龍門冰室 (已結業)

今晚終於親人少少嚟咗龍門冰室排隊等左一陣就排到見到佢地d 餐牌好有特色先推介我自己果個扒餐70蚊銅鑼灣地區真係抵到飛起佢仲要包左餐湯 大多士個扒餐有三塊大扒塊牛扒大到就黎cover 到成個鐵扒另外豬 同雞扒都煎到好香抵食到飛起

上星期一人前，所以唔洗排隊直入。揀左是日午餐叉燒配咸牛肉玉子燒飯，跟湯同飲品。店員好好禮貌，食物味道唔錯，奶茶夠濃份量都好大份下，下次要叫少飯。好岩香港人既口味會keep住再幫襯

有幸嚟到近日十分出名嘅龍門冰室，店外人龍源源不絕，做到店員都話：仲有（人排）呀？排啦排啦，我倆離開時已晚上九點幾，條人龍好似永遠唔識短咁。網上見過佢香港人必勝飯，專登想一試，可惜店員話今個星期唔係呢個餐牌，所以㨂咗個3.6牛乳多士常餐。有位女店店員為我哋送上兩個湯，我當時心諗仲以為我個餐冇跟湯（後尾睇番相真係冇），然後又聽到佢同隔離枱兩個女仔講「一人一個湯啦」。豈有此離，打開門做生意竟然唔斤斤計較。望見咁傳統嘅茶記杯。忍唔住係夜晚都嚟左杯凍奶茶。我嘅瑞士雞翼賣不錯，味道普通。多士則是漏曬汁，熱辣辣好正！男友點嘅咖哩汁焗飯，佢一向都對焗飯勁高要求（嫌尖），不過呢個佢都讚好味！食到捧住肚飯走都係$110，平過譚仔呀仲！

同朋友係銅鑼灣做完facial, 係附近食晚餐，揀左登龍街入面近排有啲hit既龍門冰室。黎到已經有一啲人係到排隊，因為得2個人，都好彩唔係等左好耐就入得去。餐牌上既野食款式都幾多，有鐵板、炒粉麵等。同朋友叫左左忌廉汁煙三文魚飯同 *芝士汁*魚柳*薯菜。忌廉汁煙三文魚既飯忌廉汁好濃郁，唔會話好淡嗰隻。而除左煙三文魚片，飯入面仲有三文魚碎粒!有啲口感唔會咁dry!成個飯份量充足，加上因為忌廉汁濃，所以食完個飯都幾飽! *芝士汁*魚柳*薯菜，呢個係炸魚柳嚟，外皮炸得香脆，魚肉嫩滑，非常好吃呢！加上兩大塊，非常有份量。配菜有蕃茄、西蘭花等等配上芝士汁真係好鬼正嘅啫！唔鍾意芝士汁嘅仲有黑椒汁、白汁等等。呢個價錢算係抵食喎，只係$75-80。野飲方面，大家都養緊生，揀左熱菜蜜同熱檸賓。呢杯熱菜蜜都唔錯㗎喎，唔會太甜；熱檸賓姐係檸檬利賓納，記得一定要搞勻，如果唔係利賓納會沉底變左檸檬茶味😂,第一次飲檸賓，原來檸檬都幾夾利賓納😀。原本今日有餐湯架，不過太多人，個場好full，都沽清了。整體來說都不錯，價錢非常平民，食物質素也很高呢！下一次會再來。

今日去銅鑼灣經過龍門冰室，又有啲肚餓，諗起呢間正評都比較多，同埋喺雜誌好似又寫過，所以今日特登嚟試，因為下午茶時段關係，叫咗兩個瑞士雞翼餐，裏面有個炒蛋白湯意粉，另一個就火腿湯通粉，飲品就叫咗一杯熱華田，另外一杯就叫咗凍嘅cappuccino。總括嚟講個雞翼好有水準，個瑞士汁甜甜地，我諗大人小朋友都一定鍾意食。另外有驚喜嘅係個炒蛋白，因為比較少冰室或茶餐廳有蛋白叫，通常都係炒蛋，我以為佢可能都係得少量蛋白，但係佢個蛋白好大份，我諗有成三至四隻雞蛋嘅蛋白分量炒埋出嚟。其他就不過不失，而cappuccino都幾好飲。 總括嚟講因為個價錢都唔使80蚊，以咁嘅價錢喺銅鑼灣食到個有特色又出名嘅餐，都真係抵食。

今日同朋友做完嘢，決定去食個下午茶，所以決定黎high tea，我食左沙嗲牛肉豬仔包配latter，個豬仔包一咬落去係外脆內軟，沙嗲牛肉入味，latter好好飲，5需要另外加錢

