龍鳳號 (裝修中)

向呢間店度買咗蔥油麵🍜，迷你叉燒包套餐，份量睇落都OK，樣樣都好似有d，買佢係唔想食太多，價錢都唔太貴，其實所有材料都唔係貴野，蔥油麵上有幾條面同幾條蔥，湯有一啖，瓜有幾條，仲有三隻迷你叉燒包，但係個叉燒包完全係微波爐翻叮，唔單止唔熱，咬落去個包裏面嘅所謂叉燒乾到冇晒汁，硬骨骨，好似肉鬆咁，完全冇水，咁樣都可以俾人客食，實在太過份，而家食咗佢又唔係，為有掉曬佢，浪費都無法，午餐食呢d影響心情，我唔會再幫襯

咁岩出觀塘有野做 有時間可以食埋個Dinner知道觀塘有好多台灣菜食上網搵到哩間餐廳都出名 幾多人食過～▫️醬漬蜆仔 $68睇落似平時食開既蜆 但食落口感又好似唔太一樣咁🤔蜆肉比較粘身 粘住蜆殼而醬汁係用醬油醃製而成加左小量薑 同小量蒜頭去走腥味第一次食哩個醃法既蜆🤤好入味！▫️松花皮蛋豆腐 $42😂重口味人士之選～醬汁用左重蒜調味皮蛋豆腐凍食 配埋醬汁 好惹味😛食完成口蒜味🤣▫️惹味肉燥乾拌板條 $42第一次食板條😗 口感似粗版河粉 滑身 煙煙韌韌咁 配埋肉燥 都幾好味～▫️古早味肉燥飯 $38肉燥係用豬下腿肉同絞肉而成細細粒肉碎 有D𡁻口唔油膩 又唔會好鹹 送飯一流👍🏻▫️是日老火例湯 $38當日係花生眉豆雞腳湯～好有屋企煲老火既味道😋完全冇味精 好足料！好飲！🔸總結．雖然餐廳位於人流稀少既商業大廈入面 但唔算太難搵 而且都多人幫襯～．餐廳裝修比較台式 古色古香，價錢方面係平價之選👍🏻好抵食，食物質素性價比高 份量亦夠大份！

之前睇過網頁介紹過呢間餐廳，話鹵肉飯幾好食~一路都想試，終於今日有機會了😎去到餐廳大概係六點九左右，餐廳已經半滿狀態，仲有幾單外賣😳餐廳裝修比較古風，木枱木凳~不過位置排列上感覺有少少壓抑🤦‍♀️一坐低，staff就擺低左餐牌同qr code，話我地知自己掃code落單~但💧水都冇一杯，都冇同我地講要自己出去💧斟水😐直至後尾朋友發現原來門口擺左個💧水站，要自己出去斟🤦‍♀️而餐廳只會提供 $5一枝嘅水🤷‍♀️落左單冇耐，食物陸續上枱~🐔鹽酥雞 ($42)呢個係食親台灣野都好大機會會叫的😂份量幾多😳見廚師煮過陣會用兜兜勻先上碟，確保件件雞味道都平均~幾脆口，有味得來唔會好重口味，唔錯😋🥬燙蕃薯葉 ($48)佢比另外個三款菜都要貴，但因為平時少食，所以就叫了~蕃薯葉份量多，上面有油蔥酥、醬油膏~清淡得來又有D味，唔錯😋🐷古早味肉燥飯、🐷古早味鹵肉飯 ($38、$38)我其實唔係好識分肉燥飯同鹵肉飯🤦‍♀️只見一個係免治豬肉咁，一個仲有D肉粒😂幾大碗，肉汁都夠多，可以撈到飯~但肉燥味道偏鹹，冇乜甜味🤦‍♀️自己唔太識欣賞😓🍯香茅青檸薑蜜 ($28)比想象中重香茅青檸同薑味，清新得來好消滯👍惟一缺點係細

喺觀塘嚟講性價比偏低，上菜速度較慢-$22嘅蔥油拌麵真係三啖可以食得晒（最慘係有一陣洗潔精嘅味道….）-$38肉燥飯，整到好似梅菜扣肉飯咁嘅味😅😅-$42鹽酥雞，即炸出嚟熱辣辣脆口好味。-$88麻油雞，偏淡，一層雞油浮喺面，值得一讚嘅係個煲入面嗰粒貢丸真係好彈牙總括而言：冇下次

