龍門冰室 (已結業)

琴晚先落機，不過今朝睇新聞見佢俾人打爆哂啲玻璃，即刻要去懲罰吓佢。7pm 左右去到已經好多人，排咗一個鐘左右，仲keep 住有人排隊，大家真係好有心呀! 香港人加油! 鮮茄焗豬扒飯 📍$56上枱嘅時候勁熱，睇住啲鮮茄醬卜卜，卜卜咁燒住，好治癒 😁 豬扒肉質好淋，仲用新鮮番茄做醬汁架蔥油雞扒炒蛋飯 📍$55雞扒好淋好夠味好大舊 😋 入面又唔會乾身，仲有例湯送。不過今晚係忌廉湯，希望下次可以飲到佢個羅宋湯啦蜜糖雞翼 📍$45份量好足，有成6隻雞翼。雞翼脹卜卜，外層又甜甜地，蜜糖味好夠，入面嘅肉汁仲keep 得好好

而家咁既時勢，用銀紙懲罰黃店並唔係無原因。今日幾經辛苦排左陣隊終於品嚐到龍門美食，係值得既。首先我地叫左個檸蜜脆豬餐，脆豬配上檸蜜汁真係好正。然後我地再叫個常餐茄湯通配鮑片火腿同炒蛋， 茄味香濃，炒蛋嫩滑，呢d香港特色，地道茶記水準，正正係大家愛香港懲罰龍門既原因之一。跟住我地叫埋個瑞士汁雞翼湯公仔麵配炒蛋同奶醬多。甜蜜蜜既瑞士汁同雞翼真係絕配，亦係香港獨有。仲有香脆既奶醬多，每食一啖都充滿著擁有百幾年歷史既香港城市特色。食完兩個餐都未夠喉，當然要試埋呢度既鹵水雞脾啦。 鹵水雞脾同炸脾相比當然無咁香口啦，但勝在唔熱氣之餘仲散發住淡淡既鹵水味，好比滿溢既香港情懷。紅豆冰同熱杏霜，可謂長期寫入茶記飲品list入面。呢度既紅豆冰，紅豆粒粒分明，椰奶香濃，果然係我兒時至愛。熱杏霜既獨特香氣，每每令人回想起獨特既香港，總之，正如龍門冰室張單所寫咁：香港加油！

-收到試食活動《龍門冰室》銅鑼灣店💛拿 排到嘔你就預左架喇📝 但唔係唔支持下嘛😤🥩爵士西冷扒拼香草腸 （$95）揀左黑椒汁😌因為永遠都係最穩陣個汁偏杰身、索晒落啲脆卜卜薯條到！有誰跟我一樣吃鐵板喜歡吃薯條🤣西冷好大塊，唔係勁高質但不過不失！🍗瑞士汁雞翼湯公仔麵 （$48）配牛乳煎蛋+厚多士 多士可選擇果沾/煉奶/花生醬/奶醬/鮮油 咩都得我揀左果沾🥰雞翼皮彈鮮嫩入味！不錯，但對於我來講有啲細份！要加底我諗🤣🤣um.....不夠飽哈哈！我下次想試茶餐！我要再黎！佢原來好似有紅豆西多😤大家快啲大大力幫襯呀下！

適逢星期六假期，前往中環「樂道理髮公司」剪髮過後，與友人決定前往數月來聲明大燥的餐廳 - 「龍門冰室」吃晚飯。雖然只是六時半左右，時間尚早，店外卻已現人龍，人氣絕不遜色於什麼「過江龍」的食店。好不容易終於入座，店內人頭湧湧，每張枱之間的空隙並不多，坐下來也是「膊頭貼膊頭」。儘管這樣，細心看看每位在座的顧客，臉上笑容不乏，暖意彌漫着每一個角落。翻開餐牌，聽聞餐廳裏的美式鐵板套餐略有名氣，二話不說便選取了「爵士西冷扒拼香草腸」，跟餐配薯菜及羅宋湯。友人則選擇了日式香辣肉醬玉子燒套餐，配雞翼和撈丁。我們還點配了一碟西蘭花來彌補一下當「食肉獸」後的內疚感。不消一會兒，菜式陸續送上。西冷牛扒肉質鮮嫩，呈粉紅色狀態，配備大量外脆內軟的波浪粗薯條，倍感滋味。餐湯並不會像平日一般扒房油膩，反而之是呈小清新感覺，喝下一整碗也無罪疚感。至於友人的日本玉子燒套餐，份量大已經不再話下，辣肉醬與玉子味道配合得恰到好處，既不會太辣太咸，亦不會淡而無味。另外配備的魯水雞翼和撈丁也非常出色，前者帶微甜，肉質嫩滑，雞翼控必叫；後者麵底爽口彈牙，不會太腍軟易爛，就是高質！

