Cafe Deco Pizzeria (圍方)

營業中

休息中

Boxing Day 想食下啲西餐，決定入去圍坊試吓呢間，唔使等位直入。叫咗三樣嘢～西班牙風味烤八爪魚 夏威夷風光薄餅 同埋美國黑安格斯肉眼牛扒首先梗係佢～西班牙風味烤八爪魚，我食嘢當然梗係想有質仲有「量」，好明顯量呢份唔會有，幾「舊」仔八爪魚，二款唔同嘅茄同薯仔，味道一般，但可以接受，當試吓新嘢，同開開個胃。夏威夷薄餅～對我嚟講個餅底不厚不薄，配料加埋個餅底，口感同味道不錯，算有啲驚喜，最怕啲薄餅過厚或太薄，呢個剛好，又夠大個。主角～見到晒，無多修飾，坦蕩蕩唔似港式「乜鳳」要加乜汁乜汁，就係咁簡簡單單二款配菜就得，薯條粗身脆口，菇味正正常常，主角肉眼扒～無論係味道，生熟程度都控制得好好，真係好重嘅牛味，都係果句普普通通嘅牛扒，要出到牛味，喺香港真係有啲難，真係要中上價至食得到，呢度除咗有牛味，仲有一陣燒烤嘅味～不錯。二個人食三樣嘢，真係飽飽。唔知係咪聖誕假期，好似係無套餐選擇，我見其他網友post套餐，可能要閒日至有，應該會扺食啲。回頭度：7/10

我同朋友一樣係大圍人，朋友12月生日，咁大家梗係喺大圍支持本地消費，圍方食又有聖誕氣氛，之前屋企人喺度食過，兩個人食三碟，滿足離開。食物水準高，服務又好，勁力推介。

Cafe Deco Pizzeria is a delightful Italian restaurant that truly captures the spirit of Italy while offering a unique dining experience. As you step inside, you’re greeted by a beautifully designed interior adorned with festive Christmas decorations that add a magical touch to the ambiance, signaling that the holiday season is just around the corner.My friend and I decided to treat ourselves to the set dinner for two, and we were thrilled by the culinary delights on offer. The food at Cafe Deco

今日同朋友係圍芳行街，見有D肚仔餓，咁啱見到呢間意大利餐廳人比較流少， 環境清幽，就入去試下先😂我同朋友仔叫咗個兩人餐（有前菜，披薩， 主菜，甜點同兩杯飲品）再加多個牛扒試下😎前菜·煙鮭魚海鮮沙律，沙律菜新鮮配料有煙鮭魚·🦐·同流心🥚，醬汁味道幾特別，酸酸甜甜好開胃。如果再多小小汁更好😛披薩🍕·番茄茄子水牛起司披薩8吋大，夠曬兩人份量，芝味十足，味道唔錯，🍕餅底質感都非常之軟熟，值得一試！😋主菜·海鮮意大利飯，賣相非常漂亮😻，配料份量都好多，有🦐·帶子·蜆·青豆再加上龍蝦湯汁同飯一齊煮，飯感味道非常香牛扒🥩·除咗用炭爐燒外，調味也十分講究,用了特製的香草和海鹽, 充分提升了牛肉既鮮美。搭配的配菜,香煎蘑菇🍄‍🟫香脆薯條·增添了視覺美感,也讓口感更加豐富吸引最後梗係甜點時間😏·抹茶蛋糕配埋雲呢拿雪糕，賣相有心思😍雪糕香奶味，抹茶味唔太重，清清甜甜。服務員也很好，細心介紹❤️

閒日夜晚見無咩人排隊諗住食下。入去到落單個經理已經表現到好唔耐煩，嘢食叫到一半都未叫嘢飲就已經話幫你落住先啦好似唔想做生意咁，仲以為去咗茶記之後嘢飲交俾女侍應落，女侍應反而ok 有禮貌，放低嘢食都會講唔該。同朋友食完諗住吹陣水啦，點知個經理就埋黎好似趕收工咁過黎問你d 嘢上齊未呀？懶係好關心你但其實係想你快d 埋單走嘅感覺，十分嘔心同厭惡。如果餐廳係full house 我可以理解，但餐廳其實有一半位置都係吉而且只係8點左右。嘢食老實講中規中矩唔可以話差，呢個價錢黎講算係咁。理解貴租但價錢都唔算話特別貴。去食之前都有睇過openrice 評語，都見到有師兄寫呢間餐廳服務態度有問題，但估唔到聞名不如見面。果然無令人失望正宗貼錢買難受。如果師兄習慣香港而家嘅服務態度，其實都可以一試，但唔會有第二次囉

