點點甜 (已結業)

最近先發現Ideas Dessert在旺角開咗分店叫點點甜 Ideas Dessert，係試荃灣店時有比佢驚豔過，因為佢啲抹茶雪糕真係好鬼正，唔輸出面果啲有名氣嘅，但今次朋友想試伯爵茶，只好順應朋友要求點了個伯爵茶窩夫，因為店舖比較細少，所以焗緊時面聞到好香烤餅味，而上枱時份量都幾多，有4件大的，窩夫質感比較厚身，食落好香口仲幾脆身，而蛋味都夠，其間仲食到淡淡伯爵茶嘅茶香，跟上會有一球雪糕同埋蜜糖醬比你食

為了要等朋友放工，我選擇一人下午茶就係食番碗糖水，我食左碗紫薯盛夏～入面有真嘅紫薯茸，芋圓，涼粉,紅豆等配搭。真的好美味，尤其是上面的紫薯茸波波，純天然唔怕肥。雖然碗糖水不是好凍，配合冬天天氣已經好夠。仲覺得自己食得健康。😍我望到隔離女孩子食的酥皮及格仔餠好吸引，下次我會試試。

得知這裏有芋圓甜品，又有我喜歡的抺茶系列，二話不說，立刻出發去試 😋 芋圓仙草系列是春季限定，款式有很多，價錢都頗親民，只售$30左右。 近幾日天氣冷，所以選了熱的產品。芋圓仙草盛配芋泥$30這個仙草盛可選配芋泥或紫薯泥，沒有選近期大熱的紫薯泥，反而選了芋泥，因為感覺較少地方供應！芋泥味道天然，輕微甜度，未完全打成泥，保留有少少口感，沒有令我失望。整碗仙草盛配料很豐富，芋圓有三款：香芋，紫薯和地瓜，每款都很煙韌彈牙，不錯。 而且還有西米，紅豆，珍珠，小丸子，最後淋上椰汁，椰汁令整個甜品增添一份椰香，起畫龍點睛之效。 不過仙草本身質感一般，似是街市買回來的涼粉，不夠滑，質地偏硬。另外還點了店中第二受歡迎的招牌抺茶心太軟配豆腐雪糕 $48 心太軟並非十分流心，抺茶流心餡質地像抺茶醬，味道頗濃郁。心太軟味道可以，但並沒有太大驚喜，反而豆腐雪糕不錯，豆味濃郁，雪糕不太甜，伴以心太軟吃很夾！ 而且，那三粒小丸子也不錯，口感煙韌，質感與芋圓差不多。 整體而言，甜品質素屬中上，可以一試。

系呢個紫薯乜乜乜盛行嘅時代，呢間小店都推出呢款春季限定甜品😊有得配紫薯\芋泥蓉....紫薯蓉好天然，吾會死甜！食到有紫薯粒同絲🙂底下嘅材料就有仙草，西米，小丸子，芋圓，紅豆，黑珍珠😄仙草系一塊過嘅，要自己cut開黎食就無咁方便啦⋯⋯⋯⋯⋯加上花奶調味，味道都幾好，芋圓都夠煙軔😄😄食到芋香味🙂小丸子就淋左啲，略嫌缺乏咀嚼感😂不過整體上都吾錯😀價錢親民，而且材料都算係多，值得去試下佢啦😋

有芋圓食的甜品店愈開愈多，但質素參差。但食一碗好味的芋圓真係幾靚上社交網站見到點點甜嘅芋圓好吸引 ，所以一個人去試下係咪真係咁好食點點甜門口貼左張八折優惠單張 話由下午三點到七點前結帳可獲得八折優惠 （ps. 但張單張無寫明春季限定的甜品係不適用此優惠 我都係埋單先知自己中伏 自己就覺得做生意太吾老實係有啲差勁)言歸正傳 要品評下啲甜品先芋圓仙草盛 $30我就叫左熱嘅 但碗甜品黎到就凍冰冰其實我係俾芋泥所吸引的芋泥的質素令我失望 雖然芋頭味濃 但裏面的芋頭粒大小不一，加上調味不足，仲要吾夠熱，感覺就好似食緊泥膠一樣芋圓的數量適中，雖然芋圓本身的味道不足，但配上偏甜的糖水一同進食，可以互補不足 其他配料如西米，小丸子，紅豆蓉質素正常，不用多評論了

平時食開芋圓嘅都係配仙草呀～ 雜豆呀～ 小丸子呀～ 黑糖呀！太冇新意喇！對於愛芋圓但好討厭仙草嘅QT黎講～ 真係次次落order要走乜走乜我自己都覺悶又覺煩！終於俾我又發現新大陸😂而且我覺得依個配搭食法岩埋「寒底」嘅妹子去食！夠暖身！又出奇地同芋圓好match!成件事意想不到嘅會令人回味！「薑汁芋圓西米露」$有冷/熱食選擇～但我主張大家選擇熱食～ 更帶出薑汁嘅香味，入口連埋芋圓西米更滑口，薑汁味適中唔會過辣都唔會淡淡如水～ 甜度為中間偏淡，岩晒唔太好甜嘅大大😊 芋圓口感QQ軟！大愛呀👍🏻 題外話：薑有助暖身行血，成日手腳冰冷者可多進食薑汁嘅食物嫁，都有助改善返問題除外仲有「芋泥椰汁芋圓豆花」比起其他，依間嘅芋泥較有咬口，唔係一般泥膠口感，芋頭味好出糖份唔高，食到微微細細燈嘅芋頭粒，再配上椰汁香，滑滑豆花，Q軟芋圓！口感相間十分特出！同樣有冷/熱選擇新款嘅有，傳統嘅都當然有啦～ 所以大家同樣可自行決定😊 但QT愛薑汁😂唔好芋圓不妨試下佢地嘅「伯爵茶窩夫」極香濃回甘嘅伯爵茶味，嗚呼口感鬆軟，而且超級大份😂去開旺角嘅朋友晚餐完可以去try try 😊 not bad ~

