龍城冰室

營業中

休息中

茶餐廳喺香港最常可以食到嘅嘢呢間嘅分店之前都有喺旺角食過唔錯今日行到尖沙咀見到呢間乾淨企理決定再就入去食作為茶餐廳嚟講，佢款式絕對算係齊全甚至連羊腩煲都有今日揀咗呢個沙嗲粉絲肥牛煲配白飯呢一間啲肥牛都好足吓沙嗲味啱啱好唔會太鹹粉絲煮得熟得剛好唔會熟得滯用啲沙嗲汁同粉絲撈飯仲有呢個龍鳳檸樂唔係間間茶餐廳都有咁我揀咗配中湯，湯料都幾足好味最後叫咗個厚多士（牛油煉奶）作為結尾成個多士好脆，配埋牛油同煉奶極邪惡整體嚟講呢間水準維持得唔錯店內環境乾淨企理就算係其他分店都保持到可以繼續食

去開觀塘店食早餐，今日同fd 出開尖沙咀，又掛住個沙爹魷魚，所以入嚟幫襯。餐廳環境光猛舒適，卡位亦寛闊。餐牌都幾多選擇，有常餐，炒粉麵飯，辣炒小菜，亦有扒餐等等。我們點了一個常餐沙爹魷魚米粉，配奄列及丹麥多士，飲品點了熱奶茶。朋友想食清淡少少，見到有海鮮湯泡飯，就點了一個海鮮湯花甲河粉。沙爹魷魚，真係好適合唔食牛肉但又喜歡沙爹口味的。沙爹味道偏辣，亦幾重薑味，魷魚份量都幾多，幾易咬開，米粉幼身爽口。丹麥多士比起一般茶記用白麵包好好多。熱奶茶好正宗，夠茶味。海鮮湯花甲河粉，因為唔想食飯，轉了做河粉。海鮮湯偏橙色，食得出有蝦味，湯頭清甜，配料花甲，絲瓜，紅蘿蔔，雲耳，雞髀菇。尤其個雞髀菇好好味，似用醬汁燴過。最後成碗湯飲晒，難得茶餐廳都有清淡之選。

本人第一次嬲到要黎寫食評，今日按完摩之後黎龍城冰室食晚餐，選擇咗F餐（紅燒支竹火腩炆大鱔），當待應放低碟餸係枱面之時，我已經發覺唔對路，點解唔係鱔黎既，亦無支竹，豆腐和火腩，於是我就問職員點解呢碟野完全貨不對辦，佢先同我講大鱔賣晒，轉咗頭腩比你（事前無通知過本人），我再問咁啲配菜都無晒既，淨係得蔥，佢就話呢個餸無配菜㗎喎，佢問我照食有無問題，初時我都覺得無問題，就算數啦，但轉頭比我聽到原來佢地係送錯枱，我個碟係人地到，人地個碟係我到，我問職員係唔係有返大鱔既F餐，個職員仲要講大話話無，明明就聽到話送錯餐，仲要死口唔認，以後都唔會再黎幫襯🤬🤬

今日要同大家分享我最近喺尖沙咀食過嘅美食。餐廳嘅招牌菜黑椒牛柳真係出色，牛柳肉質鮮嫩多汁，而且煮得剛剛好，唔會太生或者太老。加上黑椒汁，味道濃郁香辣，令人回味無窮。配埋個荷葉冬瓜煲豬骨湯，湯底濃郁，令人感受到一股溫暖嘅味道。整體黎講，黑椒牛柳同明火例湯真係好夾，值得一試！🌟👍另外，我試咗佢嘅煙三文魚凱撒沙律配秘製沙律汁同招牌酸菜魚配白飯。🐟🥗🍚煙三文魚凱撒沙律好特別，三文魚肉質鮮嫩，煙燻嘅味道更加增添口感。沙律上面嘅生菜亦好開胃，而秘製沙律汁就更加加分，酸酸甜甜，恰到好處，估唔到茶餐廳都可以做到咁新鮮好味嘅沙律。招牌酸菜魚，魚肉鮮嫩，酸菜醃製得啱啱好，味道酸酸辣辣，配白飯一齊食更加開胃。真係好好食，絕對值得推薦！🌟👍跟餐我就嗌咗「凍咸檸七」同「龍鳳檸樂」。🍽️😋如果你鍾意食冰室，記得去試下，另外餐廳仲有好多其他唔同嘅招牌菜式，一定滿足你唔同嘅要求！😊🍽️龍城冰室 尖沙咀店地址 尖沙咀金馬倫道23-25號地舖G/F, 23-25 Cameron Road, Tsim Sha Tsui#龍城冰室 #龙城冰室 #香港冰室 #旺角美食 #尖沙咀美食 #銅鑼灣美食 #香港美食 #香港打卡 #香港必