呢間茶餐廰知道好耐，但一直都未食過，尋晚落CWB 睇戲，因為附近幾個站都封了，所以街道好靜，睇完戲八點左右，就行去登龍街睇下有無野食，成條街得幾間食肆有開，基本好靜下，但呢間係最旺，大排長龍，門口有HKers 加油餐，所以就入去試下，加加油先。估唔到佢係良心小店之外，仲要又平又好味道，堅係香港人嘅冰室！。紅燒汁鮑魚仔茶餐$60:.有五粒鮑魚仔，配3.6 牛乳炒蛋厚多士，仲有飲品。超值。。日式玉子燒餐$70**我揀左黑松露雜菌玉子燒，入面好多雜菌，蛋又滑，好味。**好味指數⭐️⭐️⭐️⭐️⭐️。。 而家學生仲有優惠，今時今日的香港，好難得有啲咁有良心，又好味道兼咁support學生嘅茶餐廳了。

上星期五去了龍門冰室吃晚餐，叫人感動的是：她在發票上寫道：「HKers, 加油！」加上冰室有以現時香港社會狀況命名的菜式如「香港人必勝飯」和「良知班腩飯」，難怪最近客人也願意大排長龍力撐💪🏻當天我單人匹馬去支持，跟另一位女士搭枱。我真的不得不大讚：這裏的員工服務態度很好！雖然整間店都坐滿人，店員亦忙過不停，但店員依然有禮相待；相反，即使我為旁邊搭枱的女士拿餐具和辣椒油，她一句謝謝也沒有🤷🏻‍♀️這裏的食物款式眾多，除了有普通茶記應有的食物外，還有傳統英式早餐、流心奄列/多士餐、韓式泡菜鐵板珍珠飯餐、美式鐵板餐和我點選了的日式玉子燒餐等，總有一款合你心水🤗我點選的吞拿魚芝士玉子燒，重蛋香。比起正宗日式玉子燒的那種雞蛋的嫩滑，這種港式玉子燒較具鑊氣。內裡配上吞拿魚和面層倒上燒汁，加上炸得香脆而外皮不會過厚的帶子，混和撈丁一起吃，味道也不錯之餘，感覺這配搭很新奇有趣👍🏻

今日喺時代廣場購物完之後, 就喺附近嘅登龍街, 食個快餐 一早就諗咗去龍門冰室度食, 之前食過佢嘅嘢食, 感覺都唔錯, 今日就返食個瑞士汁雞翼個水準依舊一樣好瑞士汁就有豉油加糖, 佢嘅汁非常之香濃, 甜味非常之吸引, 深入去個雞翼嘅肉裏面, 皮q彈之餘, 肉質滑之後再食咗個 3.6北海道牛乳炒蛋, 賣相都不錯, 香滑嘅蛋, 十分之誘人, 感覺到嗰蛋香, aftertaste非常之強另外再配埋個牛油多士, 香脆, 五十蚊內就有交易, 值回票價, 快靚正

喺銅鑼灣要食到一間價錢親民嘅食店唔係咁易，位於登龍街28號永光中心地舖嘅龍門冰室就滿足到親民嘅要求啦！今日放工後一個人黎食，所以點嘅菜唔多，點左一份紐西蘭羊架拼香草腸鐵板餐，配搭龍蝦汁，一份黑松露薯條，同埋一杯奶茶紅豆冰。奶茶紅豆冰$26(跟餐價$8)一落單無耐就已經有得飲，果然有香港人嘅效率呀。呢杯奶茶紅豆冰紅豆特別多，奶茶亦都好滑🤣，不過就甜左少少，下次要叫少甜👻餐湯:番茄羅宋湯，酸酸地辣辣地好開胃黑松露薯條$45因為突然想食啲香口野，所以就點左黑松露薯條，啲薯條勁香脆，應該係岩岩炸起，黑松露醬同薯條勁夾😍紐西蘭羊架配香草腸$110鐵板一黎嘅時候係勁熱，淋啲汁上去嘅時候”炸炸”聲，香噴噴😋呢份扒餐真係好大份，龍蝦汁比想象中好味，羊架勁鮮嫩多汁，不過就略為唔夠羊羶味。香草腸勁大條勁脆皮😍

前排和家人去了位於銅鑼灣的龍門冰室，環境不算太大，坐滿不少食客。星級雜扒 (西冷扒、雞扒、英式腸、煙三文魚、炸帶子)：西冷扒肉質不鞋口，而且好大塊。雞扒不會乾身，帶少許嫩的口感。英式腸味道帶少少咸味，不是普通腸仔，感覺上會覺得高尚點。煙三文魚點了黑椒汁，令整體味道再惹味。炸帶子口感外脆內軟，相信大人小朋友也喜歡。另配以薯菜跟餐湯。配奶茶紅豆冰：紅豆數量很多，甜度足夠。奶茶香滑，兩者一同飲用，味道特別！鮮茄汁配肉醬意粉：意粉份量適中，茄汁不會太酸，當中略帶少許芝士。意粉口感很滑，但夾起黎不易斷。肉醬份量剛好，整體味道不錯！熱柚子蜜：甜度適中，柚子香味濃郁。吞拿魚芝士玉子燒：蛋中包有大量吞拿魚，一切開吞拿魚慢慢流出，味道帶少少咸。選了配以炸蝦，外層十分脆口，不過於油膩，另跟了意粉。

