Bistro on the Mile

營業中

休息中

20170408(星期六)--是日友人相約慶生，友人選定了Holiday inn的下午茶自助餐，三月份已預訂了窗口位，說穿了也只是繁忙的彌敦道景色，看著窗外行人的急促步伐，我們的悠閒自得，也為這窗口位加了分數。下午茶自助餐價錢正價$238，用了openrice的75折優惠，折實價錢約$204/位，可用手機展示電子coupon或打印出來亦可，非常方便。食物質素在價錢上，或多或少已透露端倪，價錢不貴，相對也沒有貴價食材，但食物味道合格。當天未夠12:00PM已到達，接侍員有效率地安排坐位，還沒開始，唯有相機食先。熱食區--炸物款式多，推介炸雞翼，香茅蝦餅海鮮類，只有兩款，青口較細隻，味道一般，凍蝦，蝦鮮甜爽口。甜品區烚粉麵區--友人推介的叻沙湯底，和友人自製的牛腩油麵沙律區冷麵或壽司區--烏冬"痴"到一舊舊，好難夾，剌身只有兩款，賣相普通，沒吃。我們的選擇:海鮮湯--足料，有蝦，魷魚、帶子、魚肉等等，鮮味--推介。炸雞翼，新鮮香脆，我吃得最多的食物，香茅蝦餅，我愛香茅做的食物，好吃。雪糕有兩款口味有咖啡機，有數款咖啡埋單:75折後$204/位，算是合理的價錢，沒有貴價食材，當天還有很多空置

在ball room 食自助餐，我都是第一次, 之前來過好幾次都不錯，在一樓進食的，環境也不錯，現在如跟大陸團一樣. 簡直不知所謂！等了半個小時都未可以入場，我是吃一點半至三點半嗰埸，兩點都未能入場排隊入場，又話只有兩個小時吃，食物差，環境差, 安排又差，下午自肋餐安排兩場，又不夠人手。食物又凍冰冰，又不新鮮。雪䅵竟然是溶的。碗碟又沒有人收。向經理投訴又十問九唔應。真是令人失望，以後都不會再來。送橙汁又十分慢。等了一個小時才收來。

Openrice Coupon75折，今晚就嚟試一試。第一輪出嘅生蠔甩皮甩骨，負責洗蠔嗰位廚師哥哥用洗頭般嘅水力猛沖啲蠔，蠔味固然冇哂，仲多咗陣東江水嘅天然風味，唔單止咁，畀水喉水猛啤之後嘅蠔肉底竟然仲有蠔殼碎同沙，我真係寫個服字。我已經就角度盡量影靚啲，實物係啲蠔肉啤水啤到飛哂出嚟吊吊揈响殼邊。三文魚刺身份量雖然多，但係啲筋仲多，冇乜魚味。沙律吧嘅蔬菜算係最正常，尤其是白蘑菇同炒雜菌，幾鮮味。第二輪生蠔正常返少少，但係依然係成陣東江水味，蠔味都還算OK，冇腥冇臭。中湯唔夠濃郁，唯有飲西湯。蔬菜豐富茄味濃，似足人哋減肥煲定一煲响屋企飲足一個星期嗰種美味。海鮮冇海鮮味，粥底似嬰兒食嗰啲糊仔。葡撻好穩陣，所以臨完場前大半個鐘經已畀人掃哂。Hagen-Dazs細杯裝雪糕亦係穩陣之選，可惜只有朱古力同雲呢嗱兩種味道揀。生果衛生企理正常清甜。熱葷嚟講，蒜蓉西蘭花、白菜呢啲簡單嘢最靠得住。點心燒賣同牛肉球有一般酒樓水準。至於嗰啲炸餃子炸雞翼炸乜乜統統炸過哂火，又硬又多油兼熱氣，不吃也罷。結論：冇下次。

大約兩年前食過一次，今次再來，本來也是星期五的龍蝦，但最尾改了星期二，帶子主題！！6點開始，食到9:15pm, 我們6點左右去到，冇乜人，食物好似也吸引。有燒豬，賣相感覺幾吸引！不過我食的那件好肥唔脆……羊扒幾香口，鵝肝ok, 不過煎得唔夠脆口！！沙律沙律好多選擇海鮮有長腳蟹，大條多肉，oK好味，咸咸地的，肉也鮮甜。蝦也大隻，都算爽口螺……同事話有沙生蠔即開，都算大隻，同事話新鮮，鮮甜的。刺身ok, 但不算好新鮮，有三文魚，吞拿魚，甜蝦等，炸蠔出水的，燒大蝦賣相好靚，可惜冇味的，燒牛扒ok, 仲有火雞，好小地方有，原盅燉湯同事話好味，響螺雞湯，足料好味，沙律有紅菜頭的，好味。另外有些帶子的沙律，帶子好細粒，好硬，有d一杯一杯的好靚的，但味道奇怪，好唔夾呀！！甜品選擇不是好多，有些細細件的cake, 細細杯的甜品，好普通，有Haagan Dazs雪糕杯小杯裝！其實選擇okay多，仲有咖啡機，當晚還有德國啤酒任飲，不過食物的味道真的差了很多，服務也退步了

