Carolyn Robb The Royal Touch Cafe (已結業)

常常經過The Royal Touch Bakery Cafe，到最近才發現它有出售軟心朱古力，它毫不起眼地展示在蛋糕櫃的一角，隨了一份小目錄外，沒有什麼宣傳牌，差點走寶。根據店員介紹，朱古力是以法國進口的70%黑朱古力製造，軟心是使用皇家配方的ganache，共有16款，選擇也不算少；朱古力每粒$20，9粒裝連禮盒$210，16粒裝連禮盒$380，價錢算是適中；我先買了一粒伯爵茶軟心朱古力試食，感覺甜度適中，在濃郁的朱古力味中溢出陣陣茶香，恰到好處。我買了一盒9粒裝的回公司事給同事分享，禮盒沿用餐廳的淺藍主色調，比較清雅調和，如果用來節日送禮則略為不夠名貴，建議增加銀色或金色絲帶，便更加完美。

I walked past this place a few times but finally decided to go in for a cake and a brew.  Although it has been pitched as having some vaguely remote connection with the British monarch, the cakes on the outside just does not look British or appealing.  And when you make such bold association, the product itself needs to deliver.  In this case, it has clearly not.The Earl Grey fairy cake I had was weirdly served with the wrapper on a plate on a pool of synthetic sauce, somebody should get their b

星期五下午，黎到個時得幾台人，隊都唔使排幾好！叫左個二人tea set:個tea set一共三層，有甜有咸。我地好肚餓，馬上食左啲咸點先。上層既鬆餅以有提子乾個款好食啲，比較乾身，一切開會馬上碎曬。佢都好香牛油味，不過我喜歡食朗庭酒店個種。幾款咸點其實都幾好食，唔係一般好行個種，精緻而細小，通常一啖食曬。有款點松露墶仔幾好食。甜點個幾個蛋糕仔反而失色啲，有個紫色食唔出咩味，其實個個都好甜下，朱古力係香滑，但太甜又食唔落。咖啡好一般，下次叫茶好啲。整體感覺其實都幾好，價錢可以接受同服務都幾好。

因為睇雜誌介紹, 知道英國威廉王子大婚的蛋糕可以係香港 The Royal Touch 食到, 即時十分好奇, 決定一試. 餐廳位於海運大廈地下的一個角落, 店外店內人流唔算多, 但座位都唔係好多, 如果有興趣試的話都係訂咗位先好啲.雖然知道這裡可以食到威廉王子大婚的蛋糕, 但睇咗餐廳的小冊子簡介才知道原來餐廳創辦人 Carolyn Robb 是曾擔任英國皇室御廚超過10年的前皇室御廚, 王子大婚的蛋糕 (Groom's Cake) 就是她造的皇室朱古力脆餅蛋糕 (The Royal Chocolate Biscuit Cake)晚餐價錢由$278-$368不等, 有齊前菜, 沙律, 湯, 主菜, 甜品及餐飲. 食完個晚餐已經好飽, 但其實係一心諗住嚟試個皇室蛋糕, 不過朋友都話食唔落, 無可奈何之下, 唯有放棄唔當晚食啦 . . .  係念念不忘嘅情況下, 隔咗幾日終於都買咗個蛋糕食喇 !

餐廳打著英國皇室前御廚的旗號，艾琳熊自然有一定的期望，可惜整體感覺未見驚喜。餐廳是半開放式，空間不算很大，入口處的兩個玻璃餅櫃放滿各式各樣的蛋糕，最搶眼的當然是招牌產品─迷你版威廉王子結婚蛋糕。不過艾琳熊和男友吃不下那麼大個蛋糕，就點了一個伯爵茶cupcake和一個玫瑰荔枝蛋糕，另外叫了凍檸檬茶。杯子蛋糕不會過甜，但問題是連伯爵茶味都偏淡。我倆更喜歡玫瑰荔枝蛋糕，花香混合水果香，味道清新。整體感覺不過不失，若想營造英國貴族茶室的感覺則不合格，我們是在開店不久後就光顧，但杯碟已見破損，而侍應又會坐在客人附近談話，普通食店的話可以接受，但難與皇室形象拉上關係。

