Bella Shine (已搬遷) 新店位置

假日走左去觀塘食左個late lunch環境好舒服有啲天然光又寬敞仲有好搶眼既武士裝飾好適合嘆番個假日下晝餐包係燕麥包暖暖地搽上牛油好香麵包味餐湯係度度都見到既紫薯湯好濃紫薯味之餘仲見到粒粒紫薯蓉假日想食好啲揀左澳洲黑安格斯肉眼牛扒($118)五成熟牛扒唔靭不過外面煎得太熟一啲血色都無食到中間又岩岩好就算唔加牛肝菌燒汁都已經好有水準日式吉利黑豚烏冬($72)昆布醬油湯比較清配上吉利中和番黑豚炸粉唔厚唔會食到成口油炸完豬扒都唔會乾爭爭環境靚食物有水準假日午餐值回票價店名: Bella Shine地址: 觀塘駿業街66號巧運工業大廈4樓C室

其實我真係好少去工廈搵食, 唔係朋友介紹都唔會上去為食友人介紹下我知道BELLA SHINE!一於同為食友試下呢間日式西餐款式花多眼亂最後要店員哥哥推介叫左一個法國燒春雞配蜜糖芥末燒汁同埋軟穀蟹天婦羅咸蛋黃意粉首先食個餐包先睇到D氣孔都知佢軟熟食落口仲有濃濃既香草味暖笠笠既麵包加埋牛油正呀!白松露泡沫南瓜蟹肉湯都幾creamy, 不過白松露味唔係好出法國燒春雞配蜜糖芥末燒汁上檯時燒春雞上面既木魚郁郁下好得意燒春雞燒到外脆內軟, 連雞胸都好滑一d都唔鞋配合蜜糖芥末燒汁食落口一d都冇油膩感配菜有黑松露薯容,焗薯同埋翠玉瓜軟穀蟹天婦羅咸蛋黃意粉咸蛋黃意粉唔會太乾身, 但每一啖都有甘香既咸蛋黃味用扁意粉更加有口感軟穀蟹天婦羅好大隻, 兩個人先食得曬最後黎個水信玄餅朋友第一次食, 好似水晶球咁真係好吸引睇到已經好開心啦!!!

呢個新年, 實在太充實...無同過閏密見面..今日..終於夾到食個開年LUNCH因為食品質素唔差.. 環境好... 待應有禮貌所以BELLA SHINE係我同閏密其中一間係工廠區中最愛既餐廳Lunch 有6個餐比客人選擇而晚餐就豐富d...選擇款式多d有湯同沙律選擇我就簡左沙律..蔬菜新鮮..沙律醬汁應該加左芝士粉好味隨餐有一個香草餐飽食落口有陣陣既香草味好香今日我就叫左個牛扒喇牛排煎到6成熟食落口雖然唔係有即溶效果但係都好腍鍾意點品既我地就叫左個甜點作ending la綠茶cake.. 淡淡既綠茶.. 味道清新自家制紫薯雪糕紫薯味好重.. 但就甜左小小..但好食既

星期六，有事同朋友去觀塘，順便就搵下有咩樓上店好食啦~呢間近APM，星期六lunch唔算多人。我地一早上左去坐左窗邊位個view雖然唔係咩山海境，但果種比陽光照住ge感覺真係好正好舒服坐底後就叫左lunch set沙律同湯任選其一，湯就配埋餐包一個，個包好鬆軟呀~叫左蜂蜜蘆薈花茶，都幾甜下，不過好中意咁樣上，感覺良好我叫左牛扒餐，睇落都幾吸引，同埋上菜果時已經聞到好香叫左5成熟，但都係熟左少少，肉質幾厚實，整體都算唔錯。附上餐牌幾張，星期六日去食都唔錯，下次可以再試~

工廈卧虎藏龍，聽是聽得多。是龍是鳳，唯有親試才有分曉。趁參加工作坊，摸上附近一間西餐廳。一探下來，果然別有洞天，驚喜連連。午後一時多，時間不上不下。明知heavy，還是每人來一份late lunch。澳洲黑安格斯肉眼牛扒配牛肝菌燒汁 ($128)這半重量級之選，邪惡度爆燈。牛扒不下手掌大小，輕撒黑椒，香而不濃，稍減罪惡感。點六成熟，卻上了八九成。不過肉質補足了質感，軟中有紋理，依然易切。醬汁名副其實，有牛肝菌小粒，若送飯送意粉一流。薯菜常見，但美成這樣，獨特繽紛，完成傻眼。由紫椰菜、蕃茄、粟米等和粟米片組成，難得不靠色素，超有心思。薯蓉中，還加入了少許松露粉添香。正！朋友的日式滑蛋鰻魚飯 ($96)，亦不遑多讓。主角鰻魚大條肥美，有近半條呢～美中不足的，是滑蛋變成炒蛋模樣了……套餐跟湯或沙律，再加餐包，夠飽有凸。無論選哪樣，都不是行貨。尤其喜歡西蘭花忌廉湯，忌廉拉花好美！充滿菜香，喝得出有西蘭花打蓉。推介～餐飲除一般的奶茶、咖啡，加$12有升級咖啡和特飲揀。嫌咖啡和凍朱平平無奇，撒上薑餅粉後，薑味剛好不太搶，自帶冬日氣氛。食飽飽，加$18有是日甜品。既然午市免加一，當然去馬。再次眼前一