本身見到上網最多人話好食諗住去試啦，點知大伏。 都唔好比較味道正唔正宗，好唔好食都成問題。肉燥飯 真係未食過咁難食嘅肉燥飯，已經唔係平，啲飯又淋，啲肉燥可以做到有肥膏，但係好鞋🤗😱味道完全冇層次豬手可能係全晚最正常嘅食物，豬手炆得夠淋，食落辣辣地鹹鹹地都係冇特別😐睇落好大碟，但係其實好多都係骨，不過嗌得豬手都預咗台灣腸一食就知係平㗎台灣腸，完全冇台灣腸嗰浸香味好似去街市買好平嗰啲台灣腸咁🫥咁簡單嘅食物都唔好食真係好失望。而且望落啲顏色都怪怪地，唔知平時嗰啲😓街邊食嗰啲都好食過佢茄子下面舊茄子完全冇味食落就好似烚熟咗嚿茄子上面擺啲蒜蓉兩樣嘢冇關連大腸麵線成兜嘢有浸怪味已經冇落醋，但係都係酸酸地奇奇怪怪世界級難食宜蘭蔥肉煎餅個皮硬到完全咬唔開，犀利嘅係佢煎到好乾身但係一啲都唔香脆🤯以為識落點都有少少汁，點知佢可以做到入面都係乾晒🫠成舊嘢硬骨骨，唔知做咩桂花胎菊蜜$28支嘢細到，可能同紙包飲品差唔多，味道好冇特別，仲要買$28真係出返去買杯手搖都好飲過佢食物難食都算，由一入去受氣到最後嗰秒🤬入去嘅時候啲店員已經好似未瞓醒咁明明成個場大把位，佢哋都安排唔到我哋坐邊張。入到佢間嘢其實已經覺得好侷

因為同朋友喺觀塘APM睇晚上10點電影，所以就睇吓附近有咩好食囉～咁就搵到依間「龍鳳號」係食台灣野，見到價錢都算經濟實惠，所以來試試，朋友7:30到了，即刻有位～眼見都有九成滿座味道整體上都唔錯、評分如下👇🏻是日點餐：麻辣鴨血鍋 加配粉絲鹽酥雞惹味肉燥湯新竹米線古早味魯肉飯🥤青檸百香果🧋芋泥鮮奶奶茶🍺蜂蜜台灣啤酒🍨龍鳳豆花 & 特濃薑汁地瓜湯⭕️張枱位木枱，所以呢兩邊有角，所以腳下有一點窄，但係貼心位就係每張枱下邊有一個籃子🧺俾人放低袋～⭕️自助斟水

來到呢間台灣餐廳，門口好古色古香，好喜歡木窗花㗎，所以入到去揀咗張靠窗花嘅枱坐。店內以白色牆配一排排的木枱木凳。古早味魯肉飯 (HK$38)．選用五花肉和肉粒，目測7分瘦3分肥，啖啖肉，配秘製滷汁，比其他店舖的滷汁甜，我估可能加咗少許酸梅蜜(?)．我好鍾意呢個滷汁味道，令我不知不覺食晒成碗飯 (好彩我一早叫咗少飯咋!)鹽酥菇 (HK$42)．影相麻麻，因為同張木枱顏色好似，但係好有內涵．鹽酥菇外皮薄身，炸得酥脆但不油膩，內裡的雞髀菇厚肉地，多汁，好好味😋．份量多，好多粒，食極都有咁嘅😁凍檸檬冬瓜茶(HK$28)．原來一早整好和入樽雪凍，所以不能要求少甜，但其實不會太甜，反而調味得宜，香濃檸檬和冬瓜味道，好好飲😋龍鳳荳花 (HK$42/熱)．食完鹹食，可以同店員講上甜品 (點餐時可選擇後上)．大碗，好足料，賣相同餐牌上嘅相一樣，靚又吸睛😍．豆腐花絲滑口感，豆味香濃，紅豆綠豆起沙，好食呀．手工地瓜圓比手工芋圓出色，煙韌有地瓜味道，反而我覺得芋圓差點煙韌和淡味一啲