開工前是但搵間餐廳食個早餐，入到去坐低2分鐘之後叫嘢食我指住餐牌：「唔該我要呢個歐陸早餐」四眼仔男侍應：「乜歐陸？」我初時聽唔明：「下？」佢再好大聲講：「乜歐陸？」我：「歐陸咪歐陸，唔明你講乜」佢：「3揀1呀，想食乜呀？」我：「咁食魚柳啦😓凍奶茶唔該😓」佢：「噓！講幾次都都聽唔明嘅」個樣仲要好似好自豪好得戚咁當時我心知佢係串我，但係我都冇嘢可以做到，無理由係餐廳同佢嘈交，亦都會影響其他食客，所以拿拿聲食完返工就算。四眼哥哥，我梗係知3揀1啦，係你當d食客低能姐😊 其實你d服務態度真係幫公司趕客，聽到你同其他食客講野都係好冇禮貌，長期黑口黑面好似食左屎咁。總結：永不再幫襯👎👎👎 想心情唔好可以去挑戰下😃

為左睇mc 既免費concert 今日同家人到尖沙咀食野🤪 揀左去呢間龍城冰室食個快餐🤭呢到menu 款式也有很多😋我選擇左全日早餐 而家人則選擇左晚餐B- 芝士焗海鮮蝦球意粉😍全日早餐包左吉列魚柳、香草腸、沙律🥗、炒蛋、煙肉🥓、芝士火腿牛角酥👍十分豐富 個牛角酥好有誠意 係焗熱左先呈上 同埋好酥鬆 😍夾埋芝士同火腿就更正 而魚柳十分大塊！啲肉好滑 😚 沾埋沙律醬一流至於芝士焗海鮮蝦球意粉也很滿意👍 首先啲海鮮很多 eg 蟹柳 大塊魚柳 魷魚 🦑 青口 帆立貝鮮蝦 😆👌 完全冇諗過啲料可以咁豐富 🤭 全部都好新鮮 大份夾好味！個晚餐B仲會包埋餐湯同埋飲品 餐湯是羅宋湯 勁多料 幾好飲至於飲品🥤 我地點了菜蜜同埋鴛鴦 🤭整體嚟講 冇諗過在尖沙咀地段都搵到咁性價比高的冰室 😆👍又有效率 野食又好味😋下次經過會再來食

我愛頹飯 feat. #龍城冰室（尖沙咀）.尖東人經常叫外賣之今次又係龍城！之前試咗焗豬 & 咖喱牛腩今次試試其他！.1.黑松露滑蛋蝦球飯$76.呢排好想食滑蛋！衝！試試佢！份量好多！蛋質感滑香！蛋香正常 黑松露都唔係話特別出！但..蝦球都幾多下 成件事嘅鮮味幾足！再加埋其實佢都算重油 & 鹽食到下邊會感覺膩口啲.. 所以一開波撈勻佢會勻循好多！味道都會balance d！呢個份量 & 味道！可以的！未去到好高質！但唔伏！.2.海鮮湯龍躉泡飯$62.呢個湯泡飯又真係唔係「茶餐廳」嘅常見菜色 試試佢！由於對湯好抱期望 實際飲落 我覺得湯頭未去到話好濃厚好驚喜.. 唔係我expect嗰種衝擊.. 但鮮甜！舒服！同埋真係算係幾好macro.. 龍躉都有好幾塊！唔錯as一個比較難自己準備嘅外食類型！佢係值得試試嘅！.3.龍城炒米粉$55.茶餐廳梗係要試試佢哋每一家嘅撚手頹飯啦！揀嗰炒米粉！又真係好驚喜般嘅好味wor..有少少西炒 米粉嘅感覺..加埋佢啲無處不在遍佈嘅火腿 & 煙肉粒..你係真心會覺得每一啖都好入味.. 爽！招牌過！係一個好嘅頹餐！！！.整體上龍城嘅味道 質素都係茶餐廳入邊感覺比

