3 Italiani (已結業)

之前朋友介紹說這裡的Gelato夠正宗，這晚經過，見內裡不太多人，就姑且一試。平時經過都好多人，難得今晚有大量位置任揀，想不如一次過試兩款Gelato。這天大約有10至12款Gelato，不過款款都感覺好甜好漏。眾款選擇中，似乎只有Berry Cheesecake感覺會酸一點，能夠平衡一下甜膩感。誰知......傳統Gelato味道較甜，也較容易溶。因為歐洲相對香港，天氣沒那麼熱，Gelato沒那麼容易溶掉，只是以同一配方在香港，還沒找到位置坐下就已經開始溶掉。之前試過另外一間的Gelato，就是因為這個原因，香港的配方調節了一點，比意大利店的硬身一點，入口依然順滑軟身，但不會過份快就溶掉。這間沒有因地區天氣不同而作適度調節，結果由Cashier取到窗邊座位，就已經開始溶掉。滿以為Cappuccino配Berry Cheesecake可以甜酸交替，結果就只有一個甜字，甜得太膩了。這裡窗邊bar枱位有叉電位，近牆的位置部份也有插蘇位，眼見有些顧客開著電腦，邊喝咖啡邊用電腦工作。不過可能人手不足，香港又不習慣吃完東西會自己執拾枱面，所以不少位置雖然沒有顧客坐，但枱面都是前一位顧客食完東西的

番左成日工好攰嫁嘛，就去同同事食甜品。本身就已經超愛食gelato，諗起之前去意大利旅行既時候日日食兩球就開心所以就揀左食gelato。以gelato黎講3種味$75 真係算平，又可以試多啲味。佢都幾多味揀，至少有20種。左: kinder朱古力 牛奶加朱古力碎 開心果中: 白朱古力 芒果 牛奶右: 抹茶 朱古力雪芭 tiramisu隻隻都好好味，味道好出好濃。其實牛奶同牛奶加朱古力碎係一樣味，只係有碎定冇碎。特別想講下三隻味，分別係開心果，抹茶同朱古力雪芭。開心果味真係好似食緊開心果咁，味好出，唔似其他好淡咁。抹茶又係好正，日本有分好多濃度既抹茶雪糕嫁嘛，佢呢隻係普通抹茶味個種濃到，個個都岩食。如果你同我一樣係朱古力控的話，就一定要試下朱古力雪芭。佢唔係真係雪芭既質地。你睇隻色咁深色就知，佢唔係50幾%個種甜度，我覺得係至少75%以上，超濃但又唔苦。而且佢淨係朱古力味都有好多種，有oreo，榛子朱古力，橙味朱古力等，最特別仲有芥末朱古力。其實好多味想食，大家買之前可以叫職員俾少少你試下先，試岩再買。

門外看見簡潔工業風裝潢被吸引進來一進門便看見有很多各式各樣的甜品最最吸引我的是gelato便點了一個開心果口味很香很滑又不會太甜❤️❤️開心果Gelato 🍨 HKD$45另外order了Flat white ☕️不錯喔甘甘的，奶泡也算滑Flat White HKD$40最後弟弟點了這杯芒果椰香奶昔🥤芒果椰香奶昔 HKD45店內還有很多蛋糕🎂🍰，期待下一次可以試試❤️總結:環境舒適食物不錯找個地方坐坐聊聊天是不錯選擇

本來只係打算入去睇吓，無諗住食😅因為雪糕價錢都唔平，一球要$40、兩球$65、三球就$75👀所以起初只係抱住參觀吓嘅心態入去❗️但點知..竟然比我發現呢到有#繽紛樂 味嘅Gelato雪糕😍作為繽紛樂嘅忠粉，真心一試愛上❤️呢間雪糕店由三位意大利人開設👨‍👨‍👦雪糕由師傅現場製作，每日限量供應! 而且味道非常多，有成二十幾款😄不過我自己覺得#繽紛樂 同#開心果 味最好食❗️味道濃郁，口感軟滑😃而且用料不含人工添加物，比較健康💪🏻雖然價錢有啲貴，但都叫貴得有道理嘅

▶️有一次行街見到 上網流傳都一排 食雪糕地方 原來是這一間呢🤣▶️聽說這間意大利雪糕都是玻璃上三位人創立的真利害😌▶️一日門口見到美味甜品加蛋糕放咗雪櫃好忍唔住想影相呢😛▶️差內環境都是用透視大玻璃 擺設都是很簡單為主 都是吸納更多人流▶️環境裝修都是用灰沉色 來襯托簡單設計▶️原來食杯雪糕都唔算太貴架 不過餐牌都是全部英文😕▶️呢度全部雪糕有幾種特別嘅味道 普通其他雪糕店都冇㗎😯▶️點影相角度都是很美 好想留念😲▶️自己最後點左一個Cheesecake Nutella And Nocciola (Hazelunt) 🤤🤤

Since my last visit, there are other goodies like cakes, cheesecakes and gelato spaghetti.My new favourite is the red velvet cake.The texture of the cake is quite dense and hard compared to other cakes and the cream is very stiff like buttercream but I don't think it is buttercream.The oreo is sweeter so I prefer the Red Velvet more.Also tried the froyo and the reason I tried it is because they have cream.I like to add fresh cream to everything if possible!!

