Bove (已結業)

第一次食紫菜肉鬆雞蛋仔食過番尋味，雖然等得耐不過值得。今次去諗住再encore 點知就出事。當時係食飯時間所以等既人唔係好多，等左5分鐘到就到手。一拎上手，「淋既！」好明顯係整個個人完全冇攤凍，熱到辣手就咁俾左我。人多既話我都可以體諒，但冇人等都可以整到咁既質素我真係接受唔到。最後我食左頭個1/3就送左佢入垃圾桶，淨低個2/3我以爲自己食緊海綿蛋糕。呢家周圍都咁多雞蛋仔鋪頭咁多競爭，製作竟然hea到咁 好需要檢討下同埋真的係冇下次

本身諗住係旺角準備走，經過左花園街，突然之間好想食甜野！見好耐好耐無食過震騰騰梳乎厘，又見到呢到有咁多口味，咁就要試試新口味😋平時食梳乎厘都係食到佢既蛋白香味為主，今次見到咁多唔同口味當然要試試看，揀左其中一個至愛伯爵茶，想睇下佢食起上黎match唔match，d人成日都話梳乎厘等好耐，但我地只係等左15min就有！都好快手👍🏻梳乎厘一拎上手就聞到好香既伯爵茶味，估唔到有2大舊咁多！食落口有茶味，都仍然食到蛋白香☺️，外層有少少蜜糖既甜，脆脆地好味😋

早期大熱的梳乎厘Pancake風頭已被黑糖珍奶蓋過見到性價比極高的#Bove 係旺角開新店 一於試試雞蛋仔好多口味都好吸引 試個人氣抹茶麻糬雞蛋仔粒粒入面都有麻糬 粒粒飽滿 糯米味突出夠煙韌但建議趁熱食 因為凍左麻糬會變硬啊阿華田格仔餅入面有阿華田醬同阿華田脆粒 唔會太膩又幾濃味 格仔餅夠脆口 好好味！最後試左比較特別的Earl Grey Pancake配朱古力醬性價比夠高 三十幾蚊兩件 但口感偏乾可以叫店員唧多少少醬唷！

街頭小食真係夠晒邪惡又好食，今次去到旺角花園街嘅一間小店食佢嘅雞蛋仔加依一兩年人氣大熱嘅梳乎里班戟！首先有個新品係抹茶麻糬雞蛋仔，係澳門已經推出左類似嘅雞蛋仔一段日子但久久抽唔到時間去試一試，之前有次去到又無開。依家香洗都有啦唔洗過海搵嚟食真係好啊！必點左一底，期待左咁耐嘅嘢等下都抵啦～到手後即刻睇到雞蛋仔每粒都飽滿同有粒粒麻糬遍佈每一粒雞蛋仔！抹茶味都食得出再加埋麻糬qq嘅口感真係唔錯，如果再脆身啲就更好啦另外點埋伯爵茶梳乎里班戟，伯爵茶幾香但質感偏creamy！

店舖位於旺角花園街中間，在旺角東車站下來便找到店鋪～在雲雲選擇中，選了最具特色綠茶麻薯雞蛋仔整體而言，是不錯👍🏻 原本以為麻薯是類近台灣白色很粘很軟的麻薯，沒想到似是透明的糯米滋口感，綠茶味很濃，但是有點太甜😣食到一半一定要飲水或茶沖淡甜味再繼續食～如果嗜甜的話，應該很喜歡吧！另外，輪候時間有點長，如果趕時間要留意～因爲把整條花園街行了一遍，都還未整好。但是店員服務行好，付款前都會溫馨提示製作時間需多久👍🏻

原本係專程買呢間既傳統雞旦仔..點知...汁左粒😢.但又一心想食，就試下呢間真穎d架啦.等候時間12-13分鐘左右.入面係做到一半空心，一半有餡.但斑蘭味唔夠，加上外面塗太多油去整呢個雞旦仔喇...外皮放涼左一陣都一塊野咁，唔識脆...油！！😕另一d舖頭最多放耐左外皮乾左，軟到咁都係第一次試.都係食慣傳統雞旦仔...我諗梳乎厘pancake 會好食d...環境🎖🎖衛生🎖🎖🎖人手🎖🎖食物質素🎖禮貌🎖🎖🎖選擇🎖🎖🎖🎖送菜速度🎖攝影環境🎖.5🎖為滿分

