반찬앤쿡 Banchan and Cook (時代廣場) (已結業)

今日到時代廣場逛街，購物後換到了美食優惠券便順道在此吃晚餐。朋友見到【Banchan and Cook】有蛋包飯吃，雙眼發了光的嚷著要試試。玫瑰醬無骨炸雞 半份 ($128)新品用上近期韓國大熱的玫瑰醬，上面灑滿玫瑰花瓣，甫上枱便傳來陣陣花香。炸雞即叫即製，外皮香脆內裡雞肉細嫰。玫瑰醬酸酸甜甜帶微微鹹度，多吃幾件也不覺膩。慢煮羊膝配薯條 ($185)中間一根粗骨輕輕一切即骨肉分離，吃下騷香軟腍肉味香濃。配菜有原個烤蒜頭、炆得入味無根的蘿蔔、清新沙律菜及金黃香脆炸薯條，配色及口味都很豐富。炸芝士豬扒忌廉年糕 ($125)金黃酥脆的豬扒內夾著芝士，要趁熱吃才可享受流心快感。豬扒雖然只有4件，但配上煙韌Creamy的忌廉汁炒年糕，嚼勁十足飽足度高。牛肝菌蛋包飯 ($122)用上6-7隻雞蛋，煎成厚實欖狀，切開時半熟的蛋汁緩緩流出，非常治療。牛肝菌和沙律菜份量非常多，如果蛋包飯改用炒飯而非白飯，相信定更美味。韓式雜莓牛角包窩夫 ($92)烘得脆卜卜充滿牛油香，簡簡單單加上士多啤梨及藍莓，美味又不太甜膩。夏至士多啤梨香蕉奶昔 ($48)以新鮮士多啤梨與香蕉混合打成，質地濃稠，每口都嚐到啖啖果蓉，

韓國玫瑰醬蛋包飯炸雞專門店💕✨🦥特色玫瑰醬，番茄、芝士和奶油的混合，加入微辣的調味，做出韓國人氣之玫瑰醬。✨《玫瑰醬無骨炸雞》$128無骨韓式炸雞，配上特色的玫瑰醬，十分開胃，且很惹味！炸雞啖啖肉，雞肉肉質鮮嫩，更有年糕和薯條作配菜。《牛肝菌蛋包飯》$122健康之選，充滿著香噴噴菇味的蛋包飯，菇菌類份量十足，配上滑溜溜的雞蛋，十分開胃！而且雞蛋的生熟程度剛好，中間是流心的蛋漿，很治癒！《炸芝士豬扒忌廉年糕》$125喜歡吃芝士不能錯過的一味菜，滿滿的芝士舖滿炸豬排的上面，香濃的芝士味，溶入墊底的年糕，很好吃！《慢煮羊膝配薯條》$185超級巨型的羊膝，羊味很濃厚，以慢煮的方式烹調，羊肉鮮嫩，配上表面的醬汁，有少許辣，但令羊肉更惹味！《韓式雜莓牛角包窩夫》$92近排窩夫大熱，餐廳甜品中也有窩夫的選擇呢！窩夫外層脆卜卜，內裏熱辣辣又軟熟，配上醬汁和水果，很甜心！《盛夏冰爽西瓜檸檬梳打》$48炎炎夏日中，一定想要杯解渴的飲品，這杯以西瓜為主題的特飲，加入了檸檬，十分爽！《青檸梳打》$42普通梳打也有青檸味，賣相也很吸引，顏色美！總結：韓式特色蛋包飯餐廳。💕

地址好找，时代广场上面，刚好在里逛街，网上好评如潮，去的早，空位很多，服务态度比较普通，呼叫多次才有行动。食物方面：烤牛肉蛋包饭，招牌，味道可以，没有网上说的那么好吃，不过可以说是这顿饭里最好吃的菜了。大份炸鸡，令人失望，玫瑰炸鸡味道敷衍，没有很新颖美味，初雪炸鸡味道好一点，也不算太好吃。重点是炸得非常非常老！根本咬不动！！！猪扒，和炸鸡一样难以咀嚼！感觉只有一层薄薄的肉还被炸枯了，外面包裹的面皮太厚！！！芝士更完全谈不上拉丝。价格与性价比：450不算贵，分量大但食物实在难以下咽，所以根本吃不完🤣

閒日經過時代廣場，見到呢間韓國餐廳冇咩人排隊就去食。店內裝潢係韓式，走木系路線，好有氣氛。我地去既時候好早，冇咩排隊，食食下發現滿座仲要排隊。我地一共叫左一個主菜，一碟煎餅，再加左杯飲品。野食未到先上左個主菜，酸蘿蔔青瓜。醃得好入味又青爽，唔錯唔錯。至於主菜我地就叫左牛肋骨蛋包飯，個汁好韓式，甜甜地又香，配埋個炒到岩岩好既蛋。仲有少少配菜，大大份！個飯用醬油炒過唔係白飯黎嫁，不過就冇咩味咁。個肉真係好好食，油脂唔肥，個肉好「淋」，可以用匙更「筆」黎食。好想知個店家點做到右上角加左個海鮮煎餅，夠晒脆口最後配搭埋香蕉士多啤梨奶昔，香蕉香味好夠。講完野食就想講下服務，侍應們服務真心麻麻，舉手示意冇反應之後，語氣都唔太好⋯

