101台式休閒餐廳 (千色匯) (已結業)

荃灣區美食多, 筆者鐘愛台灣美食, 於是就比次機會這一間於千色匯的101。首先, 呢度既位置係超好, 千色店對面, 大商場入口, 大街路人行過就會睇到你食野的了, 好定唔好, 自己簡左岩你既位啦。筆者於下午12時30分左右到達, 見人少少, 就入去坐坐, 餐牌上的款式亦多, 不過, 只有午餐是包飲品的, 其他亦要加8-10元才有飲品, 這一點是絕對不好的。午餐中, 見到有三杯雞, 三杯雞是台灣的美食, 於是就選了這一個, 再加一杯凍甘桔蜜(+2蚊)。首先, 來了杯飲品, wow, 正呀, 好大杯呀, 呢2蚊, 抵比啦, 飲落都ok, 夠味, 唔會係水溝水個d 啦, 飲到最後, 重發現有一塊檸檬送比你tim, 唔錯唔錯。食物方面, 終於來了, 是一大碗的飯, 上面是舖滿雞肉的, 不過味道就...可說是合格, 但與正式台式三杯雞就差太遠了, 味道只是用了一些蠔油辣椒去煮吧。三杯雞本身應該著重的麻油、醬油米酒, 但食的只有醬油味, 雖然飯亦算熱及大碗, 但如打著台灣101的旗號就真的遜色了。另外見其他人食的多是米線, 可能是我選錯了吧。不過, 我唔會再比機會101的了, 對不起。

今日去完覆診約咗朋友嚟呢間食午餐，我之前都食過不過係其他嘅款式嘅食物，今日我哋兩個就各食個午餐，一個係清湯蘿蔔Q彈正方形魚腐米線加椰子雞湯底， 一個就係鹵水雞翼飯，各叫咗杯熱柑桔檸檬， 兩個都已經食到好飽喇。先講過鹵水雞翼飯，真係好普通好普通冇乜特別 ，我覺得個鹵水汁唔似鹵水汁，有啲似燒汁因為太甜，變咗麻麻地 ; 另外嗰個魚腐米線加椰子湯雞湯底又幾ok喎，唔會太過瀆清清地，不過當然係加咗顏色上去先有咁白嘅湯底啦，味道都ok

［荃灣］101肉燥飯專門店人地叫肉燥飯專門店但係我叫左米線😂可能係咁所以覺得今次經歷麻麻地🤦🏻‍♂️.椰子雞湯米線食剩指數：50/100 椰子湯甜甜地但係唔算特別香雞肉係連骨既無乜雞味肉質偏硬（店員好人俾左個碗放骨）米線就正常水準以49$一碗計得4舊雞肉算貴（加上肉質一般）.第一次食呢間叫左米線可能食返台式肉燥飯果d會好少少.另外想講講佢杯奶茶食剩指數：80/100 叫得台式餐廳以為佢係台式奶茶點知係港式仲要茶底偏苦澀有少許失望

之前經過幾次，睇住佢新開一直都無試過，今次終於有機會諗住來試下，個餐牌好似好多嘢食揀咁，但主要其實分豬、雞、牛，而望落最多人揀係火鍋，唔同肉既火鍋都配上唔同湯底！咁我哋兩個人都叫左一個火鍋同一個飯，台灣藥膳椰子雞小火鍋配台灣手工拉麵個小火鍋都幾好湯底都唔錯，而雞肉就有兩大舊及應該係雞腿肉所以好嫩鍋燒牛肉魯肉飯 而個飯就一般般，因為用肥牛而且連汁一齊倒返個飯到，所以成個飯係好油，食面果層都還好，但到底就食唔到啦，太油啦！一心以為台灣嘢食應該會有珍珠奶茶果類，原來係無既😅有D失望！！

朋友要食肉燥飯，走左入101台式休閒餐廳。大大碗鍋燒牛肉肉燥飯，牛肉入味不韌；肉燥不少，沒有台灣般過份肥膩比較適合香港人；啲飯多到食唔哂。我唔太餓，叫左碗椰子雞湯配三杯雞+包心菜 (走麵)。湯底清甜好好味；三杯雞入味，但太淋，口感一般。

朋友要食肉燥飯，走左入101台式休閒餐廳。大大碗鍋燒牛肉肉燥飯，牛肉入味不韌；肉燥不少，沒有台灣般過份肥膩比較適合香港人；啲飯多到食唔哂。我唔太餓，叫左碗椰子雞湯配三杯雞+包心菜 (走麵)。湯底清甜好好味；三杯雞入味，但太淋，口感一般。

這店位於千色店對面千色匯地面層,開了幾個月,這位置之前係一間運動鋪,裏面坐位唔多,大概可容納50人。今早行過,見門口放置的banner介紹早餐都吸引,所以入去試下,其實呢度早餐款式唔多,但勝在份量可以自由配搭,畀食量細嘅人,唔駛浪費。今早叫咗個蕃茄牛肉通粉+炒蛋多士。蕃茄生肉通粉,第一啖湯入口,感得個湯底唔夠蕃茄味,較甜,通粉較淋多士,就真係好厚,麵包質地好,食落口感好軟,同好脆,個蛋炒得都還可以,但冇蛋香味。見別檯食客叫咗個藍莓多士,好吸引,下次一定會試