成日都係海港城迷路，都行左陣先搵到依間英國皇室餐廳平日3點黎到唔會好旺場，不過保險d都係book定位好。話明英國皇室餐廳，裝飾點敢馬虎...哈哈，門口有個大cupcake櫃歡迎你，入面用餐位置以白同少少金色為主，有d好華麗既吊燈，不過最鐘意都係枱面印左好靚pattern既餐具食多左幾次afternoon tea發現其實都係想有唔同野食過下口癮，通常濟到食唔晒，所以識食梗係嗌１人teaset再加其他dish轉眼間teaset黎到，喔！好mini唔怪之得咁平。影左幾張相另一個超搶volt既"配角"就出場，都係要講左佢先- 澳洲和牛雞蛋芝士漢堡($108)：嘩！好大隻蛋黃哥同我地say "HI"～隔離點解係M記幼薯條既？！醒目朋友好快發現ｄ薯皮，應該係真材實料嫁wor~即刻試食，OMG！真係好好好好薯又脆又好味 真係唔應該以貌取薯，不過都係覺得如果薯條粗少少會開心ｄ時不而遲要快d試下令人垂涎三尺既大burger喇個包偏乾左少少，但係佢搽ｄ好鬼香既牛油去烘完，就咁食塊包都夠開心~~ 入面除左蕃茄芝士同超juicy唔知n成熟和牛之外，仲竟然有火箭菜而唔係生菜，仲有仲有蛋黃哥比我地篤爆左之後ｄ蛋汁

在海港城門口見到有水牌介紹這間新開的餐廳，而且見到食物外表同用具都幾吸引，於是就去食。但我認為下午茶質素味道都好普通，食物味道不能感覺到是前皇室御廚，希望他們不要將價就貨，我情願用高價去享受高質素的食物，不是只享受外表，環境和名氣。芒果梳打，價錢忘記了，裏面有云尼拿雪糕，沒有芒果肉，只是芒果味道，而且很甜。三文治併盤$58(6/10),三文治配上水晶菜和橙肉，非常清新。水晶菜是西方的蔬菜，味道好像生菜，囗感非常爽脆。左：黑松露雞蛋三文治，黑松露味道濃郁，會留在囗中久久不散。中：芝士火腿三文治，味道好普通，沒有特別。右：煙三文魚牛油果三文治，涵料飽滿，煙三文魚有好多，不過味道就同Taste買的一樣。下午茶$280二人用(6/10)鬆餅好細件，而且又凍又硬又乾身好難食，好像吃麵粉團一樣，非常差。炸蝦多士：沒有太多油份，炸得幾鬆脆。雞胸肉燴大蔥酥皮批：迷你酥皮批裏面，原來有好多雞胸肉碎，味道不過不失。鴨肝車厘軟包：鴨肝沒有味道，只食到果醬味道。迷你黑松露雞蛋酥皮撻：這個同黑松露雞蛋三文治味道一樣朱古力慕絲蛋糕，朱古力都算香濃軟滑。芒果蛋糕，太普通，同麵包店的差不多。紅桑子蛋糕是三件中最好食的

睇新聞先至知道原來7月21號係英國王子喬治BB既兩歲生日。今日我就同友人嚟到英國皇室御廚Carolyn Robb創辦嘅餐廳，試食佢哋嘅下午茶，聽講william同kate結婚時候用嘅結婚蛋糕都係創辦人所整架一踏入餐廳已經感受到英倫氣氛，英國國旗呀、古典格仔地板同古典花花餐具。我地叫左呢個tea set for 2 ($280)，超平。3層上既，見到即刻心心眼，港女自拍一番第一層係English Scones，有原味同提子味。Scones微暖既，細細個，襯埋既係cream cheese同jam，佢個jam甜度不高，反而帶有玫瑰花香味，幾特別，不過我鐘意clotted cream多過酸酸地既cream cheese，奶味重d始終好似岩channel D第二層係咸點，有炸蝦多士 ，不過好似食唔到個多士，得件上左漿既蝦，但炸得乾身，少油唔膩，good!鴨肝車厘軟包，麻麻地，好似jelly，無咩味。黑松露雞蛋酥皮撻係最好，酥皮撻脆身同薄，沙律醬雞蛋加左黑松露，氛香撲鼻!最底層係精選英式西餅，睇落唔起眼，好似MAXXIM幾蚊雞貨式咁，但全部糕身夠moist，而且配上果酸既醬夾!$154一人我覺得h

