鼎王麻辣鍋 (金巴利道) (已結業)

隱藏得太深，果然導航一般都系呃人嘅 🤣 其實就系海底撈咁棟G層 😆 入去同離開都會用普通話打招呼，就系門口果位既港普太印象深刻嘞🤣 唔准又堅持既樣裡面服務都好熱情，如果第一次嚟嘅話，會同你做個介紹，然後餐品掃 🐎 落單 😉🍲 鴛鴦鍋（鼎王麻辣鍋+酸菜白肉鍋）湯底超贊！ 直頭唰完就可以入口，基本上唔使再另外點醬料，儘量保持咗嘢食嘅鮮甜，而且隔離夥記見湯底有所下降就即刻幫你滿上🤣 所以鴨血、豆腐、酸菜根本就食唔曬！ 真系無限量啊！ （然後同個臺灣朋友講呢間鋪頭唔錯，佢話畀我知，如果唔食完打包走嘅話，鴨血豆腐都會重新添滿！超贊嘅 😍😍）🦐 上選海鮮拼盤入面有珊瑚蚌、桂花蚌、日本扇貝、小卷魷魚同嚴選海蝦，呢個魷魚滾完上嚟就好似朵花咁😍 而且大粒嘅扇貝，口感超好哦！ 🐮 牛白肉呢個真系好罕見，系牛胸前肋骨上嘅一塊細小嘅筋膜類肌肉，細嫩之餘，仲好爽口，聽講蘊含豐富嘅骨膠原哦！ 😆 一餐落嚟真系超飽，原本驚點少咗，諗唔到，根本就食唔曬 🤣 調料嘅地方隔離仲有個電飯煲，入面有煮好既飯，方便自己搭配食，雖然調味料少，不過我覺得唔使調味料，就鍋底唰完就好好食喇！服務方面都系好貼心，從進門到出去都介紹清晰之

🩵 鼎王麻辣鍋📍尖沙咀金巴利道26號地下5號舖------------------------------1️⃣ 鴛鴦鍋 $78/@ 推薦指數：👍🏻👍🏻👍🏻👍🏻👍🏻麻辣鴨血豆腐鍋 可以自選辣度(小、中、大、特調)貼心💕麻辣湯底不是很辣 是台式的藥材湯底 濃濃的藥材味道 不錯😍鴨血及豆腐可以無限refill 鴨血大大舊 厚身 十分嫩滑入味🥰豆腐同樣大大舊 吸湯 讚🤩推薦指數：👍🏻👍🏻👍🏻👍🏻酸菜白肉鍋 同樣可以自選酸度(小、中、大) 窩心😆酸菜湯底的酸味是白菜自然發酵出來的酸 很天然 容易入口 湯底有大量的酸菜及小量白肉 可以無限refill 酸菜 白肉淋滑 十分薄 入口即溶 不錯💕2️⃣ 牛拼盤(4人份) $488推薦指數：👍🏻👍🏻👍🏻👍🏻👍🏻推薦🥰這盤可試4款牛肉 手切牛頸脊 牛邊爪 淥20秒便可😍肉及油脂分布平均 入口即溶 很嫩滑 美味😋手切牛黃喉 淥10秒便可 口感爽脆🤩手切封門柳 較瘦 牛味很濃郁 牛拼盤十分新鮮3️⃣ 上選海鮮拼盤 $298推薦指數：👍🏻👍🏻👍🏻👍🏻👍🏻海鮮非常新鮮 海蝦大大隻 十分爽甜😋小卷切得很薄 一淥就熟 很爽脆🤩珊瑚蚌及桂花蚌 爽口 扇貝 非常鮮甜 性價比高 大推

店內古色古香嘅佈置，播著琵琶古箏嘅音樂，好有詩意。揀湯底先👉鴛鴦鍋$78一款係香氣層次豐富的麻辣鍋。另一款係酸鮮入味的酸菜白肉鍋。麻辣(小辣)放任何食材都好味。酸菜唔太酸好開胃，酸菜內配搭有豬肉，豬肉亦夠味。手切封門柳$368新鮮封門柳鮮甜味濃，有咬口。梅花豬肉拼去骨雞髀肉$128梅花豬肉嘅梅花般油花紋路，灼完不乾也不膩，肉質鮮嫩有彈性。雞腿肉我鐘意食，灼完肉質都嫩滑。萵荀$68新鮮爽甜。蜂巢千層凍豆腐(8粒)(台灣直送)$68吸左湯汁好食。彈牙九肚魚丸（4粒)$68好彈牙，食到九肚魚嘅鮮味。薄荷青檸梳打$48杯放上薄荷葉好清香，青檸梳打飲落好涼快。

