Bella Shine (已搬遷) 新店位置

善用工廈，以平易近人的價錢來回饋食客，是食客的福。門口裝修簡約而帶點designer feel。餐廳內空間感大，有柔和的燈光，枱尺寸也大，距離充足。西蘭花薯蓉湯 - 味濃，湯中也有些西蘭花及薯蓉粒粒，有texture🙌份量比飯碗再大一些。日式豬軟骨濃湯烏冬 - 豬軟骨夠腍，醃得夠入味，大約有3大件。扁烏冬，份量適中。配上紹菜，紫菜，豆角等等。湯頭屬於清淡形😉檸檬水- 小小的一杯，杯子精緻😊餐廳其他的menu。set lunch也有6款可供選擇，配有餐湯或沙律，也有餐茶，也可以再加錢upgrade飲品或甜品👏總結: 坐得舒適，食物ok, 但要注意餐廳會在3時左右close, 晚上再重開😊

今次encore，專誠要食德國咸豬手，有少點失望，有點over burn，硬了一點。要提醒自己，叫德國咸豬手就不要叫ribs，今次兩樣都叫，ribs就比較肥，有點濟，再叫燒硬了嘅咸豬手😵 。 一山不能藏二虎，今一肚藏二燒，很熱氣🔥。不過唔係咁灰，味道係👌。原來碟炸雞沙律先係好嘢，好香硊同肉甜，應該要上這碟先。還有牛舌，老人家又及小朋友未啱口味，因爲味太濃及都有點硬，要點點🍋汁就好一點。叫食物真係要balance 一下，這𥚃有西式，又有日本菜，叫了碟蝦刺身墨麵，兩隻蝦🦂很正😋，麵就一般。還有這個醬鰻魚，不及預期，很多骨😶整體來說，不過不失，只是不及預期，而且有點 Heavy。星期五晚實在太多人，可能因此水準不定，上次星期日晚冇咁rush，就比較好些。

軟殼蟹天婦羅咸蛋黃扁意粉 $118 @ bella shine 軟殼蟹天婦羅🍤炸得夠脆身，調味適中，將佢同意粉🍝一齊食，有d脆卜卜既口感，幾得意。呢道意粉既特色係加入咸蛋黃🍳，而咸蛋黃味道又好出，好有咸香，但唔會好漏，所以整體配合得幾好。

食 farewell 飯，同事一直話食呢間，終於喺 last day 食到😂 嗌咗 lunch set : 澳洲安格斯牛扒配牛肝菌燒汁，跟餐送餐湯+沙律+一杯嘢飲！（$118 免加一)今日飲粟米湯配沙律加蒜蓉包，不過不失。到主角好快就上枱：澳洲安格斯牛扒配牛肝菌燒汁，連薯菜上。我叫咗 medium 的確軟熟，個人覺得唔點汁仲好食同同事傾得太開心，未叫嘢飲，員工善意提醒🤗先記得唔記得咗😂 即刻叫返，服務態度好好！

兩年前觀塘放工，夜晚都黎過一次，果陣係同朋友約會😄，今次第二次黎仍然印象深刻。今次附近上堂，撞正1/7回歸，怕周圍多人，所以黎返呢度，坐得舒舒，地方夠大。水係微暖，對唔鐘意飲凍水既我覺得剛好。🍴蒜蓉包好香，烤得剛好，好食。🍴餐湯係粟米湯，粟米攪碎左，每一啖都充滿口感。🍴沙律既醬好特別，食落似麻醬，但又酸酸甜甜，我幾鐘意。澳洲黑安格斯肉眼牛扒 配牛肝菌燒汁 $118叫左五成熟，一個女仔lunch食扒都幾邪惡😂。雙面煎香，肉質剛好，唔會過生或過熟。個汁充滿牛肝菌味，但牛扒表面早已撒上滿滿黑椒碎，味道足夠唔沾汁已夠味。服務生都幾有禮貌，休閒好選擇，最後趕住上堂，匆匆來匆匆去。