是日放假，同BB去Hea不過Hea之前我地食D野先，咁岩Hea既地方都係係隔離街，所以就來到位於廠廈內的餐廳進餐。正值午市時間，好多人。香橙甘荀忌廉薑湯有甘荀和薑既味道，口感不稀，但好有香味，天氣凍時，飲左呢碗湯可能暖身。煙火雞沙律想不到火雞肉質不鞋口，配上沙律菜都幾夾的，少少酸，可令胃口開。干邑燒法國白春雞配金巴利燒汁雞肉較鞋口，和想象的春雞有分別，似老雞口感，不過點上燒汁較易入口，配菜上的薯蓉可令你有飽肚既感覺，整體不過不失。

呢排放假除左訓同hea, 就係食啦朋友話想試新野，之前一直都想幫親Bella Shine, 難得假日冇咁迫。Lunch time 有Set揀，價錢吸引。不同飲料~揀左果茶呢濃郁忌廉湯，雖然冇配料但味道已經夠creamy沙律落左黑醋汁，唔錯。意大利番茄汁長通粉Set 番茄醬汁濃郁，有唔少蔬菜配料，有最愛的菇。長通粉酸酸甜甜好開胃呢，份量都夠。=甜品係水信玄餅，其實係jelly 加黑糖，黃豆粉，晶瑩通透～飲品叫左蘆薈蜜糖花茶飲落甜甜地帶點清新蘆薈味，冇一般茶咁淡，但其實冇乜花茶味道。連前菜加甜品，好飽好滿足。

同個好耐無見既朋友食lunch佢揀左呢間頗具人氣既Bella Shine Lunch set跟餐包同餐湯/沙律我點左澳洲黑安格斯肉眼牛扒配牛肝菌燒汁($128)先黎餐包 係燕麥包 微暖 麵包外脆內鬆軟唔洗搽牛油都已經好香好好食忍唔住一啖接一啖我有試過浸落個紫薯湯度 又幾夾喎紫薯湯頗杰身 不過紫薯味可以再濃郁啲主角黎啦肉眼扒比想像中大份帶點兒脂肪 牛味頗濃不過稍微過火 有啲位略嫌韌左啲個燒汁好香牛肝菌味 點黎食味道即刻提升左仲有好colorful既配菜 粟米仔 蘆筍 蕃茄仔 脆片仲有黑松露薯蓉鋪底 好香 仲可以中和油膩感我地share左個甜品水信玄餅($68)一個平平無奇既透明半球體加上黑蜜同黃豆粉係會產生神奇既化學作用不錯吃 不過價錢頗進取...我地又食又傾哈哈傾到過哂時間都無催我地走不過我地都識做既

杏仁片焗龍利柳配紅茶頭乳酪·有人陪食野感覺真係幸福😊終於約到個靚女去觀塘食野🎉🎉🏠 Bella Shine 位於🚇觀塘站，出口唔難搵。環境闊落，座位數目多，而且有特色（有2個🛡⚔鎧甲騎士）·唔想煩點咗個lunch set，杏仁片焗龍利柳配紅茶頭乳酪， 首先例包一個🍞，再黎是日餐湯：💜紫心蕃薯忌廉湯！個餐湯完全超出預期，湯飲落仲有啲蕃薯渣，質感幼滑，雖然係忌廉湯但唔會太重手，而💜紫心蕃薯既甜令湯變得十分香滑！（作為一個是日餐湯，好得呀👍🏻😆）·主菜：杏仁片焗龍利柳🐟，龍利柳大大條，配上焗得香脆嘅杏仁片，旁邊嘅薯泥配搭著多色蔬菜（❤️💛💚💜蕃茄仔，胡蘿蔔等等⋯）好用心！·如果覺得龍利柳配杏仁片嘅味道有啲淡，請配搭紅菜頭乳酪，醬汁有點清香同酸，配上龍利柳更為開胃（咁少女顏色嘅醬汁蘋果乾我第一次見🙈會唔會有人同我一樣同依啲顏色無抵抗力）·用咗$12 upgrade 杯gingerbread latte ☕️，有拉花有味道👍🏻

觀塘工廈其實臥虎藏龍，朋友介紹bella shine,可以食齊哂日本野同西餐，我一於黎大飽口福除左lunch set, dinner set 都好豐富架有餐包送，點少少牛油食味道唔錯沙律菜好新鮮，加左唔少黑醋，相當開胃野菜天掃羅配昆布醬油湯烏冬 $68Udon with Mixed Vegetable Tempura at Japanese Konbu Soy Soup天掃羅同烏冬分開上，唔會浸到淋哂食落幾香脆，裡面有唔少野菜，幾清新烏冬都相當煙un，不過醬油湯底唔夠濃味意大利蕃茄汁煮牛脷配長通粉$72Penne with OX-Tongue at Tomato Sauce牛脷軟腍入味，長通粉雖然淋左少少，但滲透蕃茄香Additional dessert +$18水信玄餅晶瑩剔透真係好靚，滑溜溜有啫喱既口感本身冇咩味但加黑糖漿，甜甜地食完好滿足最後叫左壺蘆薈蜂蜜花茶蘆薈味好重，食到一粒粒好有口感甜甜地好滋潤

