龍鳳祥餃子館 (已結業)

這家餃子🥟店一直都在我的想試清單中，今天難得跟朋友到深水埗買電腦東西，終於可以一試。店舖位於西九龍中心的三樓，中學時我也經常來這裡的溜冰場留連，沒想過一別就是十多年。雖然已經過了午飯時段，但店鋪仍舊多人，甫進店內就看到一位嬸嬸在包餃子，純熟的技巧，人也頓時安心多了，因為知道這裡的餃子不是在外買回來的。韭菜豬肉水餃 (10隻)$40皮薄餡足肉汁多，那陣韭菜味在口腔中徘徊良久凍/熱豆漿 $5大豆味濃郁，這個價錢絕對一值雞絲拌粉皮 $20滿滿的麻醬，粉皮晶瑩剔透，雞絲嫩滑，再配上粒粒芝麻，既香口又爽口四川擔擔麵 $36花生醬湯底非常惹味，還配上炸菜令口感不會過於膩口，麵條亦十分彈牙家鄉紅燒肉拌麵 $46紅燒肉份量極多，非常入味，肉質很淋

接男朋友放工，去老地方西九龍睇有甚麼野食，今日男友唔想食飯，最後選了這間餃子店。地方唔算大，但環境都okay，坐位是木椅，都光猛。這裡有麵、小食、飯選擇。我們點了肉三鮮餃子清湯幼麵、醉雞及凍豆漿。（醉雞）有點失望，主要是因想食醉雞入來的男朋友，這個醉雞雖然大碟，但肉硬又鞋又多肥膏，唔係好入味、酒汁唔濃，青瓜都爽脆，但又是不入味。（肉三鮮餃子清湯幼麵）肉三鮮餃子皮薄內餡好香好味道，蝦爽肉軟腍又有韮菜，喜歡喔！幼麵有口感，清湯都夠香！（凍豆漿）普通味道豆漿

星期日約左朋友係深水埗食lunch 因為唔想食得太熱氣 所以就打算食餃子3樓電梯一出就見到龍鳳祥餃子館 咁我地就直接決定食呢間🙈 黎得餃子館 我地就叫左2份餃子 一個湯 同一個涼菜餐廳上菜速度好快叫完之前唔洗5分鐘就有得食😋😋廚師推薦既肉三鮮好足料有一大隻蝦係裡面唔洗點鼓油都已經好夠味👍🏻👍🏻👍🏻白菜水餃就肉偏多裡面亦加左一點薑絲 味道唔錯雞絲粉皮好值得食！佢個麻醬好濃唔會擔心食到一半唔夠麻醬撈酸辣湯味道偏辣 搭配餃子一流！

與好友到西九龍中心構物，好友曾聽說此店牛犇很好吃，於是再來此店。我們坐在角落的位置，枱上仍舊是紅色餐牌，以及白色的碗筷。我們先要兩個拉麵，拍太多吃不下。芹菜豬肉餃配牛犇，牛犇湯依然味濃，充滿肉味，帶鹹香而不鹹。芹菜豬肉餃，夾雜著芹菜香，配合豬肉餃，清中去除肉膩感，口感非常不错。牛犇一塊一塊，軟綿綿口感，肉味香濃，不覺羶味。濃湯配拉麵，顯然是絶配，肉湯味今每口拉麵都是難得的美味。酸辣湯拉麵，酸度剛好，酸中又有辣，不會覺太酸及太辣，兩者互相配合，濃度又剛好，而且不會稍後攪伴而變稀，材料又非常十足，每口湯也有木耳絲、荀絲及蛋絲。麵條本身淡，配合湯的味道，吃起來更覺湯的酸辣香。上次到來沒吃拉麵，這店的湯配合拉麵也非常合適，當然拉麵要好吃，絶對是湯的功勞，兩者要互相配合，才是美味。

好耐無食餃子，今次去咗龍鳯祥餃子館。點咗個素食餃子。加埋杯熱豆漿。埋單$52。我點咗蕃茄湯底。加埋素食餃子一齊食就最好。個餃子好重素食味。個蕃茄湯好甜。間店好似周杰倫首紅塵客棧。古色古香風味。

今日去開深水埗辦年貨去到西九龍廣場想食下餃子，就去咗呢個商場比較出名嘅餃子店食嘢了。一打開餐牌就有唔同類型嘅餃子同湯底揀，一於樣樣都叫啲先。首先叫咗個醉雞食下當是前菜。估唔到唔錯喎，醉雞非常之入味，啖啖肉，很不錯的。主菜方面首先叫咗個白菜豬肉餃子配酸辣湯底，餃子皮唔厚，豬肉餡都不錯，酸辣湯底非常之足料，有一大碗的。湯底又唔太酸，熱辣辣好味道。跟住就叫咗個肉三鮮配牛犇麵，湯底非常之有特色，其實係一啲牛腩牛肉所煮成的。肉三鮮方面，鮮蝦非常之鮮甜味美，正！等我下次再嚟深水埗嘅時候食埋佢其他嘢先！

