龍泉私房菜 (已搬遷) 新店位置

我好喜歡尋找不同的私房菜，而龍泉私房菜是我聽回最好口碑的一家。本來打算同朋友在新年其間去食開年飯，可惜要初六才開業，而且整個新春其間都好滿，fully booked 結果我最後在三月尾book,四月中才有位！顯視這間私房菜有多受歡迎。用餐當晚，完來除了華源大廈的房子，在海防大廈亦都有，當晚當然，全場full booked。book 時已經訂下餐單，因為有些餸菜是要提早準備的。結果沒有令我們失望，個個餸都十分具高水準！由第一味的辣酒蛋白煮花蟹說起，酒味好香，隻蟹又大大隻，蟹肉又多，賣相吸引，超級好味。仲有不同的鮑㟥翅肚當晚個個餸都十分正，我特別喜歡馳名炸子雞，炸得好靚，味道又不油，好好食個個餸都好大碟，好滿足！最後埋單位位260元！這個價錢食到咁好的食物真係抵到爆！Surely must come again!!Highly recommend!

已經來過好幾次，因為我鍾意食海鮮，而且這裡的食物份量很足，食物質素因應當日食客多與否，可以好好，亦可以不好。最喜歡這裡可和親戚朋友吹水都唔會有人趕你走！我們每次都叫鮑參翅肚餐$238，每枱送一支紅酒及每人一罐汽水。魚翅真係有很多翅，環保人士一定不喜歡了！鮑魚炆得入味、花膠、冬菇都好有質感。花雕蛋白蒸蟹，最愛食d蛋白，夠滑。蒜蓉蒸扇貝，不過不失，有時會未熟透。三色蝦，有黃金蝦、美極蝦及芝士蝦丸，各有特色。有朋友不吃西蘭花, 所以將瑤柱西蘭花轉做菜心，但太淋，失敗！ 我之前食過 "天下第一雞" 係最唔得的一味菜，今次預早打電話叫佢將雞改做生炒骨，唔使加錢，個個食咗都讚！下次weekday來試下其他餐單！

得同事介紹下,我們十一人的聚餐,便不用頭痛往哪裡吃喇。到步樓下,因華源大廈,有不少出入口,記得看清楚1號lift。平民私房菜格局,沒什裝潢,但地方企理,還看到廚房很整潔。枱上有枝紅酒,附送的,味道也不錯。等了15分鐘,第一度菜,花雕蛋白蒸海蟹。蟹肉肉質麻麻,花雕蛋白可以整得甜少少和實少少。生拆蟹肉扒金山勾翅,雖然翅不算很多,但上湯味很有住家的雞湯味,與平日在外吃的翅湯味很不同。正!天下第一雞,極多芝麻,充滿芝麻的雞,拉過油,特別提出芝麻的香味。雞皮仍脆。金銀蒜粉絲蒸元貝,絕無加很多油去蒸,清吃的蒜堆/元貝,吃得份外放心。招牌三色蝦,驚喜之作!!豉油乾煎蝦,有點過咸。蝦丸,是芝士蝦丸喎,炸得很金香。最出色是黃金蝦!平日吃的黃金蝦是,咸蛋黃蓉,濕潤的在蝦身表面。但這裡的卻把蛋黃炸得澈底,乾涸在蝦殼上,蝦殼脆得也可吃掉!好甘香呀!清蒸海斑,無乜特別,通病─略蒸過火。久等的原隻鮑魚扣山珍海味,飽魚和花膠爽口,鮑魚邊,吃下有點渣。海參炆得過腍,有點鹼水味。但最好食既,竟然係冬菇囉!湯汁味入晒冬菇內,正如翅上湯一樣,正。瑤柱扒西蘭花,極少瑤柱,透明獻汁無乜味,勝在西蘭花夠腍,不會o趙崩牙。飄香炒飯

