BnR (已結業)

這間位於荃灣新開的粉麵店，主打濃雞湯、鮮魚湯及特色冬陰功湯配飯麵，湯底完全無味精，而且原汁原味，另外還有幾款小食，都是四十蚊起。鮮魚湯魷魚筒米線魚湯用了大量小魚熬制，鮮甜又唔腥，充滿魚鮮味，用來浸米線一流，魷魚筒裏面釀入墨魚膠，一咬開滲出湯汁，墨魚十分新鮮彈牙。藥膳花膠雞淮山麵雞湯有濃郁藥材香味，滿口雞湯鮮甜味，雞件嫩滑，最後整碗湯都飲清。炸墨魚卷墨魚卷新鮮彈牙，必食之一。炸蜜瓜奶炸鮮奶即叫即做，新鮮熱辣，外脆內滑，而且不會過甜。

荃灣大壩街，荃灣廣場對出好多嘢食嘅一條街，成日啲餐廳都會轉，已經唔記得咗呢間對上係乜嘢，剛剛新開嘅餐廳裝修非常文青，細心留意旁邊有幾隻珍藏版bebrick裝飾。以為係西式嘅餐廳，誰不知係食米線泡飯海南雞， lunch time有set lunch 幾抵食。唔使+1之餘仲有嘢飲。花膠雞米線（濃雞湯）無糖豆漿米線好大碗，一拎上嚟見到雞湯好濃郁，食落去有淡淡的藥膳雞味，就算怕中藥味嘅朋友都唔使驚，雞肉嫩滑，好有驚喜豬肚雞淮山麵 奶茶特別對單係淮山麵，唔使加錢，出邊通常為淮山面係特別貴啲，可能係供應少啲，呢度米粉米線淮山面可以任選，湯底其實有濃雞劏魚湯冬陰功湯，只不過唔同配搭都幾多選擇。炸雞中翼雞中翼外皮炸得香脆，咬落去熱辣辣，入邊仲有肉汁，全碟有四隻，每隻都大大隻好好食呀。職員好有禮貌， lunch time都唔會趕你埋單，地點非常方便，荃灣廣場戲院後門一出過對面馬路就係，認住門面最新最靚嗰間就係。

🔸​​波波雞飯 $65 其實就係海南雞飯，配上醬油海南雞份量非常足夠有少少雞味，食落都幾軟滑雞皮有彈性，入口啖啖肉配上雞油香飯，幾夾整到波波咁樣嘅飯，幾有心思用嚟氹小朋友食一流🤣味道：7/10性價比：7/10🔸藥膳雞淮山麵 $68 雞湯質地掛湯，唔算話好濃明顯唔係味精湯，真材實料 就算係雞湯，都冇乜雞油湯底一啲都唔肥膩　淮山麵口感似車仔麵嘅幼麵旁邊嘅雲耳爽口 食完好滋補雞嘅份量都唔少啱啱好一個女仔食完夠飽味道：7/10性價比：6/10🔸海南雞米線(雞湯) $62 海南雞明顯比藥膳雞滑俾咗雞髀肉我哋🥰 雞肉好嫩滑啖啖肉今次轉左米線米線比淮山麵更加索湯味道：7/10性價比：7/10▪️可樂▪️凍奶茶🔹環境：座位唔太多，但係坐落闊落枱同枱之間有足夠空位🤩Lunch Set午市套餐平日至到17:30，叫主食可以跟嘢飲 🗣不須加一服務費-人均消費：～$70-整體味道：7/10性價比：6/10-#BnR📍荃灣大壩街65號地舖

一田最後衝刺，速戰速決，荃灣廣場有好多美食，見到間靚靚新裝修小店，入去快食先😝餐廳有不同米線/冬陰功味/藥膳/漁湯/海南雞飯😍😍好吸引小食泡椒雞翼尖-泡椒味唔太重，雞翼尖大隻，份量合理，肥美有肉好咬口，加+1罐可樂無頭頂冬陰功釀魷筒米線-釀魷筒冬陰功上枱時都嘩一聲，（好大隻）釀魷筒，入面鑲入花枝滑，爽口有彈性，湯底不算辣，好香口，有驚喜。加左13蚊韮菜水餃-錎料多，皮好簿，咬口豐富。不錯藥膳雞淮山麵-好香藥膳湯，但不算濃烈，雞件超滑，有雲耳, 芫荽，油炸鬼，杞子。當中油炸鬼要上枱即食會更香脆🫶🏻淮山麵好幼身及滑溜。冷泡菊花茶-味道小甜，但又解渴，好岩夏天飲。值得一試

