Amitie Kitchen (已搬遷) 新店位置

係開飯啦同呢間餐廳成功訂枱，如果唔係老婆生日正日真係無咩野，但偏偏係正日既時候想打去改時間，餐廳同事話我要做後備，然後佢話會4點前會落實我係有冇位，咁問題重點，我訂枱黎做咩，還是我信錯呢個系統定呢間餐廳，老婆生日正日你話點攪好，想改時間，唔問由自可，一問連枱都無埋最終餐廳同事三點幾打黎話比我知連枱都無埋，然後我問佢我點算好，佢話唔好意思，叫我上去佢餐廳公司碰運氣睇吓有冇枱，我真心火上心頭然後同事話類似既事已發生好多次，最好叫老闆同我跟進，當然好啦，然後聽到老闆係電話度同同事講話唔好理我，世界級既水準又點，但咁既服務，不付責任

尖沙咀多好西就人人都知少黎開呢頭既我難得黎到呢到就當然要試下呢間傳聞中係原5星級酒店廚師主理既餐廳啦==============================款式都算唔少,而且牆上仲會掛有會更換既推薦菜色點完野食,就即刻上左個包仲要都唔頹好多時D餐廳既餐包都只會得個普通咸餐包加牛油就算佢呢到仲有唔同款式如果有埋個餐湯就perfect池啦紐西蘭肉眼扒($118)雖然比想像中細塊同薄但食野既野,重質好過重量呢塊扒肉味香濃,口感柔軟而且廚師火候控制得好,岩岩好7成熟令肉質唔會流失鎖得住牛扒原本既鮮味西班牙海鮮飯($168)呢個就稍為有點失望我知鬼佬飯好多時既口感都會少少硬硬地咁但我覺得佢呢個整得太硬而且調味太淡只有海鮮夠靚先加到分同埋睇又真係幾靚既極力推薦: 辣椒蒜片海鮮墨魚汁意大利麵($148)調味一流,辣椒同蒜片落得岩岩好唔會搶左海鮮同墨魚汁既鮮味之餘又能夠吊出食材既鮮味令人忍唔住一食再食成餐入面呢個最快比人搶晒燒大啡菇、焗釀蟹肉意大利飯($158)呢個都做得好好燒大啡菇最難就係要拿捏個火候要燒得熟之餘仲要保持到入面既水分係好難既而佢就做得到加上蟹肉意大利飯不論調味定係煮都煮得恰到好處

之前openrice 過呢間餐廳，見到好多好評，見價錢又唔算貴，所以特登黎食下。平日嘅8點幾9點都仲係滿場，樓上餐廳黎講，都幾surprise。我地叫咗松葉蟹膏配法多、法式油封鴨腿配溫泉蛋窩夫同龍蝦漢堡拌鵝肝炸芝士薯條 泰式蛋黃醬。嗌完晒野就已經好心急問人地係咪有包食，我見人地枱枱都有，見到牛角包就好想食。似乎係自己整嘅包，真係好軟熟。不過當我見到自己叫咗嘅松葉蟹膏配法多，就發現自己叫錯喇，太多包，哈哈。味道係唔錯，我仲發現加埋落餐前包脆卜卜嗰隻度都好正。蟹膏好濃郁，要搽落包先好食。我都話我叫錯野，我仲叫咗個龍蝦漢堡，又係包。鵝肝係成件夾住，連埋甜甜酸酸嘅沙律醬，一啲都唔膩。唯獨是啲龍蝦切得太細，一咬落去就散晒，如果大粒番啲就好。最後仲有個鴨腿。平時少食嘛，特登試下。不過又係包類嘅窩夫，見到都飽飽地。但呢個菜式都幾散下。散嘅意思係鴨腿還鴨腿，窩夫還窩夫，溫泉蛋還溫泉蛋。我起初會以為個溫泉蛋會喺個窩夫上面啦，點知唔係。鴨腿肉比較鞋，啲味入晒落肉，好似淆左好耐咁。其實整體黎講係唔錯架，只不過我叫太多包類，有啲滯。下次再試其他！