出名過江龍麻辣火鍋中式餐廳！麻辣火鍋就大家食到出曬名！第一次在這間中式餐廳食午餐！味道就不過不失！不算太差！但又不能令我有深刻印象！還是有機會再幫襯他的晚餐火鍋可能會比較好！

以前去台灣必食嘅鼎王麻辣鍋空降香港，終於有時間去朝聖。打電話來預約book枱，餐廳俾卡位我哋，地方寬敞，好好坐，而且樓底夠高，唔會侷促和大味。近日天氣好熱，另一半覺得口淡淡，我又想食麻辣，所以我哋點咗鴛鴦鍋，呢度嘅鍋底係以位計算，我哋可以再Refill酸菜、鴨血、豆腐，真心正！我哋點咗份滷牛筋，經過滷製，入口有著豐富膠原感，後，肉質軟綿，甜甜地，好有風味！火鍋料都上得幾快，等候時間短，手切牛頸脊肉質富口感，雪花豐富，打邊爐都食到油脂香。日本帝王蟹棒賣相美觀，大大條蟹棒，都食到鮮味。日本廣島蠔一隻隻好肥美，肉質飽滿，口感豐富，有著淡淡海水味，值得海鮮愛好者品嚐。

台式養生火鍋都有鴛鴦鍋？仲有得任refill配料😍yes yes ，真係有呀！我哋order咗麻辣鴨血鍋和酸菜白肉鍋，我哋食小麻小辣就啱啱好，鴨血入口嫩滑，和蜂巢豆腐都好吸湯，越煮越入味，另一邊，酸菜都可以任加，湯底越食越開胃！火鍋料: 日本黑豚肩肉、手工蝦滑(台灣直送)、日本廣島蠔、老油條(台灣直送）、午餐肉款款都勁新鮮，特別推介手工蝦滑和廣島蠔，蝦滑有別於平時港式嘅，見到一隻隻蝦仁和粉漿打成，入口Q彈，海鮮味滿分！廣東蠔雖然唔係好多隻，價錢比較高上，質素真係一流，目測每隻都有6-8cm大，煮完都係縮咗少少，食落勁juicy，好高質！而家中午人流都幾多，進餐氣氛都唔錯，而且座位都是卡位，好好坐，可以圍爐傾偈👍🏻👍🏻

今日同幾屋企人嘆住冷氣打邊爐，真係好正！尖沙咀的鼎王麻辣鍋以其湯底和食材的豐富度和品質聞名，屋企人一直都好想試，我們點了鴨血酸菜鴛鴦鍋、牛肉拼盤、御選小羔羊、招牌手工三色滑(台灣直送)、竹笙、油麥菜和綜合餃等，必試牛肉拼盤和御選小羔羊，真係超好食~麻辣湯底味道十分正宗，小辣程度，小朋友都食到，好惹味，特別係鴨血質地軟嫩，入口即化，口感十分棒。酸菜湯也很不錯，清淡酸甜爽口，能夠展現食材的原味。酸菜的味道也很不錯，酸酸甜甜的，能夠調節口感，讓人食欲大開。🌟牛肉拼盤+御選小羔羊肉質上盛，口感細軟，牛味濃郁，非常之嫩滑同Juicy，配上麻辣，非常之香口惹味。小羔羊肉份量十足，肉質鮮甜，一都羶味都無，味道一流！🌟招牌手工三色滑(台灣直送)墨魚膠和蝦膠也很好吃，爽口彈牙，仲食到墨魚粒及蝦粒，口感唔錯。🌟綜合餃+丸綜合餃的包子皮很薄，餡料豐富，口感鮮美。綜合丸有四款，款款都爽口彈牙，尤其係墨魚丸同蝦丸都鮮味十足。🌟竹笙、油麥菜竹笙清爽可口，能夠中和一些油膩感。食材質量很高，湯底口感豐富，能夠滿足不同口味的人。如果您喜歡火鍋，鼎王絕對是一家不容錯過的好店。