裝潢以復古設計仿木仿竹的餐桌加上牆上一對精雕龍與鳳🐉🦃營造出古色古香風格姐姐涼麵🍜涼麵煙韌彈牙，加入香濃芝麻醬，再舖上清爽青瓜絲🥒蔥油麵🍜油麵放上炸香蔥，淋上蔥油及醬油，但蔥油味不夠突出，可算是不過不失惹味肉燥乾拌麵🍜肉燥帶有點蝦米，配料有大豆芽，芫茜，韭菜及蒜蓉泥，令拌麵鹹香惹味😋宜蘭蔥肉煎餅🫓外皮煎得香脆，餡料有蔥及肉碎，上桌時熱騰騰，進食時要小心吃避免燙到嘴巴鹽酥雞🧆外層炸得酥脆，內層肉質嫩滑，加入蒜粒及紫蘇提升香氣更惹味，滿滿的鹽酥雞份量超多，CP值好高👍餐廳環境佈置有特色外，亦提供多款古早台灣菜式，別有心思❤️

又黎多次食龍鳳號，今次小編主要想食小食，食少啲飯麵類🤣🫣，但同b🐷就眼闊肚窄咁叫咗5樣嘢，食得太飽😂。台式烤香腸 4/5 $32經典嘅烤香腸，豬肉香味帶點甜味，夾起一片香腸之後要跟埋蒜片，然後擺入口，蒜頭天然嘅辣味，增加咗香腸嘅風味，但係要留意嘅係，食太多蒜頭口臭🫣。蔥肉捲🥓 4/5 $46豬肉片，捲着香蔥，仲要煎得超香超惹味，加埋酸辣汁，一咬落去嗰啲汁水就爆曬出嚟，但豬肉片好似有啲碎骨咁，食起上嚟會索索聲，有啲奇怪。家鄉紅趜滷豬手 5/5 $78小編好鍾意依個豬手，佢炆得幾淋，豬手唔會骨多肉少，啖啖肉，食上嚟先夠過癮🤭🤣。佢個醬汁係甜，可能加咗少少陳醋？佢嗰隻香味其實好啱送飯食嘅。膠原都唔錯，食完豬手嘴唇都俾佢黏住😋😋。份量都幾多，我同b🐷每人都食咗四舊豬手，$78嘅價錢真係好抵食。滷豆腐 3/5 $32正常滷水嘢，豆腐吸左啲滷水汁都幾好味。惹味肉燥乾拌麵 🍝4/5 $38原本以為係乾撈麵，但係佢個米線其實係濕濕地，加埋啲肉燥蒜蓉芽菜撈埋，爽口嘅芽菜中和返濕潤嘅米線同肉燥蒜蓉，有少少辣味幾好食嘅。地點:要行入去一間商業大廈入邊再上兩層樓，唔熟觀塘可能要啲時間先可以搵到。環境:張枱比較

同事介紹呢間餐廳好好味，可惜返工時間lunch time長期超多人，放假同小朋友一齊黎食。門口就有水供應，好細心，就算平時排隊都有啖水飲下。但我黎得台式餐廳一定飲珍珠奶茶，奶綠仲好飲，有少少綠茶苦澀味，珍珠煙勒，呢度係溝燕麥奶感覺更加健康。叫咗一碗滷肉飯，配滷水豬耳，仲有呢度嘅招牌鴨舌，首先講滷肉飯，味道濃郁，豬肉肥瘦適中，好香好味。魯肉飯本身肉都好多，其實一碗飯都已經好精彩，滷水豬耳唔係咁多地方有得食，我哋叫咗試吓非常有驚喜，好入味好爽口。但最正係個鴨舌，我以為係好似台灣咁只係普通滷水味，但佢原來用咗秘製醬汁，有洋蔥有䓤一齊食，超級好食，仲有醬汁用嚟撈飯一流，加上佢好入味，連小朋友都食到唔停口，我亦都估唔到小朋友幾歲人仔原來咁鍾意食鴨舌，呢度我哋真係因為呢碟鴨舌一定會再嚟。