雖然主打賣蛋糕同cup cake，但午餐更吸引。沙律加湯加主菜加茶，收費由98至158元另加十巴仙服務費，海港城喎，仲可以唔使同人迫，輕鬆地食餐飯，更神奇係食物有質素，唔係得個樣，食得出用心機去煮，抵讚。紅菜頭藜麥沙律，個汁的酸度拿捏得準，唔會酸到打冷震；磨菇湯夠熱夠香，減點鹽會更佳；主菜薯蓉焗三文魚鱈魚批，魚肉切得大大舊入饌，感覺真材實料，兼且沒有雪味，跟香滑薯蓉極配。私下將 Rosemary 撕碎混入同食，出奇地合味道。多付25元加吃自家製士多啤梨雪糕，混有菓肉及少量鮮莓，味道清香，不超甜，好食。呢餐飯食得開心，加埋店員們提供的優質服務，感恩喔！

早前跟朋友試了開業沒多久既一間英國CAFE，這間ＣＡＦＥ最出名就係威廉王子結婚時，都是搵佢整結婚蛋糕。不過今次我去試左佢個午餐，反而冇試過佢出名既甜品。環境尚算ＯＫ，但餐廳地方吾大，枱與枱之間都算頗迫。我同朋友都分別點了兩個吾同SET LUNCH。首先前菜有豌豆湯香橙核桃沙律－湯有好RICH豌豆味，好清新。沙律亦都好fresh，沙律菜好新鮮，再加上少少酸橙味沙律汁，好開胃！主菜分別係和牛BURGER同 ANGUS BEEF－和牛BURGER比較乾，反而ANGUS BEEF就好JUICY，好有肉味。（Ｄ碟好靚，好有英國皇室Feel）價錢吾算好貴，set lunch平均都係百五六蚊，食物質素又吾錯，所以都可以一試。下次要試下佢Ｄ皇室CAKE!!! 

I was excited when this opened because they serve British fare but the photos didn't really motivate me to try it out but as I was having dinner in TST I checked it out.It was very worrying to see prawn toast and DUCK GRAS on the tea set menu!!In UK, you get prawn toasts at your local Chinese takeaway LOL and I like the new invented word DUCK GRAS!I opted for the cupcake which looks different to the cupcakes at Korea's Cocobruni which has a license Agreement with The Royal touch.★☆★☆★☆★☆★☆★☆★☆★☆

今晚和珊珊在海運看電影，看完己是九時半了，大家肚子又點餓，於是不若而同都想吃吃甜品入了海港城後竟發現一間如糖果店般漂亮的cafe,心想可能比較貴，但是腳步像受了誘惑般不由自主地走進內，珊珊和我拿起餐牌一看，發現價錢很合理，但擺設餐具像五星級餐廳般優雅，我們立即點了洋甘菊茶和兩個漂亮的cup cake, 我超愛熱情果，我很幸運地把最後一個也order, 珊珊叫了抹茶c up cake, 洋甘菊是用上自家製的品牌泡，甜品上來時漂亮地不想立刻把她吃掉，我和珊珊當然是相機先吃，過了幾分鍾，終於把熱情果咬了一口，熱情果清香誘人，珊珊說抹茶也有滿滿的綠茶味我們心情都被這些可愛的cup cake戴滿了愉快和歡欣，難怪說女人每個也超愛甜品!

