616牛肉火鍋專門店 (白楊街) (已結業)

4月30號我同我啲朋友去咗食打邊爐，咁因為下面冇曬位，店員就帶咗我哋上樓上，咁一開始我就聞到有煙味，不過上咗去都見唔到有人食煙所以冇理到，點知我地食食下離枱就拎咗支煙出嚟食，但係我哋見到牆上係寫住嚴禁吸煙嘅，冇耐店員上咗嚟岀餐，見到就好大聲咁同佢哋講：先生呢度係唔可以食煙，要食煙就岀去食。 跟住個店員就開咗個風機吹散啲煙味，然後同我哋講唔好意思。不過可能人手不足啦，店員岀完餐後就冇乜上嚟，隔籬枱又開始食煙，最後我同朋友快快食完就走咗…野食同服務係可以嘅，不過都希望有改善嘅，例如食煙要罰錢之類啦

一試就愛上了「616牛肉火鍋專門店」🤎.牛雜湯底🍲有包括牛肚、牛腸、牛膀同牛肺等🐄連同白蘿蔔、大蔥熬煮🥕🔥牛味香濃，又同時有柱侯醬同蘿蔔嘅清甜☺️.罕有部位3送1組合🥩信州和牛後腿肉🐂肉質鮮嫩多汁，齒頰留香😋信州和牛肩胛🐮濃郁鮮香🤤澳洲五花趾筋肉感十足😗橫格肌牛肉味濃厚，脂肪較少👍🏻.黑豚濃湯餃🥟豚肉味重🐖不過最正係入面啲湯汁😛.稻庭烏冬🍜彈牙掛汁😆.娃娃菜🥬.菊花桂圓露(3支)🌼.洛神玫瑰茶🌹

話說當日食開汕頭牛肉火鍋都知道喺香港食係比較昂貴，但呢一間616火鍋店一直以來都好出名，但我仍然都冇試過，於是我今次要試一試。我8:30後入座，所以另外單點有八折，湯底叫咗牛骨湯底，飲落去都好清，而且真係試得出有牛骨而熬製，當中湯底由蘿蔔、牛骨、牛腩等等材料。叫咗啲比較吸引嘅牛肉，而當中我認為最出色嘅係手打牛筋牛丸，食落去真係非常之爽口，當嗌咗一碟有半單嘅時候，真係完全覺得唔夠，好想食完再食，不過因為店舖都有好多款牛肉嘅選擇，所以都係試試其他。其他牛肉方面都非常之新鮮，而且上菜好快，而且唔係剩係得牛方面可以食，菜類或者其他配菜都有唔同選擇。今次二人食咗五百幾蚊，我覺得非常之抵，我會再光顧。🥰🥰

♡ 二訪人氣火鍋專門店｜616牛肉火鍋專門店 ♡-最鍾意就係起616打邊爐～性價比好高‼️親民嘅價錢就可以食到喺日本長野縣直送嘅信州和牛✈️ 佢哋嘅和牛一向都係十分高質價廉物美😋- ♡ 鴛鴦冬瓜青花椒湯 ♡ $88鴛鴦冬瓜青花椒湯真係好特別！湯底清爽而鮮美，冬瓜帶出清甜嘅味道。青花椒嘅湯底帶有微微的麻辣風味唔算好辣，反而好開胃添！🥰-♡ 信州和牛後腿肉 ♡ $98肉質鮮嫩多汁，和牛的濃郁鮮香令人陶醉肉質原汁原味，呢個真係大愛♥️-♡ 牛坑爪 ♡ $68牛坑爪肉質鬆軟嫩滑每一口都能感受到爽滑的口感和牛肉的鮮甜🥰-♡ 牛上肋 ♡ $68牛肉肉質鮮嫩，帶有適度的油花，入口滑嫩多汁 而且肉質特別軟腍 牛肉的鮮味喺口腔盤旋😝-♡ 鮮製手打烏冬 ♡ $18每次嚟到616 呢個都係我必點首選佢嘅手打烏冬，真係「世一亅‼️幼身而彈牙😋-♡ 魚皮餃 ♡ $38皮薄餡靚，內裡包著鮮嫩的餡料。一口咬下去，魚皮爆曬汁😛加埋醬汁真係一流🤩-♡ 油麥菜 ♡ $28蔬菜好新鮮 清爽香甜 👍❥#⇢店鋪資料：616牛肉火鍋專門店 (白楊街) (太子)太子白楊街21號地舖# # 🔍尋找同區美食📍➾ #礦泥黃X太子

