Chalet (已結業)

超有心的一間餐廳，我朋友生日，上星期book枱時，順便要求畫個長髮公主公仔做甜品，佢地沒有say no,仲要畫得超靚！班同事仲會主動同我地一齊同朋友唱生日歌，唱完中文版，唱英文版，仲唱埋韓版，真係不得之了！呢間真係超有心思的一間餐廳！最最最重要係食物水準超高，超好食！特別係大蜆蒜香炒意粉，真係超級好食，如果唔係要食甜品，真係好想好想食多碟！估唔到荃灣有一間咁有水準既餐廳！咁好食咁正既餐廳，一定會再黎食過！

女朋友生日，係OR搵左好多間餐廳，見到呢間餐廳好似有畫圖服務，就決定選呢間餐廳叫左二個set dinner，先黎餐湯湯好味，餐包有點乾，但配湯食都可以之後頭盤賣相已經吸引，品道亦不錯黎到主菜部份豬肋骨賣相好好，薯條都好食，唯一係燒烤醬汁較失色，反而點薯條既茄汁仲好食西冷牛扒生熟度調較得好好，唔會太熟，份量足，配埋牛油正食野期間職員推介飲品就叫左杯唔記左咩飲品，酸酸甜甜，隻杯幾特別最後職員好識做，叫我女朋友選甜品(因為畫圖要早二日訂座時同餐廳講，另外買個甜品)女朋友喜歡維尼熊，見到個時好驚喜，畫得好靚，甜品味道唔差set dinner甜品後上呢個就麻麻地呢間酒吧比想像寧靜，可以好舒服咁傾計。職員亦好識做由湯到甜品食完一樣先上一樣，唔會擺到成枱都係，食得好舒服。

今日去荃灣買電話卡，買完後便在巴士站附近吃東西，就在愉景新城站有一間特色酒吧，有不少人吃，食物質素應該不錯。我們兩個人只是叫了一份set dinner，還是最貴的美國頂級西冷牛扒12安士$368。前菜一流，是半熟吞拿魚伴三文魚子。三文魚子配上芥辣醬，感覺清新之餘，有點微辣的味蕾提升，吞拿魚軟霖，都好吃😋餐湯是羅宋湯，非常足料，不是罐頭湯，是真材實料熬煮，配上外脆內軟的麵包，很正！我們叫了西冷牛扒五成熟，不過上碟時牛扒已經冷了，雖然肉質鮮嫩，但比較韌口。另外加叫了一個小食：帝王蟹餅配蛋黃芥末醬，整個餅都是蟹肉整成，真材實料，所以每一口都是蟹的鮮味，好正，值得食！是日甜品是雞蛋麵包布甸，口感綿密，有蛋香，但不濃。另外加叫了心太軟，我實在太喜歡吃了！這間的心太軟整得不錯，一切開有爆醬的效果，配上自家製的雲呢拿雪糕，不是出外買的雀巢雪糕，而是見到用雲呢拿籽整，值得稱讚。

All in all 簡評：1: 價錢不便宜，但物超所值，餐廳環境、服務、食物、心思，完全值回票價。 抵食：9/102: 地理位置方便，鄰近荃灣地鐵站。地理：9/103: 菜單上的食物，有好多餐廳自家研發的菜色，不是一般的西餐廳。創意：8/104: 環境優雅，適合喜歡有格調的人，餐廳內裏的設計似酒莊。環境：8/10好耐都未食過一間：坐得舒服、食物選材優質、服務一流的西餐廳。這一間餐廳位置非常方便，在荃灣地鐵站步行數分鐘便到，而且可以沿着天橋一路走，位置非常方便。-很喜歡這裏的服務員，因為全部都着上正裝，而且態度非常好，食得非常舒服。-這裏有着自家製的生啤，都係以餐廳的名字Chalet命名，欣賞。仲記得以前曾經在巴黎，食餐西餐，都係牛肉同埋扒，餐廳有着自家製的紅酒，有時到這些餐廳吃飯，酒是否好喝是其次，但欣賞這一間餐廳會嘗試自己去製啤酒🍻，誠意真係滿分。可惜今次去到的時候，店員說賣光了，只好下次再來品嚐。接着便是頭盤。頭盤是吞拿魚，這裏的頭盤並不像傳統的西餐廳，以沙律開始，反而廚師精心製作，以大約一成熟的吞拿魚刺身，作為這一餐的起點。頭盤完之後，便是湯。之後嚟嘅係洋蔥湯，非常稱讚這一個洋

