節，見到餐廳有同大埔蛇王海合作，就嗌左一人一碗食$45碗，用五種蛇新鮮製成，非常足料好食！食完個身都暖晒！甜品嗌左榴槤大爆炸榴槤餡非常之香滑濃郁！正正正餐廳精緻又極具創意GE點心令我十分驚艷！不枉我專程來訪滿意

創意好食點心@石門雖然係屈膝喺商場一角嘅小店，但係睇飲食男女介紹過，師傅係出身自迪士尼，所以啲點心造得特別 cute！門口都貼滿師傅嘅獎狀，舖頭入面就掛咗好多蒸籠。講真本身都係見啲點心靚先至嚟，無諗過啲嘢咁好食！呢個大王流沙包戴哂黑超得得戚戚咁，咬開係超流沙！食嗰陣記得小心熱 😂彩雲蝦餃嘅顏色都幾賞心悅目，蝦餃嗰啲摺紋又真係有幾分似雲朵～ 啲蝦肉餡好爆滿，所以每粒蝦餃都好飽滿！金魚餃齋睇樣都已經滿分 😂 真係好靚！條金魚整得活靈活現！除咗點心，呢度仲寄賣咗大埔蛇王海嘅五蛇羹，都好足料下。呢排咁凍，食番個蛇羹補一補就啱哂。鮑魚燒賣隻鮑魚 size 都算大隻，可以比對一下個匙羹，哈哈。😆 形狀似足金元寶，好喜慶～ 鮑魚整得入味，有彈性但唔韌。點饌新春點心係期間限定嘅應節食品，我夾起嗰個就係豆沙金元寶，外皮都幾酥。白色嗰個叫橫財就手包，係肉包嚟～芒果芝士龍王酥隻龍舟會唔會太型？個龍王酥外皮好酥脆，一樣係餡料豐富。甜酸旋風蝦炸得唔錯，唔會好油膩。常滿香茜牛肉飯裝咗落個福字盅度，連個飯都得意過人！本時個窩蛋變成温泉蛋，撈埋啲牛肉嚟食好有滿足感。😋

金魚餃$38外表別緻(餃皮有魚鱗紋)內裡包住大大粒蝦(爽口彈牙)大王雞仔包$32餡料係斑蘭味(似蓮蓉包)好重斑蘭味大王流沙包$38好流沙(內裡流沙滿滿，熱滕滕~)鳳梨小金雞$38外表可愛，味道偏甜的鳳梨酥(外表鬆脆)xo醬帶子餃$38帶子(大大粒，鲜甜)xo醬伴匀底下粉絲食(好惹味)蜜糖炸雞翼$28外表炸得香脆奇脆鮮竹卷$28湯汁另外奉上鲜竹卷(腐皮炸得香脆，浸上湯汁食，湯汁突顯腐皮卷的鲜味)鳳爪排骨飯$36用上常滿瓦米缸做碗(好吸引)飯煲得剛好(不會太濕)絲襪奶茶布丁$28奶茶味道濃郁(不算太甜)但口感 不夠幼滑(口感~硬) 陳皮燉雪梨$28好香陳皮味，陳皮配梨的味道(有小小甘味)好潤喉點心好別緻，但店的座位較小

上次食完真係仲有幾款想食呢！食埋今次應該好難再入這個區域吧！畢竟我不是馬鐵這邊的人🤨呢間隱世點心其實都幾難搵,如果開在鬧區我相信一定好好生意🤗今次坐左另一面位置有塊寫龍的綠色植物牆在旁😃繼續分享型格點心先！今次order了《大王雞仔包 》叫雞仔包以為入面會有肉誰不知是班蘭的味道，清清甜甜，帶點椰子味!甜而不膩!推介🤩《金魚餃》是精緻的手功傑作，皮其實是沒有味的我仲覺得有點厚但入面的蝦肉非常新鮮及大粒！呢條魚必影吧！《鮑魚燒賣》 一望鮑魚肥美大粒，燒賣豬肉新鮮,口感非常厚可能夠大粒啦！58有點不捨得吃呢😂《鳳梨小金雞》😍我覺得好好好食！外表酥脆內裡的鳳梨暖暖的！口感好好！而且鳳梨甜得黎剛好！一口便可以吞掉！但我不捨得食啊！用了個玻璃蛋殼盛裝著！好得意👍🏻喜歡入面的裝修！因為好有氣氛！啊不過如果大點就好了

