616牛肉火鍋專門店 (皇后大道西)

營業中

休息中

今日在港島區放工，再次食專門食牛既火鍋，上次食過覺得唔錯，店內裝修真係好靚，玩懷舊風格，每個座位好似置身於一間獨立既懷舊鋪內，裝修費應該幾重本。落左order後會有個沙漏，保證20分鐘內送上所有食物麻辣＆牛骨湯底，好香既麻辣味。滑尾龍，點左2碟，因為上次食過超正，1碟係唔會滿足，名符其實牛肉真係好滑，不可不食。牛坑爪，肉身帶少少脂肪，食落好香好腍。手打蝦滑，好彈牙，好好食。金菇。菊花桂圓露，清熱解渴，食完熱既食物，飲返支，潤喉又透心涼。

服務十分好湯底好特別 食物質素高 環境好舒適 好多牛肉部位出麵食唔到鍾意食牛的人不可錯過 湯底選了青椒辣得來好醒胃 飲品方面有好多選擇 好多影相位裝修好懷舊 有一部兒童遊戲機可在等待時候玩十分之好的服務

女朋好鍾意食火鍋因為貪心麥都想食, 而為左滿足我呢個牛魔王, 呢度係我地既首選- 火鍋和牛肉既完美結合湯底係青花椒辣湯底呀。。我地兩個勁鍾意 因為辣味岩岩好 又惹味見到都流哂口水呀牛肉方面有好多選擇, 我地試左呢幾款一次過試哂咁多好開心好滿足滑龍尾-睇望普通 牛肉加隻蛋。 食落好正呀好滑。 係喉嚨滑一下就直落食道。冇得頂金姑菜: 乾淨 份量多匙柄: 有牛味 好質感 肥瘦岩岩好牛朴肉: 呢個軟身d, 大小岩岩好。安格斯 橫隔肌: 呢個幾新鮮, 靚貨仲叫左烏冬, 唐生菜同響鈴。環境唔錯, 服務殷勤, 仲有好多玩具玩。 我地食得好開心

2018年9月26日。西營盤。晴。西營盤站開通咗好一段時間，多咗好多餐廳進駐呢區呢日就來到呢間好有特色嘅餐廳打邊爐鋪位離西營盤站有少少距離，但都唔難搵招牌好簡單，淨係寫咗「616」三個數目字餐廳嘅裝修同擺設都充滿舊香港風味，仲有幾個特別嘅「包廂」位又幾得意喎坐低之後就睇到枱面張餐紙介紹咗隻牛牛唔同部位嘅名，仲有建議淥嘅時間唔睇都唔知牛肉原來有咁多名堂點嘢食就用iPad，方便快捷！撳入去每款食物icon度仲會有簡短嘅介紹，服務好貼心喔～落咗單，趁湯底、食物未到，過去混個醬先～醬料選擇好多元化，其中最特別嘅係有青色嘅小柑（定青檸？無攞到所以唔知）另外有兩款醬料都好特別呢個秘製牛肉汁非常鮮甜！好好味～唔鍾意太甜嘅可以用呢個鮮牛油醬油，鹹鹹地之餘仲有些少牛油香湯底嗌咗雙拼，酸辣湯底同牛骨清湯個湯一擺上枱面就聞到好香嘅青檸味喺酸辣湯底度傳出，即係流晒口水未淥嘢食就已經先飲一碗湯，夠濃味，正！清湯就係嗌俾唔食辣嘅同行友人嘅，牛味頗濃，湯底有粟米嘅鮮甜牛肉方面嗌咗一份封門柳、一份牛駝峰、一份滑尾龍同一份匙柄好快就送到封門柳喺餐牌度歸類為罕有物，食落覺得肉質較實，一塊嘅size都幾大，唔會有羶味牛駝峰

屋企附近開左間牛牛火鍋店，想試好耐，今日放假同老公兩個人去試下，用Apps 訂位有9折首先一入到店內未夠鐘，服務員好有禮貌叫我地要坐一陣，等位個度有部超懷舊遊戲機，我同老公雙打一路打機一路等，到有枱服務員好有禮貌通知我地可以入坐。成間鋪都係懷舊裝修，好多物件令人回想起童年時，心情特別唔同😽，呢度供應多款不同部位既牛，好多牛既部位我地都唔認識，每款牛既價錢唔貴，幾十蚊一款，可以試多款不同部位，間直係完美既供求，每店牛細細碟，岩晒兩個人，唔似出面個D邊爐店叫親都要百幾兩百蚊一碟牛，仲要只食到一款牛，今晚兩個人食了4款不同既牛，仲有紫菜卷（好好食，encore 左一次），連埋湯底兩個人先食左4百蚊，值得推薦比大家去食

