龍門小棧 (已結業)

今日同朋友去灣仔道行街，無意中經過見到依間上海餐廳，好耐以前去過上海，有啲懷念佢哋嘢食嘅味道，心郁郁一於過嚟食下，估唔到有意外驚喜🥳💓首先餐廳環境超級闊落同埋乾淨衛生，有中菜廳嘅感覺，而且職員姐姐服務態度超好，好有heart❤️‍🔥好細心同我哋介紹有咩主打菜式，同埋嘢食嘅種類，勁有人情味👍🏻🥰職員仲同我哋講依度係由上海廚師主理，之後我哋用餐嘅時候都食得出，味道好正宗，同以前去上海食嘅味道一樣🎉上海餛飩麵✨面底用咗上海正宗陽春面，口感好彈牙，而且熟度啱啱好，唔會太林又唔會太硬，只係食個面都已經值回票價，真心好好食😋！仲可以加錢叫埋花雕醉雞，雞肉嫩滑有口感😛另一樣推介係上海小籠包，食得出唔係冰鮮，因為一咬落口肉質好鮮嫩，而且肉質層次分明，超級新鮮，仲要爆汁🥳🎊

同阿女去灣仔電腦城買嘢，佢知道我喜歡食上海野，就同我去咗莊士敦道嘅龍門小棧食飯，餐廳環境整潔，燈光明亮，座位寬敞舒適！本幫客飯套餐：揀咗香酥豬排，豬排煎炸至兩面呈金黃色，肉質鮮嫩，香酥可口。配幼滑嘅上海麵真係好夾！胡椒鮮肉煎包，餡料充滿胡椒香，加上少許蔥花，帶出肉餡的鮮甜滋味。煎包底部煎得金黃香脆。雪碧回味湯粗麵即係上海粗湯麵，大大碗又多菜，還香菇和肉絲，粗麵條浸在濃湯內彈牙又好味，吃完好滿足。花雕醉雞是一道經典的冷盤，醉雞皮爽肉嫩滑， 啖啖都有陣陣酒香味！金網鍋貼十分香脆，鮮肉鍋貼咬開，肉汁滿口，相當美味！

自從呢個位變咗做上海菜之後都未試過 午市有套餐$98有前菜、主菜和麵食都幾抵最鍾意佢個環境落地玻璃夠光猛前菜除了涼菜之外還可以點上海點心金網鍋貼個底脆卜卜 豬肉餡夠香南翔小籠包熱辣辣上枱個皮超薄 夾起時要非常小心仲見到啲湯dum咗落嚟咬落唔算好爆汁 但都有水準重慶酸菜魚一人份量第一啖酸菜味較濃 食耐咗才感受到辣味魚片夠多夠滑紅燜大肉肥瘦適中口感和味道都好最適合配上海菜飯簡簡單單一碗陽春麵不過非常吸湯要盡快食用 餐飲菊花薑蜜 和蜂蜜柚子茶

上海菜以紅燒，口味較重，善濃油赤醬，滋味濃鬱鮮美，甘腴甜潤，作為上海人，也很想試一試家鄉感覺～紅燘大肉店內做的感覺棒，色澤红亮，軟燸入味～棒，份量亦很大。這一道上海肉嘖香入味～棒！一出锅流口水也。店名的由來便是創辦人的心意，感覺舊日上海家庭裡～飯桌上，和家人一起吃晚飯。胡椒餅手工黏在高溫的的窯壁烤香，均具獨特之處。呈現的胡椒餅，這店的肉汁很多～高質上海菜主吃很多，有酸菜魚，面吃，甜品和點心窩貼，是很值得吃的～香港的上海菜館很多，朋友不時會突然很想吃一頓豐富的上海菜，這店的有家的感覺，填滿一下快樂肚皮。一個人吃上海菜是非常困難，但原來只要好好選擇菜式，一個人也可以很多選擇呢。