很有創意的心機之作！每款點心除了賣相吸引之外，也很有內涵。味道一流，食材新鮮有一點Fusion 的感覺，感受到廚師的用心和誠意，會再回來的。期待有新的創作點心款式，誠意推薦！

位於沙田石門京瑞廣場一期2樓的點饌，主打特色造型點心。牆上掛滿了一個個竹籠作為裝飾，頗有特色。餐廳的點心賣相全部也十分精緻，造型可愛，食物上桌後會忍不住拍照。無論大朋友小朋友看見點心，心情也會愉悅暢快。大王流沙包和大王雞仔包是這裡的招牌，幾乎每桌客人也會點。帶著黑照的雞仔包和大王包的造型圓滾滾的，頗為趣緻。白色的大王雞仔包的餡料是綠色的班蘭蓮蓉，能吃到班蘭的清香，而且包點也不會太甜。建議包點上桌後快速拍照後，要儘快吃呀，熱辣辣的包點口感最軟熟。橙色的大王流沙包則是鹹蛋黃流沙包，味道微鹹，頗為美味。吃這款包時小心滾燙的流沙汁會爆漿啊。兩款包蒸的時間也十分恰當，表皮不會太硬。店內的兩款焗點味道也頗有質素，鳳梨小金雞是其實是小雞造型的鳳梨酥。小金雞的表面焗得微微金黃色的，而且暖暖的酥皮十分鬆化，味道有驚喜。裡面的鳳梨餡也不會過甜。第二款焗點為桃子叉燒酥，叉燒酥夠鬆化，味道頗濃郁。而且size不會太大件，一口一件。這款點心更搭配清新的桃肉，雖然是罐頭桃肉，但整體口感也是不錯的。鮑魚燒賣的賣相頗為豪華，一隻完整的鮑魚放在燒賣頂。鮑魚的肉質不會太韌，而且醬汁夠濃郁。底下則是粒蟹子燒賣，燒賣的饀夠足

有幾可會入到石門？對我來說這裏也是一個偏遠地區如果不是工作的關係真的10年也不會一次入到石門呢！工作也要填飽肚得知道京瑞廣場有幾多選擇！就過去望下啦！看看水牌有間好像算是新派點心那就試試嚕！🤟🏻門口有一張紙寫住免收加一！頓時感覺很開心😙門面同入面都細細的一看便是小店經營,但裝修挺有格調！牆上掛上大大小小的蒸籠！得兩個人沒有叫到太多！《大王流沙包》帶住黑超勁有型但黑超食落較硬身當我一撕開鹹香味的奶皇就湧了出來,影多張相的時間也沒有😂😂但好好好好好食《彩雲蝦餃 》皮上的汁是由3種蔬菜而成 (菠菜~胡蘿蔔~紅菜頭)，薄皮多肉,蝦的份量多而大粒！執左相後顏色很出啊😍《芒果芝士龍王酥》賣相非常霸氣啊！有個非常有氣勢的龍船擺盤！芒果味淡芝士味道濃郁，整體酥皮十分脆口鬆軟真的要點讚《陳皮燉雪梨》襯還是凍凍地做個甜蜜滋潤的Ending吧!我就認為一般吧！但朋友大讚😌仲有好多想試決定黎緊再戰一次😎

