1988 (已結業)

跟朋友去觀塘開倉買平嘢，然後再帶我去佢工作嘅工廈度尋覓新派泰菜。今晚在這裡發現了間唔錯嘅泰式餐廳，位置雖然比唔上大商場嘅方便，但勝在質素同份量，加埋個環境都唔錯，行遠少少都可以接受！未入去前餐廳亦放了酒精搓手液供食客先清潔消毒，入去時店員亦即時探熱，做足防疫措施！座下就當然望吓個十分多選擇嘅餐牌，餐前點了個青芒軟殼蟹沙律，香脆嘅軟殼蟹放在爽口酸甜嘅青芒沙律上，加埋裡面嘅酸辣汁，真係十分開胃醒神，而且裡面還有好有口感嘅蝦乾，同脆香花生，餐前醒胃小吃！除此之外朋友還點了泰國脆脆雞翼，雞翼外面十分脆口，真係卜卜脆，而裡面就肉質嫩滑，兩種口感，朋友十分喜歡！而主食就係泰式炒飯，賣相精美，感覺令我回味在泰國 翟道翟Chatuchak 的仲夏時光，就好似地道食嘅一樣有風味，炒得比較乾身，入口飯身彈牙煙韌，炒得又唔會太油膩，鑊氣十足！朋友唔夠追加埋沙嗲豬肉串燒，一串三粒豬肉粒，燒得十分之香，入口煙韌，咬開亦好夠肉汁，唔會有燒到乾淨淨嘅感覺！點埋個沙嗲汁味道十分之夾，夠味又香濃！整體十分滿足！最後這裡最近還有送雪糕優惠，last order 時奉上，按日期有不同口味，今期就係熱情果同椰子口味選擇，選了

聽同事講呢間1988 d泰國菜好高質，終於得閒去試下。位於工廈嘅1988，同小時光係同一棟，位置便利。舖頭有準備好消毒洗手液係出面，比客入去之前搓搓手。-圖為 🍽泰式豬頸肉飯，連飲品（叫咗杯泰式奶茶）$78。至少有十塊豬頸肉，配好大兜飯，可以少飯，唔好做大晒鬼👻-至於🥤泰式奶茶，比起係泰國飲嘅紅色牌子，味道更加啱普遍香港人口味，個人覺得佢地做得唔錯，有泰式奶茶味得黎又冇咁甜-試咗朋友嘅咖喱牛腩飯（會分開餸、飯上）同豬手飯都好正，呢三款都值得一試～～-不過多人去食嘅要book定位，通常lunch time都好full

同事提起工厦食店不時有驚喜，今日就上網搜尋目標，在觀塘區揾到間用數字做招牌的泰菜館，叫做1988，食物圖片好吸睛，預埋我放工一齊去食飯。餐廳地方唔算大，裝潢設計時尚，乾凈衛生。海南雞半隻，半隻份量都唔少，雞已去骨，肉質嫩滑，配有泰式酸辣醬和唔辣的甜醬油，提升味道。配返碗香噴噴的油飯先叫完美。泰式無骨滷水豬手，呢間D餸菜真係夠份量，又是大大碟的，豬手無骨啖啖肉，肉質夠林又入味，滷水味道超正，豬手皮滑滑溜，骨膠原豐富。不需點酸甜汁也好好味！菠蘿炒飯，材料好豐富，新鮮菠蘿粒鮮甜有汁，鮮蝦爽口，腰果脆口，肉鬆添口味，炒得夠穫氣又夠乾身。七喜，汽水送冰底和檸檬，夠冰凍解喝。餐廳做優惠，每兩人就送雪糕甜品，有芒果和奶茶味選，選了芒果的我們，在上枱時不㩒嘩一聲叫出來，甜品製作得好精美，不會因為係送的而馬虎，用半個椰皇殼盛載，上面有兩大球芒果雪糕，下面有椰肉，更有用椰皇水做的啫喱，加上幾粒花生，外表已好吸睛，味道更值得一讚，雪糕香甜滑溜，啫喱有椰皇水的香甜味，真的好好食！

