Bella Shine (已搬遷) 新店位置

黎到觀塘搵食，又唔想同人係APM逼，緊係黎工業區呢邊食啦。對上一次去Factory99，今次試下呢間「日式」Cafe。上到黎四樓，一出Lift見到間製衣鋪，仲以為去錯，如果可以整返個顯眼d既標示會更好。是日沙律 - 都幾特別，因為用壽司豉油做汁，菜就無話新唔新鮮，標準野。西蘭花忌廉湯 - 非常Creamy，西蘭花味略不足，可能係因為食左個沙律先，個口有陣豉油味，所以覺得呢個唔夠味。是日餐包 - 入面有無花果同提子。有片牛油喺我地坐低之前已經擺左喺枱面等食包時用，但係我地無用到，因為感覺擺左好耐....龍田炸雞配豬骨湯烏冬 - 日式炸雞，雞有雞味值得提一提既係個烏冬，夠彈牙又唔會太韌，一食就諗返起喺日本四國食既烏冬。湯底奶白色，應該用左唔少時間煲。日式滑蛋豬軟骨飯 - 略甜，豬軟骨一咬即溶。但係唔明點解話係日式但飯唔係用珍珠米...如果用埋珍珠米會令個飯更加完整。隨餐附送兩杯冷熱飲品，咖啡唔錯，值得一試。

之前openrice 揾餐廳嘅時候見到呢間有紫薯忌廉湯 覺得幾特別 所以bookmark左 黎開觀塘就好順理成章試下佢籠葵菇野菌汁闊條麵我覺得呢個意粉係難食過快餐連鎖店三四十蚊個啲😓😓闊條麵似係分開烚熟左 質地偏硬而無味 完全食唔到有sauce 啲菇似係放係側邊點綴 如果呢碟係分開煮嘅話我冇意見 但我諗煮意粉正確程序應該係將材料同意粉一齊烹調先啱 所以我都唔敢肯定自己係咪食緊意粉輕煎日本帶子黑松露意大利飯帶子尚算新鮮 意大利飯軟硬亦適中 但個sauce 都係出事 完全食/聞唔到黑松露嘅香氣 而且味道似白汁多啲頭盤一片士多啤梨配奇怪醬汁 士多啤梨過左當造季節唔甜無得講 奇怪在於個pat sauce 搞到個塊士多啤梨好酸 加上個sauce 比較厚身 想像下一塊無香味嘅士多啤梨再加一pat 醬係個口度你就會明豆腐配泡菜一片泡菜加一塊豆腐 呢兩種材料分開食就食得多 泡菜豆腐煲都食過 但當appetizer 咁食就真係未試過 奉勸各種我食左就算啦

觀塘區有很多質素不錯的餐廳藏身於工廈中，今天選了Bella Shine日式和風系西餐的lunch set，包括麵包、餐湯、沙律、主菜及餐飲，非常豐富。首先上台的是香草軟包跟牛油，單是佈滿表面的氣孔已看出其質感非常柔軟，微熱的麵包帶有清新香草氣息，與忌廉南瓜蟹肉湯非常配合。湯的分量不少，質感細滑，正好可以暖暖身子。還有的是跟餐的蔬菜沙律配以黑醋汁，味道不過不失。主菜點了日式滑蛋豬軟骨飯，賣相雖是沒有太大的驚喜，但以味道取勝。蛋是偏向炒蛋的形式，蛋身炒至的濕軟滑溜，非常美味。豬軟骨分量十足，足有四至五件的分量，肉質嫩滑細緻而鮮美，值得一讚。最後以熱蘆薈蜜花茶作結，它真的是香氣四溢，杯中是一朵朵的細菊，賣相十分清新。

越黎越多餐廳開係工廠大廈，今日我又誤打誤撞去左一間不錯的餐廳門口雖小，但裡而都幾大喎見到有印度烤餅，我就好想食南瓜湯呢個湯相對下比較結身，但飲得出好足料，應該落左好南瓜好彩無咩忌廉味，因為我不太喜歡忌廉沙律菜夠新鮮泰式青咖哩雞+印度烤餅 $88椰汁味比較重，但咖哩味唔係好夠，反而印度烤餅有驚喜，我原本以為係傳統果隻烤隻，呢個烤餅係酥皮面，好香牛油味，而且好軟，仲有d煙煙韌韌呢個烤餅正杯熱朱古力唔錯，chocolate 味好重，唔會俾d奶味蓋過

