A Bowl (龍景大廈) (已結業)

疫情關係，情人節都無得同老公出街食個晚餐…咁諗住簡單買個外賣再去另一間蛋糕店買蛋糕慶祝一下。上黎搵左一輪又無咩想食，見到呢間食poke的，都想試試，就選擇左protein bowl 同fish bowl各一啦，因為見佢材料都好多款好似幾豐富。老公專登搭車去攞外賣，點知返到黎一開蓋就見到個protein bowl 漏左隻溏心蛋，我個fish bowl 就有tuna & salmon 但無鯛魚囉！好滴汗… 即係如果因為dinner 時段鯛魚無晒，咁都算啦…但溏心蛋都漏得就無野講囉⋯⋯

之前有公司同事推介A Bowl，加上食過同類型餐廳後都想發掘一下夏威夷蓋飯呢個領域，今次就試下A Bowl呢間外賣店。🌟日式和風明太子醬+稻亭冷烏冬 配 🐣白松露醬慢煮雞胸、🦐袐製洋蔥香料蝦+日式糖心蛋+蟹籽首先要讚一讚不論主糧、主食、配料都非常多選擇，有時唔想食飯/沙律菜時仲有烏冬/新竹米粉揀！稻亭烏冬滑捋捋，份量足夠一個女仔食。明太子醬充滿咸鮮香味，同烏冬好夾，可惜醬料份量少得可憐🥲，平時食開少汁嘅👧🏻都覺得太Dry。Poke bowl 配料有紫椰菜、青瓜粒、甘荀絲、秘製脆脆同蛋絲。呢啲配料都係爽脆，增加成個Poke Bowl口感。白松露醬慢煮雞胸表現非常出色，雞胸爽滑嫩口 ( 比平時即食雞胸正超多！) ，白松露醬比黑松露醬較為內斂，到吃時香氣才撲鼻而來，有濃郁的奶油口感。蝦肉爽口清甜，生熟度控制得岩岩好。洋蔥青蔥香味幾濃烈，好少可可以食到咁重口味蝦仁😛糖心蛋表現正常，不過$10得半隻就好唔抵啦🧐隨餐附送養生鮮檸檬薑麥茶，不過佢仲苦過平時飲中藥，成杯直接棄☠️

份量一日比一次少，安排混亂, d飯一次生過一次 食物份量無標準，飯根本係生，外賣次序混亂，後叫後有。食物同樣價錢 每次份量好大出入。有次仲執少左樣餸菜。野飲飲水好過，kpop 豬肉完美演繹咩叫難食

係附近返工，食過幾次都覺得唔錯😋 今日同平日一樣叫咗個自選Bowl，但係就出咗事🥲🥲一般呢一間係lunch time到叫，都要等3至4個字。今日等咗20分鐘後有得攞。返到食咗兩啖之後就發現隻加咗錢叫嘅温泉蛋唔見咗…😫但係已經上返office，又食過哂，就廢事要落返去😢其實食物質素都唔差，係舖頭都見到店員係細心慢慢組合個bowl，價錢唔平又等咗咁耐會expect做得準確啲😔期望餐廳會更加注重出餐嘅準確度。

第一次試呢間壽司飯配醋，有牛油果，慢煮牛柳，紫椰菜，蛋絲，甘筍絲，毛豆。仲有檸檬麥茶。原價108有優惠券再減20。相比其他同類餐廳份量，呢間份量足夠我呢個大食女士。下次會再試。

🥚🥚🐷鰂魚涌PokeBowl熱潮✨性價比：7/10🍳食物：8.5/10🌏環境：5/10🕺🏻服務：8/10💰是次消費：$120#蛋蛋豬 🏝地點分類: #蛋蛋豬在鰂魚涌🍰食物分類: #蛋蛋豬吃日本菜————————Poke bowl熱潮直捲香港，有不少外賣店都專門做這種食物。Poke Bowl就是夏威夷蓋飯，夏威夷人喜歡將魚生切粒，然後用醬料醃製，加上蔬菜再蓋於米飯上。配搭層出不窮，還可以吃得很健康，今日就一間位於鰂魚涌的poke bowl。Proteinbowl ($120)肉類可以三選二：鹽烤豬五花肉、白松露慢煮雞胸、慢煮牛柳配秘製番茄醋。還有粟米、毛豆、蟹籽、牛油果、日本溫泉蛋、壽司飯，一見到成份就知道是滿滿的蛋白質，超級推介給減肥/健身人士！超美的賣相，色彩繽紛，一眼見到有十分多種蔬菜，絕對是健康之選。掩開蓋面的蔬菜，就有我點了的雞胸和牛柳。雞胸不會好粗糙，啖啖肉，還自然在口中散發松露味。牛柳幼嫰，不會煮到全熟，就算碗中有多款主角都不忘保持牛肉質素。可以自選醬汁，我就選了日式和風明太子醬，加落白飯中十分合適。小店還有提供一小盒秘製脆脆，增強白飯口感。要讚的是：食材就放在面前，看來新

