龍門冰室 (已結業)

今日一個人去到銅鑼灣食lunch，食茶記就最方便啦！其實平日lunchtime應該都幾多人，好在我係兩點幾去到，都唔洗等位。以銅鑼灣嚟講都幾抵食，50幾蚊都有個飯連飲品。話說佢地menu有好多頁！.叫咗個流心奄列炸魚柳飯($62)，配鮮茄汁。叫咗個油菜($20)，有生菜同西蘭花揀。另外可以加14蚊有2隻瑞士雞翼～瑞士雞翼近乎即叫即上，雞翼都幾大隻，瑞士汁唔會過咸，唔錯！送飯更佳😄.流心奄列炸魚柳飯原來流心奄列入面夾咗鮮茄汁。鮮茄汁望落個色有啲假，但其實個汁有好多真番茄同埋仲有菠蘿。鮮茄汁唔會太甜太酸，整體都ok。炸魚柳熱辣辣，偏薄身但size又唔太細，食落都幾有肉。.跟飯飲品叫咗凍杏霜少冰，好飲但下次叫少糖先！

想搵間平平哋但食物款式多嘅餐廳食個下午茶，經過見到呢間冰室都不錯，就入咗去休息下~餐牌食物選擇好多，我都揀咗一陣先揀到食咩好😂🤔最尾見到有個牛乳芝士玉子燒，聽落個名幾吸引，而且好少喺冰室食到類似菜式，$40除咗玉子燒仲可以揀一款湯麵，連埋多士同嘢飲，價錢幾平🤔~鮮茄牛肉福麵蕃茄湯底味道濃郁，酸酸甜甜嘅感覺比較開胃，可以按自己份量落福面嘅調味料，個番茄湯底味道濃，我都冇加額外調味料🤔福面吸收左湯汁，麵質偏諗，係懷舊嘅味道~牛肉份量多，肉質軟諗，唔乾身~~鹹牛肉玉子燒見到層層玉子好滿足，蛋味重，配合鹹牛肉嘅鹹香味道啱啱好，少許芝士味，食落唔會好膩~~瑞士雞翼&花生醬多士瑞士雞翼調味啱啱好，肉質唔會乾身，咬落去有肉汁流出黎，而且仲有兩塊厚身多士，醬料可以揀花生醬，煉奶，果醬等等，我自己就揀咗花生醬，分量足夠，鹹鹹地而且帶有少甜嘅花生醬配合香脆嘅多士味道好夾，感覺滿足~

接咗女友收工，因為琴晚係屋企打完邊爐，今晚就隨便食啲嘢啦，就喺銅鑼灣試吓新茶記😁經過幾次龍門冰室都未試過，今晚就係你喇😏個門口真係好殺食，真係有一登龍門嘅感覺😂門口姐姐好有禮貌，帶我地入去坐低之後叫我地慢慢睇餐牌，茶餐廳入面環境好得意，唔知點解會有Iron Man幅畫🤣睇咗一陣，女友食all day breakfast ，我就要個晚餐雜扒餐🍽先來一個羅宋湯，蕃茄味濃，仲有好多雜菜食👍🏻凍檸茶有四片檸檬，童叟無欺👍🏻👍🏻主菜到啦，一大塊牛扒，大塊都出咗嗰啲邊，下面仲有雞扒、豬扒，同埋好多薯條，啱晒我呢啲食肉獸，坦白講我係食唔晒嘅...食晒3塊扒，薯條真係無能為力😅食鐵板餐最開心就係林啲汁落去嘅時候發出”咋咋”聲，真係爽皮😂跟餐仲有兩塊厚多士，我又鍾意食麵包，所以啪晒兩塊，牛油味濃，正👍🏻跟餐仲有個沙律，呢個沙律正到不得了，因為係我最愛嘅雜果沙律，加埋粟米冇得頂👏🏻👏🏻茶走少甜for女友的女友個all day breakfast 非常大堆頭，我一望就知出事，因為佢肯定食唔晒，所以俾咗一條腸、一片煙三文魚、半塊薯餅、一塊煙肉比我，又幾好味喎，同我糸酒店食冇乜分別😆今次肥唔肥屎人了...擺到一

收咗工同朋友喺附近搵咗一間餐廳食，咁聽朋友講呢間餐廳其實好多選擇，所以就過嚟試一試睇吓有咩好食。咁一開始嚟咗一個餐湯先，咁個湯就淡淡地，唔算特別濃，冇乜特別之後就叫咗一個雜菇意大利飯，咁呢個意大利飯其實做得幾好，首先呢個飯唔算濕，嗰個濕度比例其實做得幾好，同埋嗰個雜菇都幾足料，基本上我食落淡淡都有雜菇。而味道上亦都唔錯。咁之後就帶咗一份鐵板，炸蝦配雜扒薯菜，咁其實呢一份雜扒味道當然未去到出邊扒房嘅味道咁樣，但其實食落都係好有鐵板味，而且都好大份，以性價比來講其實係好抵食。之後我哋仲叫咗一份土匪雞翼，呢款雞翼嘅味道未必係大家慣常所認知嘅嗰種味道，但係炸得都好香脆，可以一試。