Tiramisu gelato $40Pistachio gelato $40去左近排銅鑼灣新開既意大利雪糕專門店 話晒都係過江龍 當然人流都多d所以拿拿林揀左味道就坐低食其實我原本試既係wasabi chocolate gelato 😂但食食下個味道好複雜 有魚生既錯覺 所以都係試d大路味我揀左開心果味 雪糕質地幼滑 奶既份量比較多 但我覺得開心果味唔夠濃 🤔只係得淡淡既開心果味 都莫講話有無nuts係裡面 我覺得單純係味道已經唔太合格 而且真係比較甜 同我既生活一樣好甜😂 甜到食唔晒 放棄左Tiramisu就無我expected既酒味同可可粉既苦澀味但整體雪糕質地挽救唔少分數 鐘意食甜野既朋友 可以一試

由三位意大利人口開既Gelato舖而且聽人講佢地個開心果味最受歡迎我亦係開心果既粉絲當然要試下🤤而且Gelato係比雪糕既脂肪含量較少感覺都冇咁肥😂😂入到去都幾多位坐嫁入面有成30種味，簡直花多眼亂💕佢地除左gelato 仲有spaghetti ，coffee朱古力同蛋糕等。可以慢慢同朋友坐係到傾下計食件cake飲啖咖啡嘆下☕️友人叫左hazelnut gelato （$40）另一杯試開心果加芒果椰子（$65）兩者口感都非常滑，而且佢地係每日新鮮製做。開心果味很濃郁，仲會有D開心果碎真材實料，不過友人就話甜左D另外芒果椰子就好清新，初初我會覺得芒果同椰子好九唔搭八但食落竟然幾配喎👏🏻👏🏻而榛子味就好似食緊繽紛樂咁，正💕最後重點係大家可以先試下D味再買而且我試左幾種味D職員都冇嫌我煩又冇黑面完全冇吝嗇，‘北’大大啖俾你試仲完全好nice咁介紹唔同味道超讚👍🏻👍🏻👍🏻👍🏻👍🏻

講起意大利大家會即時諗到啲乜嘢? 足球?意大利粉定係Pizza?今次我就趁住大年初一，帶埋阿女，試試同樣出名的義大利🇮🇹雪糕，期待呀。我想話Gelato口味起碼超過20種，好多味道都想試，但因為胃納有限，我就留多幾個回合分解。老闆之一見到寶貝女一身華服出現，主動遞上利市，我都有D意外，老闆仲問係咩第一封收嘅利是，我當然話係啦，仲連聲恭喜發財，唔知老闆又明唔明？寶貝女要左，Chocolate sorbet同Vanilla雪糕。呢個朱古力雪芭真係不可不提，雖然佢冇蛋奶，但係佢嘅朱古力味道係極！濃！郁！而且雪糕個質地係好軟滑，我唔知佢哋嘅配方係乜嘢，但係我覺得食雪芭總比食雪糕要健康，先唔好講糖分，但係對牛奶過敏嘅小朋友黎講，雪芭的而且確係一個偉大發明。雲呢嗱雪糕就偏甜我感覺上就一般。我就要做一個Affogato本來係打算用檸檬雪芭做配襯，但係由於店員話唔太配，所以最後揀咗榛子雪糕。我冇諗過呢一間嘅Affogato做得咁唔錯，當我將個杯細細杯嘅espresso咖啡倒入杯雪糕之後，食第一啖開始就用左9秒9完結。無論咖啡嘅香味，濃度再配上雪糕嘅奶味，一冷一熱交替到融為一體，嗰種味蕾刺激的確帶來好大

呢間舖頭好多雪糕味道揀 重有其他地方少有既雪芭啊！牛奶朱古力gelato $40好濃郁好滑嘅朱古力 比我想像中冇咁奶味重 偏向冰感啲 不過就比較甜 好岩朱古力愛好者 🍫🍫