這地方是朋友的好介紹,我相信會再介紹其他朋馳來,因為這裡食物實在非常"底食夾大件",雖然是$248一位,但已是全包宴,又有紅酒送又免加一,更可以自携不用開瓶費 上菜比較慢,但老闆解釋因為全部食物都是即煮的,除了炆海參,鮑魚是預先做好,所以比較慢我個人最愛吃這裡的翅,因為沒有酒樓做的那麼"傑",而且又多翅,而其他朋友喜歡吃香口的,因此他們比較愛吃"天下第一雞",喜歡雞皮香脆,肉夠鮮嫩,當初我以為是冰鮮雞,但原來是新鮮雞,用來煮成炸雞,有點可惜 何不改為菜膽雞呢?可以吃到更多的鮮雞味海鮮方面很新鮮,但當天沒有海斑,所以換了另一條更貴的魚給我們,老闆說海鮮都是即日買的,未必有餐牌上的海鮮,但會換成同價或更貴的作賠償其他菜色都很有水準連最後的炒飯都多得要打包呢!!!

因為媽咪生日！就選擇這間朋友介紹的私房菜，留意的事要早兩星期前訂位，雖然有兩間分行，但日日都是full booking，有心去食就一定要訂位，地方不難找，員工態度很好，仲好好傾tim，今次訂位選了$248(免加一)套餐，未入座已經見到每張台都滿座，一坐底就見到台有支紅酒，原來係滿6個人就送，如果不要的話可以換12罐汽水or啤酒，因為紅酒唔見有年份，應該就係平格貨，加上無人鐘意飲紅酒，最後選12罐汽水，但上菜既速度太慢啦，15-20分鐘一道菜，不肚餓都變肚餓。

近日愛上私房菜,貪佢地的菜式有特色.為左今年週年聚會,特登上龍泉試下.呢度都幾難揾架,好多friend 都問個大廈入口喺邊.上到上,我地一行15人,被安排座喺房,但真係好鬼迫,基本上個個都係貼牆座我地要左個鮑參翅肚餐, $248/位.無加一,茶水全包.一上枱,嚟個花雕蛋白蒸海紅蟹:啲蟹無鮮味,但啲蛋白就好味招牌三式蝦: 蝦唔新鮮,但個蝦丸同黃金蝦都ok原隻魚扣山珍海味:味道普通,同去飲食嗰啲差唔多生拆蟹肉扒金山勾翅:食唔到有蟹肉,有啲群翅,質感又係豆粉水.一啲鮮味都無清蒸游水海班:條魚就蒸得唔錯,都算新鮮天下第一雞:一定係冰鮮雞,所以雞味久奉,但上枱仲熱辣辣,而且炸得個皮卜卜脆,唔錯金銀蒜粉絲蒸元貝:呢個菜無功夫可言,但我覺得可以蒸得短時間啲瑤柱扒西蘭花:呢碟看似簡單的菜,我覺得係全晚最差,個汁太杰,啲西蘭花又煮得大熟飄香炒飯:個飯就炒得唔錯,夠乾身,不過味道太淡,而且好少料總括而言, 以呢個價錢一定有更好的選擇,環境又差,食物又無質素,去普通酒樓都好過佢.駛鬼嚟食私房菜咩

朋友慶生, 7人飯局, 因為通常都太多話題, 要找一個座得舒適及可以久留的食肆, 剛巧幾個朋友的友人都試過大讚, 便卜鎚了. 其實見到個價錢不貴, 以私房菜而言, 心想是否會有好質素呢? 即管一試便知龍與蛇.點了鮑參翅肚餐, $248/位. 没加一,茶水. 餐牌見圖. 大厦位置不難找, 但13/f, 15/f 字側令我走了好幾層樓. 地方嘛, 不太整潔, 舊式酒家汚糟格局, 抽氣差, 如坐廳的話包你一陣油煙除, 這是我最最怕的. 慶幸我們有房, 也不會吵到他人.齊人可以起菜, 大約15分鐘后有得食, 賣相普通, 味道嘛, 見下評語, 10分滿分計:1. 生拆蟹肉扒金山勺翅 - 肉絲就見到有, 蟹肉唔多覺, 莫講話蟹味. 碗仔翅果d 翅+獻, 3分2. 花雕蛋白蒸海蟹 - 健康問題, 我不能食蟹, 只食蛋白, 都可以既. 可能肚餓啦, 朋友話蟹ok, 幾好味. 5分3. 原隻魚扣山珍海味 - 新鮮鮑魚, 炆海參, 冬菇, 花膠, 生菜. 味道用料普通, 冬菇都無乜味, 整碟餸都係得一個蠔油味. 4分 4. 清蒸游水海班 - 約1斤2兩到. 賣相極差,連我呢個小師奶都蒸得靚過佢. 呢條魚

