Barg (已結業)

這天朋友相約一同前往銅鑼灣吃飯，現在因為限聚的關係還需要二人限聚，我和朋友正好是兩個人，但因為餐廳座位有限，令到我們只好選擇外賣自取，沒想到這正正是一個好時機，因為可以和朋友在家裏暢談一下我們的人生路。黑松露蟹肉醬配墨西哥粟米片， 作為前菜這絕對是一個最佳的選擇，除了因為粟米片是我最喜愛的之外，還有我十分欣賞店家他們準備的醬汁，沒想到黑松露蟹肉醬 ，內裏的分量居然如此充足，童叟無欺，用料十足， 醬汁十分西化，也十分適合香港人的口味，真不錯。

疫情下，喺銅鑼灣行完街想食埋晚飯真係難！外賣就是唯一出路！記得有朋友同我介紹過，呢間餐廳又好味又抵食，所以今日決定幫襯下。水城牛雞翼醬汁非常惹味，令人胃口大增！雞翼炸得酥脆，內裏的雞肉軟滑，整體味道不錯，我同朋友都爭住食！意式辣肉腸薄餅辣肉腸令人醒胃，薄餅極之酥脆，即使外賣都keep到個溫度👍🏻，仲要打開個Pizza 盒已經聞到好香噴噴！龍蝦汁蟹肉天使麵好鍾意佢個龍蝦汁，而且蟹肉好多，性價比很高，每一啖的天使麵都能吸取龍蝦汁，味道很好！焗大啡菇四色芝士長通粉大啡菇夠Juicy！芝士味濃烈，長通粉有咬口，值得一試。疫情下見到食肆內沒有食客，心真的很酸，大家不妨多啲支持所有食店，多點叫外賣😆

由於疫情關係 盡量少去外出食飯 但都想食好啲 去到銅鑼灣見到樓下有人派傳單 有間意大利菜做咁九折咁我就上去買兩個外賣 同屋企人撐枱腳首先叫咗一個 西班牙燒乳豬仔 配上薯角西班牙燒乳豬仔 燒到皮薄 乳豬皮好脆 鎖住乳豬肉質的水 乳豬好嫩滑, 即叫即燒 落單之後30分鐘就 送上清蒸 銀雪魚 佢想畀仔薯蓉 滑捋捋好好銀雪魚大大件 好滑口 肉質紮實嫩滑咬樂完全冇雪味, 用料用上新鮮的魚柳配上豆角青菜 豆角好好味咬樂充滿田園氣息呢度外賣 包裝好靚 服務態度好好值得推介嚟多次

疫情並未受控，晚上還未開放堂食，只可以提早吃晚飯，回家早點休息。希望疫情早日過去，全世界回復正常，有所謂希望在明天。意式白酒煮蜆扁意粉$168，蜆肉大大塊，爽口鮮甜，是吃過眾多蜆中最為美味的一次，意粉吸收了蜆肉的鮮甜味道，和白酒的香氣，加上烹煮的時間適中，整個組合值得十分推薦。烤乳豬配蘋果醬$218，由於是即點即製的，等候時間需要25分鐘以上，建議點菜時首先落單。乳豬皮脆，肉質鮮嫩，加點蘋果醬，可以消除油膩感。伴菜：焗薯配酸忌廉、煙肉碎及青蔥碎$68。煙肉碎的鹹香味，加上酸忌廉和薯仔，是一個必然的首選。蒜蓉牛油配香脆麵包，這個前點非常香脆可口。

近排外賣多數都是食兩餸飯，今晚就決定食個西式外賣吧。這間餐廳外賣還有八折優惠。外賣的賣相很不錯。點了一客Parma Ham Pizza， Size 都比預期中大個，分到八小件，是薄身的餅乾底，所以食多兩塊都不會膩，Parma Ham 份量一點都不吝嗇，舖滿整個Pizza，配上火箭菜及灑上滿滿的芝士粉。$148 還有八折就十分抵食了。另外一客香蒜鯷魚橄欖意粉($108)，這個意粉賣相雖然普通，配料簡單，只有橄欖、鹹鯷魚，酸子及蕃茄醬，但味道鹹鹹酸酸幾好味，意粉的硬度又煮得剛好。還有半客燒汁豬肋骨配上粗薯條($198)，豬肋骨醃得入味，燒得淋身，一切已經骨肉分離。燒汁味道亦剛好，很惹味。