3Italiani位於銅鑼灣謝斐道，外牆以透明玻璃設計，簡約時尚，店內有多個座位，可以買杯雪糕或飲品，慢慢享受悠閒的時光！Gelato意大利正宗雪糕，即日新鮮製作，有多款口味選擇，真係唔知揀邊一款好！價錢都唔平，因為份量少，基本係$40一款口味，$60可揀兩款，$70就可以揀三款！仲有重量級家庭款$90。口味愈揀得多就愈有優惠，相當吸引！據聞來自意大利雪糕的傳統式裝法，係一鏟鏟式，老實講賣相唔討好，好似一pat牛屎咁！哈哈。試了綠茶、朱古力、曲奇同開心果味！每款都各有味道，綠茶味好濃郁，質地棉棉的，口感相當幼滑，最愛就係開心果口味，味道好特別。略嫌就愈食愈甜，食食下會好想飲一杯唔甜嘅熱咖啡去中和過甜嘅膩感。其實除了Gelato外，仲有乳酪、咖啡、茶、奶昔、果汁、窩夫、蛋糕可以選擇，由於選擇太多，變得有點花多眼亂，需要時間消化。然而，在繁喧嘅鬧市中，不妨放慢腳步，慢慢享受，慢活一番。

喺銅鑼灣食完晚飯之後，我同朋友都想食甜品，係OpenRice搵到呢間甜品店，好多野嘅賣相都幾精緻，所以決定去試一試。叫咗一個紅絲絨蛋糕，本身都唔知道紅絲絨係乜， Google一下先知道原來佢都係可可嘅一種，咁咪即係朱古力蛋糕囉？但係佢又好似冇乜朱古力味，類似一個淡淡地嘅海綿蛋糕。但係估唔到佢嘅質感都幾硬下，都要花啲力氣先將佢分得開，女仔如果想優雅咁食一件蛋糕就冇乜可能啦。比起蛋糕，我覺得係呢度嘅咖啡仲出色。叫咗一杯凍嘅latte，感覺上牛奶同咖啡嘅比例都平衡得唔錯，雖然我唔係專業嘅品評咖啡人，但我都覺得佢嘅咖啡味道都幾出色，甘香得來又唔會苦澀。

Gelato🍨 味道超多, 喺嗰十幾廿款Gelato口味前行嚟行下, 最終都係作保守選擇 - Tiramisu (意大利🇮🇹甜品麻)! .Tiramisu Gelato - $40/ScoopGelato質感棉密, 但味道唔似Tiramisu, 有些少餅碎 + 些少Nuts, 牛奶味太重, 諗諗下...點鮮食唔出咖啡味而味道亦太甜, 無能力KO晒成杯Gelato.偷食了 的Pistachio味, 本來應有的開心果味唔濃, 但卻有棒子味😥

今日同朋友喺銅鑼灣食完飯，佢話要帶我去食好好味嘅雪糕，仲有我最鍾意嘅開心果味，當然要去試一試啦。但當我行到入呢間專賣意大利雪糕、咖啡同甜品嘅店舖時候，我俾眼前嘅蛋糕櫃吸引左，忍唔住因為一件好靚嘅紅絲絨蛋糕而放棄左開心果雪糕。點知就係咁樣我就中左伏。其實平時我係好鍾意食紅絲絨蛋糕，鍾意中間有幼滑嘅cream，伴上軟綿綿嘅蛋糕，簡直係perfect池。當我用叉吉入去嘅第一下，咦？吉唔入嘅？我已經知道呢舊蛋糕有幾硬，硬過我條命咁硬。呢舊嘢真係唔可以叫做蛋糕，叫曲奇就差唔多。奇怪嘅事，點解咁大力吉完舊曲奇，中間夾着嘅忌廉完全無化開無移位無變形嘅呢？原來都只係我一廂情願以為佢係忌廉，其實佢係我呢世人最憎嘅糖霜。一味得個甜字，咬落仲食到砂糖粒，好似食緊食未吐過沙嘅蜆咁。一個字，難受。但佢個樣真係幾靚，希望佢唔好再恃住個樣去呃人，呢個世界真係好危險。如果你自認重口味，咁你都可以試一試嘅。

新開的雪糕店，鋪面已經十分吸引目光，這店開張前的宣傳令很多人都知道它的存在。這店專賣意式雪糕，賣點是雪糕都是每天新鮮製造，而口味很多亦很特別。這裡亦有售賣蛋糕，款式和賣相都很吸引。店員知道我們第一次光顧，友善的為我們介紹雪糕的口味，亦有提供試食。我們這次貪心一點，買了三拼。3 Italtiani 、cheesecake Nutella 和chocolate sorbet 。3 italtiani是芒果椰子和海棉蛋糕攪拌而成，吃起來像楊枝甘露，酸酸甜甜，不會太甜膩。Cheesecake Nutella 則像在食Nutella cheesecake 一樣，沒有太特別，有點失望，但仍然是好吃的。Chocolate sorbet 是沒有加奶製作而成，所以可可味非常濃郁，但吃雪最後有點膩，所以混合3 Italiani一起吃就剛剛好了。這裡亦有賣咖啡和朱古力，有興趣可以到這裏一試。