之前行西九龍個陣已經心郁郁想試😝今日見12點幾無咩人就入左去做第二枱客😎一入到去環境闊落 而且有少少中國風 令人坐得幾舒服！睇睇餐牌 全部都好合理！20幾至50蚊都有 叫左雞絲粉皮(細) , 一碗雙醬麻醬冷面同白菜豬肉餃雞絲雙醬(麻辣醬+花生芝麻醬)有得揀牛展 ~ 單醬就平少少！佢個冷面一啲都唔乾 有少少冷面汁係底 又唔會太濃 面既質感又彈下 一條條好分明兩個醬份量都好多 個麻辣醬好特別 唔係死辣既味 又香又麻 正！！！白菜豬肉餃皮薄饀靚 我見到佢地係親手逐隻逐隻包架！不過個面既份量有啲多 如果唔太肚餓可以叫淨餃 仲抵食我見好多人都叫左豆漿 跟餐$5杯 可以一試！

之前暑假喺上海逗留左一段時間，而家好掛住嗰度嘅餃子同擔擔麵🤤朋友知道我鍾意食上海野，就決定聚會去間又平又好食嘅餃子館🥟見面嗰日已經過咗午飯時間，所以選擇食下午茶餐，估唔到依然有好多各式各樣的配搭，餃子類更多達8款，真係睇到眼花瞭亂～——————————🔹雞絲拌粉皮(大份) $38📍8/10本身朋友👧🏻好鍾意食花生醬，見到有雞絲粉皮已經好心動😍即刻叫份大嘅！一上菜就俾個分量嚇親，粉皮上有超多雞絲同青瓜，花生醬亦非常充足，食落每啖都有滿滿的料😋青瓜絲新鮮爽脆，雞肉又不會鞋口，粉皮勁滑又不會黏埋一堆，食落非常唔錯！🔶炸醬麵 $25 📍7/10有朋友👦🏻唔想食花生醬，就叫炸醬麵試下，果然份量一樣唔少！青瓜絲和炸醬比例係一比一，望落已經好有食慾。麵算彈牙，配上鹹鹹地嘅炸醬肉碎和大量清爽有水份嘅青瓜，感覺好fresh😋🔷擔擔麵 $25 📍7.5/10相比炸醬麵，我比較鍾意呢個擔擔面多啲，因為擔擔麵湯頭濃郁之餘，仲有麻醬和帶點微辣的肉碎，更加開胃！軟彈嘅麵質充分吸收湯汁，食落又香又飽肚，同朋友開心share就啱啱好～👭🔶肉三鮮🥟 $25 +$8轉煎餃 📍9/10煎餃非常足料，裏面有韭菜、豬肉和大大粒

水餃真係my favourite我會特登係openrice搜羅大家好評既水餃店去試嫁kekee! 龍鳳祥都是一樣，見大家都好評啊，即管來試下^_^睇佢個名同鋪面裝修真係好有中國風情係西九龍中心入面都幾顯眼。推介佢個蕃茄蛋水餃，好特別嗌左淨餃，水煮完無湯上。本身都擔心蕃茄蛋涵會否好濕，但係無呀，個厚皮無索哂水，入面仲鎖住茄蛋汁，真係好抵讚另外，京䓤羊肉餃都是不俗的！宜個配左佢個牛牛牛湯底😂可能太足料，好咸，真係湯底好了，飲唔落口，入面都有啲牛肉既～正常價錢，只是深水埗來說，就屬於貴了～同埋衛生都有待改善⋯

今日帶左外甥女去西九龍溜冰，溜完之後係商場搵野食醫肚，外甥女都想食麵。所以搵左個餃子麵店去醫醫肚😋😋😋店內環境比較細小，但都唔覺得好迫。店員都好有禮貌。嘢食種類眾多,我叫左四川擔擔麵，酸辣湯同口水雞。酸辣湯, 酸辣到適中，好足料👍🏻👍🏻👍🏻👍🏻四川擔擔麵，麵質彈牙爽口，分量足夠兩個人食，花生醬味濃郁。👍🏻👍🏻口水雞，麻辣味十足，好好食，雞肉鮮嫩可口，食到不能停口😋😋😋😋

同朋友2個人好似餓鬼上身咁食左好多野。我個人大推肉三鮮餃，有韮菜，豬肉同蝦做餡料，隻蝦好彈牙，所以隻餃咬落口好有口感，整隻餃外皮厚度適中，唔會覺得厚皮厚粉。仲一個大愛係韮黃魚肉煎餃，朋友話係黃魚，好想試，我話係韮黃同魚肉，傻婆!煎餃唔油，反而仲好脆，除左有我鍾意嘅韮黃香，佢仲有少少似魚蛋嘅口感，只係無咁彈牙。係出面未見過有，不錯不錯!叫餃子加5蚊可以要埋特色湯，我叫左牛犇，牛味濃郁，配湯麵一流!!