第一次來食咗Pizza ， tea set, 好味， 見到隔離食緊漢堡飽都好想食。 今次再來兩樣都食，兩樣都好正，漢堡跟嘅薯條好脆又大條又多！ 搞到我會掛住呢兩樣。下次再試下其他，我估都會一樣好味😋😋😋呢度環境闊落，坐位夠大，服務殷勤！ 係圍方二樓好方便。依家出面的野食度度都貴，仲要水準麻麻，所以呢間性價比都算高，$130/人下午茶雖然唔算平，但和牛漢堡牛肉味道好好，pizza 又多芝士又香，值返晒！ 我好少會寫咁多字嘅食評，我希望呢間可以做得住，同keep 住水準，我以後可以常來☺️

大圍的Cafe Deco的牛扒實在令人驚艷，是肉食愛好者不可錯過的美味選擇。餐廳提供多種牛扒選擇，其中最受歡迎的包括澳洲和牛和美國肋眼牛扒。每一塊牛扒都經過精心挑選，肉質鮮嫩多汁，搭配完美的熟度，無論是五分熟還是七分熟，都能恰到好處地展現出牛肉的鮮美。牛扒的調味也十分講究，使用了特製的香草和海鹽，充分提升了牛肉的天然風味。搭配的配菜，如香煎蘑菇和時令蔬菜，既增添了視覺美感，也讓口感更加豐富此外，Cafe Deco的服務質素一流，服務生熱情周到，會根據顧客的偏好推薦合適的牛扒搭配。總的來說，Cafe Deco的牛扒無論是味道還是質量都讓人印象深刻，絕對值得一試

stopped by with my daughter last night and ordered two pizzas to take away. confronted with the worst front of desk you cam imagine. no smile, no hello, no how can I help you. no thank you. dead pan.cone back 20 mins later to collect my pizzas. same grumpy manager. didn't say a word. handed me my pizzas and didn't even make eye contact.if it was a hairdresser, could be quite good!stay away unless you like the worst service.pizzas average.

我平日2點去到，無咩人，好好坐，夠靜。有set lunch，唔算貴。我地一行7個人，5個人叫set lunch，2個知叫餐散叫，再加1個pizza + 豬肉 + 蝦餅share食，每人$285。唯一美中不足係個個啲嘢食都到晒，連小食都到埋，淨係爭我想叫嗰個意大利飯未到。我估係漏咗單，但係職員話我個意大利飯要等耐啲，其實我見到佢靜雞雞去咗落單。不過算啦，明嘅，手寫有機會漏，唔怪責，我就prefer老實啲話漏左🙂‍↕️反正我又唔會話人。個carbonara pizza好食，豬腩肉就有啲un，炸蝦餅都好食，我個海鮮意大利飯都好食。滿意。

圍方商場開咗之後都會耐唔耐泥呢度食飯，適逢星期五晚，好多餐廳都要等位，行行吓見到呢間意大利餐廳人流比較少，所以有揀咗食呢間啦！我同朋友叫咗個二人晚餐（有一個前菜，一個pizza，一個主菜，一份甜品，再加兩杯飲品）前菜揀咗煙三文魚海鮮沙律，沙律菜係新鮮嘅，配料有煙三文魚，蝦，同埋流心蛋，醬汁味道幾特別，酸酸甜甜好開胃。Pizza叫咗蕃茄水牛芝士pizza, 8吋大，預先切咗6件，夠晒兩個人嘅份量，芝士份量都好多，味道唔錯，pizza嘅餅底質地都非常之軟熟，值得一試！主菜叫咗海鮮意大利飯，賣相非常美觀，醬汁係龍蝦湯味，配料份量都好多，有蝦、帶子同埋蜆，美中不足嘅係加咗好多青豆同飯一齊煮，唔係好食到飯嘅味道，反而食到青豆嘅味道！如果唔食青豆嘅朋友就不妨考慮其他主菜！甜品揀咗抹茶芝士蛋糕，賣相有心思，配埋雲呢拿雪糕，雪糕好香奶味，芝士蛋糕嘅芝士味比較濃郁，反而抹茶味就唔係好食到，不過都係一個好食嘅甜品。如果下次嚟圍方商場，都會再考慮食呢間

同啲鄰居打羽毛球就一齊出圍方食飯，之前已經想試呢一間餐廳，所以預先訂咗枱。我哋就嗌咗三個前菜同兩個主食。前菜個慢煮八爪魚，處理得好好，因為八爪魚如果煮得太熟真係會至會實，但係佢呢條八爪魚淋得來有少少彈性。另外個牛骨髓一雙湯嘅時候煙香味撲鼻，𢳂落去個份量都好足，跟上配埋果醬，啱啱好中和左牛骨髓嘅油膩感。另外生牛肉他他都處理得唔錯，唔會心血水有冇血腥味。食完三個前菜整體上都相當滿意。跟住就到主菜啦。羊架我哋叫Medium，但係切落去嘅感覺就好似Medium rare。另外啲羊肉就冇羶同肉味⋯⋯可能各人口味唔同，但我就比較喜歡有少少羶味。食到咁上下個Pizza都嚟埋，和牛虎蝦pizza，虎蝦都唔係啲難熟嘅食物，但係覺得咁樣片薄片就慳家咗少少，咬落去有拉絲但芝士味唔算濃郁。鄰居話想飲朱古力奶，上面還寫住80%朱古力。我都試飲左，但係飲落去可可嘅味道淡如水。個中段同結尾有點敗筆，但個頭真係開得唔錯。回頭率都高嘅，不過係主力試前菜。

