BlissHIVE Bakery Café (已結業)

假日係維園游完水相約友人在大坑chill chill佢，同行有四位女友人。推開玻璃門，右手邊賣的是特色麵包芬香撲鼻，左邊有數張木枱。店內位與位之間淺窄，談話內容會被聽到那種距離，勝在樓底夠高，空間感還可以。個人不太建議四位或以上同行到店用餐，除非你喜歡等位⋯⋯ 因為全部也是二人枱⋯⋯櫃檯Order自己拎(自動餐是也)，沒有服務可言。至於店員⋯⋯欠缺的是笑容⋯(香港地明白嘅！)重點來了！食物 一般咁囉～點了 Rose Latte (Grande) $48Order了skim milk 不錯喝！不會太甜，但會唔會貴咗啲？(香港哋明白嘅x2)⋯⋯Avocado Crab Sandwiches $57 同一款三文治，麵包是隨機的，我的是黑色芝麻那個，友人是啡色那個。餡料有：小到睇唔到的蟹肉+可以俾多少少嘅牛油果醬+番茄兩片 最值錢應該係fresh baby spinach Um⋯⋯黑色麵包有少許韌，只是影相夠靚，但坦白說，啡色比較脆！比較好味！btw友人説，那杯凍的抹茶拿鐵較稀。提提大家熱飲穩陣ˊ_>ˋ

最近貪新鮮...喜歡跑完步後往大坑享用早餐。今日就約咗個朋友仔係大坑一齊食早餐喔~事先並冇諗過咩特定既店要食, 都係去度先決定, 最終是日就揀咗呢間帶有少少文青FEEL既面包小店食早餐啦!  呢間小店地方唔大..我諗最多坐到7至8台(已包托埋2位台), 但勝在裝修都幾簡潔舒服, 岩岩好仲俾我同朋友仔揾到張2人台, 可以2人世界撐吓台腳仔..YEAHHHH介詔吓我地食咗啲咩先...早晨全餐 - 煙三文魚配炒蛋及多士 HKD 58成個早晨全餐都係不過不失咁, 冇咩特別, 冇話特別新鮮, 但係又冇話好難食, 只能講可以接受 Latte HKD 30杯Latte味道唔錯, 夠香濃脆皮吞拿魚包 HKD-唔記得價錢呢個包真係好冇誠意 脆皮唔脆..內涵啲吞拿魚係凍既..對於一間面包舖型式經營既早餐小店, 呢個包令我有啲失望, 希望佢只係今日整得失準, 如果唔係, 真係要好好改善佢地啲面包質數!!!總括黎講..以呢個價錢同環境配以食物質數, 我都覺得OK可以接受, 因為坐得都叫舒服, 同朋友仔食吓嘢傾吓計都唔錯, 但如果嘢食物既質數再進步少少就最好啦~ 

Lucnh 時間路過大坑，時間緊迫，本想坐下食 Waffle 填肚，但係竟然要等30分鐘，實在沒有空……店內當時只有一枱客人…Well.  見佢都有d 歐陸包係到，個樣都唔衰，呢d 誠意小店，應該不會難食！但是我不是賣歐包，而是賣左個麵包樣既叉燒酥及一個脆皮吞拿魚包。買叉燒酥的原因因為佢係完完全全一個包既外貎，改這個名，以為他會有驚喜……食了兩口便知上當，真是不個只有少少叉燒粒的叉燒包，而且有很多漿，不知它所以的"酥"從何而來。脆皮吞拿魚包只是把包面的包糠烘了，便算脆皮，吞拿魚份量少又簿…包身又輕。整體來說都是街邊包舖的質素，卻收了中高級包店的價錢……Waffle 相信不用試了！

上星期週日上午9am去於炳記茶檔試完杯奶茶後，發現那不是我杯奶茶，好彩唔洗排隊等。於是再搵地方食早餐和飲咖啡。叫了 Latte ($30)，牛油果蟹肉三文治($58)和 smoked salmon eggs set ($58)。全部都正正常常，價錢ok，又無話特別出色。我個人就不太喜歡那黑黑竹炭的麵包款，不過男朋友就覺得幾特別。店內裝潢氣氛也不錯，特別注意那很高很高的樓底，舊式唐樓才有的呀！

