101台式休閒餐廳 (千色匯) (已結業)

呢間餐廳服務勁有問題下午茶時間拎完張四人檯飛等成幾個字都未入得聽到呢度大家可能以為佢只係太旺場咁就錯喇 期間佢可以入咗成兩張三人飛仲有兩張兩人檯明明拍埋 佢都可以選擇入兩人飛唔畀四人飛入 人地遲過我地到都可以早過我地入甚至即到即入 完全唔知佢地點運作想受氣既可以去試下

荃灣有好多黃店今次就揀左喱間台式野食😍唔講可能唔覺間野係黃🤭但之前和你eat有寫黃既原因，但我唔記得左😆🍜台灣藥膳農場醉雞米線 $49好大碗！仲有好多舊雞🤤🤤湯底唔算鹹岩岩好😍米線溝湯飲好正，我最鐘意🤩雞肉唔鞋口啖啖肉🤪不過就冇咩酒味🙊雞既味道都比較淡，但我鐘意清淡少少既所以都岩我胃口🙊🍲台灣藥膳椰子雞小火鍋，手工拉麵 $83喱個真係超級大碗又抵食🤪手工拉麵分量勁多！係一碗米線既份量🤫雞方面仲有两舊雞髀肉同其他配菜😳朋友比較大食都食唔曬🥺極度覺得喱個小火鍋係二人份量來🤔手工拉麵好煙韌，好好食👍🏻個椰子湯底都比較淡但溝埋d菜食就覺得差唔多🤪因為雞真係全生，所以建議大家煮耐少少先不過整體栰講都真係性價比好高👍🏻🍹凍水蜜桃紅茶 🍹凍香芋雪香杯紅茶加左$5轉大杯🤣朋友超鐘意飲野，所以就加大左加大之後真係大左好多！好抵加👍🏻杯野唔會太甜比較清，食到濟既時候飲就正曬🤩雪香都好重香芋味，仲有雪香咬下好滿足😂

呢間餐廳既野食我覺得幾抵食，一來價格唔貴，二來份量激多。我叫左蕃茄湯，加$2轉手工麵，沙茶牛肉幾好，沙茶味都好出，蕃茄湯底個味道同出面好唔同，一來佢無乜味精，二來有紅棗，有杞子，會帶些少藥材既味道，感覺佢係真材實料啲，養生啲，而我加錢轉既手工麵係勁出色，好有咬口，好煙韌，我好鍾意，佢麵量超多，係普通麵舖雙倍！我比較大食，都係剛剛好食曬。三杯雞好入味，份量亦好足夠，藥膳湯底味道唔算好濃，剛好，米線好滑，煮到剛剛好既質感，兩個餸既米線只係 $45，抵食。飲品要左芋香胚芽奶茶，大杯，基本上如果飲曬既話一定會飽，芋香雖然好明顯係味粉沖出黎，但係整體都唔差，都幾好飲既。

中午因為趕時間, 隨意入了這間餐廳。本身冇期待亦冇失望, 普普通通咁, 即係食完冇話想下次再食果喲。台式味道唔係幾感受到,不過上菜幾快, 份量十足, 好適合追求快同飽肚既人1.蕃茄麻辣湯配沙茶牛肉+台灣腸(中辣)$47自選配搭, 可揀兩款餸:一黎到見到個碗勁大, 有好多真蕃茄蓉, 賣相唔錯!湯底唔會太稀, 米線都掛到d汁。中辣同我想像中差唔多, 有少少勁度。飲了一口湯底, 麻味同蕃茄既酸味都唔明顯, 反而有種甜味, 唔明點解有咁多蕃茄蓉但又冇咩酸味😂沙茶牛肉冇咩沙茶味, 台灣腸都係甜既加埋個湯底甜上加甜反而配菜黑木耳健康又爽口我鐘意!雖然overall果味唔係特別惹味,但唔難食, 我最後都食哂碗麵(如果難食, 我應該會放棄😂😂)米線真係份量好多, 13點食完到下午17點都冇肚餓既感覺!!!2.麻辣湯肥牛豬肉米線套餐連飲品$54呢款冇得揀辣度, 友人說唔夠辣, 又係有一種奇怪的甜味, 麻辣味都冇唔突出。肥牛有少少"鞋", 豬肉餃入面係圓型一粒果款, 一定唔係自家製。呢度的飲品杯都好巨型, 好似有1.5倍, 連凍檬茶都係好好好甜冇咩茶味我俾ok唔係因為個味道好, 係因為個份量夠唔算貴, 但