系港島要搵間平靚正既餐廳真係有難度架，今次系time square後面果條街俾我搵到間平民冰室，價錢夠曬貼地。一入到去聽到好多經典廣東歌，D童年回憶返返曬來～來到冰室點可以唔叫經典鐵板餐？呢到既鐵板餐有好多選擇，岩曬Ｄ食肉獸啊！每個餐會跟湯，西湯夠足料。美式雜扒（豬扒﹑腸仔﹑煙肉﹑煎蛋）($90)大大份鐵板餐，燒汁味道唔錯，豬扒金黃香脆，其他腸仔煙肉都好足料，再加埋意粉食到好飽～爵士西冷扒拼香草腸 ($95)西冷扒唔會太老，冇咩雪藏味，算高質，另外香草腸食得出唔係cheap cheap果隻，幾好味！加埋薯菜勁滿足，而且侍應仲好貼心咁問要唔要茄汁，加分！至於呢到既飲品都幾有特色，我地分別叫左杏仁露同菠蘿冰，前者好濃杏仁味飲落好滋潤夠養生，後者同出面飲既菠蘿冰有Ｄ分別，味道獨特。

冰室同茶餐廳一向係我心頭好，今晚竟然比我係銅鑼灣登龍街入面，揾到間平靚正既茶餐廳-「龍門冰室」! 入到冰室，裝修企理，人流不少，不過好彩仍有卡位，坐得算舒服。餐牌上既食物種類同套餐有好多選擇，中式晚餐，西式鐵板套餐，玉子燒常餐，粉麵多士餐，韓式雞扒飯套餐，意粉，意大利飯，小食等等，連特色咖啡都有，總會揾到一樣啱食既野!~忌廉粟米湯: 非常夠熱，有粟米同少少薯蓉，好creamy招牌鐵板餐星級雜扒 (配芝士汁，薯菜) hk$110星級雜扒份量極大，有豬扒，牛扒，雞扒，香草腸，煙三文魚，仲配有好多粗薯條，西蘭花，蕃茄~!! 扒類都煎得非常香口，不會又乾又韌，肉質仲有點點juicy!!~香草腸配芝士汁真係好夾，非常惹味。煙三文魚有差吾多三大件，又厚肉又好味。配埋西蘭花同蕃茄，可以平衡下，冇甘油膩。鐵板羊架拼香草腸 (配龍蝦汁，薯菜) hk$110羊架有兩大件，用香草醃得非常好味，完全沒有羊騷味，而且煎得又香又juicy, 不會過老，係水準之作!!~ 香草腸大大條，配埋龍蝦汁，非常好食!!~雞翼薯條放題 (加$20升級任食)冰室做緊推廣，惠顧招牌鐵板餐或精選晚餐，可以加$20食雞翼薯條放題，有蜜

去銅鑼灣咁多次第一次去到登龍街發現到呢間龍門冰室喺門口睇過Menu覺得ok就入咗去啦Menu上面嘅設計得好吸引落單之前仲有些少擔心會唔會圖文不符好彩結果冇令我失望今次叫咗一個鐵板餐同埋一個晚餐加埋兩個小食鐵板叫咗星級雜扒餐配薯菜再叫咗個鐵板鰻魚汁大蝦球炒出前一定小食方面就叫咗土匪雞翼同黑松露芝士焗雜菌西蘭花飲品就叫咗咸檸七同埋奶茶紅豆冰落左單好快就即刻上咗飲品奶茶紅豆冰質地好滑亦都唔會過甜之後就想上埋個餐湯同埋多士個多士好軟熟唔會硬掛掛雖然上面落咗唔少嘅牛油但係入口嘅感覺真係一流之後就上咗鐵板餐同雞翼同鐵板餐，上到我嗰陣真係呆左一呆，完全冇expect到個餐會有咁多料同個擺位可以擺得咁好因為分開咗果汁黎上，薯條keep住都係咁脆而我覺得成個鐵扒餐最好食嘅肉就係雞扒多汁juicy 呢個鐵板鰻魚汁炒大蝦麵身唔會太乾身好味小食亦都做得好好，尤其係黑松露雜菌焗芝士西蘭花芝士香味好濃同啲菇好夾另外不得不讚就係佢上菜嘅速度真係好快唔使逐樣逐樣等職員態度好好同埋服務速度都好快