一直聽朋友說Bella Shine 食lunch 環境不錯, 今天就來試一試。原來這間餐廳都很大，裝修走簡約路線，相信可以容納80人。泰式咖哩雞配印度烤餅$ 88 (Kim 子推介指數8/10)一黎侍應就說沒有烤餅，令我有點失望。幸好他們以烤面包代替，都叫OK la。咖哩香料味道不算太很重，裡頭除了雞腿肉之外還有椰菜及車厘茄。而椰汁的比例相比下較低，但還是能把咖哩的香味帶出來。入口時是小許的辣度，而且帶甜，非常岩怕辣的人。烤面包十分香脆，可時燶了些小。甜品則來了個雜果焦糖燉蛋，焦糖燉蛋除了內裏幼滑之外，燒至脆卜卜的糖面才是關鍵所在。 飲品是蘆薈蜂蜜花茶，非常香。

>>>Bella Shine<<<是一直想找個機會嘗試的餐廳，碰巧是夜有個空檔，也就訂好座位，一嚐其晚餐。 可能時間尚早，大概六時半，當刻只有幾檯食客；離開的時候，約八時，餐廳接近滿座，故還是訂座較穩陣。 晚市時段，除套餐以外，也可單點食物，悉隨尊便。 先嚐蠻大碗的白松露泡沫南瓜蟹肉湯。冰有朋友不喜南瓜湯，原因是受不了南瓜那濃稠的質感。然而，這碗南瓜湯口感清徹，大概會給抗拒南瓜的朋友一個嶄新角度，了解南瓜之美。加入白松露泡沫，與南瓜香甜互相輝映，更有層次。蟹肉絲絲鮮甜，具畫龍點睛之效。餐包賣相未夠吸引，但配以造型如芝士般的牛油，香味還算不錯。 前菜由三款食品組成：士多啤梨配藍芝士醬，味道新奇，饒有玩味之作；泡菜豆腐相對穩陣，香辣與清淡結合，前者毫無懸念跑出，這亦與日式鮮牛蒡沙律的清淡形成有趣對比。 主菜的選擇是西京燒銀鱈魚配紅菜乳酪汁(HKD168)。魚肉出奇味美，烹調時間恰到好處，肉質嫩滑，啖啖鮮甜，欲罷不能。銀鱈魚肉內有少量魚骨，算是粗身，容易找到。紅菜乳酪汁的乳酪味不濃，紅菜的味道與質感更為強烈。除卻主菜，各式雜菜亦很吸引，從顏色

第一次泥呢間餐廳，主要係試佢嘅玄餅。💕💕💕 不過，食甜品前🍮🍬🍫🍰🍩，當然係要叫主食，千挑萬揀，選擇左以下兩款。鰻魚塊都幾大塊同肥尾，整體來說，成個飯配塔得宜。🍛加上酸梅同醃蘿蔔，好有和味，好易送飯。唔記得左價錢幾多，但這個份量，個人覺得都是值得的。(特登留酸梅比友人食，酸到佢😏😏😏)第二道菜係燒春雞，一放上枱，感覺眼前色彩鮮艷，整個都好漂亮。但係下一刻就開始諗，燒春雞得半隻，只配埋偏少量嘅薯蓉，感覺少上加少。女生吃就剛好，但男生吃就明顯唔夠😞😞 Anyway，特別喜歡紅菜頭絲，有紅菜頭就是好。薯蓉都好細心地加左調味料，食落去唔會咁單調。至於主角春雞，特別用左bbq醬去燒。小妹見識少，第一次食呢個配塔，覺得好神奇。甜甜嘅bbq sauce令到成個燒雞好特出，甜甜的好香。😘😘😘 重點泥喇！雖然lunch可以18蚊追加甜品拼盤，但吃貨又點會止於此！？😆😆😆 當然係叫返個期待以久嘅玄餅呀！喺網上見得多，食反而係第一次。同想像嘅一樣，玄餅本身雖然無咩味道，質地滑luud luud，無jelly咁q彈。但味道好清新，涼涼的，少少味，又未至於水咁淡。加上黑糖同黃豆粉，味道好神奇，唔太識形容，就留返