材料多，價錢平，飲品大杯，高質。超級推介，如果平時悶悶地想食火鍋呢間野一定有驚喜，呢間野最好飲嘅就係佢嘅凍奶茶，用料好好，而且，等位唔耐。好推薦，大家來試下啦⋯⋯

上次去叫咗個火鍋，仲可以自選，我揀了肉操飯， 個肉操飯簡直係人間美食，肉操飯超正正！火鍋都唔錯 抵食，叫個火鍋餐仲好過單叫一碗麵雞肉肉汁鮮嫩簡直冇得彈飲品都非常大杯，我超級推薦。火鍋有好多料，入邊啲肉你哋可以揀，真係超正。唔食走寶，特別係肉操飯，只係70至$80就可以食火鍋再加一個主食，真係超級低。出面嘅肉燥飯都冇佢咁好食，佢都遠勝茶木因為茶木比較貴。不過每個人口味都唔一樣，可能你地覺得一般，但係我就覺得好味到升天你哋仲唔快啲去試

平時好少去荃灣， 原來這區都有很多餐廳， 昨晚到101台式休閒餐廳吃晚餐， 餐廳環境光猛， 但座位比較狹窄。 見到有台式火鍋， 可是天氣太熱了， 最後都是點台灣藥膳農場醉雞米線$49、 台灣湯麵（ 台灣沙茶湯 ＋ 台灣手工拉麵 ＋ 台灣腸＋肥牛） $49、 鹵水豬大腸$28、 熱香芋雪香$11、 凍柑桔檸檬$10。台灣藥膳農場醉雞米線～ 藥膳湯裏面有紅棗、龍眼、杞子、雲耳、芫茜和幾件雞， 酒味很濃， 米線份量很多， 食到一半已經很飽。台灣湯麵（ 台灣沙茶湯 ＋ 台灣手工拉麵 ＋ 台灣腸＋肥牛）～ 濃郁的沙茶湯底，煙韌口感的台灣手工拉麵， 有幾片黑椒台灣腸和 味道普通的肥牛， 同樣都是份量很多， 以這個價錢來說都是抵食的。鹵水豬大腸～ 鹵得很入味， 口感軟腍。凍柑桔檸檬～ 超大杯的柑桔檸檬， 以份量取勝。熱香芋雪香～ 味道不錯， 甜度適中帶有微微的香芋味。餐廳價錢優惠， 食物質素可以， 下次有機會會試下台式火鍋。

今日入左去食早餐，叫左杯凍蜂蜜綠茶，攞起飲時，發現個杯有漏滴左幾滴喺我條褲度，痴笠笠的，張枱都有一小攤水，我同個侍應講，佢話少少漏係咁㗎啦，唔係漏好多就得啦，好多隻杯都係咁。然後問佢有冇濕紙巾想抹下條褲，佢就一野劈咗幾張紙巾係張枱度，跟住我話有冇濕紙巾，想抹吓條褲滴到癡立立，佢同我講冇，仲話咁使唔使換過杯俾你丫🙄甘係咪要怪我唔夠幸運，揀唔中隻唔漏既杯丫

同朋友行完人城門水塘，雖然沿途都係林間，但係都好鬼熱🥵，好鬼口渴，落咗車行幾步，我哋就見到呢間101台式餐廳，入去試吓先。因為台式餐廳嘅飲品，通常都係大大杯，好啱我哋😆，我哋兩個點咗：窩燒牛肉肉飯生薑豚肉肉飯上湯浸時蔬上湯白菜豬肉餃凍芒果汁凍茉莉花茶要讚就係嗰兩杯飲品，真係夠晒份量，夠晒解渴，而且價錢都幾抵，兩個人食咗咁多嘢每人都係$85。時菜同埋餃子個湯底，係同一樣嘅藥膳湯底，有好多配料；紅棗、杞子、龍眼肉同埋一啲藥材，都幾清甜，幾好味。但係，嗰兩個台式飯，味道就一般。

未看其店，先看其名，就已經知道這是一間台式的餐廳。我自問去台灣的次數多說不少，但是對這裏的餐廳出品卻一次都沒有試過，就讓我今次來試清楚吧。本想是試試一人火鍋的，但是又不是很餓，但又想吃一點東西，所以就打消這個念頭了。最後點了一個鍋燒牛肉香蔥海苔燒汁飯（聽名字真的很頹），牛肉味道適中，沒有吉乜家的牛肉那麼重味精，醬汁也不多，略嫌有點不足夠，唯獨海苔真的把整個飯有6分變為8分，海苔碎的香十分帶動到整碗牛肉飯， 十分惹味！下一次一定要來試試一人火鍋，他的藥膳鍋很吸引！