「龍門冰室」遍地開花，終於開到嚟銅鑼灣，地址是人氣拉麵街。你可能會話茶餐廳都系來來去去食系快餐、常餐同晩餐，你地咁唸就啱左一半，因為這裡的餐牌有半本電話薄咁厚，除了以上套餐外還有「焗飯套餐」、「鐵板套餐」、「全日早餐」、「意粉套餐」.... 講到我都口乾， 叫杯野飲先 紅豆冰 套餐價$7超 rich 椰奶底配上入口香甜的粉糯紅豆，喜歡椰奶的粉絲應該會幾like . 在此揀食物是一件苦惱的事，最後我們終於選定了「日式玉子燒餐」$70玉子燒有幾款餡可揀，我揀的是「吞拿魚芝士玉子燒」超快上枱，相片與現實有點距離，我眼前的正正是茶記的出味。先試一口較單薄玉子燒，吞拿魚和芝士餡反而又多又夠味，加上甜甜地燒汁，味道比賣相好。至於豉油雞亦，香甜入味又多汁，是不俗的。另外一款西餐廳食物「意式風情精選套餐」送餐湯 送飲品忌廉粟米湯 忌廉汁煙三文魚意大利飯$80份量多、但較濕、忌廉醬汁尚未收汁。煙三文咸香足、意大利飯軟淋，不需要理仍煮得夠唔夠正宗，此終茶記就有茶記的標準。口味上 creamy 濃郁，味道合格， 已夠了。 奶茶 奶多，相對口感滑，茶味足，有水準。 

「一登龍門，則聲價十倍」出自李白《與韓荊州書》今天登門造訪，這間冰室主打3.6牛乳炒蛋，當然不能錯過！每次到冰室或茶餐廳都會叫上一個餐——沙嗲牛麵配炒蛋多士，便知龍與鳯。沙嗲牛，用上鮮牛肉，以自家製沙嗲，像馬來風味，誠意十足。加上公仔麵煮得恰到好處，爽彈掛湯。炒蛋，用上3.6牛乳，的確是比較滑。最驚喜是多士可以轉奶醬多。多士烘得脆，加上花生醬跟煉奶，咬下去，真滿足！那麼熱的天氣，點上一杯凍檸茶，真是暑氣全消。這餐不用十倍的價錢，卻得到百般滋味。

Lunch time突然好想食有關芝士的食物,見到呢間有好多芝士野咁。除左普通港式茶記有的美食，仲有all day breakfast,芝士玉子燒，咸牛芝玉子燒，好似幾特別。餐廳開係登龍街當眼位置，而且十分大間，唔怕好難搵位坐，感覺下午茶時間仲可以坐耐少少偷個懶😂😂於是即入去食。雞扒芝士汁撈丁濃濃的芝士汁加香煎雞扒，好邪惡，係我童年時的回憶呀😆切開雞扒，痴住芝士拉絲，好味！黑松露芝士焗雜菌西蘭花雜菌陣陣黑松露味， 同芝士完全冇遺和感。西蘭花當然吸曬好芝味👍🏼👍🏼最後茶記必叫絲襪奶茶啦，色香味具全👍🏼👍🏼👍🏼

今日係銅鑼灣做完野，我同個同事都肚餓，又咁岩係晚飯時間！打算食啲野醫醫肚。我地去左銅鑼灣其中一個美食集中地，就係時代廣場附近的登龍街！呢度有好多好各式各樣既餐廳，而後來我地都想食快靚正既餐廳，就簡左茶記「龍門冰室」。一入去裝修都好光猛同埋富有現代感！呢度既野食都好多元化！粥粉麵飯乜都有！我就要左個「白酒忌廉汁青口炒意粉」，個意粉好爽口，忌廉汁都相當豐富！青口仲要係新鮮嘅，食粒唔係雪藏貨。同事就要左個鐵板餐「黑椒仔牛仔骨拼炸蝦炸帶子」配薯菜，一上菜就「咋咋聲」！黑椒味好香！牛仔骨都帶幾多！份量都算大！炸蝦同炸帶子都好香口！仲有配埋好多薯條！「龍門冰室」有推廣，食晚餐可以任食小食，我地要左「蜜糖雞翼」同「黑松露薯條」「蜜糖雞翼」炸得好香，香口野真係可以食好多！「黑松露薯條」份量都好多，仲要之前嗌左個薯菜！所以呢個就無Refill！值得一提係叫左一杯「奶茶紅豆冰」，之前從未飲過！紅豆大粒又甜，配奶茶都幾夾！中意紅豆冰朋友可以一試！