估唔到灣仔呢度竟然有間人均唔使$100的新式上海菜。落地大玻璃好通透光猛，裝修好新淨，睇落好乾淨衛生。👍🏻最抵食就係呢個套餐，$98有一款涼菜/點心，一款小炒，菜飯或陽春面，一款飲品，款式選擇都幾多，而且冇加一服務費。胡椒生煎包(2件）- 生煎包幾大隻，底部加咗芝麻煎到金黃色😍，好靚好香脆，生煎包質感好鬆軟- 裏面嘅菜肉餡好香胡椒味😋，肉香味濃重慶酸菜魚配陽春面- 酸菜魚好香，份量都好多- 魚肉切到厚薄適中，好鮮味，口感爽脆嫩滑又唔會太易散，而且已經起晒魚骨，食起上嚟好方便👍🏻- 湯底有大量酸菜，泡椒，藤椒等，酸辣惹味，仲有少少藤椒麻香好過癮🤤- 陽春面爽滑細嫩，份量好多外婆獅子頭飯- 好大粒獅子頭，外皮炸得好香，裏面肉質好有咬口又軟滑，配上特濃醬汁好惹味- 菜飯好軟熟，菜同飯嘅比例非常適中，味道正宗紅油抄手（6隻）- 雲吞皮好滑，包住嘅肉餡爽口彈牙- 醬汁酸酸辣辣好惹味，仲有麻油香同蒜香😍

灣仔區屬於工商區，每到午餐時段到處都是人流，最近有間上海菜環境高級，價錢平民貼地$98有涼菜+小炒+飲品店員介紹主廚師傅是寧波人，製作過程有別於坊間上海麵館以陽春麵入饌，店鋪是選用口感更勝一籌的龍鬚麵，入口細長香滑，是上海家鄉的味道所以必點一碗陽春麵涼菜有6款選擇，仲可以加錢轉口水雞口水雞份量足，單是看配料顏色，已經加分，入口麻味夠，面層的香料平均鋪在每一件口水雞上小炒點了重慶酸菜魚，一上檯，足夠二人分享，魚肉單看已經有十多舊，魚片夠滑冇骨 ，配料方面有芽菜，酸菜，喝一口湯又沒有太辣太酸，味道適中陽春麵以清湯配上，份量真的很足，每條麵條粗幼平均，入口帶麵香，滑，跟本不需要太花考已經很美味飲品帶熱豆漿，同樣合我心意，有豆蓉口感，喝得到是用黃豆自家製成的最後點了酒釀丸子作甜品，未吃正餐已經決定要吃了，果然，點對了。上檯時傳出陣陣酒香，桂花味重，糯米是綿綿的口感，每一口都很讚，而且份量是可以二人共享這個龍門小棧套餐，沒有10%服務費，但店員是非常有禮的，一定要再來

今日去左灣仔食上海菜， 見到有大腸麵， 但大腸的細量偏小， 我想只有4粒左右， 麵條的份量又不多， 身為女生都吃不飽。 中午時間店內客人只有幾位， 見到一些推廣活動， 原來都要在堂食才可以，如儲印仔， 外賣是不計的， 不明白。

平時經常路過呢間食店，今晚去試先知係由上海師傅主理，口味都較傳統。水晶肴肉 $48半肉半鹵凍，晶瑩剔透，一口大小，點埋薑絲鎮江香醋，香而不膩，夏天最啱食凍盤上海小籠包 $38湯汁濃，即點即蒸，趁熱即食係最好炸銀絲卷 $18即點即炸，上枱時香噴噴，忍唔住要即刻食，外脆內軟。套餐：涼菜丶小炒丶飲品 $98羅漢素鵝必試！多層腐皮包住冬菇丶蘿蔔，麻油味好香！重慶酸菜魚 陽春麵生魚片質感好滑，可揀小辣，少少麻丶少少辣，份量啱啱好～ 菊花薑蜜