平時都係食開lunch 咁岩放工順便係附近同同事搵間野食下 Dinner時間都幾多人 大約有3 group人等緊 不過果然茶餐廳就係夠快 都唔係等左好耐就有位Menu有好多選擇 見到啲鐵板餐幾平 所以嗌左黎試下嗌左韓式泡菜豬扒紐倫堡腸鐵板珍珠飯同雜扒飯黎食餐湯係蕃茄湯 正常少稀 入面都有少少菜 鐵板餐都上得幾快 估唔到個份量咁多 唔只飯多 連肉都好足料 啲扒全部大大塊啲汁on side上 而且份量都夠 唔會食食下冇汁撈飯而且鐵板都燒得幾熱 一路同同事傾計一路食個飯都唔會話食到最後個飯凍哂泡菜辣辣地 酸酸地 解左肉既油膩 不過份量可以再多啲另外再嗌左杯紅豆奶茶過下奶茶癮 茶餐廳沖既奶茶同出面沖既有啲唔同 奶味冇咁重 茶味出啲 岩哂唔中意飲甜野既我最後Hker 加油 好暖心

在銅鑼灣行街，順便吃晚餐，走到「拉麵店街」—— 登龍街，發現有間冰室，決定吃個港式晚餐。叫了一份黑松露雜菌玉子燒，配炸帶子和撈丁（$70）玉子燒比較像奄列，不過都幾足料，雜菌加黑松露好香👍炸帶子外皮好脆，有四粒。撈丁都好大份，但就無咩味道，如果可以加多啲汁，或者炒一炒先就更好啦！肉醬意粉配德國紐倫堡腸，跟餐湯和沙律（$75）意粉醬不多，但都幾入味，份量多，一個人食晒會好飽。意粉軟硬適中，而且有兩條德國腸，正啊😜跟餐有野飲，不過加咗$7飲紅豆冰，紅豆大大粒，口感👍👍整體而言，呢個價錢好抵食，見到人地食扒都有啲後悔無叫，有機會再食～

登龍街出名美食多，有高級餐廳，亦都有平民茶餐廳。今次就食茶記，我地6點左右到，未算好多人餐牌選擇都好多👇🏻👇🏻星級雜扒餐⭐️⭐️乜都有得食就係最好，吾洗揀🤣呢個餐出面無見過，都幾特別。有三文魚，腸仔，西冷，雞扒，炸帶子，薯菜。又有海鮮又有肉幾好一上枱感覺好大份，淋上黑椒汁腸仔係紐綸堡腸，好食。炸帶子都熱辣辣又脆。西冷好大塊，一切就開，肉質鬆軟，雞扒又滑。不過真係好大份，一個女仔應該食吾哂。肥牛雞煲🐔🐮呢講落單講明要等20分鐘以上。哇，好大煲。望落去雞件都有十幾件，肥牛又有好多片，配菜就小啲得洋蔥。幾十蚊甘多雞抵食啦。個汁好濃味又和，送飯一流。另外仲跟餐湯同多士咖。。黑松露芝士雜菇西蘭花🥦個汁真係好正，啲雜菇咬入口吾係淋身有汁。西蘭花配個汁真係好食！紅豆冰呢個係加左椰汁既紅豆冰，同其他茶餐廳吾同喔。我覺得好飲過只係得花奶果啲。紅豆好多又夠淋，好食！服務雖然吾係超級好，但都好窩心。有個媽媽帶住個小朋友，佢地都主動轉卡位俾佢地話方便啲。同留意係帳單最底果行

最近太多事發生都冇心情出街食飯，不過上網睇到依間係良心餐廳，所以我都慕名而黎一嚐佢地既野食。一入到去好彩仲有位置選擇，因為再晏d就好多顧客幫襯。坐低一打開個餐牌價錢又合理，每款菜式都想試。卒之叫左一份西冷扒餐同雞扒餐再加個非常好味既黑松露薯條，當我仲有其他野食想叫既時候我老公叫停我，叫我諗清楚先好落單，因為每份餐都好有份量。上菜既時候未落汁都聞到陣香味，一切落去塊牛扒的肉汁已經擠晒出黎，再咬一啖超好濃烈牛味出晒黎一d都冇雪味，仲好易入口。而塊雞排就醃得岩岩好，煎完又唔會過火，保持肉汁仲好香滑。然後不得不介紹個薯條點落去有黑松露既醬，食落去香脆可口，值得再食。 除此之外一定要叫一杯紅豆奶茶飲下，紅豆粒粒分明，奶茶香滑濃郁飲落去好有口感。