.【 ✨太子滋味牛肉火鍋✨ 】 ▬▬▬▬▬▬▬▬▬ 【 General Info 】 ▬▬▬▬▬▬▬▬▬▎Overall rating：9 out of 10▎Will Revisit?：Yes!▎菜式分類：#mayfoodie_火鍋▎地區分類：#mayfoodie_princeedward ▎人均消費：Ard HKD 300▎餐廳名稱及位置：📍 616牛肉火鍋專門店 (白楊街) (太子)📍太子白楊街21號地舖▬▬▬▬▬▬▬▬▬ 【 整體評價 】 ▬▬▬▬▬▬▬▬▬佢哋主打牛肉火鍋，提供唔同國家嘅牛肉選擇，真係滿足到我嘅味蕾！我今次叫嘅菜式真係一級棒，你一定要聽下我嘅食評！首先係信州和牛肩胛，就係一隻完美嘅牛肉！佢嘅質感好豐富，肉質嫩滑多汁，入口即化！真係令人欲罷不能！而熔岩沙嗲湯底就更加出色，湯底濃郁香口，有啲微辣，好開胃！令人一碗接一碗，停唔住食！除咗牛肉，我都試咗鴨血同娃娃菜。鴨血鮮嫩有嚼勁，係火鍋度一啖咬落去，真係好鮮美！娃娃菜就鮮脆多汁，煮一陣之後仲係甜甜嘅，好開胃又健康！仲有啲小吃方面，我推介芋絲同手打蝦滑。芋絲脆口香甜，炸到金黃色，一口咬落去，好有嚼勁！手打蝦滑就更加驚喜

616牛肉火鍋專食一頭牛不同部位既火鍋店！最緊要係佢有埋牛雜湯底，真係全牛火鍋！不得了！.牛雜湯底真係最抵嗌！因為佢有好足料！牛大腸小腸、牛膀、牛肺同埋牛肚，仲有蘿蔔！岩晒鍾意食牛雜既我！.入座後發現餐廳主打推介由日本長野縣直送既信州和牛，價錢仲要係平民價，咁就要試下啦！.先叫左碟信州和牛肩胛 $78唔好睇佢細細塊，油脂分布平均，淥完好有牛肉味，當然日本和牛係唔同d!.之後當然叫番幾碟本地手切牛肉啦！牛朴肉第一次食，睇樣就覺得口感、味道會似牛肩胛咁，食落口就覺得佢既油脂不及肩胛香.匙柄呢個部位近大腿肉，又真係脂肪比例低，肉味好濃，仲有少少食緊肝膶既感覺，幾特別.除左食牛，餐廳仲有海鮮、丸類餃類等等扇貝係幾大隻，但應該係冰鮮既.水蓮菜好少火鍋店有新鮮水蓮菜，淥好秒就食得，口感好爽脆！

今次我地就揀左個鴛鴦沙牛湯底，沙爹湯底很濃郁，但又不會太肥膩，唔點豉油都好惹味牛骨清湯牛肉味很清甜，裏面有牛肋骨同白蘿蔔，白蘿蔔煮霖左非常入味😋-牛肩胛帶有微微既牛肉香而又唔會太肥，入口即溶，用嚟打邊爐絕對首選之一-赤身肉味好重，比牛肩胛厚少少，又唔會太鞋太乾-滑尾龍秘制食法加隻蛋，撈埋一齊啲牛滑過瀢滑梯-力推餐廳自家介紹自制醬汁做法秘制牛肉汁 十 2滴柑桔汁，尼個配搭非常夾，每款牛點尼個醬汁都會食到牛既鮮味-另外店員既服務，非常細心，動作快，會自動加湯，服務一流👍🏻

616真係平靚正打邊爐，鐘意食牛既人，要黎616，提前係openrice book位，仲會有8折😍餐廳有10幾款牛選擇，仲會有和牛，就算和牛價錢都唔過100，其他牛大概40-60蚊一碟，就算人少都可以選擇多款唔同既牛食😍另外值得一提員工服務態度非常好，非常細心，加湯等……都會留意到👍🏻信洲和牛赤身 :油脂分明，牛嫩，入口非常香😍口感不錯牛肩胛:口感食落好滑，不過就dd厚，食落好香牛味 雪花睇落好靚😍滑尾龍：加上蛋 一齊撈埋，再碌、意想不到得好滑，必食😍鮮制手打烏冬：手打製作，幼身而嚼勁，口感如絹般嫩滑（必點）安格斯牛前胸肋、花胸㫑、牛肩脊，吊龍伴，每一款牛都非常高質，唔係cheap野，616真係值得一試既餐廳👍🏻

媽媽話好掛住616的牛肉，放工即刻去太子分店打邊爐最新推出的蟲草花冬瓜牛肉湯底非常適合夏天食用，清爽不膩，且具有補益養生的功效。如果您是個愛好牛肉的人，我強烈推薦信州和牛肩胛和後腿肉，口感鮮嫩多汁，肉質極佳。牛上肋和牛坑爪也是必點之選，肉質細嫩，入口即化。如果您想嚐試其他菜式，加拿大艾伯塔牛側胸肉和鮮制手打烏冬都是不錯的選擇。此外，水蓮菜和響鈴都是火鍋必食的好選擇，烏梅汁和洛神玫瑰茶則是非常開胃的飲品。總的來說，太子分店的食物質量高，服務態度也非常好，是一個值得光顧的餐廳。