今日又係荃灣廣場後面lunch, 見到間新開既餐廳，裝修簡約，價錢實惠，我同同事每人叫左個lunch set。藥膳雞淮山麵雞肉嫩滑多汁，肉質鮮甜，藥膳味濃，第一次食淮山麵，食落完全冇淮山味，麵條屬於幼身類型，爽口彈牙。花膠釀魷筒淮山麵呢個非常滋補，有好多花膠，膠質豐富，有好多骨膠原，最特別係放左2條油炸鬼，油炸鬼吸哂d 湯汁，好有驚喜，魷筒鮮甜彈牙，將花膠釀入魷筒入面一次過可以食哂兩款口感，好有創意。冷泡菊花蜜菊花味唔會太甜，非常滋潤。

［荃灣］BnR藥膳花膠雞淮山麵食剩指數:0/100呢個湯底係濃雞湯藥膳加咗杞子,紅棗花膠好軟滑雞肉肉質都好滑配淮山麵比較好可以吸到湯嘅味又唔會過鹹另外佢仲有兩條油炸鬼俾你吸湯食幾過癮.海南雞米線食剩指數:0/100呢個米線湯底係鮮魚湯相比起雞湯魚湯比較清淡但係都飲到魚嘅鮮味海南雞雞肉同樣地好滑雞肉份量都好多.炸芫萎牛肉波食剩指數:0/100一開始以為係炸咗嘅山竹牛肉球但係原來食落係炸咗嘅牛丸肉質好彈牙配辣醬好惹味.魚湯手工韭菜餃食剩指數:0/100一共有八隻韭菜餃餃子皮好薄一咬開全部都係餡滿滿嘅韭菜魚湯嘅味道比較清淡可以食完一隻餃再飲魚湯

最喜愛食花膠嘅我，週末係荃灣搵來一間新開嘅餐廳，佢嘅Menu湯底好吸引有熬製魚湯、雞湯及冬陰功湯底🥢小食有成10款，其中一款我都幾欣賞✨炸墨魚卷✨$ 42/4件，用腐皮包住墨魚膠嚟炸，金香又唔膩，好彈牙🥢花膠釀魷筒飯$88個湯同啲料入口好Match ，🦑魷魚筒釀墨魚滑脹卜卜，超靚仔又鮮味，唔想食太多肉的呢個都係一個好選擇🥢藥膳花膠雞淮山湯麵 $82藥膳🐓天然雞精華甚濃連麵食個湯好黏口，有成2-3至桶花膠薄薄質感，黃皮雞多件仲好肉地，配埋粟米筍、木耳真係好均衡又豐富🌼冷泡菊花蜜$28☺️店製甜潤菊花茶、解毒又明目🥤青提梳打$36呢個特飲甜度剛剛好仲有原粒提子肉可以食埋

在荃灣廣場置了點日用品，順度到旁邊的BnR吃晚飯。餐廳裝修簇新，以淺色木紋為主，感覺簡潔，座位尚算寬敞舒適。店的名字BnR 原來是代表了Broth, noodle, Rice. （即是：湯/麵/飯）將拿手食物作為餐廳名；簡單又直接。先來一客小食：豆腐皮蛋$42經典台灣地道小食，皮蛋糖心，豆腐香軟嫩滑。花膠雞魚湯米線$88麵底選了淮山面，質地爽滑，魚湯十分鮮甜。花膠軟熟柔滑，骨膠原滿滿的。雞肉也是新鮮彈牙。花膠與雞真材實料，鮮味又滋補。既然標榜的是湯/麵/飯，當然也要點客飯品試試；波波雞飯$65油飯製作成飯團，賣相獨特而吸引。海南雞鮮嫩彈牙，配甜豉油為之一絕，味道亦不錯。魚湯浸時蔬$48 魚湯鮮甜，菜心軟腍容易入口；杞子點綴，錦上添花。

