點點甜 (已結業)

又到週未,難得和朋友外出睇戲,睇完戲也有點肚餓,正值下午茶時間,就沿著路,不知不覺行到街尾,發現有一間糖水店,除了糖水之外,也有意粉等主菜,令我勾起興趣決定食這間。本來想叫一個主菜,但剛好已經售罄,那我就決定挑選甜品品嚐一下,一入到店舖,入面並不算很大卻有乾淨感,而且也會嗅到略帶甜香的芒果味。看到它的菜單也很多款的甜品,不論熱食或是凍食也有,但我入到已經嗅到香甜的芒果味,所以決定和友人各自點了芒果的甜品。楊貴妃有一個芒果雪糕在上面,還有口感柔軟的小丸子,芒果味超香,而且配搭雪糕,食下去透心涼,的確不錯的甜品。黑騎士除了芒果之外,也有涼粉,黑珍珠,椰果等...比較爽口的一道的芒果味甜品,但涼粉略嫌比較太多,而且也大件,要是能夠切得細點的話,就更好,不過配搭黑珍珠和椰果,也是煙煙韌韌,食下去很有咬口。要是在夏天品嚐這二款甜品,的確不俗,除了芒果之外,也會有大家熟悉的心太軟或是榴槤等甜品,果然甜品可說是一年四季,港人也愛食的東西。

位於旺角的點點甜，是一間價錢平民甜品店。今天陪人報完日文課程，便來到吃個飯後甜點吧。可能最近大家都有很多事煩，大家脾氣都不太好，希望吃完甜品，大家會開心點啦。宇治森林$50人氣大熱的宇治森林，是以抹茶雪糕，抹茶啫喱，丸子，紅豆，粟米片，豆腐花組合而成。抹茶雪糕，抹茶味適中，不會太苦太濃，偏向奶甜，是大眾接受到的程度。紅豆綿爛，味道夠甜，小丸子煙靭，但餐牌上的大丸子消失了。把雪糕，粟米片，豆腐花同吃在咀裡，合配美味哦。

琴晚姨甥仔坐凌晨機回國，同佢食完晚飯問佢仲想食咩？竟然話雪糕店，成10點幾邊度仲有雪糕店開呀？諗起之前係度食過甜品好食都係有雪糕啦，即刻開車黎食~2個魔鬼天使，對比相更多雪糕，雪糕係牛奶味好滑重奶香味，中間間住消化餅碎，底層係朱古力波，姨甥同老公話好似食緊早餐，哈哈哈哈~我嗌左榴槤豆腐花，個榴槤球細細舊似食緊濃縮版金枕頭，超級好食，唔知係咪個榴槤球太濃，食唔出榴槤汁味反而有陣椰香味喎，豆腐花滑嘟嘟~佢地2隻野對個雪糕讚嘆不絕，食完要走個陣嗌左個雪糕筒，完全係食緊雪糕質感但飲緊牛奶咁，哈哈哈

旺角睇完戲 女人想食宵夜甜品搵到呢間最近 店鋪小 坐位唔多要等位香蕉窩夫配雪糕 雪糕可自選朱古力 雲尼拿 曲奇 士多啤梨 香蕉當然配朱古力雪糕最夾 窩夫新鮮夠熱兼厚實 外脆內軟 好香蛋味有點似蛋捲 香蕉厚切香甜 朱古力醬唔孤寒 幾樣夾埋一齊好食又飽肚心太軟配雪糕 自選曲奇味雪糕 擺碟精緻 士多啤梨醬輕輕畫花仲以為係朱古力醬 呢個完全係冰火交融 曲奇雪糕底有點餅碎增加口感 心太軟非常流心 朱古力味非常非常濃厚 一定要配雪糕先無咁膩 個口甜晒食返舊士多啤梨 酸中和返更好 呢度價錢同質量成正比 食得過

放假放到唔想返工，琴晚同朋友甜一甜去，希望今日開工大吉開開心心!我揀芋圓腐竹糖水，熱食，甜度岩岩好，較稀味道清淡d~薏米煲得夠腍， 紫薯芋圓+蕃薯芋圓+芋頭芋圓，煙韌帶點腍，紫薯最出色味道最重~ 如果有得加隻蛋就好啦~ 朋友食芋圓芋泥豆花， 凍食，個芋泥球超rich呀~ 好好食，真係好似食緊芋頭咁呀~ 豆腐花勁滑，滑不溜口個種，夠甜有豆香，呢款都係有3種芋圓，凍同熱食分別好大，凍食反而更煙韌，口感更實在，完全唔痴牙，3種味一樣突出，椰汁底清清地配埋甜甜既豆腐花，絕配非常好食呀~