當晚, 與4位朋友食FAREWELL DINNER, 然而其中一位友人腸胃不適, 不過, 餐廳服務員堅持要每位客人必需ORDER一份主餐或晚餐 (不容許我們叫甜品, 飲品或其他配菜代替) , 但晚餐的選擇有限, 清淡的食欠奉, 只有三款: RIBS, 半熟鴨胸, 牛.  沒有選擇下, 友人只好選擇全熟鴨胸.  其他人亦點了 RIBS及半熟鴨胸.  賣相吸引, 但除了伴湯的包是熱之外, 湯和主菜都只是微暖, 吃下時的口感太肥膩. 鴨皮本身已十分肥厚, 而半熟的煮法令其口感更肥膩.  RIBS 也如是, 朋友都不吃不下.  我下單時曾表示我們不甚喜歡該晚的面包布甸甜品, 中段, 有一位服務員主動上前問: 你們的甜品都是一樣的, 會否考慮額外叫他的甜品?我們以為店員容許我們轉其他款式, 就算要加錢轉, 也好呀!  只是, 那位服務員挺堅持她的來意只是問我們會否 "額外叫" 多一些, 而不是讓我們轉其他甜品.  老實說, 我們的主菜也膩得吃不下, 那來肚皮多叫雙陪份量的甜品?  289-299一份的晚餐不包飲品也沒所謂, 但可否容讓客人可選擇吃甜品或是飲品呢?  水要ORDER 數十元一枝也沒

琴日難得放假，就同另一半一齊行下荃灣，佢知我鍾意食西餐🍴，就諗住帶我黎呢間試下，我地大家都係第一次黎，當佢打完電話問下是否需要booking後，佢話返俾我知就係電話中的女職員態度甚差，我自問唔係有好深厚ge餐飲業工作經驗，都係做過3年左右餐飲業主任。當到達餐廳時，哪一位waitress應該負責reception，佢見到我地係門口，但由於我地比booking早到左，當我地決定入去時，waitress想我地查問有否booking，我另一半話，「有」。但waitress應該係listening慎差，係如此安靜嘅環境仍未能聽到近距離客人的表達，而且態度極為惡劣，令我們有一種不愉快的感覺。進入餐廳後，則由另外一位男waiter帶我們到座位，但步行至座位時，另一半回頭望向waitress，佢竟然向我們「翻白眼」。佢係我地食完飯之後先話返俾我知。我想講，不論你有幾唔鍾意某客人，你都唔應該比客人見到你嘅表情，奇差的態度，為何餐廳將她安排負責reception？實在令人不解。希望餐廳能夠正視意見，對女waitress「二次培訓」，餐廳環境的確很chill很relax，其他waiter服務亦很和善👍🏻，本

同朋友慶祝生日飯，因為平時搭車都經過，覺得裝潢幾特別！地點都就腳~早一日電話預訂講低想要畫隻大眼仔，到今日出甜品既時候真系wow左一聲，真心系畫得好用心，而且服務員態度有禮又友善，食物質素方面亦都系高質，絕對系值得推介同一試再試！

男友生日飯，一早訂台whatsapp埋圖畫生日公仔。點知未食完野，女待應就上生日甜品，想點？七點咋，係咪咁趕要我食埋快啲走？仲要甜品係無畫圖😓😓😓 講左應該有圖，唔信要check，check 完就咩都無講一句唔好意思都無，就捧走個甜品！咩事？😡要再等廿分鐘先畫好圖再上。咩氣氛心情都無晒啦我好希望貴店嘅老闆睇到，正視一下個女待應嘅服務態度，我見到我唔係第一個投訴佢!我真係純粹為左個生日公仔而選擇貴店，但得到個咁嘅安排，我好失望

今日係我男朋友既生日🎂💕早幾日喺openrice見到生日月份送甜品既coupon 又見到好多食評慶生都好評😯所以打電話落booking今晚6點鐘 有提及到要用coupon店員都好貼心講哂條款細則 要每人叫一個set dinner/main 埋單要比現金等等💵之後佢會問幫邊位慶生 同埋有無想加既圖案我男朋友鍾意海賊王裡面既franky🤖（比較冷門角色）店員表示未聽過 我都怕麻煩到人 所以講左如果唔知可以唔洗畫 淨係happy birthday已夠👍🏼到今日去食 環境好好 好有格調 食物水準都唔錯特別想讚下店員既態度都好好 食得幾舒服👍🏼最最最想讚既係上甜品 畫碟果下 真係真係🙀好靚呀！連d細節位都畫得好細心 真係無諗過完全唔會馬虎 畫碟既店員多謝你呀!!!!🙏😍連男朋友都忍唔住欣賞左一陣先捨得食哈哈哈😂店員不論係上甜品果刻 定埋完單走果刻都有同我男朋友講生日快樂🎂🎊多謝chalet比左個咁開心既生日晚餐比我男朋友

