Cafe 103

營業中

休息中

Cafe 103 餐廳的環境不容置疑，居高臨下，無論內外的景色和裝潢都舒適美觀。今次是自助午餐，本人首先瀏覽枱上所有食物，並沒有驚喜，都只是一般自助餐常見的，並且款式亦不多，賣相也不太吸引。但甜品部分就令我十分興奮，開心，眼睛發亮😍，款式眾多，我竟然考慮先吃甜品。 但是我 不是一個甜品愛好者！！餐廳員工服務水準不錯，有笑容和好友善。價錢$388+10%，HSBC白金信用卡有折。本人雖然 不喜歡 享用自助餐，餐廳的食物一般，但本人覺得這餐廳是 十分值得 再到訪的。

期待一試高級酒店的自助餐，環境及員工的接待很好，而食物方面，冷凍海鮮既長腳蟹，蝦，不夠新鮮，熱盤和甜品款式不多，所以沒有影太多相另外沒有信用卡優惠，消費比其他酒店貴，但食物款式少，總結不會再來

為了慶祝家人生日，於是訂咗cafe 103 既 lunch buffet ， 因為D朋友食過都話掂 👍🏻 我 11:50 分到達， 好快就安排入坐， 馬上出擊 ！ 首先專攻刺身，雖然刺身只有三款，但勝在夠新鮮 😋 之後就試試凍🦐和蟹腳，D凍🦐好彈牙 ，不過蟹腳就咸咗D ！跟住就攞熟食，有燒牛肉，燒豬柳，松露炒蝦仁等，款式唔算多但有質素和味道不錯，特別介紹 ～～南乳豬手 ， 又夠焾又入味，配麵食就頂呱呱 😆！重頭戲甜品出場，cafe 103 既甜品出名款式多又高貴 ， 老實講我未見過咁多甜品款式既lunch buffet (可能我大鄉里 😅），果然名不虛傳，連 macaroon 都有，我飽到頂住個胃 😆 最後酒店送上生日甜品作為慶祝（記住訂枱時要求），一家人食得好滿足 😊

平日聽人地講Cafe 103通常都係食Afternoon Tea，其實我覺得佢既Lunch Buffet係更值得一試既，由其係甜品控！我覺得以到既甜品係香港咁多間酒店Buffet中係數一數二既。而且以到環境優美，食客都係斯文有禮，坐得舒服食得開心，Lunch buffet 價格$500-600，如果想坐海景位，可以提前一個月致電預約。去到當日天氣好好，從窗望出去天氣唔錯，望住海景食特別心曠神怡以到既沙律冷盤有二十幾款選擇，另外提供西生菜等可以自制沙律。魚生，海鮮刺身選擇唔多，有龍蝦，蟹腳，生蠔，三文魚，帆立貝，八瓜魚，質素都okay熱盤都有十幾二十款，數量唔多，但係味道都幾好，燒西冷，印度咖哩，馬拉嗽沙等都好味終於到我最期待既甜品，其實以到好多款都好好食，特別係朱古力類既甜品，好濃好好吃特別印象深刻既有tiramisu ，軟朱古力蛋糕，榛子朱古力蛋糕，栗子蛋糕，朱古力布甸，紅桑子奶凍... 完全係甜品控既天堂！除左afternoon tea之外，誠邀大家一定要試下佢既buffet

想欣賞香港維港美麗的景色，又想悠閒地吃個下午茶，我喜歡走到The Ritz Carlton，無論是位於ICC 100樓的Cafe 100，118樓的OZONE，又或是今天來到位於103樓的Cafe 103等都是我的最愛。 Cafe 103由七月中起推出了Moschino下午茶套餐，不單三層架採用了最signature的泰迪熊設計，各款點心亦加入了Moschino元素，吃完之後，別忘記去樓下的Moschino店拿贈品 -- 迷你香水，造型可愛，香氣逼人，好喜歡！ The Ritz Carlton地理位置優越，香港最好看的維港景致，在這裡都一覽無遺。 下午茶來了，是Teddy Bear三層架和一碟英式鬆餅，實在太可愛了，不得不放它到窗邊，在維港美景的襯托下瘋狂拍照一番。 蜂蜜芥末意大利火腿香草包、香辣大蝦番茄黑橄欖意大利包 意式芝士檸檬瑞士卷、脆皮雞絲意大利飯球下午茶共有四個鹹食，都很小巧精緻，色彩繽紛，我最愛的是火腿香草包，麵包軟熟，火腿鹹香。 榛子朱古力棒 女士們還是更愛甜點吧！榛子朱古力棒好吃得要豎起姆指，來自意大利皮埃蒙特的榛子朱古力醬香滑，味道濃郁；底下的朱古力豆脆