上班前一定要吃早餐，才有精神工作。尤其我們常常要用腦的人，不停說話，若沒吃早餐，真的沒力氣去作戰。荃灣千色匯新開了一間台左餐廳，想吃好耐，今天就去吃吧。找個位坐下後，我點了炒蛋厚吐司配沙爹牛肉公仔麵。炒蛋，炒得好滑溜，有蛋味。厚吐司點了花生醬煉奶，醬料香甜美味，好大塊份量，飽肚十足。沙爹牛肉公仔麵，是我至愛，牛肉整得好輕盈，不會太醬身，或者走晒樣。再來一杯即磨咖啡，好優悠地看下手機新聞，吃肚休息下先再上班。

下午同晚餐完全無問題～早餐完全唔掂～～啲麵有啲唔知咩味～食沙嗲牛麵無沙嗲牛味～真係只有個多士值得一讚😂認真無下次！！唔試過又點知好無食呢～不過今次太中伏！真係好差～

見到好多人排隊，諗住非常好食，就算爭幾分鐘到下午茶時間到時下食午餐。點咗三杯雞飯，熱咖啡。午餐明明寫住 午餐送港式飲品，無端端加咗飲品錢。都唔緊要，改返單。三杯雞返嚟到嘅時候，發現雞肉完全冇咬口，爛溶溶，一入口好似罐頭嘅雞肉，味道甜椰椰。 三杯雞同飯一齊上啲飯浸到濕曬。。。

聞說荃灣千色店開了間101餐廳，試過在旺角店食晚餐，反而早餐未試過，所以今早就去試下。店面向街市街，好易搵，此鋪位上手賣波鞋。三角形店面不算大，早上人不多，店內只有2名樓面，店員蠻親切的。早餐選擇唔多，主要是單點湯面，要不要配炒蛋厚多士的問題，最後點了個配炒蛋厚多士的套餐。原本想試藍莓厚多士，可惜沒有藍莓，不過奶醬也不錯，叫了多奶醬，鋪滿了多士面。再試下把滑滑的炒蛋放上去，一嘗炒蛋奶醬厚多士，口感豐富。飲杯柑桔檸檬，剛好。新竹米線口感就是米線，沒甚特別，如果是新竹米粉就好了。

茶餐廳般的裝橫，但沒有至愛的卡位，要搭枱坐，回音重，可清楚鄰桌在說什麼，有點吵！煱燒牛肉肉燥飯，很大的一碗（像家裡的3 個飯碗，男仕吃光都會過飽），肉燥是煎炒過的，很香很重味，份量多。肥牛肉也有很多片，也很入味。滿滿是牛肉汁的一碗飯，味道是不錯的，感覺有不少的豬油和味精，吃完整碗，友人表示整天肚子有點漲漲、消化不良。可能二人分享一碗比較好吧。台灣藥膳農場醉雞米線，個人不太喜歡其洒味過重的藥膳湯底，洒味比藥膳味還重，有點攻鼻感。而醉雞口感不錯，不是無口感那種，不過反而卻沒有醉雞味，像白切雞多點。

難得平日放假，陪老婆外出走走，去荃灣逛逛街。到了晚飯時間，找個地方食飯，路過101台式休閒餐廳，見到有位，就入座了。裝修光猛，不過座位與座位之間空間略窄，都是土地問題吧。餐廳供應一人火鍋，但怕太飽，還是簡簡單單叫一客飯就好。我選擇了台灣藥膳牛腩飯。牛腩肥瘦適中，份量充足，醃得入味。牛腩汁撈飯，味道一試難忘；不過飯量太多，要是食量一般的話，最好請侍應註明「少飯」，避免浪費。飲品是香芋雪香，芋頭味道濃郁，炎炎夏日，來一杯凍飲，有助消暑。

今日去咗荃灣搵食，見到間台灣野好似唔錯，就入去試吓先！清湯魚腐墨魚丸米線個湯底幾好飲喎！有杞子同雞湯味！清清地唔錯，而且份量都幾多！大大碗米線，爽口～魚腐同墨魚丸都OK嘅！肉操肥牛飯肉操就比較顯偏硬嘅！味道濃郁，老番食都唔錯！燒汁肥牛都唔錯，有牛味！有成兩大碗飯！最後食唔晒～小朋友都好鍾意食加咗個滷水雞翼，啲皮好淋肉好入味，都唔錯！今次又眼闊肚窄，食唔晒添！因為佢哋份量都幾多！下次可以叫少一樣，咁就啱啱好啦！

走到荃灣看中醫，飲過中藥，再去醫肚。位於中醫診所樓下的>>>101台式休閒餐廳<<<，燈光特別光猛，感覺很有活力，當刻不用輪候，於是入內用餐。 餐廳桌上設有電磁爐，方便食客享用一人火鍋。 不想打邊爐的話，也可選擇飯麵等食物。 這天想吃飯，點了一客生薑豚肉香蔥海苔燒汁飯(HKD47)。 稍等一會，侍應送來很大的一碗飯，賣相竟然和某日式連鎖店的碗飯好相似，這比連鎖店所出售的更美味：豬肉味道更香，配料更加豐富，蘿蔔、生菜、紫菜和蔥份量也多，白飯更多，我吃了三份一左右白飯，已覺得非常飽，有點後悔沒有叫少飯啊。 另外還點了一客小食。這是麻辣木耳，與其說辣，香味更加吸引，怕辣如我也沒有吃得很困難。雖然另加HKD25，份量也不少，二人分享剛剛好。 餐飲是朱古力牛奶雪香(另加HKD 11)，英文名叫Chocolate Milk Shake，我的認知milk shake只有凍飲，但餐廳竟然提供熱飲，於是點來試試看。 這是熱朱古力牛奶加粟米片碎的效果，味道還不錯的；有這種誤會，大概是我孤陋寡聞了。