成日見到門口排晒隊又見到幾有feel嘅韓國嘢就決定試一試🤩🥚🥩燉牛肋骨蛋包飯 $142員工一送上枱 會幫你𠝹開個蛋等你方便影相打卡 不過略嫌牛肋骨鞋咗少少🥩🥬 燒醬油黑毛豬白切肉配大醬生菜$162呢一碟真心好食要讚一讚🤩 半肥瘦嘅黑毛豬非常Juicy 配大醬泡菜蒜頭辣椒 好好食 見到差唔多每一台都有叫😏🍗甜辣無骨炸雞 $108一般冇特別🤣冇乜辣味🍹夏至士多啤梨香蕉乳酪 $48唔會好甜 香蕉都唔會完全蓋過士多啤梨嘅味 攪拌得好滑身😋

☆ 반찬앤쿡 𝘽𝙖𝙣𝙘𝙝𝙖𝙣 𝙖𝙣𝙙 𝘾𝙤𝙤𝙠銅鑼灣勿地臣街1號時代廣場9樓922-923號舖✦ 炸芝士豬扒忌廉年糕勁多芝士呀，豬扒又夠脆，忌廉年糕軟熟得黎又煙韌。✦ 玫瑰醬燴雞腿肉蛋包飯雞腿肉好嫩，蛋好滑，上枱先切開好好玩，飯底有肉碎、瓜粒、蘿蔔粒，食落唔同口感唔會覺得單調，玫瑰醬好香帶少少辣，入面仲有少少菇片，無論配飯定係點雞食都夾。✦ 玫瑰醬無骨炸雞呢個醬同蛋包飯一樣，都係好香帶少少辣，無骨啖啖肉好鬼正，炸雞脆得黎又充滿肉汁，棒棒的！✦ 海鮮煎蔥餅好足料，有好多蜆肉、魷魚、蝦，整體煎得好香口，點埋個汁，少少辣咁好惹味。✦ 韓式雜莓牛角包窩夫我幾時都話我係有第二個胃食包XD Croffle好香好酥脆，配左蜜糖同肉桂糖，正中我下懷，好食到幾分鐘就比我食晒(〃ω〃)✦ 伯爵茶鮮奶咖啡伯爵茶味比較重，喜歡西式鴛鴦可以一試。✦ 夏至士多啤梨香蕉乳酪個樣好fresh，飲落唔會話好甜，有香蕉嘅甜又有士多啤梨嘅酸甜，幾夾幾好飲。

九月開學月認真忙碌 真係要偷走出黎抖下氣韓式小清新可愛木系餐廳 食一次後生左幾年所有食物擺設精美可口 見到會有開心既感覺夏日menu 推出左玫瑰味菜式 非常特別⭐玫瑰醬汁雞扒蛋包飯- 個蛋非常動L 制作完美 滑嘟嘟冇豆皮架 真係少d功架都搞吾掂 輕鬆切開勁有滿足感 雞扒厚切好juicy!⭐ 五花腩 - 望下個橫切面非常美麗 一層肥膏一層肉非常平均 食落口冇油膩感 入口鬆化 出色!⭐ 玫瑰醬炸雞 - 玫瑰味好突出 炸雞肉質保持 好juicy⭐ 芝心炸豬扒年糕 - 年糕煙un 芝心好正 拉哂絲勁邪惡總結： 賣相精緻 打卡一流 潮聖必到 價格中位 份量十足 絕不欺場

平日飲野都會揀玫瑰咖啡嘅朋友，知道呢間餐廳有新菜式，專登約埋我嚟食物賣相同味道有質數，果然無令我失望✨ 玫瑰醬燴雞腿肉蛋包飯呢款醬汁配蛋包飯比較特別，賣相好靚，外層雞蛋軟綿綿．震騰騰．滑溜溜，裡面嘅米飯都有調味，仲加入蘿蔔同瓜粒伴著厚厚嘅雞腿．肉質夠滑✨炸芝士豬扒忌廉年糕金黃香脆嘅芝士豬扒，熱辣辣有拉麵感配上忌廉年糕，口感煙煙靭靭✨燒醬油黑毛豬白切肉配大醬生菜厚切黑毛豬，每片嘅脂肪都均勻，肉質幾嫩滑，配上醬油令味道唔單調夾著爽口嘅生菜，可中和一下油膩感✨玫瑰醬無骨炸雞浸滿玫瑰醬嘅炸雞好惹味，配上薯條．年糕，味道同口感又幾夾✨無花果梳打 第一次飲新鮮無花果梳打，味道幾清新，唔會太甜，裡面仲有無花果肉✨夏至士多啤梨香蕉沙冰平日好少有士多啤梨+香蕉 嘅配搭，仲有香蕉片相伴酸中帶甜嘅感覺，面層嘅忌廉好Creamy✨韓式雜莓牛角包窩夫韓式甜品點少得牛角包窩夫，加上雜莓酸酸甜甜，為今個晚餐劃上完美句號。