《Ritz-Carlton x Moschino🐻》💰$688+10% For two👭本身肥妹都幾鐘意Moschino🐻呢個brand..所以一早book個位黎食❣️個層架係熊Bear Bear外型 真係好cute💕包括4款咸點，5款甜點以及我最愛既Scone😳有幾款甜品都印有Moschino🐻既不同圖案，好鬼靚，不過都幾甜...所以飲品建議叫茶類🍵🎁Tea set架會有個QR code..入去填小小資料，連同Tea set單據就可以落圓方shop領取Moschino🐻5ml特別版香水📆即日起 - 2018年9月16日⏰3:30pm開始。@RitzCarltonHongKong @Moschino#TheRitzCarltonHongKong#Moschino #🐻 ..……………………

黎呢度食下午茶當然為咗呢期新出嘅moschino high tea 同同行嘅朋友揀咗688兩位 另收一服務費就可以喺103樓嘆下午茶啦呢個下午茶用熊仔做層架 好elegant ！首先會黎一個開心果鬆餅之後等一陣侍應就為我地送上熊仔下午茶頭一層係鹹點有四款 鹹點好出色 ！中層就係開心果芒果杯 同爆漿朱古力tart底層唔使多講就係有熊仔白朱古力棒 真係靚到唔捨得食 提提大家下午茶架右邊有個qr code 掃就可以參加抽獎有機會攞到熊仔雨傘☂️更可以登記去圓方moschino 專門店攞香水試用裝真係有得食有得拎

網上見到MOSCHINO 同Ritz Carlton 有個聯乘High Tea，於是一星期前打去book位，搵個理由扮吓港女，同朋友茶聚。官方照片睇落都幾多款式幾精緻同夠飽High tea由 3:30pm開始，去到門口已經見到signature 嘅Teddy恭候見位fans！一心諗住食完tea落shop睇吓隻Teddy幾錢，原來shop無得賣...如果有人去tea，可否話我知幾錢天氣好嘅日子，坐窗邊嘆tea真係無得頂！食完充滿杏脯肉同開心果嘅鬆餅，主角登場！呢個set淨係影相都值回票價啦！我後面有枱姐姐影呢個層架都影咗一粒鐘架！第一層係咸點，味道ok！呢個脆皮雞絲意大利飯球，咬落去真係見到飯粒，不過淡而無味...甜點都不過不失！呢個香水盒，面果塊朱古力咬落似A4紙，大家影相就算喇！入面係桃+朱古力，食落酸酸甜甜，唔錯！對比返官方圖片，真實份量較少，收$688加一真係比較貴。不過有名牌子聯乘就貴一貴都要幫襯啦！scan 層架QR code落到樓下shop仲可以換5ml特別版香水！

相約左朋友星期日同她食飯慶祝生日, 其實都唔太需要煩惱食咩好, 因為2個女孩食飯, 第一時間一定諗起只要係女孩都喜歡的下午茶。搜尋其間見到全港最高的酒店Café 103評語不錯, 而且可以訂座, 決定一試。食飯前一天, 收到餐廳確認booking, 因我訂座時有寫是為慶祝生日, 她告訴我另有甜品附送, 還細心問我需要寫上字句, 真的印象分大增。當日搭高速升降機，不用半分鐘就停定在 103 樓了 。今期tea set係薄荷柑橘為主題，侍應細心介紹各款鹹點及甜點，賣相相當吸引，但感覺鹹點有點普通，甜點太過甜了。當我地差不多完成之際, 侍應主動送上預先安排好的生日甜品，十分驚喜。總括而言, 環境及服務一流!

這間六星級酒店嘅自助餐價錢大約五百幾蚊（星期六自助午餐）環境比預期中細食物款式不太多座位較一般矮身坐得都唔係好舒服所以都有些失望（與半島酒店自助餐比較）坐落103層樓景觀都OK但係唔會有好大驚喜座位麻麻哋朋友出入都好麻煩因為好多座位都靠邊餐廳應該要多留意海鮮都OK朋友都讚啲生蠔好味細細粒容易食沙律真係比較普通所以都冇咩食所有菜式基本上都好一般味道合格但係唔會有太多驚喜甜品種類超多買相亦非常靚特別推介朱古力甜品總括來說：六星級酒店嘅期望，實在有點失望，最後都係推介半島酒店！🤣🤣🤣