灣仔美食攻略 上海菜小館蔥爆肥牛,汁香濃郁,牛肉嫩香撈飯食一流配麵或菜飯都岩食,菜飯大碗,夠香氣,味淡菜爽,口感豐富白麵清湯,加點蔥,麵滑湯甜,份量唔多,幾口食完另外上海排骨豬扒,大件鬆軟,煎得香口惹味!小食可選即蒸小籠包湯包,咬開汁多湯多,好食喎~個皮厚dd但味道好食,生煎包,個底好香脆仲有芝麻粒,香氣更突出,整體味道唔錯消費$200環境食物都ok!#龍門小棧 灣仔莊士敦道211號地下A至B號舖#canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie #香港美食

近排經常要到灣仔工作， 放工順便吃過晚飯才回家。 經過龍門小棧，位於灣仔莊士敦道211號地下A至B號舖。 餐廳主打上海菜，店內裝修簡約時尚。 餐牌上的菜式有很多選擇， 可以散叫或套餐。 而我當晚就點了兩個套餐， 超級抵吃，套餐$98已經包括涼菜+小炒+飲品。 🟣金網鍋貼🥟 ～ 金網香脆可口，鍋貼皮煙煙韌韌的口感，餡肉爆汁， 做出外焦里嫩，色香味濃。 🟣南翔小籠包🥠 ～ 即叫即蒸， 送到上檯的時候熱辣辣非常新鮮，皮薄汁多餡料鮮美。 🟣重慶酸辣魚🍲 ～ 湯底的辣味和酸味好溫和，油潤卻而不膩， 調教得恰當好處。 魚肉沒有骨， 味道濃香， 口感有彈性又新鮮。湯裏的酸菜，更是拌飯之選。🟣蔥爆肥牛🥘 ～ 大蔥香味配搭爆炒的牛肉，口感嫩滑又非常惹味。 🟣菜飯🥬🍚 ～ 很喜歡吃菜飯， 感覺相比起白飯更健康。 🟣陽春麵🍜 ～ 湯低味鮮，清淡爽口， 麵條軟韌適中。 🟣熱豆漿🥛 ～ 豆味重，甜度適中。 🟣凍菊花薑蜜🥤 ～ 薑味濃郁，又帶點清甜， 非常好飲。 要讚一下這類的飲品， 雖然跟餐， 但做得非常用心。 龍門小棧的上海菜做得很正宗✨， 價錢經濟， 店員服務態度友善， 值得推介👍🏻。

見多好評又近屋企，所以叫老公放工去買外賣。要左個一人套餐：素鵝、蔥爆肥牛、白飯、柚子蜜，另加4隻鍋貼、一條蒸銀絲卷。素鵝味道ok，不過比較細件，所以餡唔算好多⋯⋯肥牛味道ok但稍欠鑊氣，有啲油同漿咀⋯⋯白飯有部分好硬⋯⋯鍋貼味道較淡，都係比較油同漿咀⋯⋯銀絲卷留返消夜，未知好唔好食。最想講係外賣盒不分大小$2一個，所以盒錢已經要$12！總括嚟講，冇乜特別，價錢少貴，一試無妨。prefer堂食。

放工後諗住在公司附近食飯先返去，見到呢間上海菜價錢幾合理，就入去食。原來他們的麵食全由上海師傅主理，有成20+款揀。值得一提的是，雖然他們的價錢好合理，但裝修舒服、乾淨，好企理，坐得舒服。🍜$98套餐$98套餐包涼菜+小炒+麵食+飲品，真係好抵！ps若果點花雕醉雞要加$15加了$15要的花雕醉雞，雞肉醉香入味，有咬口陽春麵麵質好好，淋香得來有咬口，水準不錯回鍋肉味道微辣，肉幾香口且有厚度，而且好多菜，幾健康～🍜老家素澆麵好啱鍾意食素的人，有麵筋、冬菇 、素雞等，味道素得來幾惹味小食方面，南翔小籠包皮薄多肉，口感幾好🥟金網窩貼真係好有特色，薄薄的網脆香，餃子內有湯汁，味道幾好估唔到飲品都唔錯，凍菊花薑蜜薑味重，蜂蜜味濃簡單一餐飯，都可以幾滿足😆

