龍驤 (已結業)

好朋友就快生日，一早訂座打算同佢食餐好既慶祝下係openrice訂座既話，指定既鐵板燒料理仲會有6折添！！呢款指定套餐共有15道菜，原價每位HKd$890+10%，依家有6折咁優惠，當然要試下啦先有兩道前菜，燒至脆身既鱈魚片好似食緊魚味既薯片咁脆卜卜，幾特別之後有廚師發辦既刺身同迷你既三文魚籽海膽飯刺身都幾新鮮，尤其係當中厚切既油甘魚同薄切冷鮑片，非常鮮味跟住熟食既部分有串燒同鐵板燒不論係串燒定鐵板燒，兩類既燒物都火喉十足，香而不焦珍寶大蝦固然鮮甜爽彈，薄切牛都好唔錯！！包裹蔥蒜既香軟牛片非常惹味之後既和風炒飯都係粒粒分明食完仲有足料味噌湯最後仲有芝麻雪糕仲甜品添

昨晚同朋友去左食好嘢呀🌈，平時食🇯🇵日本嘢好貴，所以都唔係成日食。好彩俾我發現openrice 預訂龍驤嘅鐵板燒料理有六折優惠，平好多呀，原價890蚊一位呢。💗餐廳係尖東新文華中心，好容易搵，佈置得好有日式氣氛。👍🍴前菜兩款：有脆卜卜鱈魚片同枝豆，可以食住等刺身😍👍🐟刺身擺得好靚好大盤，有佢哋自家製嘅汁煮鮑魚，另外仲有五款刺身，油甘魚、赤身、拖羅、章紅魚同埋丹蝦。 刺身又厚肉又夠新鮮🤤🤤海膽魚子飯有好大嚿海膽呀，好開心，超新鮮。💜鐵板珍寶大蝦🦐食材本身靚，夠大隻，蝦肉紮實彈牙。🔥爐端燒有3款：免治雞肉棒，燒雞翼同燒茄子， 燒得又香又脆💯🐂仲有美國安格斯牛薄燒、櫻花蝦炒飯， 咁豐富，唔使擔心唔夠飽。甜品有3款雪糕口味選擇，柚子，綠茶及芝麻，我就鍾意黑芝麻嘅香濃😍😍😍

今日星期三去科學館一日遊🤣玩完搵下附近有咩食，想食日本野，記得尖東呢頭呢間日本野幾正。 串燒同小食都幾吸引咁，雞類串燒選用了福岡博多地雞及鹿兒島薩摩赤雞，日本既雞肉特別香滑juicy串燒我地全部都叫左鹽燒，咸香惹味自家製秒傳雞皮蝦$68見佢咁特別就試下，外脆內爽，蝦肉好爽口鮮味，配上油分高既雞皮食落好香雞軟骨$32爽脆大大粒有咬口雞翼$42大大隻日本雞翼特別好食，燒得好均勻，個皮超脆長蔥雞串$32必點大大啖雞髀肉配上清新香蔥，好高質牛舌$50仲叫埋爽口好有牛味既牛舌，正大師銀鱈魚$188個魚用左甜甜既汁燒，配上蛋黃醬食，好日式風味滑蛋蟹肉烏冬$128蟹肉超多配上彈牙烏冬，十分滿足野菜天婦羅$78有6款野菜，新鮮炸起好香脆梅酒$168食日本野要配番日本酒，今次揀左梅酒，酸酸甜甜易入口，配串燒好正Openrice 訂檯散叫仲有7折，埋單都幾抵食👍🏻下次再食埋個鐵板燒先