六月半生日，揀左間靚景而可能系香港最高嘅餐廳食自助晚餐，景色唔使問實屬一流，可以自己一個，如有美伴確會生色不少，但一人亦别有一種随性。由於早一星期已經電郵預訂，是日星期五，客人不算太擁，餐廳安排左我一人坐一四位餐桌，地方寬闊，一日獨霸四人桌，拿野食亦唔怕太多擺唔到。餐廳自助晚餐有生蠔，龍蝦，長脚蟹等凍盤，不過個人行經覺有小小味所以冇拿，而熟食，有中西印各款，中式竟然有乳猪而且仲系皮脆肉嫩，一來少見，二來真系好味，拿笫二轉有添食，個人亦比較喜肉食，燒牛肉同豬肉亦做得唔錯，還有日式刺生亦新鮮，可惜款少，得三文魚，带子同凡立貝，如加上個人喜歡的吞拿魚相信會有加分。上面講到肉，咁就不得不提酒，加100蚊港幣，可以有白，紅，氣酒任添飲，餐廳用酒都幾好，三隻都試過，個人覺得加100性價比高。此外餐廳亦有提供生日甜品拼盤，不過都系食返是日甜品區個啲好味啲，服務來講都殷勤迅速

呢個set 係薄荷柑橘為主題見到款式就唔算太多，但其實食得好飽的！！！我揀左幾款出色的甜點同一款鹹點。因為鹹點唔夠D 字頭個間tea set 做得好。呢份你以為普通瑞士卷，但我想講佢真係普通青瓜加忌廉，不過味道中和清新，反而幾令味蕾refresh 下香橙西梅芝士蛋糕 一啲都覺得唔溜，我本身鍾意食cheese cake, 香橙完全唔會蓋過西梅味！薄荷青檸白朱古力撻成件事係夾，同埋個賣相吸引！其實有點似mega 既薄荷朱古力雪條‼️柚子朱古力果仁呢個係我覺得第一次令眼相看既朱古力cake原因係佢唔會溜，至唔鍾意甜到high high 既cake可能配左柚子既甘甜，再加埋果仁 脆脆的，成個口味就very good喇檸檬蛋糕 亦係我覺得最後完成 整個tea set 既句號！佢簡而精，唔係hea 你既lemon cake最後，失望既係呢杯機沖既latte,唉...我同友人係咖啡友，埋單$7xx 佢俾杯咁既coffee 我呀～～～～（一開始掃興了）

拍拖週年咁重要，一定要諗諗計，cafe103可以睇睇景，又高級，就book 左👏🏻我地下午茶時段去，叫左個二人set下午茶☕️，幾舊cake咁，杯熱朱古力好濃， 濃到有點漿，但又幾好飲，可能係我唔識世界，覺得好正😆🤭鬆餅一人一個，有果醬同牛油搭配，味道都好好，好鬆軟。我哋好期待個主menu，誰知。。。。個賣相出嚟真係好靚，但味道真係有點保留😅😫。。如果要評分，我只會説最上高果兩款朱古力甜點值得食，其餘可能自己食唔慣，覺得味道有點奇怪🤦🏻‍♂️。呢個價錢而比呢個質素略為唔值，我見有好多枱都無食哂，所以覺得以上評價可以代表一部份人對呢間餐廳嘅質素評價。說真的喺呢間餐廳食個景真係無得輸，但食物質素有待改善。尤其咁嘅價錢會期望高少少。🤨

美食無分國界，就如我們因食結緣而成為好友，女生私茶聚，出發！ 下午茶分兩段，我們選了2時的檔期！餐廳樓底極高，跟盡收眼簾的大海配合著，既浪漫又舒適，菜單設中英版本，很貼心！雖然索價不輕，但醉人景色，亦算值回票價！妹偏愛抹茶，選了朝露，朝露以大茶壺盛著，其帶淡淡的果香和花香，茶味香濃亦富層次，配甜點可化去甜膩，大愛！火腿芝士麵包做成百力滋般，頗具玩味！惜火腿過薄，只嚐到微微鹹味，不太吸引單聽海鹽焦糖開心果朱古力杯的名字時，還以為是極甜膩！吃來卻是濃而不膩呢！面層有著不少果仁，配上一層焦糖醬及厚厚的雲尼拿吉士，海鹽平衡膩感，應記一功！令人驚喜的一道甜點！拍照良久，鬆餅仍然非常鬆軟，點點濕潤跟點點奶香，就算不塗厚厚的果醬和奶油，仍然出色！

難得同朋友去high tea~千挑萬選終於去Ritz-Carlton 既cafe 103~朋友說上次天氣不好看到一片白茫茫，今次天公作美～但其實掛住傾偈就係影左兩張相～朋友注意到酒店專請鬼仔同埋好高既staff我覺得今次薄荷橘子主題唔係我杯茶～所以～haha 試過就好～ 但咸點真係麻麻地...另外signature chocolate....如果不加signature, 我會無咁失望