蕃茄湯底絕對唔hea, 兩個比較我會鍾意依個多D, 麵同餸都好多， 超值大大隻雞髀（需要多D時間煮先熟） 賣相已經吸引， 有芫荽同蟲草花，自我感覺冇咁熱氣，但煲底好淺， 湯+ 餸放埋落去已經好滿， 所以湯唔會俾太多你， 食一陣又要加湯， 順帶一提， 可以既話， 煲滾後最好轉細火， 因為太滾D湯會彈哂出黎，著淺色衫真係唔該哂佢相信唔係人人可以飲到， 甜度係……多糖， 其中有一杯唔記得左攪勻， 一直飲都覺得甜度係可以接受， 點知飲到底既時候， 淡淡糖漿送到我的味蕾，各位小心

又習慣先睇食評，發覺評價比較差d😱但睇落又唔似咁差呀！店內都有食客呀，行到好攰唔想再周圍搵食，所以決定一試，睇吓可唔可以幫佢平反😂入座後發覺好多枱都試火鍋，便改變主意由原本揀飯轉為試火鍋，揀咗個地道味……沙茶雞髀肉小火鍋，主食可揀米線，台灣麵或飯，烏冬好似要加錢，另加$10有嘢飲，都係$87沙茶雞脾肉火鍋米線底另上……出奇地覺得好味，湯底夠濃，雞脾肉滾起後都嫩滑， 配料有豆卜，栗米，金菇，娃娃菜，少少蕃茄。等咗一陣都滾起可以食，湯底濃郁所以米線夠入味，仲有其他火鍋選擇下次會再試👍蜜桃紅茶味道唔錯，份量ok三杯雞肉燥飯……少少辣都夠味，起初擔心會好淡，但好彩唔會，份量都足夠男人食柑桔檸檬味道都唔錯，但最可惜無咩其他出名嘅台式飲品選擇，希望會有改善。

好耐之前食過一次，覺得唔好食，但朋友未試過想試下，就俾多次機會間店啦🤔總共叫左2個飯🍴每個$49，不連飲品賣相都好麻麻😥台式鍋燒牛肉肉燥飯🐮好大碗，份量好足夠👍🏻賣相麻麻地，同餐牌張相實在有點出入🙈肉燥似普通醬油炒肉碎😥完全不似台式肉燥。牛肉多汁，味道不過不失。白飯太軟太淋，唔好食👎🏻香辣三杯雞飯🐔賣相認真麻麻😟引唔起食慾😟雞肉份量都算多，不過都係得醬油味，而且煮老左成碗飯冇咩汁，比較乾🙁店舖主打台式食品，三杯雞、肉燥飯都係台灣美食，但呢度的味道實在差太遠，真係唔會再食第三次😢😢😢

咁岩行過岩岩好兩點換左下午茶餐牌就試下，有人等位但等左大約十分鐘就入得。，101咁多分店食過都係平靚正，估唔到今次咁令人失望。。。。下午茶選擇都唔多，但最後花枝丸魚腐米線睇落正常，我同朋友都叫左。點知魚腐即係正方型魚蛋，個清雞湯用紅棗杞子煲，受到中藥既朋友都會鍾意，但我就覺得麻麻。蕃茄湯完全冇蕃茄味，好淡。花枝丸就唔錯。牛肉肉飯汁ok，但餸份量太少。野飲唔錯，柑桔檸檬叫左一凍一熱，好香檸檬味。一個凍特級朱古力都好濃。

記得荃灣德華公園對面曾經開過同名餐廳，事隔數年，再喺舊店不遠處再開，新店除左認到個名，無論裝修、餐牌都唔同哂。坦白講舊店會俾我較台灣嘅感覺，新店就好似荃灣緊有一間喺左近嘅雲南米線店。我揀左花枝丸魚腐麻辣蕃茄湯米線。拿，就咁睇相係咪同墨丸魚腐大辣冇分別呢😅花枝丸同魚腐都幾多（以下午茶黎講），米線都彈牙，湯就冇正品蕃茄果個風味辣蕃茄湯咁出色。朋友點嘅雲吞米線，雲吞數量都係下午茶黎講較多。湯冇特別升級轉口味反而有驚喜，係藥膳帶酒味嘅湯底，幾好飲。另外叫左碟滷水雞翼，雞翼幾入味、肉質都唔會滷到鞋哂。