今日又去食自助午餐。今次要講下一d之前冇試過嘅菜式，即灼芽菜芥蘭拉面喇沙湯底，個湯底充滿椰香帶點微辣又好濃郁，d芽菜吸左d湯好好食，即煮香橙班㦸，軟軟的好濕潤帶點橙汁香味，芥末沙拉骨，入口有一股芥末味但好硬同好乾，釀火腿芝士炸雞個吉列皮就比較厚內𥚃有點點流心芝士好香口，薑䓤炒蟹應該系拉左油再炒，好有獲氣又啖啖肉，椒䜴龍脷柳夠味得黎d魚肉又好 juicy。用左會員現金券加優惠，埋單$320/2位。

有段時間冇食buffet, 屋企人生日一家人諗住食餐好既, 見幾多好評所以來試下, 點知就中曬伏, 一入來覺得餐廳幾細而且裝修不大體而且有d舊, 張枱好細坐得唔舒服, 食物選擇極少, 連意粉、炒飯都冇, 連野飲都係得咖啡同茶, 比500幾蚊食自助餐點知想飲下橙汁都要加68蚊, 仲差過旺角放題, 講返食物質素, 得三文魚蠔同長腳蟹係ok夠新鮮, 其他唔係凍曬就係唔好食, 服務員收碟不收走旁邊垃圾, 真係大失所望, 下次一定唔會再來

因為今個月星期一至四，會員有6折，所以今日又黎食自助午餐，可能因為是平日，人客只得4、5成，環境不太嘈吵。亦都因為新年関係，所以有些平常沒有的新年菜式，豬手生菜、金蠔海参扒冬菇等，味道也不赖，即灼了一碗清湯拉面，但個湯底完全冇味，下次都系要返喇沙湯底，蝦餃、燒賣肉質彈牙爽口，爐魚蒸得吾太老，葡撻吾太鬆化有點退步，焗芋蓉西米布甸就吾熱兼好 "浠"身，中式糖水紅棗茶帶點酸味，炸鳳尾蝦炸粉厚薄適中蝦肉都算有咬口，炸餃子熱辣辣好好味，多左個即焗梳乎厘counter，鬆鬆軟軟口感一流，加了一些紅莓醬酸酸甜甜好醒胃，。食杯H字頭士多啤梨雪糕，飮杯凍檸茶，埋單 $420/2位。

年近歲晚總是忙過不停，這卻意味着假期不遠矣。在忙着最後衝刺之際，友人號召一場收爐飯聚，忙碌過後能吃喝笑閙一番，再疲累也是樂事，也就欣然赴約了。友人選的是Holiday Inn的Bistro on the Mile，說是嚐過它的海鮮主題自助餐水準不俗。最新的主題是「滋味海鮮自助餐七重奏」，除了源源不絶的海鮮、刺身、生蠔外，還有七款不同主題海鮮每天輪流供應。星期二的主題是美國生蠔，實在是正中下懷，由友人負責訂位，晚市自助餐每位$549。平價自助餐供應生蠔已不多見，而下載openrice coupon還有8折，連加一才不到五百一位，感覺更加抵食。離港鐵只數分鐘的步程，地理位置相當方便。酒店餐廳闊落開揚，兩邊都是正向街景的落地玻璃窗，而我們正安排就坐於此一餐區。既為生蠔而來，第一目標當然是生蠔吧！這兒供應的是美國生蠔，少有的高水準！蠔肚肥壯，入囗鮮甜，吃上半打方才罷休。不過最精彩的是莧菜白汁焗蠔，白汁不會搶去自身鮮甜，半熟的焗蠔飽滿有蠔汁，比生蠔更美味。還有不少以蠔入饌的主題菜式，如忌廉芝士甜椒卷、龍舌蘭酒蠔特飲和煙蠔肉配多士，賣相精緻，味道亦有驚喜。除了生蠔外，海鮮區亦是熱門之選。主打新鮮生