聞名以久嘅616！今次第一次同朋友黎食，滿心期待。點左鴛鴦冬瓜沙嗲湯，一清一淡。非常推薦大家點沙嗲湯底，煮左成晚愈煮愈濃稠，超正！先食少少前菜，手拍黃瓜、炸魚皮、花鵰醉雞卷。青瓜清爽微辣，幾惹味。魚皮夠厚夠脆。花鵰醉雞卷酒味幾香，唔會有苦嘅酒味，凍食一流！牛肉值得一提貨源都係日本直送嘅信州和牛！信州牛肩胛，肉味濃、肉質比較有彈性。信州和牛胸肉，油脂分布更多更均勻，入口即溶嘅口感。信州牛赤身，介乎牛肩胛與牛胸肉之間！黃喉，口感爽脆，記得唔好煮太耐！如果唔係會太韌～蔬菜點左金菇、白蘿萄、蜂巢豆腐、萵筍。一定要點白蘿蔔！放入沙嗲湯非常吸味，略兼蘿蔔有少少渣。匙柄，牛肉部位黎講都出名，肉味非常重，口感彈牙，好正！手打蝦滑，必點！口感未到非常彈牙，但味道調教得非常好！整體食材都好高質，而且店員好好招呼，體驗一流👍🏻

夏天雖然熱 但係都阻擋唔到我想打邊爐嘅意欲🤪 呢晚約咗友人嚟呢間全港都有好多分店嘅牛肉火鍋店 最近佢哋有期間限定嘅信州和牛 真係要去試吓啊😚牛骨清湯呢度嘅清湯並唔係咁簡單 係用牛骨熬製㗎🐮 所以飲落有淡淡嘅牛肉香味同肉嘅鮮甜味 入面除咗牛骨之外 仲有一啲牛腩同埋白蘿蔔 白蘿蔔都幾甜😊信州和牛羽下肉呢個就係和牛級數嘅牛肉 我哋揀咗呢個比較重油脂嘅部分🫢 食落口唔算入口即溶 但係都唔會太膩 鍾意油香嘅朋友一定要試吓特色牛肉其他牛肉嘅質素都唔錯 牛上肋嘅油花分佈就比較平均 所以食落幾重牛味🥰 吊龍伴就比較多瘦肉 咬落口感柔軟🥩 牛舌肉質彈牙 切得夠薄 只要輕輕一涮就食得👅手打牛筋丸呢個牛筋丸都好香嘅牛肉味 唔會太多牛嘅脂肪喺入面充撐個濃厚嘅牛味 而係紮紮實實嘅牛肉味👍🏻炸魚皮 響鈴呢兩個都係打邊爐必叫嘅項目啦😎 炸魚皮同響鈴都炸得好香脆鮮製手打烏冬呢隻手打烏冬係呢間火鍋店獨家嘅🍜 麵條比較幼身同比較彈牙有咬口 面嘅質感都好細滑 相對坊間嘅稻庭烏冬比較幼身一啲🤓朝日啤酒打邊爐配啤酒簡直係絕配啦🍻 仲有不同嘅啤酒有優惠呢間嘅牛肉真係幾高質 有啲牛嘅特別部位其他餐廳唔會有 啱晒係牛魔王嘅你啊😍

今次去咗「616牛肉火鍋專門店」太子🚇分店睇咗Menu真係叫我嘆為觀止 佢嘅牛肉🐮種類超過20款 🤩仲有好多唔同嘅湯底🍲可以揀擇而且佢地可以掃描QR CODE📱落單好方便好快捷～牛肉嘅價錢亦都好親民 只係$48至$68之間我揀咗「牛骨🐮湯底」 湯底好清甜啱啱好可以同牛肉嘅味道融合佢地嘅「秘製牛肉汁」都好好食😋濃濃嘅牛肉味 加上啲鮮味 真係令我食指大動🤩👏🏻而且佢嘅信州和牛肉質軟嫩 💗帶點嚼勁😋唔會太硬或太腍 啱啱好 總之「616牛肉火鍋專門店」嘅牛肉種類多湯底選擇多 價錢又親民🤣🤣鍾意食牛肉嘅千祈唔好錯過☺️☺️#火鍋推介 #打邊爐 #616牛肉火鍋 #牛肉控