A Bowl📍鰂魚涌值得一提嘅係，呢度嘅店員超級nice(⁎⁍̴̛ᴗ⁍̴̛⁎)一行到去已經係咁介紹餐廳有啲咩出名好食，仲好細心咁講解某啲配菜嘅製作過程，超好禮貌(●°u°●)​ 」Spicy Salmon Bowl $78Poke bowl入面除咗有辣味三文魚，仲有好多其他配菜，例如毛豆、生菜、紫椰菜、糖心蛋等等，超級健康(˶‾᷄ ⁻̫ ‾᷅˵) 三文魚比起坊間嘅辣味三文魚少沙律醬，但係辣味都唔會話太重，啱晒我呢啲食辣BB班(*¯︶¯*) 店員仲好有心咁將啲脆脆分開裝，就算拎走都唔怕會淋晒( ´ ▽ ` )ﾉ

依條街既食店多到系數之不盡，每次黎到都覺得數量系多得誇張。今次黎買自選沙律，所選既刻意屬全素的。選左沙律菜做ｂａｓｅ，外加蜜漬車厘茄，毛豆，燒秋葵，粟米同蒿荀，走醬。跟餐附帶自家製養生茶，總值＄８０元。個人認為不太抵。配料系新鮮，擺盤有花心思，且亦有不同自製既醬汁，但未至於值依個價位。試過有夠。或者，佢地既魚類系出色既。店內有２個向街既座位，買完後想坐低，但店員話不設堂食。但５分鐘前先見們有人坐系度進食，令我不明所以。

唔去過都唔知道，原來鰂魚涌有好多外賣小店，今次就比呢間A Bowl吸引住，藍白色嘅裝修風格令人聯想到希臘嘅聖托里尼島，好舒適休閒嘅感覺。始終主要都係做外賣生意，所以店舖空間比較小，堂食嘅位置只有兩個。無處不在嘅餐牌好可惜當日放工之後去到已經冇咗Unforgettabowl同埋Fishbowl，連三文魚都係得返最後一份咋，遲少少都冇。既然係咁我就決定自選食材啦，餐牌寫得非常清晰，醬料果方面如果心思思決定唔到，可以問吓店員邊種同自己揀嘅嘢最夾。下午茶Menu都好似好正咁。覺得一碗飯唔夠飽嘅仲可以睇吓呢個加配餐牌。落咗單之後就開始執我個飯，可以全程望住，咁就唔使驚會漏單啦。壽司飯配三文魚，其他配料有牛油果、焦糖蘋果、南瓜紫薯蓉沙律，醬汁方面配左櫻花蝦芝麻醬，成個飯好Fresh，三文魚粒粒都好肥美大粒，好新鮮，牛油果切咗一片片，好軟熟同三文魚嘅味道好夾，南瓜薯蓉沙律有微微嘅甜味，都好飽肚。另一款揀咗秘製Fusion新竹米粉，感覺同普通米粉差唔多，而個手切烤焗封門柳好抵讚，肉質好軟，而且有肉汁，配埋米粉食唔會覺得乾。另外配料仲有炒雜菇同山藥芥末八爪魚，略嫌八爪魚有啲少，不過都好夾個米粉。仲配埋兩

終於得閒嚟呢間外賣魚生飯店，雖然細細間，不過配料整整齊齊咁放晒喺度，睇到眼花撩亂，真係諗咗一陣先知食乜好Fishbowl ($98)有三文魚、吞拿魚、鯛魚、牛油果、蟹子、日本溏心蛋、壽司飯配秘製柚子豉油。店員好用心咁砌，砌到我哋兩碗飯都好靚！估唔到啲魚生粒係咁多，食到最尾都仲有超級多，好似五餅二魚咁食極都仲有嘅？！Proteinbowl ($108)白松露慢煮雞胸、牛油果、手切烤焗封門柳、日本溫泉蛋、粟米、羽衣甘藍、蟹子、毛豆、壽司飯。成碗飯嘅顏色都非常突出，影相已經好靚，食落仲要非常正！牛肉好入味，而且唔韌；雞肉嘅白松露味可以再出啲，但肉質滑溜，一啲都唔似食緊雞胸。由於配料超級多嘅關係，所以口感超級好，每一啖飯都唔會只係白飯咁寡

最近發覺多咗好多自選Fusion Bowl 外賣店，提供低卡路里同高蛋白質嘅健康速食。鰂魚涌有間新開張嘅A Bowl，經過就買咗個Fishbowl ($98)試吓，係餐牌上提供嘅配搭，新張期間仲有9折😆 Fishbowl 嘅主食係壽司飯，配料有三文魚、吞拿魚、蟹籽、牛油果、沙律菜等，分量都唔少，加上秘製柚子醬油，味道幾清新，輕盈得嚟又飽肚，係暫時食過嘅fusion bowl當中最好食而且性價比最高嘅一個👍🏼