幾年前已經食過！因為轉工，好少呢區食飯啦！難得搵舊同事一聚，醒起呢到！好彩有book位，如果唔係真係食唔到！位於工廠大廈內！係AXA對面，有個停車場入口呢個位上！都幾難搵到！3個人安排窗邊既高台！好彩都坐得幾舒服！3個女人，食量唔多，旨在吹水！呢個冇叫！送左個蒜蓉包！好食！叫左一d串燒！燒得好香口！因為有個唔食牛！呢個係豬唔記得咩！好好食！香腸拼盤！好多唔同種類既腸！配菜竟然有燒蒜！我鍾意食呢！最好食係呢個麵！鰻魚竟然同個意粉好夾！呢個推介呢！燒栗米！我最鍾意就係好貼心地切開左一件件！不過可惜芝士唔夠溶！女人食飯又點可以冇甜品！呢個名真係改得冇錯！心動一刻溶個刻好心動呢！我地7:30食到10點都冇趕客！聚會傾計真係好地方！老闆仲會行過黎問d野食岩唔岩口味！好貼心！

香港地寸金尺土，不少餐廳近年都選擇搬入工廠大廈，面積大，租金便宜，價錢相對化算，絕對是放工消遣好去處。這天我男朋友選址，網上做了資料搜集，選定了Bella Shine這家人氣餐廳。它裝潢高雅，與外面工廈的環境形成強烈對比。內裡的空間感十足，而且不乏大餐桌，就算單人匹馬，以至十數人同檯食飯亦可 ，很適合聚餐聊天，而且食完後完全不會趕客人，所以給我們很輕鬆的感覺。最吸睛的就是兩個比我還要高的巨型鐵甲士兵，客人在用膳其間可以跟他們合照放上網「呃LIKE」呢！餐廳菜式融合日西的FUSHION特式。朋友點了黑豚豬扒烏冬，我要了一份頂級美國肉眼排。前菜Salad味道相當特別，我估計沙津醬醬汁部分是自己調配的，有芝麻醬和乳酪的味道，與新鮮蔬菜互相影響，散出清甜幽香的味道。忌廉湯特別值得一讚。跟外面的有點不盡相同，廚師在湯中加入西蘭花和薯仔，沒有奶SO味，非常易入口，味道清淡但豐富。牛排相當厚肉，烤至5成熟的配合自家製的醬汁，牛味更濃郁。牛的肌肉與脂肪比例適中，每一口都可以吃到油脂和肉汁，厚切更適合。配上番茄蔬菜薯蓉等配菜伴碟，十分開胃。吉列炸豬扒經高溫煎封肉汁，外脆內Juicy而且不油利。豬排應該用

去觀塘食晚飯，聽說係食和風洋食，即日式西餐。店內都幾多人，有幾枱一家大細，6至10人的食客都幾多，又有幾歲人仔走來走去。一坐底嗅到空間有點霉味，但我個鼻比一般人敏感，都係唔好出聲打擾一齊食飯的朋友。餐牌的菜式都多海鮮，個名好似唔錯，叫左凱撒沙律配雞肉、燒帶子意大利飯、黑松露野菌扁意粉，飲品叫了latte同白桃乳酸特飲。5樣都無驚喜、麻麻地。沙律同扁意粉更是低於一般西餐廳水平。食沙律我通常都係汁另上，怕醬汁有辛辣料會敏感。今次的沙律起無醬之下原形畢露，菜好明顯未瀝乾水，這是沙律大忌!菜的款式不多，主要是生菜，新鮮程度尚可，感覺有點頹，雞肉是醬汁煮的不是煎雞肉或烤雞，稍稔。帶子意大利飯同松露扁意粉的香味不突出，放入口前先聞到少少，其實香味同熱度有關，整體都凍得快。味道平平，好flat, 即係只有一個味，咀嚼時無驚喜，唔會有令人好想再食多啖的好奇心。 意粉食到一半已有點乾。飲品同食物都好普通，咁遠來揾呢間舖有點失望。