一坐低已有大大個餐廳名在旁邊，但又很融合得到整個環境。叫完餐後就送上包點，牛角包很鬆脆，另一種包又暖又軟熟，加上牛油已經非常美味！！美國USDA頂級西冷扒 8OZ $258加鵝肝 加 $60鵝肝本身已經很肥美，煎一煎很香口，所以一人一半我們已覺得很滿足，然後就是西冷牛扒亦煎得剛剛好，最難得的是連根都食到，很稔的，脂肪位亦不會太多，恰到好處，很少機會會整塊都食得乾乾淨淨！伴菜的沙律份量都不少，而且沙律食得出是外國進口，非常嫩口，車喱茄除了常見的紅色還有黃色，好好食！煎蟹餅裏面是一絲絲的蟹肉，平時我食蟹自己慣拆蟹肉，這樣拆好的蟹肉實在令我太感動了，而且蟹餅外脆內軟，沾上沙律醬胃口大開！此時留意到原來還有類似是日精選的餐牌，覺得這間餐廳真的很有上進心，如果常常固步自封不加入新鮮菜式，在香港這個來的快去的快的都市是站不住腳的，我很欣賞這點！於是吃蟹肉吃的意猶未盡的我倆，就選了日本松葉蟹羔精選的2號：芝士焗松葉蟹羔大啡菇 $68/1隻因為都半飽的關係，只叫了一隻，厚厚的芝士加上松葉蟹羔簡直不得了，入口甘甜，配上大啡菇一軟一實，實在完美！這間餐廳菜色選擇非常多，重點是有特別的菜色而且價錢不貴，給我

整體食物水準唔錯，幾好味，不過個酥皮龍蝦湯唔知點解等咗成個幾鐘🙄真係over一個鐘最‘慶’係本身HSBC咭$500以上有88折，佢碌咗冇比discount但同我講void唔到,傻的嗎🤷🏻‍♀️點會冇得void,你唔識洗唔洗我教你😤個樓面男仔問完d話事人再解釋嘅原因完全説服唔到我，類似話我冇出聲講要用個優惠，有d客會揀儲分唔要discount....成張HSBC咭都比埋你仲要講d咩？你係staff優惠唔係你promo架咩？十萬個為什麼？🤔最後當然有void比返discount我，話下次真係冇得void🤦🏻‍♀️仲會有下次。。。公司處理不當，好似講到皇恩浩蕩咁😑P.S 嘢食係ok，service就冇架喇，樓面得一個staff，等食要好有耐性同EQ要高

今晚食西餐，來到呢一間入坐時雖未至於 full house ， 但人氣亦不少。突然見到一眾avengers 的正義朋友，有人未坐定已顛左，係咁影相。提供的餐包種類繁多，細細件好好味，小朋友真係免費都食到飽。青木瓜大蝦軟殻蟹沙律 $98青木瓜酸酸地又爽口，加上很多新鮮沙律菜，以泰式酸辣醬汁拌住食，開胃好味，夏天食就啱曬。沙律上舖左數隻蝦，size 不大，用黑椒稍稍煎過，少少嗆卻又很惹味。主角軟殼蟹，很大隻有氣勢，炸到熱辣辣，仲已有椒鹽調味。同枱冇人喜愛，我一人獨食，大滿足！紐西蘭肉眼扒 $118牛扒外層煎香，內𥚃卻是嫩滑juicy 。薄薄的牛扒都可以煎得咁靚，有少少衝動想請教下點煎。牛扒是輕輕切便分開了的，肉味濃，而且食得出唔係平價貨。配菜有加了洋蔥及蒜的薯蓉，以及小片茄子，翠玉瓜同秋葵。全部都好味，可惜配菜份量偏少。賣相好簡約，味道是實而不華，以呢個價錢來說，性價比是超值。食過很多價錢double 或以上的牛扒，都未有此質素，衷心推介 ！朱古力窩夫伴焦糖脆脆 $68甜品我地揀呢個，朱古力味窩夫一開四片暖笠笠。配合涷冰冰的雲呢拿雪糕好好味，粒粒的 vanilla 籽散發獨有的香甜。雖然

foods are generally good.but need to wait for long for our order from 13:20 to 13:50.can consider to tell the guests how long to wait for the business menu(i ordered lamb chop), or can trim down the menu.overall taste are good, but if for lunch, can afford to wait for 30mins to eat for 5mins only.....