聽說這裡是星級酒店中菜師傅開的店舖，但價錢卻是大眾化，我當然要來試試。地點選在沙田石門，由於就在石門火車站附近，交通很方便，店內裝修簡潔，坐位也不算多。先來兩個彩雲蝦餃 ($32)，蝦餃賣相討好，每粒蝦餃也有不同的顏色，就像彩雲一樣。蝦餃的蝦肉爽甜而而熱度十足，好吃。鮑魚燒賣 ($58) 則燒賣上面有原隻鮑魚，大大粒，感覺豪華，真的像在酒店嘆茶一樣。總是點碗飯才飽肚，常滿冬菇滑雞飯 ($34)用的器皿很特别，有農村家鄉的感覺。本來以為是一人份量，但原來碗很深，足夠二人吃呢！可能是冬天的原故，它們也有蛇羹 ($45) 吃。一人份量材料也很足夠，味道不錯，不是方間的偏鹹的蛇羹，喝了也不渴。而我最喜歡這裏的一款點心是XO醬帶子餃 ($38)，端來有透明玻璃貝殼蝶盛着粉絲做底，上面放着原粒帶子，而最上一層就鋪上XO醬。XO醬入口味道香濃惹味，配上帶子和粉絲絕對是完美的配撘，必吃之選！還有桃子叉燒酥 ($28)，這道不過不失，但口感略兼偏乾。雖然已飽但吃甜品是第二個胃嘛～所以也試了兩款甜點，鳳梨小金雞 ($38) 樣子可愛，可愛到不捨得吃唷！外面是黃色熱騰騰的小金雞穌皮，內層就是軟熟的鳳梨心，做

去開石門做野，就想搵間餐廳食個晚餐醫下肚。上網見到京瑞廣場有幾多野食，就過去望下。經過點饌門口就覺得幾吸引，就一於入去食下。門面細，但裝修整齊。同一般酒樓唔同。別有一番風味。睇一睇Menu，全部都係平時酒樓會食到嘅嘢，不過擺設就10分唔同。大王流沙包，一咬落去爆流沙，頂呱呱。鮑魚燒賣，聽個名都覺得正，點知原來食落真係好正 。奇脆鮮竹卷配上豬骨湯，浸一浸湯食相比起乾食更特別。彩雲蝦餃皮薄餡靚仲有其他特色食物，隔住個mon你都會覺得正。快啲親身去試吓認真唔錯㗎。

沙田石門至從有京瑞克廣場，漸漸熱鬧起來，京瑞廣場一、二期開咗大量新小店及餐廳，繼之前親子茶樓，今日去試 點饌Dim Sum Deluxe，可愛點心小店，超級吸引。我哋一早11點正凖時等佢開門攞位，店舖其實唔大，枱都只可以放大概10張，而我哋一行10人三個家庭，已經佔咗整間小店一半，好彩一早到，因見佢哋電話不停響要訂位亦有人等位，相信想試新嘢大有人在。服務態度唔錯，門面有兩個人，廚房亦都有兩個，點菜落單程序簡單快捷，上菜時間亦都非常神速，整體感覺好順暢，一直亦有人加水及清理枱面食完碗碟。食物方面就非常有驚喜，點心外形有趣，同圖片一模一樣，份量亦唔細件，一向唔好食嘅哥哥見到得意點心都食不停，超興奮，原來可愛食物賣相真係會增加食慾。我哋每樣叫少少試下，價錢相對地比一般茶樓貴亦算合理，不過點心唔係款款咁有睇頭，好似小朋友最愛叉燒包、馬拉糕、燒賣就係一般普通造型，不過價錢亦無特別平，感覺就有d唔抵食。我哋亦有叫飯，不過其實唔需要，小朋友食點心都飽，飯份量亦唔少，不過飯同點心同價，咁食飯又會飽肚d，不過就無乜特別新奇，一般蒸飯類。

去飲茶食點心最開心見列嘅莫過於「全日免加一、茶芥」，唔洗諗入得去試！鋪頭細細，都坐滿人，睇嚟係呢區都幾受歡迎！🤤🤤小妹我充滿期待。有奶皇流沙包！一撕開就流晒出嚟，食到影唔到相，絕對係下次再食嘅list! 咸香味十足！仲要爆醬勁正👍🏻👍🏻👍🏻👍🏻👍🏻👍🏻龍蝦酥！ 熱辣辣好好食，成隻龍船上仲霸氣十足😂旁邊嘅公雞包就普通，要係梗係食奶皇！貪新鮮仲嗌咗條金魚試下，蝦肉飽滿，不過餃皮就有小小厚啦，拎嚟打卡都幾過癮嘅！麻雀雖小 五臟俱全，小小嘅點饌提供咗大大嘅新鮮感，鐘意點心嘅朋友就唔好錯過啦！🕺🏻