約左中同相聚，已經多年無見，找一個地方坐得耐又舒服，大家又想打邊爐，於是諗起係尖沙咀的鼎王麻辣鍋🔥。鼎王麻辣鍋店舖裝修古色古香，環境舒適，真係好岩三五知己食飯。7點來到已經有不少人，好彩有book位😬。我們揀了鴛鴦鍋 : 鼎王麻辣鍋 + 酸菜白肉鍋，全部都有辣度和酸度可以選擇。我們就揀了小辣和小酸。麻辣鍋90分鐘內無限添加鴨血及豆腐，而酸菜鍋可以添加酸菜。鴨血好厚身，又彈牙，又滑，口感很好﹗而酸菜係切成幼條狀，唔會太酸，好開胃😋。食物方面揀了以下幾款，好豐富，好滿足:🌟牛拼盤: 紅色肉要淥18-20秒，而牛黃喉就10秒左右，牛肉好鮮味，黃喉好爽口😋🌟竹笙: 打邊爐唔少得，竹笙吸了濃郁湯底，非常好味👍🏻🌟御選小羔羊: 淥完好軟腍，完全冇羊肉臊味，又香又滑，正😋🌟綜合丸(8粒): 彈牙鮮味十足🌟綜合餃: 蛋餃好香，其他餃都不錯🌟招牌手工三色滑: 蝦滑、蟹滑、搖柱滑，口感豐富😋🌟冬瓜茶: 冰凍生津解渴呢度的中式香料都係天然，味道不錯！今晚好豐富，好滿足😆

正宗麻辣火鍋🍲麻辣酸菜鍋，味道好好食🤤麻辣嘅香味非常之正，酸菜份量非常之多，火鍋配料款式多選擇，而且質素非常之新鮮，海鮮嘅味道非常之鮮甜，老油條打邊爐非常正

今日同朋友去完尖沙咀行街諗起好耐冇打過邊爐 又想食吓酸辣嘢😮‍💨就去咗試呢間鼎王麻辣鍋🌶️首先湯底我哋揀咗鴛鴦鍋 佢有唔同嘅辣度比客人揀，啱晒好鍾意食辣但又唔係太受得嘅我哋😝配菜方面揀咗御選小羔羊、老油條、手工蝦滑、不倒翁拉麵同招牌川丸子。值得一讚係d羊肉食落新鮮又唔會太大陣羊羶味🥩老油條食落好脆口🤩蝦滑口感幾彈牙，而丸子嘅口感好得意，似mix埋陳皮魚蛋同牛丸咁👍🏼好啱配埋酸酸辣辣既湯底我哋叫咗杯粉紅特飲,係甜甜地既汽水咁幾開胃 如果餐飲方面有多d選擇，例如沙冰之類就Perfect喇😝

終於嚟食鼎王麻辣鍋，去親台灣旅行都必去嘅火鍋店，依家香港都有得食🔸鼎王麻辣鍋 x 酸菜白肉鍋麻辣鍋有小、中、大、特調4個辣度，而酸菜白肉鍋亦可以有小、中、大3個酸度，可因應個人口味選擇鼎王嘅鴨血係必食，由台灣直送，口感滑溜溜，每件都非常厚！豆腐索滿麻辣湯，味道非常惹味！而酸菜白肉鍋嘅酸菜切成幼條狀，食落非常開胃。仲有另一賣點就係鴨血、豆腐、酸菜同白肉，店員都會主動免費添加，包保食到飽！🔸招牌手工三色滑有齊蝦滑、蟹滑、瑤柱滑！瑤柱滑入面真係有瑤柱絲，好足料！蝦滑入面有唔少蝦肉，好彈牙！而蟹滑囗感綿密細膩，幾鮮味🔸濃香豆皮有別於響鈴，要煮3分鐘左右先食，腍腍地又入味又有豆味，豆皮索晒湯汁，好惹味🔸豬骨濃汁貢丸 口感軟硬適中，口味層次豐富，多汁彈牙，豬骨濃湯味突出🔸梅花豬肉拼去骨雞髀肉兩款肉質都好鮮嫩，豬肉味道濃郁有口感，雞髀肉可以啖啖肉咁食🔸玫瑰蜜桃果茶香甜蜜桃配上淡淡玫瑰幽香，酸中帶甜，味道清新解辣

難得一見的正宗鴨血火鍋兩款特色湯底「鼎王麻辣鍋」、「酸菜白肉鍋」絕對推薦點鴛鴦鍋，兩款湯底也可以吃到有小、中、大、特調四個辣度可以選擇酸菜白肉鍋亦有小、中、大3個酸度配合不同客人的口味多種天然中式香料，絕對不是味精的感覺麻辣鍋中的鴨血必食，由台灣直送人稱「鴨血的天花板」，口感彈滑每件鴨血都是厚切酸菜白肉鍋的酸菜切成幼條狀，口感極佳90分鐘內無限添加鴨血及豆腐（鼎王麻辣鍋）而酸菜白肉鍋則可以添加酸菜我們點了的火鍋配料✅台灣直送老油條和香港的油炸鬼有點不同，更加脆口✅濃香豆皮喜歡豆皮吸了火鍋湯底，咬落煙靭又滋味✅招牌手工三色滑（蝦滑、蟹滑、瑤柱滑）非常彈牙，而且真材實料✅梅花豬肉拼去骨雞髀肉雞髀肉滑身，豬肉也非常新鮮✅日本廣島蠔10隻$188有10隻超抵吃，非常肥美喜歡餐廳有民國時期的裝修有一種時空穿越的感覺