龍城在尖沙咀開了新分店，舖面大坐得舒服，是晚來到吃個便飯。⭐龍城炒米粉有叉燒、火腿絲的招牌炒米粉，炒得香口有鑊氣，而且不油膩。⭐板燒和風嫩牛柳意粉牛柳有五件之多，肉比意粉還多是怎麼了😆牛柳很嫩，意粉有咬口。⭐西蘭花炒龍躉球菜花香甜龍躉鮮味，足料小菜很好吃。⭐花生醬西多士還有甜品西多士，花生醬下得多，麵包厚身香脆，加上牛油糖漿怎能不好吃😋⭐椰汁紅豆冰 & 熱利賓納紅豆冰是香港特式飲品，加了椰汁更香甜。利賓納則是童年回憶的飲料，現在越來越少餐廳供應了。餐點好吃，價錢也不貴，值得來訪👍

1️⃣.龍城冰室1.焗鮮茄豬扒飯 $69.呢排真係成日食焗豬..我最愛頹飯無計..一般焗豬中伏機會都比較低..因為焗豬咁嘅配料都可以難食 呢間茶餐廳都真係要汁.. 所以..龍城都合格！.炒飯底👍芝士拉斯👍蕃茄味👍豬扒都幾多👍整體都無乜挑剔！.2.咖哩🥔仔牛肉飯 $59.呢個就真係嬲啦…咖哩好味！夠入味！過！薯仔都入味 ！過！牛肉都係！.但 成個飯得2舊牛？？我keep住撈 以為睇錯..嬲啊啊啊啊啊！味道ok都搭救唔到我受傷嘅心靈🥹

尖沙咀太多美食😌 但要計性價比高嘅話，我相信呢個會係其中之一😎 因為呢間嘢除咗有港式野食之外，仲有多款嘅多國菜野食，總有一款啱晒你💓夜晚勁多客人超旺場😍1️⃣ 全日早餐 🥓成個餐都好豐富，包括有吉列魚柳、香草腸、炒蛋、牛角酥…香草腸超級大條😏吉列魚柳極香脆🤤呢到嘅牛角酥仲超級鬆脆，又有芝士火腿做夾心，好特別而且一啲都唔hea😚2️⃣ 皇牌鐵板餐-黑椒牛柳🐂激厚嘅牛柳😌一個餐有兩件，我一個人食一件已經好飽了🥺跟餐有羅宋湯🍅 好多料🤫配菜方面無規限，可以揀飯或意粉或薯菜，意粉煮到好彈牙，配埋番茄醬好好食😋3️⃣ 韓式泡菜牛肉炒飯 🍚Menu有個辣椒嘅公仔🌶 不過就唔太辣，入面有好少見嘅欖菜、好入味嘅泡菜……而牛肉都算大塊～ 唔會話攝牙咁睇都睇唔到🙌🏻 炒出嚟嘅飯亦粒粒分明，撈埋燶邊太陽蛋超有特色😆4️⃣ 紅豆冰 🫘細細個已經好意飲紅豆冰，呢到嘅紅豆煲到半爛最好食💓 加埋椰奶，成杯冰凍嘅紅豆冰唔會太甜太膩，飲完好滿足😋5️⃣ 蜂皇柑桔蜜🐝微熱嘅飲品飲落好舒服，加入蜂蜜好滋潤，又可以止咳化痰😚 最重要係有得揀要濃啲定淡啲😎

我打電話去叫外賣，叫香煎豬扒咖喱飯，去到是香煎豬扒拼火腿飯，我說是咖哩不是火腿，服務員堅持我沒有講咖哩，我怎可能沒有講，這家我又不是第一次光顧，還給服務員罵，還趕我走說不做我生意，我什麼都沒有講只講我點的是咖哩，就受到這樣的對待，我看她是太忙了，忙到自己都控制不了情緒，但是也不可以這樣對待人客，我本來都想算了吃一次又沒什麼，但是話我沒有講要咖哩，我就是不順氣 結果還趕我走說不做我生意，怎那麼大的集團就是沒有投訴的途徑