無咩胃口嘅時候，泰國菜真是最佳選擇<3 放工去咗觀塘行街再食晚飯〜 工廠大廈入面，幾容易搵。門口仲特登放咗幾枝酒精搓手液，好貼心鳯爪沙律，酸酸辣辣，十分醒胃！不得不說無骨鳳爪食落好彈牙好爽口，而且好大方份量畀超多黃咖哩牛腩，不會太辣，應該落咗少少椰汁的關係，好香滑，加上牛腩炆得好軟腍，送飯一流！沙嗲雞肉串，$68/4串，少少貴，不過每串都燒得好靚，肥大肉厚，值得一試。燒豬頸肉！泰國菜必食！呢道菜朋友最愛，話燒得皮脆肉嫩<3 最特別係個汁，開胃酸辣，居然落咗少少蔥，好特別！最後甜品，是熱情果雪糕！芒果糯米飯咸檸七！

觀塘工廈宜家多左好多食飯好聚腳，自問平時好鐘意食泰國菜，呢間1998嘢食唔錯，個賣相又靚之余，個份量又好多下👍首先個青咖哩雞，d雞好嫩，有營養既配菜又多，有南瓜，豆角，西蘭花，重點係個汁好creammy,配埋個蒜蓉包食，簡直係絕配，又脆，又好味。再黎個泰式豬頸肉，份量好多拉，超好味。生菜包又係食泰國菜必食，必order,生菜好新鮮，個肉又juicy.仲有個香葉肉碎（豬肉）飯，好惹味，又辣辣地，超好送飯。環境又好，坐得又舒服，係一間有樣又有內涵嘅泰國菜。

這段時間甚少出門聚餐，好記掛住泰國菜，剛巧朋友要跟我交收東西，所以找來「1988」泰菜來食。我們到達食店門前，店主已預備了消毒劑給各食客，好讓大家清潔後安心進店食用。店內裝潢簡潔，放置大葉植物來點綴，呈現出一種熱帶風情。我們看過餐牌後，揀選了小食、沙律、咖哩和薄餅，心想仍未夠的話，可以再點甜品，誰知店員殷切的跟我們說，每兩位客人會奉送ㄧ客雪糕，今期可揀選味道有芒果味或奶茶味，下期會轉為熱情果味，我這個雪糕迷當然開心不已啦！泰式炸蝦餅ㄧ客有四大件，剛炸起便送到我們面前， 外層熱騰騰脆卜卜，用刀叉切開，熱氣冒出，忍不住要馬上嚐ㄧ囗，果然是十分彈牙，又有鮮蝦味，再配上碟旁帶微辣的甜酸醬，真係食到停唔到口!!青芒果軟殼蟹沙律兩隻炸軟殼蟹放在ㄧ大堆青芒果沙律上，不論是顏色或擺盤都十分吸引。再嚐ㄧ口軟殼蟹，不但沒有油膩味，還很鬆脆，配上青芒果的清爽口感，真係多層享受。黃咖哩牛腩 & 烤薄餅牛腩煮又腍又入味，黃咖啡汁又香濃。再配埋烤得酥脆的薄餅ㄧ齊食，真係妙。薄餅切成少片，食用時不用沾污雙手，值得讚佢。泰國街頭雪糕(芒果味)兩大球雪糕放在椰殼上，旁邊還有三片椰肉和花生。份量剛好給兩人食用。芒果味雪糕

係個個都wfh時，就可以去食平時好難食得到嘅。呢間個個都話好，但次次都book唔到，今次就可以book到到。環境都可以，唔算好逼，安排左我哋坐窗口位，都幾舒服。幾乎都係飯，我最想食就係撈檬。黃咖喱牛腩配白飯，78元，都幾大碟，咖喱唔算好辣，剛剛好，佢層油好似令到成碟變左一幅畫咁。唔好食辣嘅可以揀呢個，泰式無骨滷水豬手飯，88元。佢個豬手煮得好好，夠汁唔太咸，而且好淋身，超入味。烤雞青瓜沙律配白飯，68元，淨係堆沙律都飽，仲未計相外一碗白飯。雞肉嫩，皮剛剛好，又唔會好油，加上醬汁無得輸。豬頸肉撈檬，78元，豬頸肉正常，撈檬份量驚人，超級抵食。點要食小食，加28元，有蝦餅，好大舊，涵又夠，超爽口，食到津津有味。芝士醬薯條，加15元，好邪惡，芝士超濃，又係厚薯，停唔到口。要左泰式咖啡，我就麻麻地，味道還可。