在OPEN RICE見到這餐廳的食評很好，而且剛好在公司附近，所以決定一試。想不到，我們落單後20分鐘，餐湯也沒有，要我們催問時才提供。然後，足足等了30分鐘，向男侍應生追了兩次，也沒有主菜，沒有回覆。最後，我去到BAR台前面，直接問負責沖飲品的大姐(因為見到佢指揮其他侍應生的工作)，問她究竟主菜要等幾耐？那一直黑面的BAR台大姐，第一次回答我很快便有了。然後又是等了又等......到我第二次說﹕我根本沒有時間吃飯了，直接埋單吧！BAR台大姐才說2分鐘會有。食物味道算是不錯的，但我要以9秒9的速度倒入口，幾乎燙傷口腔了！如果大家沒有2小時的午餐，還是奉勸大家不要到這餐廳吃飯了。

同朋友晚飯，佢揀左亞士厘道呢間樓上西餐。餐廳細細，但是都幾舒服。餐牌選擇多，有一人套餐，又有二人套餐，真係選擇困難症發作了⋯⋯原來仲有牆上面掛咗的 today special ，一眼就見到最吸引我的西班牙海鮮飯。為左紀念佢出局，我決定今晚就食咗佢。 而朋友就 order 左紐西蘭肉眼扒，大家 share 食。等食期間有免費的餐包，都有好多款，有牛角包、小餐包同埋餅乾條，上枱仲係暖笠笠。其中我最鍾意牛角包，酥皮之下，真係一層層的麵包，好鬆軟，少少煙韌，唔會太油，好好味。朋友就食曬啲餅乾條，一塊都唔留俾我，似乎好得。話咁快食物就上枱，首先來的是西班牙海鮮飯 $168 。份量其實好多，有好多唔同海鮮，仲要有個小火爐邊食邊暖住，賣相吸引。蝦是大大隻的，爽口彈牙。青口好新鮮，同埋唔會太熟，食起上嚟好鮮味，竟然有食生蠔的口感。其他餸仲有好多肥嘟嘟蜆仔、魷魚圈、元貝粒、雞肉同埋番茄仔。佢嗰汁都唔錯，味道正宗。唯一略嫌飯唔夠淋，有少少飯粒會硬，扣了點分數。另一菜式，紐西蘭肉眼扒 $118 都係好得，一來就已經聞到好香牛扒味。牛扒雖然唔算厚，但佢表面煎得好靚得來，而裏面又真係 keep 到 medium

Amitie Kitchen 於尖沙咀亞士厘道的一幢商廈。訂了7時兩位，這餐廳是由前5星酒店廚師主理，所以十分期待。到達大廈地下，見升降機暫停使用，在無冷氣情況底下，無損心情，逐級步行至八樓。餐廳設有超過50多個座位，桌椅擺放公整；樓底算高，進餐空間感十足，零壓迫。晚上七時已高朋滿座。餐牌選擇多樣化，問問店員有什麼好介紹，店員十分有禮地逐款介紹，也推薦了幾道菜式，非常親切。當中介紹的松葉蟹羔系列，十分吸引。最後，點了4道菜加一杯飲品。分別有法國藍青口、酥皮龍蝦忌廉湯、芝士焗松葉蟹羔大啡菇和 蟹肉意大利麵伴松葉蟹羔忌廉汁，飲品就一杯凍水果茶。上菜時間是按客人進餐情況而定，十分體貼。先來餐包，一共6件，分別有牛角包、bun同埋脆條，配兩客牛油。份量十足，包身軟軟綿綿。法國藍青口($128)，外形十分雅緻，而且份量十足。輕輕點算，藍青口大約有十七、八隻，有一個手指頭咁大，滿滿地淹在秘製的白酒忌廉汁裏。藍青口多肉鮮甜、連埋秘製白酒忌廉汁，又滑又香，真係絕配！ 蒜蓉包點上忌廉汁，味道也很融和。由於朋友和我都大愛這忌廉汁，除左點汁食，都一羹羹喝下。頭盤必點這個！來到芝士焗松葉蟹羔大啡菇($68)，