尋日lunch 同阿媽去，諗住試吓，嗌咗兩個都係花膠雞湯底，我果個加韭菜餃，我阿媽嗰碗好快上，我嗰個等咗20分鐘，基本上全場除咗我之外，個個都食緊嘢，即使是遲來的客人。我阿媽都差唔多食完我碗麵先上。期間催咗三次冇，我見侍應有催不過冇回應過我。期間冇嘢做睇住個廚房出菜，見到佢哋每一碗麵上面都有張浸左一半響湯的出菜紙，waitress 好熟練地拎開佢fing 兩Fing 掉咗佢。感覺唔太衛生，至於個湯底，食完之後非常口渴，有兩條好硬嘅花膠，同埋冇溫度嘅雞。埋單走時侍應話唔好意思等咁耐，話啲韭菜餃係即時包，所以起碼要10幾分鐘，不過之前催單提都冇提。我建議佢下次可以分開上，咁唔使等咁耐。亦有同佢反映廚房出菜紙浸響碗湯嘅衛生問題，佢只係話會同公司反映，唔知係咪真

BnR 荃灣大壩街65號地舖三大湯底 濃雞湯 鮮魚湯 特式湯裏面間隔分明 睇落去簡單舒服 淺色裝修風格 一張餐牌搞掂 冇其他多餘出現濃雞湯入口濃稠 雞味濃郁，口感順滑鮮魚湯魚湯奶白如雪，味美，入口滿滿魚湯鮮香特式湯 就係我今次揀既 蕃茄味比較濃嘅冬陰功湯小食系列炸2墨魚卷 & 炸雞中翼冬陰功釀魷筒米線冬陰功湯汁以辣椒、蒜、薑、檸檬葉、香茅、魚露等材料熬煮而成，帶有甜酸又有少少微辣口感 非常開胃肥嘟嘟既魷魚筒 三大嚿鮮番茄 切成條條鮮明既洋蔥另外仲有一條小油炸鬼 浸一浸湯底食別有一番風味波波雞飯雞肉鮮嫩多汁，米飯香氣四溢，搭配特製的辣椒酱油一起享用波波設計 逐個波食！逐個擊破！幾得意 第一次見冷泡菊花蜜

今日放工同朋友行街黎開荃灣西，見呢間裝修唔錯，就黎試試啲湯麵啦。朋友叫咗個胡椒豬肚雞湯淮山麵。湯底非常香濃，胡椒味啱啱好，唔會太辣。而豬肚同雞肉嘅質感非常好，都幾適口。淮山麵就啱啱好，唔會太軟綿，口感非常好。總括嚟講，呢個胡椒豬肚雞湯淮山麵係一個好出色嘅選擇。我自己就叫咗個魷魚筒鮮魚湯淮山麵。鮮魚湯非常清甜，魚味十足，好過癮。魷魚筒煮得好入味，彈牙又唔會太硬。同樣嘅，淮山麵都啱啱好，好適合搭配清甜嘅鮮魚湯。呢個魷魚筒鮮魚湯淮山麵都係一個唔錯嘅選擇。小食方面我哋就嗌咗炸雞翼，雞翼炸得金黃鬱鬱，外皮鬆脆，入面嘅雞肉又多汁。食落去好滿足！最後，我哋都點咗個上湯菜心。菜心煮得啱啱好，唔會過熟。上湯清香，幫到菜心提升咗好多味道。食落去好新鮮，係一個好好嘅配菜。總結嚟講，呢間餐廳啲湯底真係唔錯，值得推薦大家嚟試試。