餐廳的玻璃外牆可以看到街景，感覺很開揚。新裝修，乾淨整潔👍沒有一貫傳統上海餐廳的裝潢。天花的吊燈、一式一套的餐具和桌椅，帶出簡約新穎的格調。環境不會很擠迫，坐位十分舒服。桌上提供醬料、紙巾，很貼心。看了看餐牌，食物是由上海師傅主理的，餐牌菜式選擇都不少。單單是餐廳甜品都有八款，有好幾款糕點、湯圓、豆沙鍋餅也很想嘗試。不過套餐份量都已經吃飽了，有機會再試吧！職員都很耐心介紹食物，例如那種食物是辣的，那種比較多客人點。我們選了套餐$98 （免加一），可以一次過嘗到比較多菜式，有涼菜+小炒+飲品。涼菜（6選1）♡金網鍋貼(2件)外皮的厚度適中，煎得金黃色的金網吃下去十分香脆。肉饀帶點兒肉汁，配醋吃味道更有層次。♡花雕醉雞+$15 🥢必點🥢雞十分嫩滑，雞味濃郁，花雕味道不會太過濃，容易入口，不會掩蓋過雞的味道。小炒（10選1）可選擇白飯、菜飯或陽春麵♡上海回鍋肉除了回鍋肉外，還有豆干、椰菜、紅椒、青椒🫑回鍋肉肥瘦各佔一半，肉香味很夠。♡蔥爆肥牛 🥢必點🥢職員推薦的菜式，果然不錯！肥牛味和醬汁很濃郁，蔥和肥牛配搭十分相襯，配飯吃一流。•菜飯菜的份量不少，而且細心看切得非常整齊，不違和的融入飯之中

龍門小棧最近推出左晚市套餐，包括涼菜、小炒同飲品，而且有我幾鍾意既陽春麵。今日打完波同朋友去左龍門小棧。環境寬敞，樓底頗高。- 胡椒生煎包包底好脆，入面餡料有豬肉、胡椒同雪菜，味道非常香辣。- 重慶酸菜魚味道無重慶嗰啲咁辣，而且只有酸味。不過魚片分量幾多。跟餐叫左陽春麵，但陽春麵完全無味，加落酸菜魚一齊食就好好多。- 南翔小籠包小籠包好juicy，而且餡料幾多，不過略嫌皮有少少厚。- 紅燜大肉肉質相當軟稔，肥而不膩，另外醬汁偏甜，送飯一流。飲品方面，我同朋友揀左菊花薑蜜，非常暖胃。

灣仔並非我熟悉的地方，因此喺度搵嘢食就靠晒住喺附近的朋友，今日想食上海嘢，朋友就帶我來呢間有落地玻璃，可望街景（莊士敦道）的上海舖"龍門小棧"。本幫客飯套餐有成10樣小菜可揀。套餐內含涼菜，小炒和飲品，另有白飯/菜飯/陽春麵揀，一每set收98蚊，無需加一。以下係我的選擇 ：葱爆肥牛花雕醉雞（+15）本想叫三寶烤麩（唔使加錢）‌菜飯（唔需加錢）凍豆漿另叫咗一個红燒燜肉麵。再點咗一份酒酿丸子。蔥爆牛肉：1本來我淨係想食啲肥牛，但D葱都非常好味，两種味道互相滲透，而且熱辣辣，菜飯嘅青菜亦好多，又靚又好食。醉雞有濃郁花雕酒味，有一排冇食，感覺好好。紅燒燜肉麵：11/陽春麵上鋪上三大舊紅燒肉，好腍，好入味。甜品好大份，兩個人食都好足够，丸子多，酒味，桂花味濃濃的，好上海吖。