之前朝頭早行過幾次都係冇開鋪，琴日中午行過有開舖喎~ 仲見到個waiter喺門口講話有意粉食， 反正有啲趕時間見佢嗰度都有位坐呀嗱嗱聲試下先! 40蚊有一個主菜又有沙律仲有嘢飲呢個價錢非常之吸引呀~ 蟹子沙律， 一大pat蟹籽有青瓜蟹柳撈埋沙律醬， 青瓜新鮮爽脆蟹柳並唔係一絲絲係一粒粒，足料 肉醬意粉份量多，多肉碎好濃嘅番茄味，面頭仲有啲蓉咗嘅芝士，意粉有口感 蘋果汁好飲如果大杯啲就好喇~ 呢個價錢加埋食物嘅質素再加埋份量，非常之抵食!

情人節無情人收工一條友食完魚蛋粉，行去巴士站見到間甜品鋪，想起亞媽鐘意食甘露豆腐，咁我呢個小情人外賣直送比母親大人。睇門口個banner, 無甘露豆花喎，揀個較相似的芒果豆腐花，我愛台灣揀芋圓仙草盛配紫薯。 芋圓仙草盛另上一球紫薯，d料就真係夠晒多，3色芋圓，點左熱食，可能回家車程1小時太耐，d芋圓小丸子珍珠偏淋，西米入口溶化添，外賣點凍食應該較好可以保持口感，仙草夠結實，紫薯實在，無添加糖，撈埋去糖水食較好。凍芒果豆腐花，豆腐花非常滑溜，滑不留口有豆香帶甜，芒果可能唔係季節，芒果淺黃色偏酸，肯定無浸糖水，芒果汁應該係鮮打，全芒果味微甜，夾埋一齊食較好。

叫左個芒果小丸子芒果肉同芒果汁都係極酸問待應 點解會咁酸竟然答我係因爲芒果酸咁你唔熟就唔好拎出黎賣啦完全無打算問我轉唔轉其他甜品價錢又唔係特別平講真以後唔會再食依間

其實之前已經食過佢既芋圓，覺得好正🤤估唔到宜家仲有埋正餐🤨環境的的識識，坐得都舒服👌🏽👉🏿✨黑松露蘑菇白汁意粉配蟹籽沙律包埋野飲一個 set Hkd 40💸📌比較驚喜既係佢啲海鮮超多，魷魚滑得黎好彈牙！青口都好鮮，我媽勁愛😂蟹籽沙律下面撈埋啲青瓜仔食個陣好開胃，重點係40蚊就有個set勁抵呀😎個名叫得點點甜,一定要食埋甜品先好走呀～👉🏿✨榴連飄香 Hkd 44 💸📌我同我媽都係榴連控🤦🏽‍♀️佢啲榴連肉熟到透，好綿好甜😍入面有椰果同水晶珠，食落好爽口，加埋個奶凍冇得輸！👉🏿✨招牌抹茶心太軟配雪糕 Hkd 50 💸📌上到台已經超香，切開瘋狂流心！茶味濃郁會回甘💟加埋豆腐雪糕同紅豆白玉真係perfect match☺️一凍一熱咁食先係精髓

上星期日晚和好友們在旺角吃完火鍋後，其中一位朋友建議去吃甜品。所以我們在附近到處尋找看起來不錯的甜品店來吃甜品。這甜品店menu上的甜品選擇也不少，照片也很吸引。我們叫了3個不同種類的甜品，但有點失望的是實際甜品與照片有點不同。而且味道一般。不可以是難食，但是一定不是好食。我們叫了以下甜品：宇治金時HKD36 - 綠茶雪糕一來到就已經溶了一點，綠茶味一點也不香不濃。但都可以接受，一般般啦！但係紅豆同配料都好少，覺得不值得HKD36。香芒明珠HKD40 - 芒果ok甜，但不夠凍。味道都係一般。不難吃。但又話無芒果雪糕，所以隨便了一種口味，但味道和芒果一點都不爽。芋圓鮮草盛（熱）HKD34-不熱，半暖半凍，有点怪。芋泥味道可以，小圓子都ok。鮮草正常味。來說都可以的。