朋友揀左呢間工廈餐廳gathering地點係有少少遠 同埋都要搵下點去我地叫左辣椒膏炒藍青口(不辣)$118🐚好大份 唔辣 食極都仲有 好抵食🤩黃咖喱牛腩$88🐂惹味 多肉多汁👍🏻烤薄餅$48薄餅充滿牛油香好鬆脆 剩食又得配黃咖喱牛腩就吸唒d味 好好食😋芝士醬薯條$48大份得恐怖可惜味道好一般鮮蝦炒金邊粉$88味道麻麻金邊粉太淋變成一pat野仲每人叫左一杯泰式奶茶$26呢間餐廳真係好平😳樣樣都大大份適合一班朋友黎share又係黃店唔怪得咁多人食啦不過食物質素都要改善下😖食完餐廳出面已經好多人等梗

泰國菜一向都是我喜歡的菜式，而且很久沒有吃泰菜了，1988之前吃過覺得食物不錯，價錢合理，今日便專程再度拜訪蝦餅有四件，新鮮炸起熱辣辣，每件都大大件兼脹卜卜，口感彈牙，並不會一咬下便散下，蘸上泰式醬汁，酸甜醒胃！大大碟，即叫即炒，灑上大量肉鬆和腰果，口感味道層次頓時提升炒飯粒粒分明，帶有少少菠蘿酸甜味，醒胃。蝦球晶瑩爽脆，正炒椰菜亦很有水準，火喉剛好，炒得爽脆清甜，看似清炒，但帶有鹹香，我飲的是香蕉乳酪smoothie，乳酪味濃，和香蕉是絕配，今期餐廳還有雪糕送，有芒果或奶茶選擇，我們選了以下的一款。賣相很吸引，份量配料十足。以椰青殼盛著的雪糕，冰凍軟滑，鹹鹹的海鹽雪糕跟椰子雪糕味道很夾，顏色配搭亦很夢幻，雪糕下還有啫喱，初時還以為是冰粒呢🤣🤣和椰肉一起吃，口感層次很豐富

朋友推介隱藏觀塘工業區中的這家泰國菜館店內裝潢精緻，跟餐廳外環境有強烈對比菜單選擇不算多，但都是主流的泰國菜式黃咖哩牛腩～～～～～非常濃郁，椰汁味重，牛腩既大件亦不老沙爹豬肉串燒～～～～～～燒的很香，豬肉口感像叉燒，有點韌但勝在大件沙爹醬可以濃一點香葉肉碎飯～～～～～很大碟，肉碎又多又香泰式小食拼盤～～～～～～有2件蝦餅 ，魚餅、春卷、雞棗各4件蝦餅很香脆，蝦味很出很美味魚餅味濃，香氣撲鼻春卷是素食，更為健康雞棗細細粒，香脆肉味重椰皇芒果雪糕啫喱～～～～～～～～店員說新推出二人送雪糕選了芒果雪糕，有椰肉、花生及啫喱，很新鮮的配搭，亦同樣美味

到觀塘工廠區做點事，順道到1988吃一頓泰式午餐。門口擺放潔手產品，在疫情中更要注重衛生啊。午市套餐餐牌定期更新，保持新鮮感。辣味食物有清楚標示，方便參考。時間尚早，成功walk in。過半數餐桌上擺放訂座小紙牌，看來是很受歡迎的説 。這是Pad Thai，大蝦炒金邊粉。不辣的金邊粉，好切合個人口味。金邊粉軟滑彈牙，配合爽口（也挑了腸）大蝦、乾脆豆卜、香脆花生粒等等，口感更加豐富吸引。 一碟份量十足，這個午餐還吃剩了了好一些。飲品是粉紅番石榴特飲，淡淡的甜味，帶著番石榴獨有的苦澀，感覺非常清新。