在朋自遠方來, 想與她補祝生日, 決定到尖沙咀 - CAROLYN ROBB一直知道此餐廳是英國皇室所喜愛的甜品店; 今夜試試晚餐皇室精選晚餐 - 五道菜; 價格由 $248 至 $328 因友人已約了宵夜; 怕吃得太飽! 只點了一個皇室精選晚餐, 另加一個小食! 前菜 - 烤焗波特菇釀菠菜希臘乳酪濃郁菇味, 菠菜配上希臘乳酪; 美味香滑沙律 - 北大西洋黑線鱈魚柳橙沙律配玫瑰荔枝紅桑子汁友人話: 新鮮沙律菜; 鱈魚碰上玫瑰荔枝紅桑子汁, 提升了鱈魚片鮮味 湯 - 新英倫鮮蠔周打湯每一啖湯有濃濃鮮蠔味 主菜 - 法國鵝肝燴牛尾龍扒酥皮批 酥皮薄又脆; 鵝肝與牛尾龍扒混合成肉醬; 味道香濃 炸鱈魚薯條 $168陣陣香味飄來; 炸漿夠薄又夠脆; 鱈魚又滑; 加了少許檸檬汁配上蕃茄醬及沙律醬(內有酸瓜粒)!英式格雷伯爵茶蛋糕 $48上層伯爵茶茶香慕絲; 下層鬆軟朱古力蛋糕 有機蜂蜜露啤酒 $48友人話: 甜甜蜂蜜味!熱檸檬茶茶香又清CAROLYN ROBB 總結: 一定要試! 

第二次來這，吃的是下午茶。這個tea set有一人份或二人份可選，就是兩層或三層的分別。食物都一樣，只是兩人份的話，所有食物都會一式兩份，容易與友人分享。上層有兩款英式鬆餅，一款富牛油香的，質感鬆化，另一款只有麵粉味道，較乾身。配一個味道較淡的cream cheese和一個紅色醬，紅色醬有點像玫瑰紅桑子味道，但不是甜果醬味道，有點怪。中層是幾款鹹點，新英倫炸蝦多士、鴨肝車厘軟包、迷你法國雞胸肉燴荷蘭大蔥酥皮批，這三款味道都不錯，就是油膩了點吧。最為突出的是迷你黑松露雞蛋酥皮撻了！黑松露份量童叟無欺，一放進口，整個口腔像媒氣大爆炸的，黑松露味道濃郁至極，縈繞口中不散！最後底層是三款西餅，都沒什麼特別的，就是普通的小蛋糕，除了朱古力那個之外，其餘兩層味道都差不多，都是紅桑子的味道吧。

第一次到訪Royal Touch時，吃的是晚餐，當然是慕御廚之名而來。果然係王子結婚指定要食既蛋糕！入面啖啖都係果仁同乾果，有核桃,杏仁,乾莓等等，令到個朱古力蛋糕一d都唔會漏！加上脆脆，就好似消化餅既質感咁，口感比起好多其他朱古力果仁蛋糕都好！龍蝦意大利飯：飯保留意大利傳統口味，粒粒分明既口感，唔會煮到似爛飯👍值得一讚。龍蝦頭大身身有點細啦，不過肉質彈牙鮮味。呢兩舊黑黑地既係煙燻野生煎蘇格蘭三文魚柳，可能因為煙燻既關係，條魚有好強勁既𤓓味傳入我的鼻😦！不過好彩外面煎得香脆之餘，入面都未熟晒，保留返鮮嫩既口感。用下層既鮮甜既菠蘿配埋一齊食，感覺好清新，都辟到d𤓓味。上面兩個主菜都跟餐，餐就包括前菜，沙律，餐湯。左烤牛油南瓜粟米湯，我本人本來不好南瓜，但試一口後，雙眼發光！因為個湯十分十分之甜！甜得黎佢令我覺得係南瓜同粟米夾攻既效果，而非人造！ 薯仔湯，其實就好似薯茸溝左水咁樣，無令人留下深刻印象。 波特菇柳橙蟹肉沙律配黑松露油，又係喜出望外之作！估唔到黑松露油可以有咁強既黑松露味，一上枱已經傳黎一陣煤氣香，食落更加係齒頰留香，再配以清新既橙肉，重有份量唔少既蟹肉，令望落平平無奇既沙律生