龍門冰室，唔使多講，黃到裂既良心冰室。咁囂張，當然要去懲罰！前幾日去左銅鑼灣分店，大約排左半個鐘就入得。-黑椒鐵板牛扒炸蝦 $95羅宋湯夠熱，有少少辣。黑椒汁胡椒味濃，牛扒事先醃過，但肉質仍然厚實有咬口，唔會比梳打粉那到散哂。炸蝦份量多，足足有四條，但食得出係翻炸，帶少少油溢味。鐵板餐仲跟配飯／意粉／薯菜，真係超大份，呢個餐真係大隻佬都食得飽！-照燒汁雞扒滑蛋飯 $54雞扒大大塊，厚肉得黎夠嫩滑，照燒汁甜甜地，配滑蛋食好夾。-蜜糖雞翼 $45新鮮熱辣出爐，焗到外皮脆卜卜，咬入去仲Keep到Juicy既感覺，而且蜜糖夠哂入味！-黑松露薯條 $45雖然已經有啲飽，但都要叫埋佢，因為佢都係龍門冰室既必食之一！-龍鳳檸樂 +$7平時其他餐廳要加十幾蚊既龍鳳檸樂，呢道都只係加七蚊咋！-提提大家，只係下面提供左地址既呢五間先係真正既龍門冰室，千祈唔好幫襯錯呀！-📍。龍門冰室。銅鑼灣登龍街28號永光中心地舖。尖沙咀金馬倫道福橋大廈地下A及B舖。屯門龍門居地舖102-103號。紅磡寶其利街47號銳光中心地下。炮台山電氣道254-280號華凱大廈地下I舖

一登龍門登龍街愈來愈旺，食肆愈來愈多，有一間一定會去...龍門冰室.平日大排長龍, 早餐時段7am 開門營業就來食。今次是第一次來，叫了個北海道牛奶炒蛋拼腸仔蕃茄湯通粉加熱央少奶.湯底用茄膏新鮮蕃茄及薯仔煮成。炒蛋玉子幾好，但浸在湯中則浪費了，另上會更合我意。居然腸仔有2條，幾好。通粉質地諗。熱央唔夠少奶。一貫茶餐廳食品。人流太多，辛苦店員了。

要保住香港舊有文化，作為香港人當然要支持下啦！呢排食得多外國菜，自然間唔中就會掛住地道冰室既味道。一杯港式奶茶、一份常餐足以令你勾起多年黎種種既回憶。今次我就黎到銅鑼灣呢間「龍門冰室」，尋找返一份純厚既人情味。呢到既裝修簡約中帶點型格，主要以黑白色調，比起舊式冰室更加有時尚感。晚市未到７點，餐廳外已經大排長龍，「龍門冰室」呢個朵果然夠響呀！👇📌美式鐵板餐 -▪ 牛仔骨拼炸蝦炸帶子配龍蝦汁 - $100▫ 食鐵板餐最緊要係咩呀？就係享受果刻Jer Jer聲既快感，我就揀左呢個牛仔骨，肉質好嫩滑，配埋香口既龍蝦汁，真係停唔到口呀！可以分別跟白飯、意粉、薯菜。鐵板就梗係配薯條啦，一啖肉一啖薯條，咁樣先夠滋味呀。另外仲包埋是日餐湯—羅宋湯，成個餐質素相當唔錯。▪ 紐西蘭羊架拼香草腸 - $110▫ 我朋友話佢係羊架控，跟住就試左個鐵板燒羊架，肉質幾肥美，鮮嫩多汁，而且羊味唔羶，再配埋黑椒汁更加惹味。一樣配上薯菜加強口感，條大肉腸非常震撼呀，份量十足，仲要咬落相當彈牙，好抵食！📌咸牛肉芝士玉子燒配撈丁 - $70👉成個玉子燒，裡面全部都係包滿哂咸牛肉同芝士，層次豐富，食落又唔會油淋淋，配埋撈丁一

去登龍街可以選擇既有好多，以前成日去三田，當日去你又點估到今時今日，港豬們會唔排日本野排港式茶記?因為人多，等野食要俾尐時間等下同單比較亂，我地仲差個西多士，累侍應姐姐俾廚房鬧...同埋真係唔算話發揮得好好，但佢依然有野令我想再回來試其他野!

隨便找間冰室吃午飯。未夠12點已經滿座，要排隊。有點兒逼，坐得麻麻。很有茶餐廳感覺，夠亂，夠隨便。枱都沒有清潔，店員便叫我坐下。桌上的牙簽陪我吃了一頓飯。茶餐廳都有cappuccino, 叫了一杯試試。咖啡機出品，都算不錯。全日早餐的蕃茄濃湯炒蛋、叉燒米粉。這裡的好處是選擇很多，想得出的都有。很少在茶餐廳見到炒蛋白。叉燒不錯，不是普通茶餐廳湯叉燒，淡而無味，又嚡又乾那種，算是不錯。3.6北海道牛乳炒蛋，吃不到蛋味，炒成玉子燒的樣子，一大片蛋捲成的，又實又乾。隔離枱的煎蛋吸引得多。蕃茄湯都可以，夠濃，有少少罐頭蕃茄湯味，但不算太重味。米粉偏腍。服務有待改善。落單要叫5次，上菜慢又出錯。不過，價錢和味道成正比，而且位置方便。