餐廳環境舒適，昏黃的鏤金吊燈，加上黃色沙發皮椅，感覺輕鬆，品嘗休閒的午後時光。香煎鵝肝配焦糖蘋果$138鵝肝柔滑細膩，淋上甜醋，配以焦糖蘋果解膩。大口咬下，脆卜卜多士，碰上綿密鵝肝，齒頰留香，是雙重滋味。香煎亞特蘭大鱈魚配野莓汁 $258大鱈魚是深海魚類，肉質肥厚，油脂豐沛。鱈魚扒口感鬆軟，咀嚼時魚油豐盈，跟配野莓汁，入口甜中帶酸，令魚肉鮮香更突出。 驚喜是幼滑的薯蓉，啖啖濃郁牛油香，以爽口蘆筍條點綴，細緻均衡。Tiramisu $68表面鋪滿咖啡粉、朱古力醬，空氣感十足。夾層忌廉打至蓬鬆，充滿咖啡香，切開時傾瀉而出，香氣醇滑。

聖誕節好多地方都要book位，甘就隨便揾間野食啦，無意間經過見到呢間餐廳，見餐牌好似ok就入咗去，但結果總令人失望第一，上餐緩慢，個場基本上無乜客，誇張d講句，啲食物消化完先上另一個餸。4/10第二，食物質素一般啦，只可以講普通cafe仲好食過佢，有d失望。5/103個餸總共食咗$574唔會幫襯第二次！！

今年咁特別嘅世情下，出街食聖誕大餐已無可能，但係仍然可以將意大利餐廳嘅嘢食搬番屋企開大餐🥳🥳Barg位於銅鑼灣百樂中心1/F，最近推出了聖誕外送大餐，我這個是4人餐，可選一款主菜+三款前菜/薄餅/沙律/意大利飯/甜品（$628），都有成廿幾款選擇。我自取仲有8折！折後$502，人均$120左右，都幾抵食。我選了肉醬薯皮，有8件咁多。主菜選了烤德國鹹豬手，已細心切好一塊塊👍🏻👍🏻👍🏻仲有舊豬骨。我將呢兩樣嘢放返入焗爐加熱先食，都唔錯👍🏻👍🏻蟹肉燴意大利飯好大兜，份量十足，有好多蟹肉，偏咸，飯粒依意式煮法，半生飯粒有口感。最後一款我選了甜品Tiramisu 2磅，份量很多，不過跟我想像中傳統的Tiramisu不同，這個口感鬆軟像Mosse+手指餅，咖啡味欠奉，似tiramisu味蛋糕多點。整體我覺得係幾抵食，叫到會又多一個選擇～買滿$1000仲可以免運送貨💪🏼🚛🚛

📍ʙᴀʀɢ 上星期咁啱經過銅鑼灣 見到百樂中心樓上有間西式意大利餐廳有X’mas catering 套餐😍就買返去同屋企人share食😙-聖誕4人套餐 $628呢個套餐價錢包一款main course 、三款其他食物🙆🏻‍♀️ 全部都可自選～餐牌上食物多達20多款🤪 主菜我就揀咗香烤原骨羊架😋 羊架仲配薯仔粒同埋豆😍 羊架份量都足👍🏻肉質有咬口 、 肉汁豐富🤤 鍾意食羊嘅可以試吓！松露野菌薄餅係屬於薄身嘅脆邊批 食落去菇味濃有松露香😍 嗰邊食落仲好脆口！不過略嫌Pizza個size比我想像之中細🙈 我以為係大批咁大🥺 我仲叫咗蟹肉燴意大利飯😋 飯食落濕潤～都食到唔少蟹肉絲 成個飯嘅味道都唔錯😛不過可惜飯食落有啲硬🥺 應該未煮熟哂☹️最後我梗係仲叫咗樣甜品食啦😝藍莓芝士蛋糕雖然佢表面係有少少黑 但整體唔影響食後感🙈蛋糕中間有唔少嘅藍莓 嗰cake底仲係消化餅底🥰 食落芝士味濃😋 唔錯！鍾意食甜品嘅我會推介你試下呢款❤️大家有興趣可以去睇下佢哋嘅IG店舖資訊👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ ☆ ☆抵食指數：★ ★ ★ ☆ ☆

女性朋友請食飯揀左伯樂一樓的Barg, 小浪費氣氛，裝潢有心思，椅子得特別，星期一晚上，人流也不少，放工chill 下，傾下計，唔錯。蠟燭一直熱住蒜香油，keep住溫度，配合軟熟微熱餐包食用，唔錯，笑言食緊燭光晚餐。法式蟹肉虎蝦多士 （必食）巨型版蝦多士， 虎蝦大大隻夠新鮮，多士炸到脆卜卜，金黃色，睇得又食得，不過得2件太少。辣肉腸汁 4重奏芝士薄餅2個女士，食到主菜已經有點飽， 薄薄pizza 濃厚cheese, 加spicy sauce, 多重享受 豐富口感。服務員親切有禮貌，整體感覺不錯，會再來。