綠茶麻糬雞蛋仔($28)Matcha Mochi Eggettes一見到麻糬已經雙眼發光🤩，所以唔洗諗就揀左呢個！即叫即整，熱到燙手🖐🏻♨️。每粒雞蛋仔中間都有麻糬粒，細細粒，但口感幾煙韌，不過就唔好期望好拉絲啦🤤。雞蛋仔有滿滿雞蛋仔肉，所以食晒一底好飽肚。可惜雞蛋仔就食唔到有綠茶味🍵，如果係為左綠茶而嚟就會有d失望了。原味梳乎厘班戟（$28）+$10金莎朱古力餡還原基本步，試試個原味。由於即整，的確需要d時間🕑。一拎上手就見到個厚度好吸引🤤，仲要震騰騰，班戟帶點蛋味🥚，中間嘅金莎朱古力餡，真係將金莎打碎做流心餡，味道甜得嚟幾好食🍫。雖然要加$20，不過加咗味道的確豐富d😋

記得之前食過bove嘅梳乎厘，估唔到而家旺角都開左間分店，地點近好多。行街行到見餓餓地同妹妹決定叫番底格仔餅同梳乎厘食下。旺角店仲有雪糕賣，見人地食好大杯，10幾蚊好抵食!阿華田脆脆朱古力格仔餅（$30）Crunchy Ovaltine Waffles格仔餅食得多，阿華田做餡真係第一次食。格仔餅好厚身，口感軟綿。阿華田未算好多，較為甜膩，一定要分享，唔係一個人都幾難食晒全份。伯爵味梳乎厘（$35）+$10咖啡朱古力餡原本想食朱古力味🍫，點知當日已經賣晒。所以揀左伯爵茶味，加$10要埋咖啡朱古力做流心餡料。班戟好fluffy 🥞，做到梳乎厘口感。質感係剛好熟，唔會死實。加上食到伯爵茶味，幾驚喜❤️。2大件份量都幾足，食到中間真係有流心餡，唔會過甜幾好吃👍🏻。另外仲揀左朱古力做醬料，整體嚟講的確幾好食😋。

聽說Bove的雞蛋仔好受歡迎，即使係要排隊都不減吸引力，所以一於去試下！去到雖然唔係排長龍，但都有一群人係度等雞蛋仔出爐。好多人揀綠茶麻糬雞蛋仔，但我比較喜歡紅豆，所以就要宇治金時。朋友話要鳳梨酥雞蛋仔，所以都試左一個。宇治金時雞蛋仔每粒雞蛋仔都有一粒紅豆。抹茶味唔算濃郁，但都香氣十足。同紅豆一齊食都唔會太甜。鳳梨酥雞蛋仔咬開中間有點點鳳梨蓉，雞蛋仔餅底是原味的，很豐富的蛋漿，唯不夠脆口，餡料可以多一點點。伯爵茶梳乎厘加流心金莎朱古力餡料厚度十足的梳乎厘，空氣感充足，伯爵茶味夠香，唔會過濃，蓋過蛋味。流心的金莎朱古力餡料都好濃厚，唔係水汪汪，好似食緊碎咗嘅金莎咁。同梳乎厘一齊食唔會好heavy，仲食得出淡淡的伯爵茶香。雖然當天快要熱暈了，但大家也還是乖乖的等待新鮮出爐的雞蛋仔和梳乎厘，如真的頂不住就買一杯雪糕吧！

成日見朋友po疏乎厘動L動L既post都好想試好期待鬆軟得黎又綿密軟滑既口感Bove出名又平又好食今日經過旺角見到竟然有分店決定要試下原味疏乎厘班戟($28)可以自選醬料 我地揀左朱古力醬店外有好多人等緊 店員係落單果陣已經提醒我地要等20分鐘但一場黎到點都要食到！其實附近係花園街好多野行所以行一陣番去拎 唔會覺得浪費時間一拎上手 仲係好熱架一份有兩件pancake 好厚好大份好動L聞到蛋香 即刻食慾大增pancake表皮比較乾身裡面既質感鬆軟，但冇好滑、好綿密既口感味道方面，微微有蛋香，一d都唔甜，配上朱古力醬岩岩好唔可以話係好好味、一試難忘但勝在整體性價比高，值得一試！