今日補吃朋友的生日飯，見網上評價很高，便到Amitie Kitchen一試這間樓上鋪西餐，但原來只是名過於實。Order完食物後，等了大約15分鐘，終於有野食，最先來到的是3款餐包，由於太肚餓，大家很快已吃完餐包，味道一般。等了大約半小時後，終於有主菜吃了，西班牙海鮮飯，飯半生不熟，沒想到等了這麼久，飯還是不熟，但因為太肚餓，還是繼續食了.......第二碟是蟹肉意大利麵伴松葉蟹羔忌廉汁，這碟終於有些水準，忌廉汁香而不膩，但意粉可以再硬身一點。第三碟是鐵板蒜片一口和牛粒，上枱時成為全場焦點，因為鐵板的 'jaja'聲確實吸引，但味道令人失望。蒜片是沒有炸過的普通蒜片，牛肉不入味。最後上菜的是等了又等的泰式青木瓜大蝦軟殻蟹沙津，味道不俗，沙律的醬汁很醒胃，但耐何這個沙律在最後一碟才上菜，醒胃已經完全沒有意義了。總括來說，食物質素很一般，沒有其他食家所言的高質，上菜極慢，次序亦有改善空間，或許當天傳說中的前五星級酒店廚師放假了吧！

喺尖沙咀shopping完就到覓食時間，去亞士厘道行一轉，見到Amitie Kitchen易拉架，寫明厨師喺五星級酒店任職多年，見食品圖片賣相幾吸引，一於試吓。星期六晚上全場滿座，樓上餐廳嚟講算係相當旺場，相信食物質素一定唔會差得去邊。先嚟一盤麵包，用木板上，上枱嗰陣仲係暖架。全部麵包都好鬆軟，配有牛油同來自澳洲嘅杏甫果醬。誠意十足！【芝士焗松葉蟹羔大啡菇$68】溶咗嘅芝士冚住大啡菇，入面有大量香菇、紅黃椒、真蟹肉、洋蔥等等，加埋蟹羔香味，味道豐富。大啡菇本身亦肉厚juicy，味道濃郁。用料十足兼有質素，抵食。 【紐西蘭肉眼扒$118】係碳燒處理嘅肉眼扒，我哋叫咗五成熟，切開見到粉嫩肉質，咬落軟腍兼肉汁豐富，食落濃濃牛肉味同可口碳燒味並重，再加上牛扒本身肥瘦適中，所以仲有陣陣牛油香味。$118嚟講CP值幾高。精選晚巿套餐【吞拿魚他他伴日式芝麻醬】粉嫩吞拿魚蓉入面有香蔥碎粒，口感綿密而味道新鮮，不過就唔係好食到芝麻醬味。【厨師是日餐湯 - 周打蠔湯】周打魚/海鮮湯就飲得多，周打蠔湯就係第一次飲。湯呈黃綠色似青豆湯，飲落好幼滑，鮮甜蠔味完全融入喺個湯度。個湯仲有餅塊同粟米，如果有返一兩粒蠔

好隱秘嘅餐廳 一唔留神真係係miss左間咁好嘅餐廳！ 餐廳還境非常舒服 而且服務非常好！ 其實佢仲有啲松葉蟹嘅小食都非常值得推介 但奈何個日食得太飽無再叫到 如果下次再去一定要試返🤤

同朋友一齊食 職員介紹的 白汁青口 真係好好味， 帶子煮得軟淋淋， 每隻都吸收咗白汁的味道， 又有鮮味。 最喜歡就是蟹肉牛油果沙律， 和帶子沙律， 食材不但新鮮， 最好味係個沙律汁特別炮製， 酸甜味適中， 好開胃， 啱曬熱辣辣嘅天時吃。 另外， 有三個自製新鮮出爐，熱辣辣的麵包， 迷你牛角包一啲都唔會油淋淋， 又鬆化， 三個麵包都好有麥香味。 只是羊膝麻麻地好吃， 可能掛住傾偈， 羊膝凍咗蘇蘇地。 最難得有職員主動介紹有什麼好味道食物推介， 不感覺到被 hard sell。 這間小小餐廳，雖然位置比較難搵到， 但都好值得再同朋友試其他食物

今晚約了三位美女同學(美C9先啱)食晚飯，早前見這間食評不錯又没有限時用餐，就來試下，一行四人點了兩個套餐另加一個西班牙海鮮飯，每天都提供不同special dish 和 signature dish，每人都有三款麵包，其中一款黑炭條淋上湯汁又幾好味喎；第一個主菜係慢煮羊膝，夠冧有羊羶味，可接受；第二個主菜係煙肉漢堡扒包，中間件菇吸收哂啲肉汁就好好味，反而豬肉和漢堡扒一啲底味都没有；炸蠔嘅汁完全食吾出味道，失望😞頭盤，無乜特别要三吹四請才上嘅西班牙海鮮飯，吾知係咪等得太耐，嚟到已無乜食慾，一般般，吾食，無損失；