今日喺銅鑼灣一帶出末揾附近反工既朋友食lunch, 佢介紹左我黎依間冰室話好多選擇岩曬嘴刁既我。入到餐廳覺得幾乾淨整齊冇好似其他茶廳餐甘好亂，d枱櫈好寬敞。我地order左一份照燒汁雞扒滑蛋飯同秘製咖喱海鮮飯，因為兩個都係廚師推介照燒汁雞扒滑蛋飯既照燒汁甜甜地，淋落d熱熱地既飯到食好開胃，佢味道似係平時食鰻魚嗰d照燒汁。佢個滑蛋好特別，做法唔係港式茶餐廳嘅炒滑蛋，而係好似日式玉子燒，口感更加厚，好有心機。雞扒d肉唔會煮得老,好味而個咖哩海鮮飯海鮮份量十足！而且咖哩味都很濃，兩者同時食有雙重口感，好刺激味蕾，十分滿意~而兩杯奶茶亦同樣香滑，奶味好重又唔會太甜。整體食物質素尚算高而且價錢合理最後想講員工都好好態度，我地坐耐左少少都冇趕我地走坐得好舒服。

近呢兩年，冰室好似雨後春筍咁，喺香港街頭隨處可見。早幾日去左有幾間分店的龍門冰室（銅鑼灣店）。奶油脆豬：豬仔包加煉奶同牛油，比一般嘅奶油多更加好食，而且呢度嘅豬仔包外脆內軟，份量都幾大添。我見夜晚6點後有美式鐵板餐，所以叫咗一個星級雜扒套餐（$110）。有餐湯有餐飲主角來了，有西冷扒、雞扒、英式腸、煙三文魚同炸帶子，好有懷舊嘅味道，有茄汁、芝士汁、咖喱汁、燒汁、龍蝦汁、黑椒汁...咁多種汁可以揀，我都係鍾情黑椒汁，味道夠濃，配雜扒最正。滷水雞髀：滷水都幾香，可以浸耐啲更入味會更好。人均消費滿$70，仲可以加$20任食雞翼！椒鹽雞翼好香口呢！

冰室/茶記係香港嘅特色，我諗所有香港人都鍾意食！喜歡茶記就係基本上由朝到晚食物種類應有盡有，由早餐、午餐、下午茶、晚餐至宵夜，非常方便！除咗有是日晚餐、鐵板燒之外，估唔到仲有日式玉子燒、韓式鐵板燒套餐、連意大利飯都有啊！真係比較少見！雖然有選擇困難症，最後都叫咗一個羊架鐵板燒同埋黑松露雜菌玉子燒。跟住再望吓餐牌原來加$20就可以升級任食雞翼放題＋黑松露薯條！真心抵食！雞翼仲有四款口味任你揀！羊扒鐵板套餐加上一條超巨型嘅香草腸配埋個黑椒汁，簡直係一絕！套餐嘅粟米忌廉餐湯都好濃好有餐湯嘅感覺！日式玉子燒一上枱已經聞到好香嘅黑松露味道！入面仲包滿好多菇，襯熱食好味道！套餐仲包含一個小食同埋跟粉，飯、特別D仲可以跟撈丁，認真豐富！最後我哋仲加咗個芝士焗西蘭花，估唔到$35都好有份量，芝味十足，上枱熱騰騰，食時小心燙傷嘴呀！雞翼放題個人就最鍾意食瑞士雞翼，整得好入味同埋雞肉很嫩滑！薯條即見即製，好香口停唔到口！

上完堂黎到登龍街，不知吃什麼好，作為運動人愛看⚽的我選了龍門冰室。入到餐廳，服務員好好搵個好位比我，避開冷氣風口位，又主動介紹菜式，夠體貼。🔸️星級雜扒鐵板$110有西冷扒， 雞扒，英式腸 炸帶子 ，煙三文魚 薯條再配湯，好抵食。淋黑椒汁時咋咋聲香氣直撲鼻，牛肉肉嫩，渣帶子酥脆。🔸️芝士焗西蘭花$35芝士味濃度剛好，焗得香噴噴的，西蘭花仍可以保持翠綠色，營養價值流失少。🔸️奶茶 $9奶香茶滑，茶香可在嘴裡鼻子👃飄逸留存甜度剛好。幸好自己聽服務員建議，喝它。🔸️雞翼薯條放題$20升級任食蜜糖雞翼椒鹽雞翼瑞士雞翼土匪雞翼黑松露薯條個人比較愛椒鹽，土匪和蜜糖味。雞翼肉嫰，薯條夠脆。整體而言，性價比高，能在登龍站穩住腳不容易，特別讚賞服務員好友善有禮。期待下次來食all daybreakfast