假期起身已經1點幾🥱 所以決定去食個brunch～揀咗呢間樓上餐廳～都幾大幾好坐我地兩點幾去到就係brunch menu～我地嗌咗Egg Benedict配煙三文魚及牛油果沙律 $88Egg Benedict好流心🧡 原隻放喺muffin上面 上面淋咗荷蘭醬，中間再夾住煙三文魚～賣相已經好吸引🤤 一切開Egg Benedict ,蛋漿隨之流入煙三文魚同muffin中，味道濃郁而帶蛋香味再嗌咗個All Day Breakfast $68食物豐富，加埋有六樣野但總括Egg Benedit相對上出色，推薦Egg Benedit👍🏻

倆口子想找個靜靜的地方享受一下假日早午餐舒緩一下疫情下的壓力來到食肆林立的百樂中心，爬一層就到達，毋須等待長長的電梯人龍餐廳有很多偌大的梳化卡坐，既舒適又有極高的私穩度最近推出了一系列的早午餐，全日早餐只須$68便可挑選一款蛋、一款麵包及三款配菜早午餐又怎能沒有班尼迪蛋配三文魚、巴馬火腿及牛油果沙律？吃起來口感濃稠、滑順，還帶著酸酸的滋味要圓滿一份早午餐要有一壺西茶，悠然芳香的洋甘菊， 令人精神為之一振喜歡咖啡的也有一系列咖啡供選擇，冰凍的黑咖啡能加速新陳代謝又能有效減脂，減肥人士恩物

朋友生日當然食好西啦，今次朋友介紹下試試這間果然...好味喎值得一試再試起餐前，先上了餐飽，法國餐廳指定動作 熱熱地脆卜卜好味，而且有3款口味，先點一客磨菇湯，十分濃味不過碟太大不是太好看。點了蒜茸青口，正呀！湯味濃厚伴上脆多士再來了一客簿餅，已經好少食到咁簿的簿餅，材料剛好，味道一流再點了一客 卡邦尼意粉🍝 朋友一致認為意粉硬度一流，難以食到剛好再點了一份牛扒， 肉質美味， 5成剛好朋友生日當然有小花臣啦，甜點可寫名，芝士餅細細件，但口感及味道都十分滿意我的生日過了4個月，驚喜朋友突然也為我慶生 上了另一份甜品， 疏乎厘（制作需時）但好大好吸引，熱熱的配上朱古力醬備註：由於個個都餓了，食住來影相

政府放寬晚肆，出咗街唔洗買外賣回家食或趕回家食方便好多，今日出開銅鑼灣，睇戲之餘仲搵餐廳補㊗️週年紀念，另一半上網搵到這間，我其實好耐之前同朋友食過，大約六點三、四到餐廳，餐廳唔多人，得三、四枱，叫了紐西蘭青口(香辣肉腸汁）、龍蝦汁蟹肉天使麵及鱈魚，佢哋上餐基本上好似上完一碟食完先上另一碟 ，最後上果碟天使麵半個鐘頭有多先上到😅，其實個場都唔多客，都咁耐，可能唔夠廚掛😅，餐飯食到有D趕，因為趕住睇戲，食物味道方面，個辣肉腸汁同青口好似唔多夾，又唔香，D味怪怪的，個天使麵味道也好一般，條魚就幾ok，肉質嫩滑，但份量少，要二百幾蚊有啲貴，但個餐前包幾好味，熱辣辣的，軟熟，服務也一般，叫個男職員幫手影相，木口木面，無出過一句聲，就咁影完就俾返電話我們，好似唔想幫我們影咁😅，總體而言，一般，應該唔會再幫襯.

今晚唔算加班，但7點收工已不能外吃，只好買外賣，今晚想食西餐，去了 Barg 點選了個一人三道菜套餐，包括沙律、意粉及甜品。牛油果車厘茄沙律本來冇期望，原來用充滿果汁香味的沙律汁調味，令我完全改觀，沙律菜可以好食。蜆肉意粉夠份量，有16隻蜆，隻隻飽滿有汁，在屋企自己再加點橄欖油更和味。意大利芝士蛋糕，放在膠盒來賣相失分，但不影響味道。外賣都唔差，返到屋企冇走樣，這間值得重來。環境看來寬敞舒服，將來開返要來吃。