呢2日放假book左間尖東酒店staycation🙈只包午餐又無包晚餐，係Openrice搵到附近有間日本餐廳，經Openrice訂座單點有7折優惠😚😚.餐廳係新文華中心1樓，地點易搵亦算方便，日式居酒屋+鐵板燒既格局，因為唔係太想食set，就散叫左串燒同小食咁。.▪️自家製秘傳雞皮蝦$68超特別既串燒，係用福岡博多地雞既雞皮包著原隻大蝦再燒，兩者融為一體，外皮脆，裡面爽口，從來無食過咁特別既串燒👍🏻.▪️串燒（雞）呢度既雞全部採用福岡博多地雞 / 鹿兒島薩摩赤雞，.「地雞」只佔日本產量1% ，全部都係優質雞肉，同不含激素，所以口感同咬口會完全唔同。雞軟骨$32、雞翼$42、長蔥雞串$32、雞腎$42，樣樣都好食，7折左仲好抵食，尤其欣賞個雞串同雞腎，平時食雞腎好難咬又有陣味，呢度既好香得黎亦好嫩口☺️燒個質素好高質，燒得岩岩好，外面脆卜卜。.▪️滑蛋蟹肉烏冬$128烏冬超正🙌🏻稻庭烏冬就係必然既，有咬口又彈牙，重點個湯底用左超多蟹肉同滑蛋，啖啖鮮甜蟹肉+淡淡蛋香，簡單又無敵。.▪️大師銀鱈魚$188醬汁以白味噌做底，加酒同味醂等調味，混成西京漬，味道帶少少甜，邊邊位又夠脆。.▪️刺身最後當然唔少

今日happy Friday, 出街食飯一定要book定位先啦, 朋友介紹呢間係尖東嘅日式居酒屋🏮可以喺Openrice book定位, 晚市仲有七折! 喺尖東新文華中心, 估唔到有間咁高質素嘅日式小店。餐廳嘅日式裝修，真係令我有返到日本嘅感覺呀!-餐牌好多嘢揀, 可以揀鐵板燒, 串燒, 爐端燒, 天婦羅🍤等等。串燒嗌左燒雞串，燒雞翼，雞軟骨串，價錢都係$30至$40，串燒來講價錢好合理！主菜嚟啦，$500既日本A4宮崎和牛厚燒，燒至肉質粉嫩，入口好有平衡嘅肉香同埋油脂，厚切嘅和牛肉質細嫩，口感好滿足呀! 食落真係好就去咗日本嘅感覺!!再叫多個主食櫻花蝦炒飯，炒飯炒到粒粒分明，配合蛋碎，蔥末香氣滿分💯最後要多個炒野菜非常滿足!

🍽公司樓下開咗一間日本餐館，平日望入去，感覺是細細間，平平無奇的小店，其貌不揚。早幾日落大雨，近近哋試一試啦，侍應很好安排咗入去另一間房，地方非常寬敞，一邊座位爐端燒，另一邊座位是鐵板燒。 🐟 我點的銀鱈魚定食，火候燒得非常好，魚皮脆卜卜，都算幾大份，銀鱈魚的油脂好豐富但係唔會好漏，以$168的價錢，非常高質 。 🥘 朋友點了一份壽喜燒豚肉鍋，分量好足夠，豚肉 好嫩滑，只$108/set。 🍖 朋友點了一份爐端燒串燒定食，由師傅發板 , 燒肉類係好睇廚師的耐性和心機，燒到剛剛好，燒完立即遞上你面前，真係好新鮮，同時，烏冬非常高質素。午飯時間未到一點已經滿座，仲要等位， 記住要同待應講食爐端燒或者鐵板燒，因為座位的安排會有唔同的。 現在午市有八折， 有這樣的專人服務，真係食得好高興。😀