響葵芳嗰陣無機會過去試，知道開左旺角分店咁啱又行開呢頭決定買黎試～因為有我最愛嘅伯爵茶梳乎厘由於即叫即整加上店員發緊夢所以等一個要等20分鐘，如果唔係真係好想試我應該堅持唔到。我叫左伯爵茶配蜜糖，其實都幾大份～成個梳乎厘有好多伯爵茶籽，所以伯爵茶味超級濃！呢點係要畀讚的～雖然話佢空氣感強咁大舊其實落肚都唔係好多嘢，但因為裡面我無追加餡料，所以食完一舊好快已經有d 滯，食極都係伯爵茶加少少蜜糖味開始有d 寡，就算我同朋友兩個些牙都有d 撐不住，最後幾乎係強行塞入口，佢其實係好食架，只係我覺得佢下次可以選擇賣一舊平d ，或者大家點嘅時候揀個餡料會更加有風味。

之前看過網上介紹葵涌廣場新開的梳乎厘店，別具人氣，較少到葵廣那邊，所以一直未有機會一試。現在在人流集中地旺角亦開了，方便多了～ 伯爵茶香梳乎厘 ：即叫即整，所以一定要等候，不過非常有驚喜，本以為茶味一定是淡而無味，沒特別，怎知道伯爵茶香濃郁，加上甜度不高，感覺健康，大大推介！兩塊厚身的梳乎厘，質感帶點輕盈鬆軟，內裡綿滑，梳乎厘表皮較實在，味道更加集中，香濃，不用加糖漿，只是品嚐那茶的幽香已經夠了。紫菜肉鬆雞蛋仔：吃過甜的，想吃點鹹的，中和一下，所以揀了紫菜肉鬆的味道。不得不讚，十分足料！滿滿的肉鬆佔了整個雞蛋仔，每粒都是厚厚的，外層帶點脆口，配上外面兩大塊紫菜一起烤成，鹹鹹香香較為不會太膩。下次再過來試試別的味道～

終於比我搵到有麻糬既雞蛋仔，之前淨係係澳門食過～～～🤩🤩bove既雞蛋仔有好多口味揀，見到有綠茶麻糬，我當然二話不說揀呢款口味啦✌🏻✌🏻 ...... #綠茶麻糬雞蛋仔 $28 每一粒雞蛋仔入面都有麻糬，粒粒飽滿，顏色係比較深色的~~~~綠茶味都算有既，味道就甜左少少，不過麻糬唔夠煙靭，同埋如果雞蛋仔脆身啲會更好，因為食到後期，雞蛋仔就已經開始變淋了✨✨ .Bove地址：旺角旺角花園街174A號地舖

伯爵茶梳乎厘（$30）加流心金莎朱古力（另+$10) 一客兩大件梳乎厘質感鬆軟而且好有空氣感🤩💕一啲都唔乾而且食落有陣陣茶香 但略嫌蛋味唔夠濃 即叫即整 製作需時要有耐性喔😉黑糖珍珠牛奶雪糕($18)牛奶雪糕奶味濃👍🏻👍🏻珍珠份量超多 食到落底啖啖都有珍珠😍比黑糖珍珠奶茶更吸引🤗🤗綠茶麻糬雞蛋仔🍳($28)即整即食，外皮脆內軟，每粒綠茶雞蛋仔裡面都有粒煙韌麻糬🤩🤩🤩好足料呢💕綠茶🍵麻糬同雞蛋仔🍳全部都係我至愛🤗雞蛋仔記得要趁熱食喔😉

之前係澳門好Hit嘅抹茶麻薯雞蛋仔依家係香港都可以搵到啦。每粒雞蛋仔都有麻薯,煙煙靭靭好有咬口,雞蛋仔嘅抹茶味又幾突出。格仔餅烘得外脆內軟份量非常十足,都幾厚身。內裏填滿朱古力醬同阿華田脆脆,口感豐富但好邪惡。不過最好就搵朋友仔一齊share,如果唔係就會太膩。選擇左較為特別小小嘅伯爵茶味梳乎厘班戟配上金莎朱古力醬作為流心餡料,班戟口感鬆軟,但外貌有待進步。伯爵茶味突出但有時會食到D伯爵茶葉碎,不過仍然可以食得出微微蛋香。