難得地入到黎觀塘，緊係要同朋友決定試下「工廈美食」！（假期去商場食飯一定要大排長龍....）首先最大既優點當然係唔・洗・排・隊～而且係APM行去唔洗10分鐘就搞掂！（*熟路的話）餐廳環境幾大幾靚，裝修幾有心思！Set Lunch分別叫左：「日式吉列黑豚配冷稻庭烏冬」  同 「柚子蜜燒春雞配蜜糖芥末燒汁」 日式吉列黑豚配冷稻庭烏冬 $82塊吉列黑豚超級脆口！！（但不是好熱辣辣果款）凍烏冬既份量充足，配搭大量紫菜，而且芝麻醬味道不錯，唔會太死鹹！柚子蜜燒春雞配蜜糖芥末燒汁 $88一上菜時即聞到柚子蜜既香口～隻燒春雞火喉控制得好好，切開勁嫩滑勁多汁！配搭埋個醬汁味道微甜，感覺幾新鮮。薯蓉方面亦有驚喜位！超香黑松露味道，如果份量多d就好啦哈哈～（在下係松露迷）至於頭盤面包，紫薯湯同沙律做得都好出色。-面包：充滿香草味道，口感鬆軟，表面微脆-湯品：第一次飲紫薯湯，新鮮感100分，而且夠飽肚，肚餓必點頭盤！-沙律：蔬菜新鮮，面包粒脆口，蒜蓉味夠香濃，個汁亦唔會太多太酸，值得一讚！

觀塘美食首選之一環境都算坐得舒服，店員也很親切，也可能係小朋友容易令人變得多點笑容及和藹可親🤗店內唯一特別的裝飾就是一雙古代裝甲騎兵。不過重點係食物，真❤️好食餐前蠬蝦湯，濃濃🦐味，雖然係普通蝦肉，但湯有香濃蠬蝦味。小朋友就覺得一般，因為唔夠甜😏餐前菜精緻，淸甜蕃茄，甜螺爽菜，可口煙三文魚，有級數名字很長的一碟：軟殼蟹天婦羅咸蛋黃扁意粉😮 ，咸蛋黃混入軟殼蟹，同扁意粉一同吃，充滿了咸蛋黃味及脆蟹殼味，good！😋看來這店的食物名字一定要長，另一碟：輕煎日本帶子黑松露意大利飯😮，兩個大帶子，我還是愛吃亞洲米飯，碎碎的意大利飯吃來有點怪，但不是味道問題，只是質感上的不慣。亮點在於這個set C, 名字不記得了，三百蚊嘅😮，燒𩶘魚無得輸，肉滑皮甜，西班牙乳豬也無敵，皮脆肉嫩餐後甜品也不遜色，超甜的和菓子，香滑綠茶雪糕，中間個cake就比下去。以食物質素來計，價格不算貴。打開menu，唔會笑但唔會😭。食完後，大家都

今日咁啱同女友去觀塘行街街.見網上評價ok, 咁就上咗去試. 總結：- D Crew有禮貌- 地方夠闊落, 夠靜- 兩個人拍住拖去都ok嘅.- 性價比低食咗接近五百大元可能係請太多人同地方大嘅原因但都可以一試.個個人口味唔同!

下就冇野做心思思想試新野,呢間餐廳位置方便,可能星期六唔係返工時間,所以唔算多。樓面好乾淨,坐都好舒服,店完都好有禮貌。黎到日式fushion,就點左份黑豚豬扒烏冬加西湯沙津配蒜蓉包。西湯食落係忌廉,西蘭花加薯仔打埋一齊做既湯,雖然本人唔鍾意忌廉,但佢呢個湯唔太油,忌廉味唔重,再加上蒜蓉包,味道唔錯唔錯。沙津菜新鮮,醬汁幾特別,芝麻醬加上乳酪。主菜係黑豚豬排烏冬,首先吉列炸出黎唔油,而且諗住豬排都係好硬,但食落就一D都唔硬,而且多汁,軟硬度似係食緊魚扒。烏冬係稻庭烏冬,識食一定係凍食,所以餐牌都係唔係有熱食,食落口覺彈牙,溫度少少凍岩岩好,加上芝麻醬味道一流。價錢同食物成正比,環境唔錯,有機會再黎食。