呢排唔知點解成日係IG都見到有人食616既牛肉火鍋，睇個樣都幾吸引但又唔知貴唔貴，於是就上Openrice search下「616」。誰不知原來係咁多分店，心諗 無理由唔搵間試下掛！於是夜晚就就朋友返工地點，選擇去西環分店，放工就去食餐好既！地理位置都頗方便，有叮叮站會到，落車後就行入住宅區同市政大樓方向附近都比較寧靜，店舖位落於街道既中間，吃貨可能要俾啲眼力先搵到，但一入到去真係眼前一亮，佢既裝潢真係好impressive，十分港式！十分有兒時感覺！佢有好多裝飾品都係舊時既遊戲機、玩具、糖果、甚至用字（洗手間外印有「 茅廁」一詞），令人感覺好親切，好有特色，來打卡都不錯好特別啊真係！！我一入到去見到唔係好多人，位置寬敞，坐坐下就越黎越多人。果然打邊爐係一家親既最佳活動項目，周圍既枱起碼4位或以上，仲見到有韓國人係到暢飲添啊言歸正傳，都係講番食物方面。呢到係電子點菜，清楚列明各類別的食材，清晰可見！我一開頭見到勁多牛肉既名，已經一頭霧水，完全唔識分咩名打咩部位，幸好order嘢食既時候，部機附有啲描述，有啲有雪花紋、有啲肉質「林」啲、有啲有咬口啲、有啲來自不同國家等等等，林林總總，有好

今日同女朋友泥左泥度打邊爐 泥度既第一印象係好舒適同環境乾淨 同埋可能泥度比較小人流  D staff 非常細心 一泥度已經好nice甘招侍我地 又特登幫我搵個大籃裝住我個袋因為我唔食得辣 所以叫左2個唔辣既湯底泥食 （豬骨湯 & 沙爹）我自己就比較中意沙爹湯 因為口味比較重  配響鈴十級好另外餐廳會係我地點菜之後會比個沙漏你做計時用，promise如果佢20min內野食仲未齊，未到嘅食物一律免費。 不過放心，佢D野食10分鐘內都已經送到泥我地叫好多唔同部位既牛肉泥試食 而我個人就最中意牛胸肉 非常之有牛肉味 另外其他牛肉都唔錯既 例如三角柳/ 吊龍伴等等 不過要留意煮既時間 因為每個部位煮既時間都唔同 而餐廳都好細心甘寫哂唔同部位煮既時間另外野菌雙拼都好好味，又大份，係必點之選 順帶一提既野係佢個山楂酸梅汁，第一次飲泥個牌子，覺得好正

身為西環人同時又係牛控一名 今次又再去西環間616!! 再試吓佢哋啲牛啦～～～ 佢喺知名潮州鋪再前啲 一開門入去就覺得間鋪玩味十足 有好多懷舊擺設  好得意 係以前雜貨店既setting : 好多以前細個食既糖同懷舊小食多牛嘅部位 都唔知嗌邊個好..好彩原來佢地係有解說 同朋友認真做咗一陣功課睇晒所有描述之後我哋就得出呢個結論 湯底要叫番牛骨清湯 原汁原味啲至於牛食就要嗌呢四款牛: 1.封門柳 （$68）-依部分係橫隔膜下面的一條柳，每隻牛只有兩塊，係罕有部分，牛肉味十分重，有口感）2.美國牛肉 肩胛翼板 3. 匙柄($48)（依部分係牛下肩胛肉，肉質柔軟，口感鮮嫩🤗） 4.滑尾龍 ($ 48) 牛肉滑滑，加埋蛋花 好好味咁叫完樓之後亦都要叫返其他小食，其他食物包括唐生菜，烏冬 雀巢檸檬茶x2 最後仲會有碟西瓜畀大家下下火～～