第3次幫襯了, 最差的一次 老闆說華源大廈無位, 要我去海防大廈食, 心都打個突, 老闆怎樣分身煮呢 ? 原來每道菜老闆煮完才送過來, 結果在海防大廈個廚房仔加熱....... 可想而知...... 好食有限 金山勾翅 : 微暖 蛋白蟹 : 尚算ok (上2次花蟹, 今次羔蟹)鮑魚山珍海味 : 尚算ok蒸元貝 : 食得出元貝與蒜蓉粉絲分開蒸, 不夠味三式蝦 : 凍的, 不脆瑤柱西蘭花 : 瑤柱汁太希, 西蘭花太淋蒸魚 : D油多到天下第一雞 : 皮是淋的, 有一邊雞是熱, 一邊雞是凍, 明顯用微波焗反叮炒飯&甜品 : ok

友人生日飯決定要吃中菜,幸運地可以訂到龍泉的最後一枱,一行十人在這個星期六晚上就來飽餐一頓!是晚點的餐共有十道菜,因為人很多坐下後也要等上十多分鐘才有第一道上桌第一道是湯, 蟹肉金山勾翅吃下去很有家常口味,彷彿在吃婆婆在我小時煲的魚翅湯(婆婆年輕時賣魚翅的)魚翅份量十足, 蟹肉份量不多,但味道還是不錯的,一人吃上一碗後,還有多出3碗,份量十足!(魚翅份量可不少吧)接著上桌的是原隻鮑魚扣山珍海味,其實就是海參花膠鮑魚,菇和菜,份量不少,一人可以吃上一碗, 菇扣得十分入味,如果有真想再吃一隻,海味的處理都很好, 鮑魚有咬口,花膠也很爽口,很不錯!接著再來就是花雕蛋白蒸蟹,我們十人共有4隻,蛋白滲有酒味和蟹的鮮味,加一點點蟹膏吃十分鮮味, 蟹蓋有不少膏, 蟹肉沒有過熟加上花雕吃下去十分開懷,大家也顧不得儀態用手吃,下次一定要再吃這道再來是蒜蓉粉絲元貝,這一道元貝做得有點過熟了,旁邊的粉絲有點太乾,相信做的時候先做好元貝,整好帶子位再翻蒸,所以元貝有點過熟,說實在這道有點一般招牌三式蝦也是很讚的一道!三式蝦就是黃金蝦, 芝士蝦丸和一個蔥油爆蝦, 黃金蝦可惜未達可同殼一起吃的水準,但做得不錯,

魚翅, 花膠, 鱷魚燉螺頭 - Good Good，但湯太少，每人只有一豌半 象拔蚌刺身 - Good Good，好鮮甜 上湯龍蝦 - 伊麵底 - :味道好，但芝士太多，麵太淋 秘制賴尿蝦皇 - Good Good 原隻大鮑魚扣山珍海味 - Good Good，估唔到鮑魚咁大隻 生劏大龍躉 - No good，漏左單，後來補上，可能做得太急，肉唔結實，賣相ugly 花彫蛋白蒸海紅蟹 - Good Good 瑤柱扒西蘭花 - Good 龍泉炒飯 - Not bad，其實係「鮑魚炒飯」，略厭太乾，只得一人欣賞 木瓜燉燕窩 - 麻麻地，木瓜唔靚 芒果布丁 - Good Good，好多芒果肉 奉送法國红酒 - Not bad 喎