睇過食評又睇過網上介紹美食片，想試下 dancing heart 同軟殼蟹蛋黃醬扁意粉。但呢2款食物只出現係晚餐 menu，可惜呢幾晚都好 b，於是打電話問下 lunch 可否叫晚餐 menu，好彩員工話得~~咁上星期六去開餐。果日12點去到，可能太早，員工仲 set up 緊，不過都讓我們入座。地方幾寛敞，有4枱係 high chair table，可以看窗外工業區。我地揀坐一般枱。之後我地3條友叫咗2個 set lunch + 1 個軟殼蟹蛋黃醬扁意粉 (無得轉 set，因為午市食) + dancing heart。後2款因為屬於晚市 menu，所以要收加一。餐湯 (set lunch) : 蕃茄湯，我覺得似蕃茄溝羅宋湯，普通啦~~餐飽 : 煙韌咗少少，5夠鬆。bbq 醬春雞 (set lunch) : 得雞皮有味，雞肉係入5到味，但伴碟菜就 ok日式醬鰻魚飯 (set lunch) : 鰻魚都係果d 煮法，問題出係d 飯。係5熟透，半生熟 軟殼蟹蛋黃醬扁意粉 : d 意粉滲出蛋黃香味，又5太咸，味道剛剛好dancing heart : 係心太軟既變奏版。一個圓拱形白朱古力外殼，殼

以前在觀塘區工作，久不久也會光顧bella shine。但自從搬了寫字樓，已經甚少過來。今天碰巧見客經過這裡，便與同事過來懷緬一下Bella shine位於巧運工業大廈中，若果不是曾經在附近工作，相信也要開住google來帶路。踏入舊貨lift，上到4樓，一開lift門便看到bellashine招牌一如以往，中午食飯時間的入座率例必有8成，所以來之前最好先訂位。午餐menu選擇不多，但應有的都會有，總有一款岩心水，今天我選了F牛扒餐餐湯甫上枱，與朋友都覺得這湯非常有創意，我倆也是初嚐紫色湯💜餐湯材料是以最近大熱的紫薯來制作，夠曬潮之餘又有營養價值，配上餐包一同吃，甜甜地感覺良好澳洲安格斯肉眼牛扒配牛肝菌汁。牛肉質素高，肌理滑嫩而有咬口，牛味香濃，肉汁豐盈且食味鮮甜配菜的薯蓉加入黑松露，入口超香松你露味道，十分有誠意！牛扒7成熟，切開呈粉嫩色yummy!!來到cafe，當然要點杯咖啡☕️扮中產。說開咖啡，個人最喜愛Cappucino，因奶較多苦澀味稍微，絕對是咖啡初階者的入門首選🌞跟餐加$18甜品: 綠茶蛋糕配紫薯雪糕綠茶蛋糕軟滑，茶味濃，入口回甘，再配一口紫薯雪糕，感覺清新特別總括來說，

朋友的名字叫 Bella，為了滿足他的好奇心，專誠到這裏吃個晚餐。店裏最矚目的就是這一對古堡士兵了放工到來，差唔多八點已經好肚餓。所以決定order 個麵食。軟殼蟹天婦羅鹹蛋黃扁意粉 $118。軟殼蟹天婦羅 very Japanese style 。我覺得最特別的都是鹹蛋黃，每一條扁意粉都掛滿鹹蛋黃汁好味之餘更為這道菜添上特色。食飽飽嘆番杯凍咖啡，香濃有水準!吃到最後再添一個甜品，迷人嘅香芋雪糕，仲有日式和果子，完美的晚餐

Bella shine一聽見這個名字，我說想起belly shy.就好像會吃得你肚子大大，大的令人shy shy的樣子set lunch 選擇不多，只有6個餐，但我相信都是一些受歡迎的食物。香草包。熱辣辣的香草包。味道十分香濃，更帶有麵粉的香甜，鬆軟無比。非常好味道。看似是南瓜忌廉湯，但原來是薑汁忌廉湯。薑味濃，帶點點小辣，非常特別又很開胃。燒雞。用上了印度的香料，皮脆肉嫩，又帶著很多的油份，，非常惹味。薯泥很幼滑，蔬菜略燒，更是惹味。飲上一杯凍cupppucino，完美的結束，性價比也十分高。