終於來到想試好耐的懷舊火鍋店🍵8半來都仲有好幾枱人等位。好彩店主好細心，内有長櫈，雜誌📚，仲有童年回憶的街機打🎮！所以等了15分鐘都5會覺得悶。店內有好多打卡位,建議5-6人的朋友可預早訂枱，佢都有有懷舊主題的大圓枱~以士多店🍿，海味店🐡為題。實在係打卡好去處。坐低後店員會為你介紹用iPad 落單。好buy 呢個idea~環保又快捷☘個iPad 有中英選擇，我去個晚都有外國人去。呢間店簡直係我去過的火鍋店最有效率的一間，一坐落就有消暑西瓜🍉，然後落單不出2分鐘已經上到菜，仲快過我落完單後去拿醬料的速度🌪醬料區有10多種選擇，我個朋友最開心佢有青檸，我就最推佢個秘製牛肉汁😋個湯底我揀左牛骨湯底，好鮮甜。揀左4種牛：肩胛翼板 （$48）；安格斯橫隔肌（$48）；匙柄（$48）同澳洲和牛 （$68）。每張枱的墊枱都有介紹其實你食緊牛🐂的哪個部位同埋要6幾耐～真係長知識呀！最好食梗係和牛啦😋菜菜子方面，我最愛的油麥菜賣哂，試左羽衣甘藍 ($28)。第一次試新鮮羽衣甘藍不過覺得太硬，定係我要再6耐d呢？🤔野菌🍄雙拼($38)正😍完哂再飲埋個湯，好滿足的一餐😌

依間餐廳已經有好多朋友推介過我，佢地對依間餐廳有讚冇彈咁，搞到我都心思思想嚟食下，今次終於俾我搵到朋友陪我一齊嚟食la。一坐底，staff就會送上一碟雪到好夠凍嘅西瓜上嚟，勁透心涼。依邊係用pad點野食嘅，落完單佢會俾個沙漏你，俾你計時用嘅，如果20min內野食仲未齊，未到嘅食物一律免費。不過，其實佢上菜嘅速度非常之快，唔夠5min已經嚟齊曬野食，所以個沙漏其實冇咩用😂另外，枱上面有張紙教你唔同部位嘅肉要淥幾多秒，亦有推薦嘅食法，非常貼心。鴛鴦湯底 ($78)我地叫咗牛肉清湯同沙嗲湯底，牛肉清湯有兩舊粟米、四舊白蘿蔔同兩舊骨， 舊骨lun住少少肉，d肉一夾就甩出嚟，證明真係煮咗幾耐下。沙嗲湯底非常杰身，味道好濃，啱曬重口味嘅人。野菌雙拼($38)一種係靈芝菇，另一種我就唔識。靈芝菇比較爽口，而我自己比較鐘意食另一種，淋身d同易d吸湯，兩種都非常新鮮，亦處理得好乾淨。珍珠豆卜($28)正正常常嘅豆卜，細細粒，幾得意。澳洲和牛－牛胸肉 ($68)牛質非常滑同淋，牛味夠，而白色嘅位有d爽口，難怪餐廳將佢列入推薦系列。吊龍伴($68)依個係罕有系列入面嘅，其實我都係第一次食依個部位，食落有口感

今日落O左西營盤整O野, 見到呢間616牛肉火鍋專門店…原本以為佢係午市都做火鍋, 興趣一般, 但朋友再仔細睇個MENU, 原來午市有SET , 唔一定係食火鍋, 而且個SET都幾吸引下…有三樣O野選擇: 芝士紅燒牛肉麵, 古法牛筋腩飯, 同埋牛四寶湯飯….於是, 我地就被吸引O左入去….入到去好似回到五,六十件代咁….好懷舊FEEL, 相信老闆花O左唔少心機去裝修, 因為真係勾起有唔少童年回憶, 可以影相呃下LIKE…. 睇完MENU,諗都唔駛諗, 我一定係要ORDER 芝士紅燒牛肉麵, 因為佢標榜係用荷蘭芝士整…朋友就ORDER古法牛筋腩飯…佢個餐好抵食, 44蚊已經有個主菜, 有杯O野飲, 仲有甜品, 呢區真係好難搵到…好快手, 我地D O野食就到O左, 我個芝士紅燒牛肉麵 D 芝士撈埋O係 D熱辣辣O既牛肉麵度, 溶溶地好正….我試埋個FRD O個碗牛筋腩, D牛筋腩好淋, 好入味, D汁撈白飯有得頂…..我地O野飲ORDER O左洛神玫瑰花茶, 好好飲, 唔會好甜, 有玫瑰味, 好香, 而且又健康, 佢另外介有菊花桂圓露, 下次可以試下..應該都唔錯…最後食到咁上下, 就有個

The place was clean and spacious and aircon was great since you can get hot having a hot pot! We ordered lots of beef and there was no seafood at all, their only seafood platter was not available. We were given an iPad to add our order and then we send this through electronically.Customer service was okay but like a lot of places in Hong Kong, the staff don’t tend to smile which is always a negative.