今日過開嚟觀塘，諗住睇吓OpenRice有咩食，見呢間餐廳好評都幾多，就係諗住過嚟試吓。我哋叫咗一個滷肉飯，一個大腸麵線，仲有嘅仲有個麻油雞。開頭食滷肉飯同大腸麵線雖然冇啊好出色，但都覺得唔錯。我覺得係個麻油雞出事，唔係話難食，但真係覺得麻麻地，雞得兩件仲係冰鮮雞，好細煲但盛惠$88。個人覺得唔係好值。如果淨係食滷肉飯同大腸麵線我覺得CP值都OK，都會比好評，但調多咗麻油雞又貴又麻麻地真係覺得比唔到好評。

好肚餓！！一黎就一人一碗魯肉飯，好失望！！飯食到唔夠熟，有生米.....硬！同店員講只係一句"同廚房講聲喇 ！！~"就算了事。 今時今日既服務態度好差食到個肚成晚都好 "un 胃" 囉🥵🥵

成間舖頭裝潢用古早風，連凳都係木板凳 其實坐得唔舒服，食物質素都好一般，喺香港咁多台灣餐廳佢連嘢飲都唔係特別突出，up to 20蚊先得一支葡萄適咁既size，味道仲要飲得出溝咗不少糖水…啲侍應態度惡劣見到有客行入嚟，竟然有都扮睇唔到，做自己嘢，對客人態度都呼呼喝喝，舖頭晚餐時段都冇人，靜到拍烏蠅，但係都唔會比客人自己揀位坐，見到有個女士自己一個坐角落，我覺得間鋪咁吉咁多位，隔開啲人群坐，唔明有咩問題，最後佢俾個侍應阿姐，離遠喝佢「坐返過去」…不過啲阿姐自己就好瀟灑自在，成班人圍坐係一張枱度切生果傾偈講是非，細聲講大聲笑…整體俾人覺得係「此地不宜久留」vibe，唔會再試第二次亦都建議大家唔好俾錢買難受！

觀塘美食集中地駿業街的日升中心，是觀塘區飯友的搵食勝地。二樓的龍鳳號主打傳統風味台式美食美食，以懷舊風裝修，小店形式經營單但座位闊落。.✿ 虎咬豬 💲36虎咬豬其實是台式刈包，因其造型就像是打開口的老虎在咬著豬肉，所以坊間又稱為「虎咬豬」。刈包夾著肥美的滷五花肉、花生碎和再加上開胃的酸菜，是神來之筆。.✿ 砂鍋麻油雞 💲88麻油湯頭以小黃薑和黑麻油製成的湯式，鹹中帶甜，是暖身滋補的湯底。即叫即煲的砂鍋麻油雞，原瓦煲上菜時熱辣辣。除了雞肉外，還有貢丸、豬血、秀珍菇和旺菜，還可以以優惠價加配台灣手工麵線。.✿ 鹽酥菇 💲42鹽酥炸物是台灣招牌路邊小食。相對於鹽酥雞，個人還是喜歡鹽酥杏鮑菇，因為水份多而清爽。.✿ 古早味魯肉飯 💲38主打古早傳統風味，有滷肉飯和肉燥飯兩種選擇。選用台灣珍珠米，肥味五花肉粒和惹味肉燥汁，很開胃。.不專業食評 IG nei.foodie

特別掛念龍鳳號的滷肉飯，特意約友人一起再吃一頓，每次在門口都感覺非常古色古香。時間尚早，所以人不多，急不及待馬上用手機QR點餐。古早味魯肉飯 $38 非常愛這裡的魯肉飯，魯肉是手切五花肉粒，肉粒滷得入味，香氣誘人，色澤漂亮，醬汁偏向甜，淋上珍珠米飯，有油脂的香味之餘亦不會太油膩，口感層次豐富。大腸麵線 $42啡啡的湯汁打了茨，不會太水，麵線掛著湯汁味道濃郁，大腸沒有腥味，不會太軟，入口爽脆。鹽酥雞 $42 外表炸得酥酥脆脆，內裡多汁的口感，還帶一點蒜香味👍🏻鹽酥菇 $42一樣的麵衣包著不同的口感，菇比較彈牙，入口爆汁，非常鮮味。