一直對港式茶餐廳沒有要求，只求食飽就算。但我唔expect要受氣，店員呼喝食客，對本地客人如是，對講普通話客更過份，完全不尊重。由等位到坐下都已經一肚氣，食物只係一般茶餐廳水準，完全唔明點解會有好評，以後不會再幫襯

龍門冰室 #銅鑼灣終於有機會支持龍門冰室，夜晚10點去到都仲係大排長龍，而且好多嘢都賣晒，香港人嘅力量果然好大！鐵板鰻魚汁大蝦球炒出前一丁 包餐湯餐飲多士 $65雖然話有鰻魚汁，但係唔係太食得出，同普通甜豉油差唔多，不過勝在因為佢係鐵板上面，所以質感好似炒麵咁，有啲位會濃濃地好脆口。而且啲蝦都微炸過，所以都好香口。成個面嘅味都唔算好特別，但係口感真係幾正。味道:3.7/5性價比:3.5/5香辣肉醬玉子燒配五香肉丁米粉 包餐飲多士 $48所謂嘅奄列其實係厚啲嘅蛋包住左少少饀，香辣肉醬係酸酸辣辣，似中式炸醬麵，未必個個人鍾意，不過啲蛋都算滑。多士新鮮烘所以熱辣辣，不過如果可以再多啲花生醬同埋牛油咁就更加好。至於個五香肉丁米粉都係正正常常茶餐廳質素。味道:3/5性價比:3.5/5朋友話之前食過一個咖喱豬扒飯真係好好味，建議大家有機會嘅話試吓嗰個，應該點都好食過奄列餐。

這間餐廳在這陣子常常出現人龍，為此，特意早點，12點左右就到，但仍然要排隊，排了約5-10分鐘就可以入座午餐套餐有主菜，熱飲加上餐湯，合共$55，而且份量對正常男人來說也非常足夠，加上味道很好，非常抵食同時，店家作為「香港人餐廳」，很有心地將幾款主菜重新命名，想必每位真香港人都會有同感，在這亂世中，可以於這餐廳找到一絲安慰

今次嚟到銅鑼灣龍門冰室，見到個招牌好大，但裏面餐牌選擇都好多，就試吓啲特別嘅嘢。裏面環境比想像中好，感覺幾乾淨，同以前啲茶餐廳感覺好似差好遠架，係正好多！但係我哋又唔係幾肚餓喎，所以就揀少量食物啦share試吓。叫左蜜糖雞翼，雞翼炸過後用蜜糖抹醬，口感幾好之餘食到香甜嘅蜜糖味，好夾個雞翼！我就叫左個蔥油雞扒撈丁，好特別嘅組合！喺其他餐廳都未見過，就一於試下佢。雞扒好林好大塊，好入味好好食！同蔥油撈丁好夾，女仔食嘅話一定食得哂，食下食下就食哂成碟。呢款食物我大推！如果有機會黎到不妨都試下佢

以前食鐵板餐就會回去大X樂呢啲快餐，之後都冇乜邊幾間係有鐵板餐，今日行過銅鑼灣永光呢間龍門冰室，估唔到呢度有供應鐵板餐，特別去懷舊一下，一於去試一試佢嘅美式扒餐！鐵板餐莫過於鐵板要夠熱，雜扒多款式，而且最緊要係個醬汁夠香濃，呢度一上枱已經熱辣辣，落個醬汁嘅時候聞到仲有一啲焦香嘅味道，係啦就係呢種感覺，龍門冰室果然係臥虎藏龍！呢度嘅集合配搭都算幾多，有牛扒、豬扒、雞扒、腸仔火腿等等，今次叫咗個豬扒，估唔到厚切豬扒肉質好做事，而且肉質鮮嫩，以咁嘅價錢真係CP值好高！在嗌多一客黑松露煎雞翼，佢嘅雞翼係好入味，而且煎得好香口， 10個讚！呢度嘅夥計己有人情味，會同你傾吓計，服務唔錯喎，真係一個私心嘅蛇竇！

最近響銅鑼灣返工，返夜要諗一餐dinner，同幾個好姊妹相約銅鑼灣嘅茶餐廳，諗起最近時代又就腳嘅就係龍門冰室！開業左幾個月，大大個招牌相當起眼，而且附近冇乜茶餐廳，所以次次去都勁多人，今晚叫咗咖喱牛腩飯，呢度嘅咖喱幾出名，係用印度黃咖喱，再加少少港式嘅味道，薯仔有煎香過，跟住牛腩有牛根，好林好入味，撈飯一流。朋友就叫咗個黑松露忌廉磨菇意粉，估唔到茶餐廳都有feel蓴菜，西式嘅意粉都煮得幾好食，比得上西餐廳，呢度價錢唔貴，私隱度高，好多卡位坐，而且招呼都唔錯！