平時無乜食過屋企附近嘅西餐好想食牛肉漢堡就入咗去試叫咗一個和牛漢堡$178 同埋肉眼扒 $368我哋落單嘅時候呢個侍應就問我哋幾多成，我哋話三成佢就係咁話會好生 但係如果你食開牛扒都知 叫三成都好普遍咁最後和牛漢堡就5成熟 肉眼扒3成熟和牛漢堡 $178個漢堡份量好足但係塊和牛一啲都唔好食完全冇肉汁塊漢堡包係偏硬嘅類型薯條係幾好食嘅 有啖淡嘅胡椒香肉眼扒 $368睇Menu覺得賣相唔錯，所以想試吓明明講咗三成熟但係牛扒嚟一啲血紅肉汁都無切開都係毫無血色，都唔知佢煮到幾多成為咗唔浪費食物，所以食晒佢仲要佢有啲位落咗勁多鹽，直頭咸到苦如果你賣咁嘅價錢牛扒連幾多成熟都控制唔到，一係個廚師有問題 一係就係塊扒唔夠靚今次體驗好差，應該冇下次建議大家試返佢嘅Pizza

員工服務態度好，效率高，快速的上菜速度，令人覺得方便和滿意。熱辣辣龍蝦意粉做得好食，蝦肉彈牙口感令人印象深刻，而甜品味道和present絕不是求其，有一定水準！可以改進是pizza，芝士唔夠，烤得唔夠脆卜卜！

Cafe Deco Pizzeria地址：大圍車公廟路18號圍方2號218號舖CAFE DECO PIZZERIA 是一間新派西式餐廳，室內設計以簡約格調為主，環境舒適開揚，洋溢溫馨感覺。同埋係設有開放式廚房，讓客人觀賞食物新鮮製作的過程。主打的意大利薄餅即叫即造，更特別採用世界頂級高溫石爐烤焗，使薄餅烤焗時受熱更加均勻，出來的薄餅自然香脆惹味，味道提升更高層次。除薄餅外，餐廳亦提供其他國際式美饌，好適合客人與親友聚會！龍蝦汁大汁意粉 Prawn Linguine Lobster Cream Tomato, Fennel, Lobster Cream, Basil以新鮮的龍蝦肉為主角，搭配番茄、茴香和濃郁的龍蝦奶油醬，口感豐富。每一口都能品味到龍蝦的鮮美和奶油醬的滑順。香氣四溢的羅勒葉增添了一絲清新的味道黑松露火腿薄餅 Spinach, Buffalo Mozzarella, Pine nuts, Parmesan薄餅上鋪滿了嫩綠的菠菜、香濃的水牛芝士和松子，以及帶有豐富風味的黑松露火腿。每一口都散發出濃郁的芝士和松子的香氣，而黑松露火腿則為整道菜增添了獨特的風味烤牛骨髓伴紅酒燴牛肋

前日系圍方行左陣，就係入面揀左間新派既西式餐廳食晚餐🥣！餐廳環境光猛闊落，簡約佈置又不失溫馨，令人感覺好舒服！我地食左：👉🏻✨烤牛骨髓伴紅酒燴牛肋✨$168呢碟牛骨髓個賣相精緻又大碟，睇到都心心眼😍又大又粗既牛骨入面滿滿都系充滿油脂香、又軟又白又絲滑，好似奶油膏狀咁既牛骨髓！接近入口即化，簡簡單單用匙羹一挖就食得！非常方便！除咗可以直接就咁食，伴住牛味香濃、質感鬆軟、切成細細粒既牛肋肉、香脆薄多士同埋個特製甜酸醬汁－齊食既話，口感味道仲會更加豐富同多重，真係滋味到－個點！🤩大推！✨黑松露火腿薄餅✨$188餐廳近入口位置有個好光猛既開放式廚房，所有薄餅🍕都係喺呢個廚房入面即叫即整，睇得出既乾淨衛生！！薄餅上枱嘅時候香噴噴、熱辣辣🔥新鮮到不得了！餅底又薄又脆，面頭鹹香滑嫩既火腿配上濃郁嘅黑松露，真係香到令人欲罷不能🤩✨紐西蘭草飼羊架✨$328呢份紐西蘭草飼羊架有2大舊，啱晒2人share ; 顏色好粉嫩，目測應該5成熟，食落肉質鮮味嫩滑，有彈性得梨仲好多肉汁，仲要唔係好覺有羶味，高質！👍🏻✨PURPLE HAZE (mocktail )✨ $68由紅桑子蓉、檸檬、薑味汽水加蝶豆花制成入口酸