又到左一年兩度 一田大特價💸💸💸血拼前 當然要醫飽個肚但荃灣廣場嘅人流 太恐怖....所以去左後街 搵野食😎過條馬路 就有一大堆食肆 中/日/泰/星/馬/西 想食咩都有得揀今次被呢間 新開張兩個零月 （偷聽到客人問職員😂）吸引左簡約嘅裝修 設計 比人一種 好乾淨嘅感覺😊假日嘅下午 人流唔算好多 不至於滿座但keep住都有客人 出出入入餐廳主打1️⃣濃雞湯 2️⃣鮮魚湯 3️⃣特色湯其實濃雞湯配淮生麵 呢個配搭好吸引🤩但我第一眼 被餐牌正中間——BnR波波雞飯 深深吸住左🍴BnR波波雞飯🍛波波飯粒粒都乒乓波咁大粒🤩個飯好香 係唔洗餸雞 都可以食得哂啲飯不過食到第三粒波 開始有啲咸🫣隻雞係超黃黃油雞 但又唔會太肥滑嫩嘅雞肉 配上油香豐富 厚度適中嘅雞皮 🤤🤤一碟滿分嘅 海南雞飯👍🏻🍴冬陰功海鮮米線🍜冬陰功湯底幾特別 同平時嘅有啲唔同辣度輕微 比較fresh 條油炸鬼 吸哂啲湯 超正😋😋隔離枱都忍唔到 問職員有冇得 額外加份油炸鬼🍴追加手工韭菜餃🥟🥟兩隻大大隻 超多餡 夠入味食厭左商場嘅餐廳 呢間真係唔錯嘅選擇見到隔離枱都好似 食得好滿意下次要試埋啲藥膳濃雞湯😋😋

天時暑熱，想吃得清淡。正好見到這家餐廳，主打濃雞湯，鮮魚湯，有粉麵或湯飯，這就對胃口了。胡椒豬肚釀魷筒淮山麵$76，湯底是濃雞湯，加了胡椒豬肚後，味道更鮮，喜歡釀魷筒大大塊，裏面釀花枝滑，爽口有彈性，又有魷魚煙韌口感。魷魚頭分開放在麵上，豬肚煮得夠軟，配上半條油炸鬼，可以浸湯吸收湯味才吃，覺得餸菜配搭很不錯，淮山麵質硬山，口感很好，整碗麵連湯喝光光。鮮魚湯花膠雞米線$82，有花膠滋補養顏，女士最愛。雞肉份量也不少，浸在湯裏不會覺得乾，雞肉肉質滑。米線口感滑嘟嘟，配濃濃的鮮魚湯更好味，喝到魚湯真的有魚肉碎！炸墨魚卷$42，外層腐皮炸得很脆，薄薄的腐皮與爽口的墨魚滑一起吃，口感很爽，味道還可以。泡椒雞翼尖$42，與朋友吃完麵，就點了小食繼續談天說地。泡椒味微鹹，微辣程度，雞翼尖醃得入味，越吃越想吃，與朋友談心，點個雞翼尖慢慢吃，很享受！這裏晚市挺旺的，晚上八時左右也是滿座，下次會再早一點來吃。

店舖門面很光猛開揚,很像新派Cafe,座位也寬敞舒適,侍應招呼入座後,利用手機落單,似乎也主打年青客路,Menu原來走東南亞美食,包括海南雞飯、胡椒豬肚、魚湯米線等,最特別更有河粉、泡飯、淮山麵、而小食至愛豆腐皮蛋,微辣但又够凍,兩種組合入口十分夾,而又清新醒胃,再從眾多Menu選了花膠釀魷魚筒濃湯淮山麵,除了賣相吸睛,配上香脆油炸鬼索上濃湯超好味,雖然花膠不是太厚,但心理上已做好準備,不到佰元價錢夫復何求,魷魚也算爽彈,另一韮菜水餃米線,超大隻的水餃,份量十足。下次再試其他新派菜式。

前幾日去荃灣廣場睇戲，見到對面開左間新米線舖，裝修以簡約木系為主，有少少似cafe style，原來賣嘅係鮮雞湯鮮魚湯等特色湯底嘅米線，我地都入去滋補一下先😌手工韮菜餃淮山麵🍜($56) - 朋友鍾意食餃子，叫呢碗啱哂佢，餃子大大粒皮薄餡靚，湯底揀左五指毛桃湯，好少地方有🫨 湯底味道清甜，非常好味。藥膳雞米線🍜($68) - 藥膳湯係我favourite🥰 湯底濃郁由唔同藥材熬製而成，上面嘅雞係雞脾肉，好嫩滑啖啖肉，食到最後成碗湯都飲哂，滋補😌炸墨魚卷🫔/炸雲吞🥟($42) - 叫左2個香口小食share，2款都好香口，墨魚膠厚實彈牙，我會推介炸雲吞多啲，雲吞皮好香脆，入口咯咯聲，高質👍🏼