今日爆ot做到好火呀~~~ 要食返d甜野平衡下，呢間正正係做野地方附近，經過好多次都曾食過~我好鐘意食士多啤梨附製品，唔鐘意食真既原粒，叫左個士多啤梨奶凍，同女店員講我唔食士多啤梨有無得揀其他，估唔到有得揀藍莓或者芒果，其實我都係試下問諗住唔得就走士多啤梨，真係好好! 黎到，嘩左一聲，個奶凍好似游緊水，滿滿士多啤梨醬，不計成本，一食個奶凍，非常滑流淡淡奶香，配埋果醬，掂! 其實個醬減返一半都得，實在太多，上面個士多啤梨雪糕有粒粒果肉，藍莓正常!食緊個陣，隔離個2女仔勁讚個綠茶雪糕，唔試過點可以走出呢個門口呀，走前嗌左個綠茶雪糕一路食一路行去搭車返歸，食第一啖又嘩左一聲，口感濃厚，綠茶味重，好似食緊某日式超市入面賣既綠茶軟雪糕咁囉，味道口感9成9似，呢度平一半，掂到爆! 認真!!! 必食!!!

細碗到不得了!!得三分之一有無搞錯😡😡仲要無味!!碎冰又少，完全唔係平時食開冰嘅甜品！芋圓同小丸子加埋十粒都無😡😡係咪慳料到咁？！似俾人食剩多啲囉！無下次！

第一次打食評，原因………暫時食過最好食既芋圓，有紫薯味，蕃薯味同芋頭味，超煙un好有咬口，仲好重薯味，竟然好食過係台灣食!!!! 超驚喜呀~ 我係叫左個最hot推介，有3色芋圓+一個雪糕球既紫薯，食得出無添加純紫薯，無死甜既味道+大大粒好味紅豆，細粒西米，珍珠，小丸子同埋熱仙草，份量都幾多，食完好飽，但如果再多d芋圓更好囉，哈哈哈哈，真係好好食呀!! 30幾蚊呢個價錢係旺角區抵呀!!朋友係抹茶控，食左個抹茶流心，試左小小，如果淨食抹茶蛋糕都ok,但加埋豆腐雪糕直頭驚喜，估唔到咁夾，好正! 仲有好脆卜卜米加埋一齊食增加口感，正~ 伴碟有埋大大粒粒紅豆同小丸子!本來想試埋伯爵茶奶凍，可惜賣晒，下次一定要再黎食!! 要試埋d榴槤先~~~

心太軟朱古力蛋糕香濃流心配芝麻雪糕香港01的一篇食譜文説過：總覺得把這道流心朱古力蛋糕喚作「心太軟」的人是個天才，要比原創這法式甜品的法國米芝蓮三星大廚Michel Bras聰明。法文fondant au chocolate，意即岩漿朱古力蛋糕，就是朱古力蛋糕的香脆外層下，藏着軟軟的流心朱古力，一切下去如岩漿流瀉，伴以呍呢拿雪糕同吃，一冷一熱，一脆一軟，一甜一苦，很難不讓人一吃傾心。而如何做到外脆內軟，時間的控制最重要。喜歡濃稠一點的，在流與不流之間，徐徐瀉下來。心太軟，就是那種感覺。心太軟，總懷疑是否像很多因烹調失誤而創作出來的傑作，就是朱古力蛋糕未完全焗透的狀態。製作方法簡單，只是若烤焗時間不足，朱古力漿水流流；時間過久，又變成一般的朱古力蛋糕。還必須趁熱吃，否則軟心的的內餡容易凝固，也失去伴雪糕的冰火口感。較苦的黑朱古力配以雪糕同吃，若怕太膩，可加點酸酸甜甜的士多啤梨，那就更完美。無論是被端上桌、或是切開時，這款甜品總是吸引住我們的眼球，熱力率先融掉置頂的雲尼拿雪糕球，切開時「咔嚓」一聲，鬆脆的外層沿刀旁兩側裂開，漆黑幼滑的朱古力漿隨即洶湧而出，澎湃程度好比瀑布向下衝入寂靜的小湖

見到menu已經勁想食，每一樣甜品好難得都好岩我 奄尖既口味，真係好難簡，唯有簡左個雜錦，滿足曬我所有願望。芋圓鮮草盛配紫薯。可以話係貪心人既必選👍，咩都有齊曬，仙草、西米、芋圓、小丸子、紅豆、珍珠、紫薯🥔或芋泥。芋圓比得好慷慨，食到最尾都仲有，係煙韌控既最愛😍 ，仙草既份量更加係多到難以置信。另外，紫薯就覺得麻麻，可能天然添加，真係冇乜味🤔，下次會試芋泥。不過呢個價錢黎講又咁大碗，真係物超所值。👀