1988 #觀塘 #黃店 💛💛💛呢間位於觀塘嘅黃店💛雖然喺工廠大廈，位置偏僻，但係超受歡迎，尤其是係佢哋嘅午市套餐60幾蚊就已經有得食，好抵食！上次夜晚8:00去到已經截咗龍，呢排少咗人出街所以好好彩地七點都有位。呢間餐廳主要食泰國菜🇹🇭 雖然選擇就唔算好多，但係勝在主要嘅咖喱🍛冬陰功🍲等等都齊。泰式烤魚🐟(原條)$158火候掌握得好好，肉質非常滑🤩魚劏開去咗條骨，釀入咗多種泰式香料，不過條魚本身冇加任何醬汁，味道唔算太重，不過陪埋佢嘅泰式酸辣醬同埋海鹽就好好味！味道: 4/5性價比: 3.8/5青咖喱雞🐔$88咖喱嘅選擇其實唔算好多，分別有呢一款較辣嘅青咖喱，冇咁辣嘅黃咖喱牛腩，同埋炒泰式咖喱。呢個青咖喱其實味道幾啱我心意，好重椰汁味🥥亦都辣辣地🌶用嚟送飯就一流！不過就咁食就有少少偏鹹，同埋佢嘅質地係比較稀。因為夠鹹所以啲雞都幾有味，但係其他蔬菜就似係分開烚，未夠淋亦索唔到啲咖喱。味道: 3.9/5性價比: 3.8/5焗蒜蓉法包🥖$48非常香脆，好多蒜蓉牛油🧈就咁食已經好好味！當然點埋咖哩都一樣咁正。味道: 4.4/5性價比: 4/5椰子開心果沙冰🥤$48呢個係我飲過最好味嘅smoo

今天和泰國閨蜜約會，她帶了我到她的至愛1988 開餐。我們大約一點四十分到達，原來已經全店滿座，幸好剛有人埋單，於是便有位啊！坐下後，我們叫了海南雞飯，及泰式無骨滷水豬手飯，跟餐還有一杯飲品，我們揀了柚子蜜，及泰式奶茶。桌面擺設簡潔典雅食店其門如市，我們用膳期間都坐到滿滿的海南雞飯份量十足，雞肉肉質細嫩，點了特色調配的醬汁，更帶出雞味，朋友食到舔舔脷啊泰式無骨滷水豬手飯也是美味無比，豬手肉質鬆軟，滷水味濃，伴飯一流，正泰式奶茶非常地道熱柚子蜜也不錯價錢抵食，而且又不用加一

朋友呢日收工約我食飯話帶我去食好野，跟佢係工業大廈左穿右插終於黎到呢間餐廳。黎到都要排隊等一陣，好多人食啊。入面好田園風情，地方好大，坐得好舒服。前菜先黎個生菜包🥬魚露味非常之重，食前落埋青檸汁撈兩撈，泰味出哂黎🤣呢到既海南雞無骨的，啖啖肉，肉質好嫩滑，配埋個甜醬油加泰式辣醬，絕配👍🏻呢到d份量真係碟碟都好大碟，呢碟豬頸肉大碟到起碼有成廿幾塊🤤肉質好juicy又唔乾身，烤得岩岩好。食泰野點可以無Pad Thai呢🤤酸酸甜甜好開胃好夠味👍🏻

新年前跟友人吃飯，我們選了到這間工廈的餐廳，因為之前吃過它的豬手飯很好吃。今次我選了海南雞飯雞很滑而且大大份。今日友人點了黃咖喱牛腩飯，單是賣相都已經十分吸引，一試更加令人讚口不絕。牛腩十分淋，易咬，但肉質好實，彈牙有口感，會覺得是很有質素的牛腩。除了牛腩，黃咖喱更配有薯仔，從來咖喱配薯仔都是一絕，十分入味，但不膩，薯仔都很有質素。最後，不得不提主角黃咖喱，黃咖喱不辣，但很香，有少少椰奶，加紅辣油，配合白飯，可以食兩碗也不算誇張。