同fd去左深水埗整野，約左係西九龍lunch，貪佢果到野食多款。一路上電梯仲諗緊食乜既時候，見到側邊寫住餃子，由於大家都係餃子控，好快就決定左去呢間食！一上電梯就見到喇，去到門口有呀姐歡迎你，餐廳四周圍都係用木製既傢私，裝潢又幾有中國味，而又唔老土，環境都幾乾淨闊落。檯上擺放了豆瓣醬、醋同一個兜仔倒醬沾餃子食。呢間野款色唔係特別多，一眼望晒，但款款都好吸引，夠創新！最後我地各自叫左碗淨餃+一個小食+飲品京蔥牛肉酸辣湯底（$47）黎到中式既餃子店我都係揀返啲傳統少少既食物。湯底唔算太杰，夠晒酸，木耳都好多，連埋啲蛋絲，增加左口感。個餃包得好似雲吞，皮幾薄下，餡料都幾多，咬落去啖啖肉，京蔥味同牛味略嫌就少左啲，不過牛肉本身都醃得夠味。未算好突出芹菜豬肉餃配牛犇湯底（$47）牛犇湯底睇字面好似用好多牛煲成，唔知係咪因為咁，個湯底顏色都望落好濃，飲落原來都係咁濃，又唔係好咸果隻，有啲甜甜地，蔬菜既清甜，唔錯。而呢個餃呢都係同樣問題，芹菜正常有好濃烈既味道，但佢冇，呢隻比牛更加清淡，口感豐富。千層醬豬耳（細）（$25）呢個係凍食既，佢將啲豬耳整到痴埋一塊塊，望落似千層糕，食落似爽口版既薰蹄，撈埋

今日帶細佬去西九龍中心練習溜冰，練完之後有少少肚餓，細佬要食餃子，見到三樓有間龍鳳祥餃子店就入去試下。店舖雖然細，但坐得舒服😌，餃子款色多，餡料有各式各樣，亦有不同湯底自選。餃子的醬料亦齊全😋蒜蓉拍黃瓜-蒜蓉味好香濃，加入莞茜好惹味。雞絲雙醬冷麵-醬油可以按個人喜好按多少選擇，麵底非常彈牙，蔬菜非常豐富好健康，小小辣辣地好好味😋肉三鮮，有韭菜、鮮蝦、豬肉餡料，自選了蕃茄湯底，湯底入面有茹及蔬菜，好適合小朋友食。大大隻餃子咬開啖啖肉，餡料好多好新鮮，陪埋湯底一齊食，絕配

今日食到深水埗呢間餃子店又要上嚟寫一寫做個記錄， 因為真係好味醉雞，肉三鮮餃子，豆漿醉雞超肥美入味，似係花雕酒，好香， 肉厚又滑又有油香，仲有啲脆青瓜墊底…… 呢個真係非常有驚喜肉三鮮餃子， 韭菜豬肉蝦仁 餡料非常足夠， 餃子肥dodo， 咬開原來裏面係整隻蝦仁 ， 唔係蝦碎！餃子皮厚薄仲啱啱好 ！ 一碗十隻！我仲加咗個酸辣湯底 係上海舖嗰種酸辣湯 真係好好味豆漿香濃， 有磨出嚟嘅豆香味 真係估唔到尼度有間咁好食嘅鋪頭仔！ 下次可以在encore…… 仲要食到抱住個肚走都係一百蚊！

今晚有比賽，打波之前梗係要食小小野先啦。係深水埗西九龍行下，行左一圈之後覺得依間餃子店都幾岩食，一於就同朋友入黎試一試佢D水餃。 水餃店當然就以水餃為主打啦，佢就有8款既，可以5隻餃加湯面，亦可以淨十隻，而淨餃十隻可以雙拼，但就加6蚊。咁我地諗住食其他面，所以就點左淨餃10隻，分別係京蔥牛肉及肉三鮮水餃，我朋友想食辣所以就配左麻辣湯底。不過，因為我唔想食辣關係，就叫佢湯底分開上。 水餃皮薄餡靚，而我個人梗鍾意食肉三鮮，因為我鍾意韭菜，加埋蝦同豬肉係幾鮮味既，京蔥牛肉都唔錯。 除左食水餃之外，我地各人都叫左一碗面，我朋友就叫左秘製牛犇面，我就叫左羊肉汆面。兩碗面都係四十幾蚊，但份量都好多，好抵食。牛肉面牛肉都幾稔，有牛味。我碗羊肉面湯底比較濃，羊肉唔羶，而最抵讚係食完唔口乾，無味精。 各人加埋豆漿，兩個人埋單一人75蚊左右，唔使加一。食完走個陣先見到原來馬家開飯有介紹過，今次叫做誤打誤撞黎左朝聖了。