由於係平日，3位大約7時去到唔使排好耐就有得入座。帶位同幫手落單的職員都好有禮貌，落單會主動問係咪share食。今次叫左牛肝菌蛋包飯同牛肋骨蛋包飯 （牛x牛的組合 😂😂），再加多一份炸雞。先講蛋包飯，一切開個蛋包飯，啲蛋張就已經流出來，再加埋佢夠晒熱，啲煙一齊都湧出嚟，好香，唔會過熟，蛋好滑。會推介食牛肋骨蛋包飯，因為佢個牛炆得好淋，又夠入味，個汁唔會太濃味，撈埋個飯食一流。牛肝菌嗰個就會比較淡味，所以食完牛肋骨蛋包飯再食返牛肝菌，一對比，個牛肝菌就會失色左。反而炸雞有啲失望，個皮比較厚，亦都可能因為後期人多嘅關係，個雞嚟到我哋食嘅時候都已經凍咗，雖然味道係唔錯，但可能上枱時已經唔熱，個質感唔太好，所以最後都食唔曬啲雞。

服務態度太差，炸雞唔好食。去既時候，佢地唔認可政府發放既康復二維碼圖片，一定要我upload去安心出行。用餐時候，音樂超大聲，隔離檯都話唔似餐廳應該有既音樂。waiter and waitress服務態度非常唔好，我地揮手，會假裝睇唔到，就算過來都係唔想理我地既樣。蛋包飯味道尚可，但價錢偏貴。炸雞味道麻麻地，冇想像中咁好食，有d硬，唔會酥脆爽口。隔離檯客人既餐仲漏左一份，睇到佢地催過幾次，到最後離開都未有。體驗太差，唔會去第二次。

睇過其他Foodie介紹依間餐廳，好似幾吸引幾好食咁，於是🐻同也米😍一齊去試吓！依間餐廳主要係食韓國菜🇰🇷，應該主打蛋包飯🙈，於是我地叫咗個蛋包飯同年糕試吓！-🍴炸芝士豬扒忌廉年糕🍲($108) - 本身係被依道菜吸引過嚟食，見到豬扒入面係滿滿嘅拉絲芝士🧀，而年糕就充滿醬汁。食嘅時候，豬扒中間嘅芝士真係幾多、幾足料🤤，可以拉絲拉到好長🤣，係最好玩嘅時刻。年糕偏向幼長身，有少少咬口，不過偏淋😗，醬汁感覺落咗兩片片裝車打芝士，好杰身，食咗幾舊已經開始覺得膩🫠。-🍴玫瑰醬燴雞腿肉蛋包飯🍛($138) - 係OpenRice睇食評，都好似冇人推薦依個口味嘅蛋包飯，我哋最後決定試吓伏🤣。玫瑰醬係指蕃茄醬🥫加忌廉嘅辣醬🌶，好輕微嘅辣度，但同時幾惹味，雞腿肉🍗外表煎得幾香脆，而且幾入味，入面嘅肉幾嫩滑。蛋包飯🥚會係食客而前切開，見到入面超嫩滑嘅蛋，配埋用泡菜、蔬菜粒炒成嘅炒飯，幾唔錯😙！

打完風之後熱浪繼續圍繞香港，係條街行一陣都已經汗流浹背🥵忍唔住入timesquare一邊嘆冷氣一邊揾下靚lunch食，上到9樓就見到呢間裝修勁靚既韓國菜🤗用咗淺色木系做基調既餐桌椅，掛住好多花花草草仿真植物🏕令成間餐廳氣氛都好放鬆，唔少親子家庭都黎食野，聽到此起彼落既歡聲笑語🙉打開餐牌就見到佢地最新推出咗玫瑰醬系列🌹近年睇唔少韓國綜藝入面都見到嘉賓食得相當滋味，估唔到香港都有得試，原來唔係真係玫瑰整成，而係用蕃茄醬加奶油醬調成咁靚既顏色，再加韓式辣醬就仲惹味😋🌹玫瑰醬炸雞 | $138 | 7/10揀咗半隻有骨炸雞，感覺上有骨先係比較原汁原味，一座小山就好快送上，有炸雞、年糕同薯條，淋滿鮮豔既玫瑰醬，食落酸酸甜甜開胃又好味🐓炸粉唔會太厚，不過年糕可以再煮耐小小🐮燉牛肋骨蛋包飯 | $162 | 7.5/10好似拳頭咁大既兩大舊牛肋骨嚇親我，配上招牌既蛋包飯，店員仲會幫手輕力咁切開蛋包飯🍳翻開後滑蛋完美覆蓋咗炒飯底，牛肋骨肉質豐富有咀嚼感🥓燒醬油黑毛豬白切肉配大醬生菜 | $182 | 8/10差不多有半張兩人檯咁大既白切肉，肉眼可見燒製既痕跡，食落都有一陣烤焗香氣🔥好正宗咁配上紫蘇葉同