約同事食飯，見到呢間餐廳做緊午市八折優惠，有爐端燒同鐵板燒選擇，幾吸引，所以都幾多人排隊。原先以為爐端燒或鐵板燒係由師傅喺廚房煮，入到去見到原來係師傅喺你面前即煮，一邊枱做鐵板另一邊做爐端燒，如果已經揀好食物，直情坐喺師傅面前即煮即上，以呢個價錢來講性價比好高。爐端燒銀雪魚定食$168，睇住個師傅控制爐火候，一路笑一路香氣四溢，皮脆肉滑，佢地銀雪魚唔算特別肥膩，但都有陣陣脂肪香味，但嫩滑程度10分高，差不多入口有溶化感覺。爐端燒串燒定食配烏冬$138，每日肉類都會唔同，廚師發板，免治肉及牛肉都好有水準，但我最欣賞個烏冬，我估係手打烏冬，夠晒煙韌滑溜。壽喜燒豚肉定食$108，呢款就有廚房煮出嚟，份量都幾多，我個同事差啲都食唔晒。另外加刺身四片$32，唔試導遊八折優惠，真係好抵食。

Dinner set ：鐵板珍寶大蝦和牛料理配日本A4和牛薄燒前菜刺身4款金目鯛- 油脂分布適中，肉質細膩拖羅口感柔軟，肉質鮮美，入口即溶回味無窮仲有帶子同伊左目整體刺身色澤鮮艷，夠新鮮甜美北海道魚子海膽飯鋪滿了肥美的海膽和大大粒的魚子食落極有口感海膽味道鮮甜入口嫩滑幼細海膽控必試🙌🙌鐵板珍寶大蝦🍤睇住師傅原隻大蝦係面前燒燒得好香又重蝦味愛蝦的必點！好爽口啊！又鮮甜又大隻！日本A4和牛薄燒薄燒的和牛包住蔥花和炒蒜牛味濃郁，食落有一種入口即溶嘅感覺爐端燒 串燒：日本青椒仔雞皮蝦日式豬肉腸西班牙豬肋條串套餐包含和牛炒飯仲有炒日本野菜和湯全部都大大碟大大碗😋好飽肚啊甜品係豆腐味的雪糕🍦

🇭🇰龍驤·我近排轉左office阿 所以會開始發掘下尖沙咀既好西😙😙呢間既午市定食都幾抵食 佢係有 沙律 茶碗蒸 麵豉湯同白飯 超豐富 而且仲有8折😈😈·豚肉壽喜燒$108個日超大雨 我係office坐到好凍 所以就嗌左呢個🥰佢超多豬肉 而且唔會太肥得黎口感好好 點埋佢個蛋汁好正🤤🤤之後佢下面有超多娃娃菜同磨菇 全部都索曬汁 超甜 之後個豆腐都好滑 整體都幾高質🤩·📍尖沙咀科學館道14號新文華中心1樓 228-236號舖

其實除咗Dinner要食好啲啲之外，有時Lunch 都想滿足一下個胃的，見《龍驤》經Openrice 訂位有75折，所以就去試吓啦！😝😝😝因為自己一個食，所以簡單點咗一個是日刺身定食（五款！當日刺身有甜蝦、拖羅、吞拿魚、帆立貝同立魚，配埋麵豉湯、茶碗蒸蛋、沙律同飯，都非常之豐富的！刺身整體都好鮮甜同新鮮，拖羅更加係超級肥美同油脂滿滿的！茶碗蒸蛋好滑好鮮甜！而且賣相都好精緻的！呢度lunch 除咗有定食之外, 原來仲有鐵板燒午餐, 下次都可以試吓呢個先！對自己好一點，偶然食一個豐富嘅lunch，嗰日都特別開心啲！🍱🍱🍱

Main course Grilled Cod set menu-  side salad   I love the freshness of the vegetables. One thing is the sesame sauce maybe bit more if less and rather sprinkle some sesame on the top makes something different and add taste on it.- The green tea can add bit more of green tea powder the better.- steamed egg . I love the texture of the egg but it seems a lot of water which makes holes in the egg but love the taste. And also the colour of the egg is different maybe they put a bit of sauce.-