飯局好地方，每次帶新朋友嚟都keep到水準唔會失望^_^今次朋友最喜歡除咗蛋白蒸蟹外，仲有個＂鮑參翅肚＂，而每次都會一定會加嘅＂生炒骨＂就更加保持得好好嘅水準，雖然此菜式好多中菜館都有＂生炒骨＂呢個小菜，但要做到皮脆肉軟就要好用心做！好期待下次嘅飯局。

友人出左豐厚bonus，邀約一眾好友，一行8人食返餐好o既，揀左呢間 "龍泉" 私房菜。但係食飯前一日，臨時轉左去隔離海防大廈食，去到間野個名叫"尚膳"，但食o既野係一樣。我唯有揀返卡片果間寫食評。可能係星期五o既關係，8點去度，已經滿座。兩間房都人頭湧湧，我地坐大廳。因為朋友只有卡片，所以我地點o既係卡片後$248 o既套餐，上到去先知原來有更多選擇可以揀。服務態度普通，由操唔正廣東話o既嬸嬸serve，當然我地都明白係呢d地方唔可以要求好好service。(順卡片序寫)第1味：生拆蟹肉金山勾翅。味道一般，翅o既份量還可以，每人勉強都可以有兩碗。第2味：花雕蛋白蒸海蟹。有3隻蟹，都算新鮮，蟹膏夠多。蛋白蒸得夠滑，但冇咩酒味。第3味：原隻鮑魚扣山珍海味。除鮑魚外，有海參、花膠同小棠菜。鮑魚炆得夠腍，都幾有味。其他就普通。第4味：天下第一雞。呢味係最尾黎o既。雞冇咩特別，雞皮佈滿芝麻。味道較鹹同好似未夠熟。有友人先食雞皮，說感覺好似食緊煎堆 第5味：清蒸游水海班。魚蒸得過熟，魚肉有d靭。第6味：招牌三色蝦。三色：豉油蝦、炸蝦丸同流沙蝦。蝦算新鮮，唔梅。豉油蝦同流沙蝦偏鹹。蝦丸包住芝士，可

平時的飯局多數都係酒樓或者食西餐多,今次食中式私房菜係 第一次, 原來呢簡私房菜主要係為客人訂位而做,標榜係日日新鮮,百分百冇味精 真材实料,今晚令我大飽口福,原來豬仔為我吔訂着龍泉招牌菜每位＄248 生拆蟹肉扒金山勾翅 份量十足,真材实料 天下第一雞原來係芝麻雞,皮脆肉滑,但略生着嘀、熟還嘀就更加好, . 后尾負責人解釋返,也是有道理的,如果太熟,那肉就鞋了 花雕蛋白蒸海蟹,蛋白吸收着蟹的精華,蟹够鮮,蛋白够滑,值得回味 招牌三式蝦,(芝士蝦丸.豉油皇蝦.黃金蝦)三款不同味的蝦各有特色 黃金蝦是我的最愛 原隻鮑鱼扣山珍海味(有鮑鱼.海参.花菇.花膠)鮑鱼够林,汁够鮮.落足料 金銀蒜粉絲蒸元貝,新鮮得來够大隻 清蒸游水海斑,時問掌握得好准,份量

清蒸游水海班四人份量比一斤二両，但八人份量先得一斤半......魚又蒸得不熟，要返蒸。出餸時間超長，餸與餸之間要半小時或以上才出。又有一個服務態度超差的嬸嬸做侍應。既黑面又串。朋友差點想反枱呢！這餐飯由七點食到現在十點十分還未食完！

每次同朋友食完都會讚囗不絕，今年第17次啦由$248 ~ $508餐都回味無窮！今次試新菜單真有驚喜$238"商務套餐"，每度菜都有兒時回憶，由其"八寶鴨" "客家讓豆腐"同每次必加既"生炒骨" 食完今沒又要預備"冬至"再黎...........期待！