湯底只有兩款鼎王麻辣鍋 同酸菜白肉鍋我地㨂左鴛鴦鍋，有4個辣度可以選擇，酸菜白肉鍋就有3個酸度。我地就先試左小辣小酸～後期我地有再加中辣中酸，味道就岩晒我地重口味更惹味～ 90分鐘內無限添加鴨血豆腐同添加酸菜～麻辣鍋係我地今次主要目標：鴨血，係我香港食過甘多鴨血黎講頭幾名🤣口感滑流，每件切件都非常厚，非常大方💓 牛小排：分量合理～薄薄一片～幾秒就食得～帶有牛味🌟濃香豆皮：必點～勁配麻辣鍋～吸晒啲麻辣湯～更帶豆香味～食唔停口～排骨酥：本身醃左～肉軟～帶有甜味～分量不小～招牌手工三色滑：大推搖柱滑～每啖食緊搖柱一樣～絕對冇誇張黑豚腩肉：肥瘦適中~配酸菜鍋一流 食鴨血都食到勁飽🤤🤤下次再黎食過鼎王麻辣鍋尖沙咀金巴利道26號地下5號舖 ————————————✨✨✨✨✨✨✨✨✨記得like同follow我地～我地會繼續揾好去處同大家分享😊✨✨✨✨✨✨✨✨————————————#chichiyan #foodblogger #blogger #hkfood #foodpic #hkeats # #food #相機食先 #手機食先 #foodblog #foodphoto #hkfo

一直都好想試台灣呢間過江龍火鍋，今日終於都約到朋友一齊食。 我哋叫咗鴛鴦湯底，麻辣同埋白菜豚肉，值得留意嘅係鴨血，豆腐，同埋白菜都係任加，隨時都可以fill! 白菜湯同豚肉好夾，反之鴨血同埋豆腐，完全吸晒麻辣湯嘅精華，湯底辣度都可以選擇，就算唔係食得好辣嘅朋友都完全冇問題！ 餐廳最新有一個孖寶優惠，我哋都追加左呢個套餐，牛同豬/羊都可以三選一，我哋揀咗日本A4和牛同埋黑豚肩肉，和牛入口即溶，油脂豐富。肩肉肉味突出，口感無咁肥，可以balance返🤭期待已久嘅海鮮盤，當中包括有珊瑚蚌、海蝦、扇貝同埋魷魚。整體都10分新鮮，珊瑚蚌，口感爽脆，扇貝大大隻，熟咗都唔會縮到好細😋成個湯底都即時提鮮！ 另外再叫咗啲配菜， 鴨血同埋豆腐任食係限時90分鐘，90分鐘後都可以繼續慢慢坐低傾偈食埋啲野，一啲都唔會趕！ 成餐飯嘅體驗好好，員工服務都到位👍🏻下次可以再約多啲朋友一齊過嚟❤️

當您走進台灣過江龍鼎王，首先會被熱騰騰的火鍋和香氣所迷住。這裡的台式火鍋以麻辣湯底和白菜豚肉湯為主，讓您可以同時品嚐到辣味和清爽的湯底。在90分鐘內，您可以盡情享用鴨血豆腐，而且不用擔心吃不飽，因為這裡的份量十分充足。除了火鍋外，這裡的餐點也非常精彩。我們點了響鈴、手打牛丸、牛舌、蛋餅、牛白肉和鱔片，每一道菜都讓我們驚艷。響鈴是一道香脆可口的小吃，手打牛丸鮮嫩多汁，牛舌則是口感極佳。蛋餅煎得金黃酥脆，蛋香味濃郁，內餡搭配起司和火腿，口感豐富。牛白肉則是切成了薄片，肉質鮮嫩多汁，搭配上醬料和蔬菜一起食用非常美味。最後，鱔片是我們的驚喜之一，鱔肉鮮嫩，配上特製醬料更是美味絕頂。關於配菜的描述，這家餐廳的蔬菜選擇豐富，包括青江菜、豆芽菜、娃娃菜等等，每種都非常新鮮，口感清脆。此外，還有精心調製的醬料，例如蒜泥、花生醬、麻醬等，能夠為您的火鍋和其他菜品提供更多層次的風味。總的來說，尖沙咀台灣過江龍鼎王是一家非常值得一試的餐廳。無論是火鍋還是其他餐點，都表現出了高水準的料理技巧和品質。如果您想品嚐正宗的台灣美食，不妨一試！我給這家餐廳90分。