今次我與好姊妹二人一起去西環😁😁好姊妹自細家住西環，對她來說西環一點也陌生😆😆，所以上次中午時份嚟冇邊爐打，今次再來西環的616牛肉火鍋專門店，重拾一個懷舊的格局淥一淥😎😎。餐廳裝修得非常懷舊☺☺，有模仿中藥店，士多及玩具店等場景，相當有趣😎😎。到此一定可感受一回到80年代的環境及氣氛，包你吃得開心中樂而忘返🤩🤩。好囉～睇下今次好咩呢？首先叫了點了湯底，鴛鴦麻辣牛骨湯， 一邊清湯一邊麻辣😋😋。火鍋配料方面: 有雙拼牛肉餃、牛丸(半打)、羽衣甘藍(必叫)非常新鮮，而且是高貴的食材，生食或淥熟後都好好味；紫菜捲好特別，加了紫菜後的響玲，食到紫菜味香濃再配上響玲，真係好好味；油麥菜好新鮮😉😉。牛肉火鍋專門店又點少得order牛肉呢～窩蛋牛肉， 將雞蛋打醬，再用蛋汁包住牛肉淥，口感更香滑；骨尾龍肉質彈牙，有趙頭；以及澳洲和牛(內裙肉)都牛肉味十足👏🏻👏🏻。飲品是洛神花玫瑰茶，十分健康養顏。

616牛肉火鍋專門店 ，顧名思義，獨沽一味，湯底是牛骨清湯，鍋料專攻牛肉、牛雜、牛丸，頂多加些蔬菜佐餐。各個部分都有指定烹煮秒數，6-18秒左右，建議第一轉食果時要放在牛骨湯內沸煮，而且不要沾醬才能夠完全體會到不同部位的精與彩。西環這家分店裝潢走懷舊風，放滿不同年代的玩具、小電器和一樽樽玻璃盛載的糖果，最特別的是在等候區中有一部90年代的街頭霸王遊戲機可以讓人在等候時免費玩。牛舌，咪睇佢薄薄一片，口感彈牙而且沒有多餘的牛腥味。牛駝峰這是最多家人喜歡的部位，牛味最濃，每咬一口都有牛的精華湧出來。胸口膀是即牛前胸脂肪，看起來很油膩，其實非常爽口，可以選淥15秒較為爽口，又或者淥3分鐘，牛油脂香，有嚼勁！由於牛肉厚度決定口感，各個部位有不同厚薄要求，像這個牛朴肉便需要稍厚切一點，才夠質感。油脂比例較高，油脂和牛汁混合一起，口感豐富而滿足。除了本地牛之外，亦點了澳洲和牛，來一場比拼！三角柳橫紋交錯，吃下去口感最豐富，牛汁也較其他部位多，是我最推介的！水蓮菜好快就熟，偏爽口。建議放在濃郁湯底的那一邊，味道更佳。羽衣甘藍具有高纖維、高維他命營養成份，維生素A跟K的含量很高，更加有助於抗癌。完全沒想

616牛肉火鍋近年在眾多火鍋店中跑出，陸續在各區開設各具特色的牛肉專門店，一直都好想有機會可以會一會佢，今次特登挑選左呢間位於西營盤的分店，因為方便在港島區活動的家人之外，亦都非常欣賞呢間的懷舊裝潢。可以一邊同長輩享用美食之餘，亦一邊分享當年的生活點滴，慢食中增進感情。西營盤地鐵行過去5分鐘左右。閒日晚上去都要等一陣，生意好好。在等候區中有一部舊式的街頭霸王街機，好得意！玩左兩鋪就已經可以入座。餐廳裡面有3個具懷舊特色的獨立空間，坐位非常寬敞，可以盡情傾計。牛骨湯配青花椒湯底湯底大約有6款可選，網上找資料看到款款都各有推介，我就想吃特別的，就點了青花椒湯底，而牛骨湯就是為了可以單純地食到各類牛的獨有味道。非常欣賞青花椒湯的獨特風格，辛辣之餘有點點青草味道，不是單純的辣，而且裡面加了大量蒜片，湯頭濃郁而層次豐富。醬料區除了有基本的調味料之外，發現了一碗小青柑。店家好有心思咁，在青柑裡輕輕切了一刀，讓客人在擠果汁時不會把果核都弄出來，非常細心！加了青柑後，牛肉帶有清新口感，又是另一感官體驗。一行4人點了超過10款不同部位的牛肉。有以下推介：匙柄牛肉味很香，但肉質不會很滑，稍有韌度。相對其他