位於銅鑼灣地標時代廣場9樓Banchan & Coo韓國餐廳，在香港開有多家連鎖店，店堂裝修佈置清新企理，座位闊落舒適盡顯時尚潮流。主打韓式及西式的佳餚。招牌菜韓式炸雞，雞皮脆肉嫩，非常香口，配有韓式年糕，軟糯煙韌。牛肝菌蛋包飯，切開蛋皮半生熟的蛋醬漫漫湧出，鮮香濃郁的牛肝菌與米飯蛋醬伴均，口感滑嫩。玫瑰醬燴雞腿肉蛋包飯，玫瑰花瓣點綴在蛋包飯上，令我食慾大增，口感豐富而滿足。慢煮羊膝配薯條，擺盤漂亮，配有薯條和蔬菜，買相十足，羊肉軟腍惹味，口感一流令人回味。餐後甜品雜莓牛角包窩夫，有藍莓和士多啤梨點綴，邪惡又吸引。餐飲盛夏冰爽西瓜檸檬梳打，有西瓜球和檸檬片，解喝清新又健康。餐廳坐無虛席，人氣爆棚，記得要提前訂座。

⭐【銅鑼灣】新派韓式西餐廳⭐今次去了銅鑼灣逛街，知道位於時代廣場這間〔Banchan&Cook〕韓式餐廳，平日時段都會有很多人在外排隊，所以今次中午時間去到看到不用排隊，就去品嘗店內很具人氣的蛋包飯。店內裝潢以木系顏色為主，配上牆上特色的乾花及裝飾植物，格局溫暖舒適而帶點清新文青感覺。餐廳主打提供韓式及西式的菜餚，包括各式飯類、意粉、甜點等。【牛肝菌蛋包飯】Porcini Mushroom Omurice (HK$122)蛋包飯是店內人氣菜式，店員會為客人切開蛋皮，輕輕一刀界開蛋皮會有溫暖的半熟蛋漿流出，入口雞蛋味濃而嫩滑，配菜更有香濃的牛肝菌及沙律菜。【炸芝士豬扒忌廉年糕】Cheese Pork Cutlet with Creamy Treokbokki (HK$125)豬扒表面炸至金黃酥脆，中間夾著半溶流心芝士，口感外脆內軟，煙煙韌韌的年糕配上充滿奶油味的忌廉汁，香口又邪惡。【玫瑰醬無骨韓式炸雞】Rose Fried Chicken (半份)(HK$128)玫瑰醬並非有玫瑰，其實是由番茄醬和奶油醬混合而成，因為醬汁的顏色很像玫瑰色，便名命為玫瑰醬，醬汁入口香辣，炸雞入口嫩滑，配搭年

🐝Banchan and Cook (時代廣場)🐝༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶✨牛肝菌蛋包飯 $122個蛋包飯非常適合打卡🤩🤩，切開蛋皮，就有半熟嘅蛋流出，而且亦非常滑😋，配埋份量好多嘅牛肝菌同雜菌，超好送飯‼️✨慢煮羊膝配薯條 $185個羊膝嘅羊肉非常腍🤤，完全唔韌🤩，而且唔係好而且唔係好羶，鍾意食羊肉嘅朋友一定要試‼️✨韓式炸雞(無骨半份) $128我哋揀咗玫瑰醬，感覺好得意😎，玫瑰味同炸雞🍗意外好夾，值得一試😋‼️✨韓式雜莓牛角包窩夫 $92身為一個牛角包同埋窩夫愛好者一定要嗌🤩，食到好似牛角包一層層嘅感覺，加埋啲糖漿食就甜甜地好正💗👍🏻，啲雜莓都好新鮮🥰✨盛夏冰爽西瓜檸檬梳打 $48西瓜味好出，加埋啲檸檬甜甜地又酸酸地，好有夏日嘅感覺，fresh‼️🤣✨濟州綠茶鮮奶 $42水準好高嘅綠茶鮮奶，👍🏻鮮奶好滑，綠茶🍵都唔算苦，適合啲唔鍾意飲甜嘢嘅人😋༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