是日在旺角用過晚飯 想起早前看到某雜誌推介這家的甜點 特意前來一試🙆🏻 雜誌報導這家手做芋泥份量十足 且賣相吸引 少不免讓我產生了期望店舖的位置靠近旺角東 遠離主流食市一點但入夜後也不乏等侯的人 約十點多開始有人輪候本人是仙草控 衝著仙草而來 點了仙草芋圓配紫薯泥(另可選芋泥) $30雖然餐牌上寫著凍/熱 但原來這個是常溫的想吃凍的話 要點仙草冰才是餐牌做得太精美的關係 餐點來了有點圖文不符的感覺 有少失望 仙草完全不甜 估計沒有加糖水(個人偏好少甜) 呈啫喱狀 未夠嫩滑🤔 由於本人是仙草控 對仙草的要求比較嚴格😤配料也充足 西米 珍珠 芋圓 白玉 (本人走了紅豆) 加上紫薯泥口感做得頗滑也飽肚 吃畢整個十分飽足想吃仙草的話 本人推介深水埗兩家(康瑞&糖水革命)都比較便宜及好吃😍 這家真的普通而已

同埋兩個朋友行完街就諗住去食糖水，之前都食過荃灣個間我覺得都唔錯，知道佢開左分店係旺角就緊係要去試下😌我地去到既時候就九點幾左右，個時入面full曬，加上佢舖位都好細下，咁我地就等左太約5-10分鐘左右，係出面佢放左好多menu入到去我地都好快手揀左野食，熱既糖水選擇唔多，所以我同另一個朋友都係叫左熱芋圓丸子紅豆沙，我覺得芋圓唔錯都幾多粒下，反而紅豆沙好普通唔夠沙，不過都夠熱可以暖下胃話曬呢兩日天氣都幾凍下另外個朋友就叫左個芒果系列既甜品，賣想都幾好😀，佢下面有個布丁，我試左一啖，覺得個布丁都幾滑總體黎講我覺得ok唔錯，由出面望入廚房環境都幾乾淨，服務都幾好，食物都ok唔錯

每次試新野都係一個冒險，係美食同劣食既賭博。而今次，我輸左。我見到網上介紹呢間甜品有我最愛既芋泥同芋圓，就抱住期待既心情黎試。首先講吓豆花，係無豆味，但有維他奶味，同埋係布甸既口感。唔可以話係平時認知既豆腐花，最完美既演繹方式就係佢係維他奶布甸。再配埋椰汁真係一絕，兩樣野大纜都扯唔埋，好奇怪，味道好唔夾。啲丸子唔煙韌，係實實地既，Fail。芋泥係味道最正常既野，真材實料。

上次係附近食完野，行過見到新開，就已經諗住黎試新野，上星期3終於同朋友去左試。下晝6點左右當然唔使等啦!睇menu覺得幾吸引，心太軟同千層酥都各有4款，最鍾意甜品舖有多幾樣選擇，如果唔鍾意食呢款水果/雪糕，又可以揀第二款配返個樣甜品! 我同朋友就揀左抹茶心太軟配tiramisu雪糕同埋香蕉千層酥配朱古力雪糕。等左大約20－25分鐘，香蕉千層酥終於黎，諗住佢應該係就返個心太軟一齊上所以咁耐... 點知佢黎到都仲要等多陣個心太軟先黎，仲要兩款雪糕撈亂左 (心諗店入面得我同朋友&1-2個客咁都搞錯)非常普通而且唔抵，3片好薄ge餅上面唧少少cream加香蕉片，配異常細球ge tiramisu雪糕 (比起另一球朱古力雪糕)，咁就$56，真係好失望...仲要等咁耐入口暖笠笠，有流漿效果(要特別mention，就好似流沙奶黃包都唔係隻隻包都流架)，幾濃抹茶甘香，表面有少少脆身，焗得唔錯，不過個size係冇其他甜品舖我食過ge心太軟咁大件，佢屬於s size，$58... 絕對唔係物有所值等野食個陣研究左一陣menu，定價比較怪，差唔多ge野食相差成$10... 總括黎講，唔值得曬時間同錢再黎

經過旺角，見到間新甜品店有賣我鍾意食嘅綠茶甜品，就膽粗粗入去試下。叫左個綠茶甜品，味道唔錯，同嗰啲賣開綠茶食店差唔多。食得多嗰啲連鎖甜品店，都要支持下哩啲本土小店。