早前襯住假期同小胖男友去左大坑覓食 亂打亂撞下揀左呢間有落地玻璃既小店嘆返個late lunch小店地方唔大 一邊有麵包架 一邊有可摺疊收起既木餐枱 係用餐期間都見到有外籍人仕黎買麵包我同小胖男友點了一個all day breakfast同肉醬千層麵配沙律, 另外點了一杯Mocha latte同一杯ChoccocinnoAll day breakfast有得揀煙三文魚/煙火雞 個人比較鐘意煙三文魚 但由於小胖男友唔食熟既三文魚就唯有揀火雞 估唔到又幾彈牙另外除左基本既炒蛋腸仔外 仲有三款唔同既麵包 當日有最普通既英式多士;帶微辣既麵包;同一款比較深色類似黑糖色既小麥麵包(當然係憑估計) 當中以深色麵包最為香同有口感而肉醬千層麵都唔錯 有層溶芝士係面 不過就同一般千層麵一樣份量略細飲品方面 我杯mocha latte中規中矩 反而小胖男友杯choccocinno比較吸引坐係玻璃窗旁邊 下午既陽光微微照入黎 好和暖呢

每每到大坑都是為了拉面，這次決定來點不一樣的。剛轉入綄紗街便看見以玻璃窗為外牆的BlissHIVE, 忍不住停下腳步。。。blissHIVE的餐點選擇雖然不多，但算是"咩都有啲"。我和友人點了2客lunchset及main menu上的All day breakfast和牛油果蟹肉三文治，算是來個全面的審核😆All day breakfast份量頗大，煙三文魚亦十分新鮮，不過不失~價錢亦算是中位價，比Bricklane, Brunch club便宜。圖下方的牛油果蟹肉三文治便有點令人失望。幾乎嚐不出牛油果的味道，包的選用亦不太討好。相較之下，還是lunch set的公司三文治(同樣的包)更令人印象深刻要讚讚的是lunch set加10元便可享用的南瓜湯。湯沒有過多的忌廉，加上廚師精心灑上的少許胡椒粉，甜中帶辣。湯的溫度亦剛好，值得一試咖啡店當然不能沒有咖啡~但本人對咖啡有少許過敏，便點了一個非常適合冬日飲的Gingerbread Latte😊 一端上便聞到芬香的cinnamon味道，咬一口旁邊附送的gingerbread,再喝一口latte👍👍 Latte的姜味不刺激，只會淡淡地留在口

開年飯要食好啲 lunch專登去左大坑搵食 身為文青我地一見到依間cafe就覺得好岩我地style 睇睇門口既menu合意就入去喇間cafe只有十幾個位 加上有style既佈置 令小小既地方都有令人放鬆既空間感 另一個加分位係所有食具同食物既賣相都好靚先上lunch set +$10既南瓜湯 同事鐘意依樣稀啲既湯話飲落清新啲 但我更鐘鐘濃杰啲既南瓜湯 牛油果蟹肉bb波菜三文治 ($57)：黑色既包上面鋪滿白芝麻 中間有幾種蔬菜同主角牛油果蟹肉 視覺上令文青好滿意！可惜牛油果蟹肉既味唔係太出到 建議加啲檸檬汁落去調出牛油果既香同蟹肉既鮮All day breakfas ($85)：不過不失 炒蛋夠滑 不過份量可以多少少lunch set - 日本明太子扁意粉 ($89)：依個唔合格 冇咩明太子味 好似食咁咸咸地既意粉 (試過好多間明太子意粉 都係覺得Little Vegas既係冇得輸） lunch set - 珍寶公司三文治 ($90)店員好細心幫我地分成五份 同樣用上黑白對比強烈既包 入面既材料冇特別 但勝在新鮮每樣份量唔算多 但五個女仔share四樣野就岩岩好！

今日年初八，猴年開工大日子，我們成班女同事決定去大坑搵好野食！見到間cafe幾靚而且menu都幾吸引，就呢家啦！ 我地五個女仔叫左四份野，日式明太子扁意粉，all day breakfast, 牛油果蟹肉醬bb菠菜三文治同珍寶公司三文治，全部都令我好滿意。 日式明太子扁意粉，意粉硬度岩岩好，彈牙，明太子都有幾多下。無令我失望！跟住我地有all day breakfast,基本上我見到有all day,我都會叫。呢個all day，最叫我開心既就係條腸同埋煙三文魚。平時食個d，條腸都係細細，都好少有三文魚。呢間條腸真係好大條，煙三文魚又岩岩好，唔會太咸。 仲有珍寶三文治，夠晒大份，我地五個女仔分岩岩好，而且店員都好細心，分左五份上。加分

因為想與友人喝喝咖啡和吃甜品，這間cafe正合我們心意。怎知這個等了30分鐘的waffle，口感硬得像石頭，咬下去牙齒也快崩掉似的，我們勉勉強強吃剩兩塊，牙齒感到很無力，看見隔離檯一對couple也同樣點了waffle，可是他們只吃了雪糕，留下了整塊waffle沒碰過，原來我們吃了大部份已經很俾面了。原本也想買些麵包試試，但試過waffle可以不用了。幸好咖啡沒有不妥，朱古力香濃之餘也沒有蓋過咖啡味，看來這兒還是喝杯咖啡便算。