最鍾意食呢一間有好多分店㗎，今日第一次係今尖沙咀呢一間食嘢😋😋呢度有扒食㗎😋好肚餓叫個扒食先 ，皇牌鐵板餐—招牌🐮黑椒牛柳跟飯，七成熟配羅宋湯仲有丹麥多士添🥰🥰 飲品當然係叫特色啲嘅🍋咸檸七啦大大杯呀！ 個湯好多菜㗎👍丹麥多士脆卜卜好好味👍牛柳嚟啦黑椒汁自己鍾意落幾多就幾多👍但係個黑椒汁唔辣㗎😋所以落曬都冇問題😍我哋係跟飯🍚嘅你睇下個飯幾大個，啲牛柳呢真係七成熟呀軟淋淋啖啖肉好juicy💯💯我朋友就成日都喺度食常餐㗎啦，所以佢係常餐嘅坐上客，招牌秘製香辣魷魚公仔麵配太陽蛋同丹麥多士，將啲太陽蛋嘅蛋黃點丹麥多士食👍仲好味呀😋如果塊丹麥多士大啲就好喇😅 每次嚟食都係食呢個魷魚麵㗎👍因為啲魷魚係好彈牙好爽口嗰個醬汁撈埋落啲麵度真係回味呀😋😋呢個係我精心嘅推介💯💯 最勁係嘢飲紅豆冰好大杯呀👍啲紅豆軟淋淋唔太甜 一流💯💯仲有呢度啲奶油多十分之脆口同埋惹味㗎😋龍城冰室 地址: 尖沙咀金馬倫道23-25號地舖

終於捱到星期五！這天約了舊同事在尖沙咀吃晚飯，可以從同事變朋友實在難得！「龍城冰室」尖沙咀分店位於金馬倫道，就在地鐵站出口附近，非常易找。冰室面積頗大，座位不少，而且座位寬落，坐得舒服。雖然是一人酸菜魚，但份量也蠻多的。湯汁微辣重酸味，最適合用來撈白飯同吃。魚片大塊，帶彈牙口感。而這款其實是當天的精選晚餐，所以還多了肥牛。比較特別的是鍋內還有白蘿蔔片舖在底下，蘿蔔盡索酸菜湯精華，入口惹味。湯泡飯同樣大碗，湯頭甜甜的，飯粒浸得非常入味。而花甲也有很多隻，碗內還有雲耳、瓜菜等配餸，甚為豐富。餐飲點了一杯菠蘿冰，菠蘿份量都幾多，飲落就是甜甜的果香味。

龍城冰室 地址: 尖沙咀金馬倫道23-25號人來人往嘅金馬倫道 搵間香港地道茶餐廳特色裏面空間幾大 好多卡位 香港人最愛行到熱辣辣 搵個地方飲杯凍檸樂鐵板牛柳黑椒汁薯菜 $118鐵板餐有丹麥多士，中湯/西湯有嫩度 有口感 牛柳喺鐵板上面stay左一震 外層變得焦香牛味作有 份量亦都有 兩大塊辛辣和微甜的味道，能夠提升牛肉的風味 黑椒汁的口感濃稠有薯菜/飯/意粉 自己揀一樣沙律汁原隻薯仔 仲有幾舊西蘭花瑞士汁雞翼薯條 $33醬汁有奶香 微甜味 麵算幾入味對於細食嘅另一半嚟講 三隻瑞士雞翼配搭薯條或者沙律係女士食嘅份量

龍城冰室．有鑊氣的茶餐廳拿，香港人最中意食咩呢一定係茶餐廳隨時搵間入去都可以有驚喜架今次行尖沙咀要隨行隨食點指兵兵就去了龍城冰室裝修寬敞，坐等舒服埋邊有卡位，於是就座吃飯中西合BIG 是港式茶餐廳特色要小菜、小炒、食埋牛扒都仲得！於是點2個小菜，加個皇牌鐵板餐吃一場港式風花雪先來餐湯，套餐包埋，中西湯任選我們點了羅宋湯，足料到呢滿滿的蘿蔔、番茄、菜菜香濃到一個點，配多士，勁好食熱奶茶，識飲一定係茶走夠滑夠香濃，港式味道熱檸茶，足料茶膽正檸檬夠香，入口沒有澀味，正！西蘭花龍躉球份量好多，味道香口熱辣龍躉球油爆處理勁香肉質彈牙爽甜，好好食西蘭花調味很好，保持脆身又夠清甜，配住白飯味道一流！菠羅咕嚕肉脆脆脆脆即製的香氣，入口脆卜卜味道酸甜可口，極其開胃每口都是鑊氣與滋味呢道菜一定要即點即食先夠正！皇牌鐵板餐—招牌黑椒牛柳 配薯菜鐵板上台，滋滋聲！目測份量極巨！2大塊牛柳，嫩滑多汁點一些靈魂醬汁——黑椒汁又帶來多一份刺激這就是港式茶餐廳獨有的風味龍城冰室的出品確有質素！下次行過，不能錯過！龍城冰室尖沙咀金馬倫道23-25號地舖電話號碼 21111320 / 69019066hastag#yum