係離開香港之前約左個朋友farewell，依位朋友成日係觀塘出沒，佢就介紹左Bella Shine。餐廳好大好容易搵而且坐位都寬闊。Lunch set總共有6款，價錢由~$80-~$120，包括左麵包、餐湯或者沙律, 主菜同埋飲品。我就簡左餐湯同埋干邑燒法國白春雞配金巴利燒汁。 一上菜見到有白色既薯蓉、少少墨西哥脆片同半隻雞，賣相七彩繽紛。隻雞雖然冇預先切開，不過都唔難進食。雞肉熟度岩岩好唔會話鞋烚烚，而個金巴利燒汁既味道幾獨特。甜品最後簡左水信玄餅，黑糖漿同黃豆粉味道本身已經好夾，再上埋爽口既水信玄餅，口感一流。

公司要清年假，又多野做, 唯有半日半日咁放，約下啲朋友食下好東西。 朋友係小儀Fans, 聽到903咪芝蓮介紹，又響觀塘，立即send俾我叫我一齊去！ 上到去環境幾舒服，主要以深既“木”色作主題色，再加左少少綠色，同街外既工廈成為對比,似叫大家休息下咁。 好朋友一坐底望一望就點左黑啤豬手，我就諗住放假食好啲，點左佢既牛扒，五成熟。牛扒質地軟熟，唔"in", 但就唔止五成熟。 佢既配菜都好味， 例如有蕃薯味既薯蓉， 有靚既小蕃茄， 小椰菜，小蘿蔔同粟米片等。 既健康，有夠colourful。 飲品我選左薄荷咖啡！薄荷味唔太假， 飲落有清涼感， 唔辣！ 咖啡好合我心意！係屬多奶的， 飲落夠醇唔苦且香😻！ 最後點了水信玄餅，有清甜的黑糖漿與清淡似水晶的水信玄餅再配襯黃豆粉， 味道一啲都唔簡單，唔淡口，仲有啲爽，有啲似入口即溶感。 今日同好朋友都過得好開心，和她傾計好開心，地方又舒服，食物味道，質素同配搭都好，呢個假期過得很開心.

其實呢到我都嚟過好多次, 可以話係常客,不過訂咗位去到都等一陣,  呢到大概每兩星期換一次午餐餐牌, 有時啱食既都會每兩星期去一次, 喺電視或網上都見到呢到開始吸到明星去幫襯去試食, 所以都想睇下食物水準有冇進步到, 12月既時候我都去過一次, 試過2款新既菜式, 係以前既午餐牌未見過有既, 第一個係日式清酒煮法國藍青口配日本葛絲, 第二個係日式黑豚肋條炒黑松露野菜定食, 呢兩款午餐係有待改進既, 而之後既午餐菜式就係本月去食既日式清酒煮法國藍青口配日本葛絲 - 賣相冇特別, 啲葛絲沉晒底, 只見好多青口喺面, 值得一提既係清酒湯底好清味道不錯, 青口冇沙但冇清酒既味道, 葛絲其實係透明既粗粉絲, 口感係煙韌既日式黑豚肋條炒黑松露野菜定食 - 賣相真係普通, 米飯軟熟, 但食唔出有黑松露既味道, 而且豚肉冇乜味道是日沙律 - 今次係杏仁醬既沙律汁, 夾埋菜一齊食好夾總結 : 唔知點解覺得有點失望, 感覺好似退步咗咁本月有同事生日再訂枱食過午餐, 今次既食物反而有返初初第一次嚟呢到食既味道, 或者可能呢啲菜式啱我自己胃口啦杏仁片焗龍利柳配紅菜頭乳酪 - 醬汁酸酸甜甜既味道, 再配龍利柳一

金剛小儀介紹，所以和朋友來試一次。感覺食物質素同質量一般 (主菜都好細碟)。 冇想像之中咁特別。 但係價錢略為貴。 鹽燒活漫好食但係只係得一小舊，其他都好細碟 。食物冇餐牌形容得咁特別。 除咗紅酒白酒之外(一樽樽賣)，冇其他酒精飲品。 每人消費大約$250至350。

日式滑蛋鰻魚飯 Japanese Katsudon Eel with rice $88 The eel looked inviting! The only drawback was the overcooked egg, I expected it to be gooey in texture. Luckily, it was overall flavour-wise. The appetisers e.g purple potato soup and salad were worth mentioning palatable! Great start indeed! 杏仁片焗龍利柳配紅菜頭乳酪 $78 Baked Sole Filled and Almonds with Beetroot Yogurt The beetroot yoghurt was a special flavouring to the plate. The taste was unique. Might have taken too much shots and the fish fillet turned co