這天約了閏蜜在附近晚餐，早來了成個鐘要搵地方坐下，便撞入了這間小店！小店有售賣麵包，曲奇，蛋糕......可能是自家製喲，因為入面有焗爐！因為一陣也要晚飯，我只點了一杯咖啡有比利時60％的朱古力碎在面，泡沫咖啡幼滑，咖啡味都濃，配上小小朱古碎的甜味，整體味道很好！

屋企人生日，唔想買美X、東XX、聖XX咁一般既蛋糕，於是專登去大坑幫襯小店，試下homemade cakes。之前試過呢間麵包店既麵包，好好味，食得出唔係用一般既麵粉製作，今次就試下蛋糕啦！買咗四件蛋糕：朱古力蛋糕既朱古力味香濃，唔算太漏。綠茶雪芳蛋糕夠鬆軟，綠茶味濃D會更好，配以焦糖crunch，味道好夾。New York Cheesecake既芝士味香濃軟滑，冇漏既感覺。最出色既係香橙蛋糕，香橙味超濃，十分清新怡人，如加多幾塊鮮橙喺蛋糕上面就perfect了。總括來說，蛋糕質素高，食得出係用心之作。

大坑出名多嘢食，但係成日行到過嚟都唔知食乜，今次經過呢間Cafe就嚟咗呢度食，叫咗個千層麵，價錢大約百零蚊一個餐，另外仲有一個湯同埋麵包。千層麵就冇咩特別，都係出邊其他餐廳食嘅味道差唔多，湯就係南瓜湯嚟嘅，口感濃厚，南瓜茸好多所以做到杰身嘅感覺。另外佢嘅黑芝麻麵包我就覺得佢好特別，包邊脆得來，包身唔會話軟林林，聞落好香嘅麵包香味。份量我覺得就唔係話好多，但都夠食，環境又靜，感覺都好好，但係價錢有啲貴。

24/8星期一流流竟然可以放假, 就去一些平時去不到的地方 -- 大坑.原本想去Hello Kitty Cafe, 點知佢偏偏逢星期一休息! 咁只好找另一間吃東西, 點知這區好多店都休息, 或者未開門! 都成2:00 PM 啦. 我們只看到這間有開, 同埋之前有上過電視, 就入去了. 這間店都唔平架! 下午流流, 有外籍人士在飲酒! 食物選擇不多. 加上其實不是太肚餓.見佢咁大部份是賣麵包的, 相信吃有麵包的東西都穩陣.我叫了個三文魚炒蛋, 加Latte. 嘩, 都成around $80 架. 三文魚都幾好食, 炒蛋正常, 片麵包是暖的, 又有nuts, 都有D誠意. Latte拉花都幾靚, 但不是我喜歡的那type. 比較苦澀. (我見佢有晒咖啡機諗住掂添)朋友已吃過午餐了, 所以只叫了牛角包和凍Jasmine milk tea. 都好似成五十蚊架. 她說她吃過不同地方的牛角包, 這個不算好食, 略為低分. 個外國style milk tea, 好淡. 好稀. 唔合格. (當然我們明白不是用港式奶茶的標準來說)雖然食物comment好像不太好, 但環境都算幾cozy, 幾靜, 坐下都

店名：BlissHIVE Bakery Cafe地址：天后大坑蓮花街1號好味指數：8／10價錢：$22長法包BlissHIVE Bakery Cafe位於大坑，環境清悠，店內陳設獨特，在每個角落都有不同的感覺，非常舒適。店員態度熱誠，親切。令每個客人感受到店員殷勤服務。長法包份量非常大，店員會幫忙切成小片，大約可切20小片，很大包呢！興奮地接過後，急不及待在店內立即品嘗。不像期望般，原因店員沒有替我翻熱，不夠熱也不夠脆，有點失望。回家後，決定要DIY一下。加入蕃茄，火腿粒和芝士焗大約五分鐘，結果：<<<好味到不得了！！！>>>，焗了十多塊，兩個人食到停唔到口。法包鬆脆可口，配上簡單材料，就變成美食。在Cafe吃這個動軏也要幾十元，現在只需$22就可享用份量超多又美味的相同美食。 店名：BlissHIVE Bakery Cafe地址：天后大坑蓮花街1號好味指數：7.3／10價錢：$28頂級咖啡BlissHIVE Bakery Cafe位於大坑，環境清悠，店內陳設獨特，在每個角落都有不同的感覺，非常舒適。店員態度熱誠，親切。令每個客人感受到店

Thanks to foodie mungkk for getting me these cookies.I have always wanted to try something here but there are too many good places in Tai Hang.These cookies were crumbly and buttery.