最近一個星期六的下午，和朋友即興約食飯，大家都住觀塘區的關係，所以就上來找一下觀塘的餐廳，對於我們這些在觀塘長大的人來說，經常會很煩惱到底要吃什麼，一搜尋觀塘區就會首先彈出這間餐廳Bella Shine，久仰大名還是第一次去。怕週末多人，加上下午一點多這些早午餐的時間在apm基本上間間都要排隊，所以還是先打電話過查詢一下要不要排隊，然後我們才過去的。位置不難找，很快就來到了，是有點驚訝這個時候才有兩三台的客人。看一看lunch menu想吃的大概真的只有安格斯肉眼牛扒，巧合我和朋友點的餐都一樣，不過我選的是湯，她要了沙律。其實沒有清楚地聽到侍應說的是什麼湯，只是天氣有點冷所以才想要喝湯暖暖，怎知道原來是忌廉粟米湯，它的特別之處就在於不是原粒粟米而是粟米碎，口感就是有點奇怪，可能是飲慣了平時的原粒粟米吧，不是我的口味。再來的是香草餐包，加上半溶的牛油，好吃！我和朋友的傾談之間，我們的主菜很快就來了。本來都是帶著期望來試的，怎知道⋯ 這個牛扒，賣相都算是吸引的，可惜⋯ 我們點的都是七成熟，應該是煮過了時間吧，是全熟的。口感方面，切的時間已經覺得很韌很難切，我的這份叫做還可以接受，但朋友的那

今日去咗觀塘工業區呢一間餐廳試吓個午餐。入到去估唔到地方咁大，坐得落幾十人。見到午餐有蕃茄乾綠枝粉，吉列豬扒烏冬，朱安扒，肉眼扒。我係想要肉眼扒但係比較貴要＄120 ,所以叫咗個豬鞍扒。記得以前係零一間餐廳食過一個豬鞍排下好好味，又厚柔嫩滑，不過之前試過幾間餐廳都一般。因為有啲俾啲日本豬扒你，否則就係塊豬扒唔夠淋。所以今次都係以一個冒險方式去叫。到上枱了，個樣都OK，真係一塊好厚嘅豬安泥。到試食喇，結果真係食返以前好好味嗰隻味，好林好嫩滑。個豬鞍扒唔使點執都咁好味。下次要試吓個肉眼扒先！

今晚又約咗朋友去觀塘食飯，因條友係呢度附近住，所以睇佢有咩好介紹又好食嘅餐廳，咁佢話係工廠區有好多食肆要搵間地點就腳嘢食都要有番咁上下質素，佢就話呢間餐廳食物唔錯地點放便食完較腳走人，一於試試有冇水準。去到地方闊落又看到街景，看看餐牌幾多選擇仲有推介食物我朋友就點咗主菜套餐食，而我就試試其他菜式，點咗醬燒活鰻&海膽醬燒蠔再加甜品，件鰻魚燒得唔錯醬汁入味，肉質鮮美夠厚滑嘟嘟入口即化，咬入口浸浸魚油滲出來無得頂，有水準跟住到燒生蠔買相唔錯海膽醬混埋生蠔可以提食物層次帶出鮮味,入口食到仲有陣陣海水味食材新鮮。甜品點咗玄米茶焦糖燉蛋，面層鋪咗生果食落去冇咁甜，而口味不錯有啖啖茶味口感嫰滑又香，整體食物質素有水準，地點方便有機會再來試其他菜式

同朋友山長又路遠黎到哩間隱藏係觀塘工廈入面既餐廳食晚飯！餐廳夠大，同其他客人有足夠距離無叫set dinner,因選擇唔多，又唔係太岩食，反而對menu入面既比較有興趣麵包出乎預料咁鬆軟，不過好細件南瓜湯竟然係酸，係番茄既味道，老實講怪怪地，純南瓜會更好燒春雞好特別，係日式既味道，因為上面有日式醬汁同木魚碎，意外咁夾，西日式春雞好味，皮脆肉嫩，尤其係雞脾位，好滋味，雞胸都唔鞋口咸蛋黃軟殼蟹意大利粉，全部都係我最中意既野，雖然唔健康，但好惹味，咸蛋黃炒意粉，想像下都知幾咁香，軟殼蟹即炸，略有少少腥味，不過唔影響味道最後以水玄信餅作結，第一次食哩個日式甜品，好晶瑩剔透，食之前不停搖動，好彈好彈好治癒，黑糖同黃豆粉哩個無敵配搭無得輸，水晶球有韌度，好完美既句號，不過都唔平，差唔多70蚊價錢唔可以話平同抵食，但一分錢一分貨，我覺得環境食物都唔錯，係唔太就腳，久唔久食下都唔錯！