年年叱吒樂壇頒獎禮，都有個我最喜愛的獎項，通常都係每年最有爭議性的。 說起最愛，人人想法和喜好都不同，你喜歡不一定我喜歡，我愛的不一定是你愛的，大家觀點與角度可以完全相反。 正如前排和朋友說起，尖沙咀holiday inn的buffet是我最愛的自助餐之一，久不久我就會想去一下，四百多元一位，但係食嘅種類，質素，選擇，都絕對是物超所值，我現在不會經常吃自助餐，但這裡的我總是會可以一去再去。 平日自助餐如果價錢貴，你會同佢搏命，但呢度以一個咁平嘅價錢，你又可以食好野，又可以唔駛食得好辛苦，因此，這裡是很多人的最佳選擇。 星期四的晚上，餐廳完全是車水馬龍，幸好我們兩個人早訂位，還有一個上佳的位置。 這裡的海鮮還是多又樣樣好，小龍蝦，阿拉斯加蟹腳，翡翠螺，藍青口，甜蝦，全部都叫你吃得高興。 今晚個theme仲有好多以蝦為主的theme嘅菜式，樣樣都唔錯。 多種的魚生我最鐘意鮑片甜蝦和鯛魚。 最好係這裡竟然生蠔，生蠔來自美國，全個又大隻又creamy，我吃了四隻已經飽得很，不過愛蠔者一定會係counter唔捨得走。 熟食方面，有非常好的羊扒和香煎鱸魚配蟹籽忌廉汁，兩個都是像

自從上次試過Bistro on the Mile七日不同主題海鮮，今次轉換角色，由星期一至星期日，先後是加拿大帶子、美國生蠔、澳洲海蔘、越南虎蝦、貝殼類、美國龍蝦及愛爾蘭蟹。 就趁快到新年，跟幾位飯腳團年。 生蠔 美國生蠔似乎成了近年Buffet新寵，無論在肉質、及蠔味上，都比以前進步，加上是即開貨色，衛生有保證。 Seafood Station 至於海鮮有長腳蟹爪、翡翠螺、小紅龍蝦、藍貝及熟蝦，陣容未算強勁，但質素好，翡翠螺夠大隻、小紅龍蝦肉質咸鮮，而長腳蟹爪鮮甜，解凍處理得相當好。 熱葷 蒜蓉粉絲蒸扇貝 扇貝新鮮，粉絲蘸滿了豉油，加埋粉絲變得好惹味。 羊腩煲 炆得夠稔入味，如果可以有生菜即淥就更正。 莧菜白汁焗蠔 一點都不乾身，白汁香滑，不錯。 北京填鴨 客人可以自行用薄餅皮包裹，夠晒風味。 燒羊扒配薄荷啫喱 羶味不太重，但似乎焗得太熟。 海鮮西蘭花 有蝦仁、鮮魷及帶子肉，很有酒席菜感覺。 臘味糯米飯 比預期中香口及有嚼口，如果仲有胃口，值得一試。 椒鹽炒釀蟹蓋 係自助餐中比較少見，好香口，而不太辣。 熱葷另外仲有炆龍脷柳豆豉汁、芥末沙拉骨、印式烤雞、

近年差不多每年都來3次Holiday inn的Golden Mile食Lunch Buffet，但今次之後這個延續不會再有了. 記得半年前食的時候，款式比現在的多，過往的Pizza、咖哩牛腩都沒晒. 甜品選擇少，過往有的啫喱沒晒，蛋糕選擇少. Golden Mile的壽司唔新鮮，so每次來一定不食，好多時重點轉咗去食甜品，但今次的甜品主要食 Cupcakes，而且唔好食. 這次甜品係多咗 梳乎喱食客的眼睛係雪亮的，今次來的時候食客比半年前的入座率少咗2/5 好多吉位，大家明白原因la我不用多講. 總括今次Lunch Buffet食物選擇少，但服務生表現很好.

今日去食自助午餐因為會員有張雙人自助午餐券。凍海鮮有長腳蟹、凍蝦、青口及小龍蝦，好一般，刺身厚切三文魚相當有咬口，甜餐包鬆軟非常，蝦餃蝦肉彈身但皮有點厚，油雞比較乾，糯米飯軟淋淋料頭又多好味，薑蔥炒蟹好惹味，即灼喇沙油面，個湯底略為淡口，葡撻保持一貫水準，外脆內𥚃旦香味濃，即焗芝士撻，曲奇皮好重牛油香又鬆化，個饀好濃芝士味，所以食一個已經好夠，焗西米布甸因為冇保溫設備，所以系凍嘅同埋豆沙饀太多，麻麻地，蘋果金寶就好香肉桂味，水果西瓜好甜，H字頭雪糕有3、4款，加杯凍檸茶，好滿足嘅一餐。

雖然網上的食評說晚餐buffet 質素差，但由於已經買了酒店的會籍， 所以都要去一趟。 入到餐廳發覺款式不算很多，但亦不算少。冷盤、熱葷、日式料理、甜品款式數量不過不失， 生蠔和青口就比較細隻, 長腳蟹和龍蝦味道ok， 餐廳方面亦補充得很快 。最出色的其實是甜品， 甜度適中， 適合香港人口味。 值得一讚的是 用會籍buffet贈券的同時， 可以用其他贈券，換取免費飲品及紅酒或白酒。 我知道有其他酒店的會籍是不可以這樣做的，而是每種贈券只可以同一時間用一張。 食完臨離開前，見到廚師和侍應生正準備宵夜自助餐， 款式不算少 ，我諗下午茶自助餐和宵夜自助餐比起晚餐是較抵食的。