今日放假，去開觀塘，就搵下有乜好食。上網見到觀塘原來好多工業大廈都有食肆，於是揀咗呢間餐廳試試！小妹第一次去工業大廈嘅食肆，依間餐廳都幾容易搵，過咗天橋，行過對面馬路就係。等𨋢嘅時候已經見到工業大廈嘅特色之一- 有分送貨嘅𨋢同埋載客嘅𨋢。平時唔知道嘅話，真係會諗一諗：呢度真係會有餐廳嗎？上到4樓，一開𨋢門，就好清楚見到間餐廳， 知道自己冇搵錯地方！餐廳嘅環境都幾舒服，空間好闊落，佢有分幾樣唔同嘅枱。近窗邊嘅枱，係高枱同埋高凳，我就被安排坐呢一類枱，可以望到窗外景色。室內嘅燈光亦好柔和，仲有兩隻鐵皮嘅公仔，幾特別。午餐嘅餐牌款式種類都幾唔同、同有特色。其實有好幾個餐我都想試，不過鍾意食牛的我，當然揀了牛扒，飲餐湯，飲凍檸茶。今日嘅餐湯，係紫薯湯，佢好creamy ,都幾香，其實係唔錯的，不過紫薯始終屬於薯類，我飲咗三分之二就要停了，因為開始有膩嘅感覺。(p.s. 跟湯仲有塊蒜蓉包，非常香口 ～ l'm lovin' it ~ )至於塊牛扒，雖然我叫五成熟，但送到的扒並非五成熟，但好在佢冇「un」嘅感覺，都好容易咀嚼，亦好有口感。＄118嘅餐，當然唔能夠同出邊二百幾三百元嘅扒來比較，但係佢

今日同朋友去開觀塘諗住一齊食返個lunch觀塘有咁多工廈不如去試下新野啦！😆之前都未試過搵工廈嘅食市估唔到呢間Bella shine環境都唔錯而且地方好大一大班人上嚟食飯都唔怕無位👍🏼而且店員安排左我哋坐窗口位可以望到出邊嘅街景座位舒服😁感覺好悠閑寫意 頭盤有湯或者沙律我同朋友各點了一款可以互相分享紫薯或者紫薯雪糕就食得多紫薯湯都係第一次飲口感creamy，顏色鮮艷，味道帶點甜 不得不提就係個餐包賣相平平無奇，原來香脆可口入口有啖啖香草味配合牛油一齊食非常邪惡好想encore食多幾個食😍 ●柚子蜜燒春雞配蜜糖芥末燒汁主菜來了嘅時候聞到陣陣香草味雞肉多汁嫩滑而且分量多因為有柚子蜜嘅關係肉味帶甜配合蜜糖芥未汁一齊食非常match配菜有薯蓉同其他蔬菜類和粟米片好可愛嘅擺設，色彩繽紛💕薯蓉仲食到有啲黑松露嘅味道增添美味色彩，好味😋😋😋總結：這間Bella Shine 以lunch來講雖然有點貴但食物質素好！每樣食物都唔兒戲真材實料，有時候都要比自己食好啲原來係工廈裡面都可以搵到好嘢食

同事約左一齊去試新野, 一開始聽到餐廳係工廠大廈, 都有D卻步。不過見餐廳係評價都幾好, 就決定試下。餐廳LOCATION都算易搵, 一入到餐廳, 感覺良好, 裝修擺設都好舒服, 職員安排坐window seat高位, 個VIEW好正, 岩岩望住AXA。午餐menu6個選擇, 心大心細, 最終點左澳洲黑安格斯肉眼牛扒配牛肝菌燒汁。Order左, 好快就黎一個熱辣辣表面有小小脆脆地既麥包，配上牛油, 好好味。頭盤係番茄湯OR芝麻醬菜沙律, 我同同事各點一個, 可以SHARE, 今日餐湯係番茄湯, 酸酸地, 都幾好飲。到左主菜上埸, 賣相唔錯, 牛扒份量足, 有手掌咁大。我點左7成熟，岩岩好, 易切, 唔 “UN”肉質滑嫩, 有牛味, 同個牛肝菌燒汁配合得好好, 配菜係我最鍾意薯蓉。最後配返杯凍咖啡, 好滿足。呢間餐廳價錢合理,食物質素都幾好, 職員服務都好好, 係一個好嘗試。