最近日日都咁熱 成36 37度 晏晝一行出去就滴曬汗真係好想食凍野 黎到公司附近一間日本野 lunch set價位黎講普通尖沙咀價但真係可以食到好飽 lunch set包前菜沙律 茶碗蒸 麵豉湯 main簡左是日刺身定食 因為由日本入口新鮮時令食材 所以d刺身有機會會轉 唔係fixed既 今日食就有5款 白色透透地既係鯁白 之後有帶子 吞拿魚 三文魚 魷魚 每款兩舊 total 成10舊 再加個白飯都真係幾飽 不過最重要既係d刺身完全唔腥 仲好新鮮 粒帶子都唔細架 拖羅同三文魚都ok厚 加埋支波子汽水就perfecto 總括嚟講 依個set都幾抵食 百幾蚊既高汁刺身飯Tst邊到搵阿 所以有機會都會再黎食 下次會想試安格斯牛扒定食 今日隔離枱食既時候好似唔錯 好大碟同勁香

最近天氣咁熱想搵個坐得好啲嘅地方同朋友傾吓計 經過見到有間裝修好靚坐得又舒服嘅日本餐廳 所以就入咗去啦 Lunch set有麵豉湯 沙律 茶碗蒸 主菜 上菜上得好快手 麵豉湯沙律同茶碗蒸都未食完就已經有主菜啦 網燒美安格斯牛排定食牛肉分量超多 應該有200g 需要蛋白質嘅朋友係必點 雖然喺日本餐廳點牛扒好似怪怪地 但係佢個牛肉燒得好好 喜出望外 入邊仲係紅紅地 唔會好熟 而且一啲都唔韌 好夠味 面頭仲會淋上芝麻汁 重口味嘅朋友仔一定會好鍾意個汁 牛肉下邊有椰菜墊底 所以慢慢食啲牛肉都唔會熟晒 仲有碗飯超大碗 但係好好食 唔知係咪日本米🤤🤤 同埋牛肉送飯好夾 明明好飽都食晒 下次係會想食刺身定食 見到隔離食嗰陣啲刺身都幾特別唔係平時喺出邊元X會食到嗰啲

過海巴士一過，就到紅磡站，過過橋，就到尖東，正當吾知食咩既時候，就發現一間日本餐廳，即使今日係星期六，都一樣有午市定食，款式好多，今日就叫了蒲燒鰻魚定食網燒安格斯牛排定食，另外加了小食煎軟骨餃子每定午市定食套餐都有蒸蛋，麵鼓湯，仲有係沙律。點餐之後好快就黎。沙律新鮮，蒸蛋吾錯，蛋都好滑。當主食登場，鰻魚饅都好似日本原盒咁上，一盒熱辣辣鰻魚飯，鰻魚汁要幾多就自己決定。再加落飯裡面。鰻魚係真係店裡自己做，食到好香燒鰻魚味。成個飯更配有蛋絲，十足十係日本食到既一樣。安格斯牛排定食，本身以為只係鹽燒牛排，但原來仲有黑椒同埋椰菜，安格斯個個熟既程度掌握得好好，仍然係肉味重，滑又重牛味。十分吾錯架。而且比單單鹽燒牛排，伴飯就更岩。我地亦有加配小食，餃子，吾同既係餃子好大件，長形餃子，與平日拉麵店既餃子吾一樣。好脆，裡面夾有軟骨，就更加有咬口了。

依間我之前食過佢既鐵板燒覺得好食，所以又趁午餐時間少人d食佢其他嘢，叫左一個安格斯牛扒定食，一個刺身定食，佢個安格斯牛扒就講明左180g，我就覺得價錢合理既，而且我唔記得叫佢5成熟，佢都做到，仲要有肉汁，同埋佢既汁撈白飯就最好食。茶碗蒸刺身定食佢有好多款刺身，有拖羅，柚子汁油甘魚，帶子，蝦，同埋燒左口魚，拖羅好甘香，油甘魚就有柚子汁味配搭，帶子就好鮮，燒左口魚就好香！仲好肥美同濃！之後加多百幾蚊仲有個天婦羅添，佢有好多款嘢食㗎，例如有南瓜，蝦，咬落去非常之趣，配埋佢嘅汁一齊食，又有另一番滋味。🤣🤣🤣