It was raining so I decided to just do take away and head home with boyfriend. We came across A Bowl. A small take away only shop serving poke.The toppings were easily visible and they looked fresh.Menu is in English and Chinese.  They have pre-designed pokebowls. But the one thing that was a bit different is they offer a hot bowl. Poke includes a hot lemon barley tea with upgrades for another drink.They also offer customizable poke bowls.They also offer soup and sweet potato fries.I had the Fis

這間門面以海藍色為主的a bowl主打賣近期新興的Poke Bowl(夏威夷蓋飯)，店子細細，只得兩個堂食座位，所以食客是外賣居為多。食客可以自由配撘bowl的配料，由飯底，主菜，配菜及醬汁都有多款選擇。而有選擇困難症的朋友可以選擇餐廳已Set好的bowl。點了兩個已SET好的Bowl，是Proteinbowl($108)及Seafoodbowl($90)。價錢雖然不算平，但份量頗大，他們的食材新鮮，有些食材是來自日本的，例如日本米及日本溫泉蛋，配撘多元化，每個bowl都是在客人面前即叫即做，在疫情下都可以食得安心。兩款bowl的食材配撘，同樣色彩繽紛，有不同層次的口感，食材配撘健康，適合Keep fit 人士。加上炎炎夏日，這個bowl 就更加適合了。Proteinbowl($108)，以日本壽司飯做底，配上八款配菜，包括白松露醬慢煮雞胸，牛油果，手切烤焗封門柳，日本溫泉蛋，粟米，羽衣甘藍，蟹籽及毛豆，當中有五款配料可以免費任選(蛋絲、紫椰菜、青瓜粒、雜椒、秘製脆脆)，另外有八款醬汁可以自由選擇，我選了櫻花蝦芝麻醬。當中最鍾意白松露醬慢煮雞胸，慢煮令雞胸嫩口，加上白松露的香氣。另外封

前幾日做完GYM去左位於鰂魚涌 a bowl食自選bowl。一向對依類型既食物情有獨鍾，一來可以揀自己中意食既材料，二來又吾會太有罪惡感。自選bowl: bowl底揀左稻庭烏冬，份量適中，烏冬口感幾滑，而且凍凍地配合埋其他配料，味道好夾。主菜大力推薦三文魚和八爪魚，三文魚真的是首推主菜，因為每粒既三文魚粒粒刀甘大粒，完全系街外餐廳未見過的，感覺抵食！三文魚粒充滿左魚油香味非常好食。八爪魚同樣值得推介，口感絕對吾硬，易於咀嚼有口感！配菜加左蟹籽，餐廳比蟹籽既份量吾少，混合埋成個bowl一齊食，充滿卜卜既口感！醬汁揀了櫻花蝦芝麻醬，味道同成個bowl好夾。配料免費自選，今次揀青瓜粒、雜椒、蛋絲、秘製脆脆，令整個bowl更加豐富左吾少，份量十足之餘又夠晒口感！沙律：薯泥質地，有蘋果嘅果甜味突出，同時食到南瓜同紫薯嘅天然味道。混入了提子乾，多一點層次。山葵芥末8爪魚：山葵爽脆，有如白蘿蔔嘅口感，有少少芥末8爪魚碎粒。豆腐wasabi乳酪醬：豆腐味偏重，可能乳酪balance左wasabi嘅攻鼻，隱藏了wasabi嘅辣。隨餐免費贈送養生鮮檸檬薑麥茶，味道帶有少少薑味，令肚子有暖胃感覺。

今日早咗放學，約咗一個喺鰂魚涌返工嘅friend食lunch～揀咗呢間外賣店，佢主打一大盒健康嘅材料，可以揀唔同嘅自選配搭或者佢配搭好嘅bowl～Fishbowl $98有三文魚🍣吞拿魚，鯛魚，牛油果🥑蟹籽，仲有日本溏心蛋，壽司飯～三文魚吞拿魚等等都會切成粒粒，食落覺得幾新鮮～配埋飯幾好味😋佢嘅秘製柚子豉油酸酸甜甜幾正，仲有溏心蛋都唔錯～seafoodbowl $90有秘製洋蔥香料蝦，日本溫泉蛋，山藥芥末八爪魚🐙毛豆，蟹籽配壽司飯，用咗櫻花蝦芝麻醬，同樣酸酸甜甜，有陣淡淡嘅芝麻味～有免費配料任選，有紫椰菜，蛋絲同秘製脆脆，八爪魚辣辣地，幾新鮮，溫泉蛋有流心嘅效果，毛豆幾清甜，仲有好多蟹籽添～養生鮮檸檬薑麥茶熱酸酸地嘅檸檬🍋配淡淡嘅薑麥茶，麥茶味好濃郁🍵感覺幾健康～