616 牛肉專門店位於九龍太子白楊街21號順昌樓地下，太子站出行4分鐘就到同朋友慶祝生日，616 牛肉專門店有勁多分店，和牛係佢既特色，由日本長野縣直採到港，於是黎單點左約個信州和牛部位。餐廳裝潢舒適，環境寧靜，讓人感到放鬆愉悅。鴛鴦冬瓜沙嗲湯$88鴛鴦冬瓜沙嗲湯，湯色清澈，味道鮮美，口感清爽，冬瓜湯入邊有牛腩，冬瓜等材料另外再加點蘿蔔，湯底非常清甜，非常適合夏天食用，另一邊沙嗲湯打邊爐材料都好入味，唔使另外再點醬汁。信州和牛肩胛 $78信州和牛赤身 $78信州和牛胸肉 $98信州和牛肩胛、赤身和胸肉都是優質的和牛部位，經過兩個湯底都各有特色，肉質鮮嫩多汁，口感極佳又不一，非常值得一試。蜂巢豆腐 $28,手打蝦滑 $50蜂巢豆腐和手打蝦滑也有驚喜，豆腐口感滑嫩，非常掛湯，蝦滑則鮮甜彈牙，兩道打邊爐都非常美味。匙柄匙柄6秒就食得，非常之爽口，於是我哋再後加點了一盤烏梅汁口感酸甜清爽，打邊爐時可以可以解毒、生津止渴，非常好味啊😚總體而言，616 牛肉專門店提供的美食質量中上，價格也相對較中價，性價比高，是一個不錯的選擇。

-身邊太多朋友係邊爐迷🔥一定食過呢間性價比高嘅港式火鍋🍲知道今期主打日本長野縣直接運到香港嘅信州和牛🇯🇵一定要去試吓🥰/▫️鴛鴦麻辣牛骨湯$82▫️一直都好中意餐廳嘅鴛鴦湯底麻辣同一般嘅唔同，更濃郁更重辣味就算加咗幾次湯，辣味依然存在😋🔥另外牛骨湯色澤雖然清清地但好重牛味！配料牛骨、牛肉、蘿蔔等等🐮兩款湯底都一樣咁出色👍🏻/▫️信州和牛肩胛$78▫️私心必食推介❤️由日本長野縣直接運到香港嘅信州和牛🇯🇵真心性價比好高😍肥瘦均勻，油脂分布平均肉質軟腍，入口即溶🐮真係唔敢相信用呢個價錢食到咁高質嘅和牛！仲有好多其他部位，下次一定要試吓！/▫️英國安格斯牛前胸肋$58▫️餐廳每碟肉都唔少，呢款都一樣高質😋肥瘦均勻，都係充滿牛味🐮/▫️匙柄$48▫️餐廳仲有好多牛肉唔同部位提供例如比較少見嘅匙柄、金花趾、吊龍伴等等今次試咗匙柄，肉質厚身有咬口都一樣滿滿牛味🤤/▫️鴨血$38▫️麻辣火鍋必食嘅鴨血❤️每件都切得超厚身！配合麻辣湯底真係好夾😍吸收晒麻辣汁，每口咬落去都爆湯汁💦/▫️毛肚$58▫️毛肚都係一樣吸引🥰一直都有好多捧場客每塊大小適中，爽口彈牙/▫️水魷$48▫️份量大碟，食落爽口彈牙不同湯底嘅味道都配合到👍🏻/▫️配菜(

呢間牛肉火鍋店分店遍佈港九新界，總有一間係左近！已經二訪呢間火鍋店，今次去咗太子分店，呢間位置比較少，相對上冇其他分店咁舒服，但佢嘅食材依然新鮮高質，盲選都唔會伏，而且價格親民，最平$48一碟，真係好抵食！有好多牛肉部位可以散嗌，而且又唔貴，一大班嚟食又得，或者自己一個心血來潮想嚟返個一人火鍋都冇問題🥢！出面有個自助醬料吧，自己溝啲汁出嚟，必試佢個牛肉汁加青柑🍋，好清新又吊得出牛肉嘅味道，酸酸哋幾消膩，簡單淥完啲牛肉點佢真係好好食！------------------------------🥘◖牛雜湯底◗ $82牛雜湯底真係超正，超足料，平時街邊食碗牛雜已經要幾十蚊，呢個鍋底入面每塊牛雜都係厚切，全部都好大塊，絕對值得，鐘意食牛雜嘅朋友，千祈唔好錯過！🥩◖信州和牛肩胛◗ $78和牛好多人唔食係驚太油膩，今次試嘅肩胛油花分布均勻，食落去有質感而且牛味濃郁但又唔會好油膩，食多幾舊都唔怕！🥩◖肩胛翼板◗ $48軟綿綿好似棉花糖咁，超容易咬開！🥩◖安格斯橫隔肌◗ $48最鍾意嘅部位，牛味香濃得嚟，帶有好濃郁嘅牛味，肉質比較鬆散，口感腍身易咬！🥩◖英國安格斯牛前胸肋◗ $58牛味香濃，裏面夾雜住