自從搬離荃灣區後，才知道開了一間高水準西餐廳，所以一直都冇機會幫襯，今次特別同老婆返荃灣懷舊一下順便來呢度食嘢。裝修好有歐洲feel，有兩個用餐區，內廳主要係大枱為主，外廳大部分為雙人位，bar 枱設計，方便情侶拍拖傾計。剛巧我哋左右兩邊都係慶祝生日嘅情侶。晚餐由$288起唔包飲品，但九點前都係happy hour時間，大部份飲品有特價。頭盤餐湯係甘筍薑湯，味道甜中帶有少辣，幾特別的味道。半熟吞拿魚半三文魚子，呢個似日式西餐菜式，吞拿魚肉質鮮甜甘香，生熟程度控制得好好，一口咬落去啲肉有溶化感覺。美式燒烤醬豬肋骨配薯條，份量約為¾ rack，厚身肉質結實，亦唔會太肥，燒得剛剛好，肉好易離骨，燒烤醬唔會太甜，薯條炸得有水準，脆卜卜又甜，唔點茄汁食都夠味。法國麵包蟹燴意大利飯有驚喜，蟹味好香好濃，原來唔只得兩隻蟹鉗，飯入邊都有好多蟹肉一齊煮，啖啖肉連飯一齊食，鮮味十足。套餐甜品水準剛剛合格。

朋友生日～約左係荃灣lunchh一直耳聞lee間餐廳性價比5錯！而且甜品有得畫嘢～所以一早book左又打定電話訂定甜品俾我frd～都好易搵！～係ikea對面就係啦～當日係平日中午～所以都冇咩人～入面都好chill好舒服佢仲有樓上～但當日我地安排坐樓下～佢set lunch如果平日食lunch算豪lunch但假日黎計其實都係市價黎～前菜包左沙拉同黑松露湯～湯好濃好香～點埋麵包好好味～烤加拿大豬胺配車厘子🍒汁（$158）豬好鬆化～配埋酸酸地ge車厘子汁即刻冇咁油～好開胃！烤紐西蘭羊架配番紅花義大利飯 牛肝菌汁（$138）羊反而失色～太「un」同太多肥膏～飯都冇咩味～豬好食d！配兩杯餐飲～值得一讚服務態度因為我想俾驚喜我frd～所以打電話黎時講定我想叫定甜品到時送俾我frd～侍應姐姐真係特登配合～佢拎定蛋糕企係我frd後面預備～🤣🤣然後又好主動幫我地拎機影相！加分！！！大家要黎食生日飯都好recommend啊～性價比高！！！

搭車返屋企的時候成日都經過呢間餐廳已經好想試㗎啦,今日同兩小行完荃灣宜家就決定去試餐廳裝修典雅富格調,帶瑞士小木屋風格,分木製桌椅的戶外區及典雅舒適的室內區是日餐湯甘筍薑忌廉湯,質感濃稠,味道清甜,口感幼滑,加了薑所以帶少許辛辣味,配埋外脆內松軟帶奶香味的餐包,暖胃又滋味半熟呑拿魚伴三文魚籽呑拿魚四邊略為烤過內裡依然粉嫩,配埋鹹鮮的三文魚籽,鮮香滋味美式燒烤醬豬肋骨配薯條・火箭菜沙律豬肋骨烤得火候剛好,骨肉輕易分離,肉質軟腍又帶肉汁,配埋美式燒烤醬經典又惹味美國頂級牛胸腹肉·牛骨髓牛胸腹肉油脂較少,但肉味濃,肉質堅韌富彈性烤牛骨髓脂膏飽滿,油而不膩,口感如豆腐滑溜,加上焦糖脆面,入口甜美脂香黑松露片意大利飯配美國大啡菇牛肝菌泡沫意大利飯香糯帶米骨,每粒飯都包裹着香濃的醬汁,配埋即刨黑松露片,菌香四溢,加上肉厚香滑的大啡菇及面層的牛肝菌泡滋味無窮時令生蠔餐廳採用西班牙珍珠蠔,蠔肉肥美厚身,海水味濃,入口清甜爽脆芝士薯條薯條炸得金黃香脆,加上半溶芝士營造拉絲效果,超邪惡是日甜品意式奶凍奶味濃郁,口感滑溜,配士多啤梨醬就最夾

見到食評以為好正，朋友生日一心想在特別環境下享受美食，去到試過先知真假，待應態度非常差，尤其是那位女士，好似你幫襯佢要收佢氣咁，食物未食完佢要收碟，唔比佢收就黑面，另外，餐廳不供應水，想要杯暖水佢話要比錢買樽裝水或者叫杯熱飲，原本睇餐牌都覺得價錢算是中高級，但食物質數參差，海膽明太子意粉好味，牛扒無牛扒味，加醬汁後牛扒有醬汁味(笑了)，羊扒叫6成熟變全熟，湯唔夠味，甜品接受唔到，試過一次以後都唔再嚟😤😤

今晚相約舊同學於荃灣聚舊，聽聞呢間Chalet係荃灣非常出名的，價錢抵食之餘，質素亦唔錯，由於一早已訂座關係，等左一陣就可以入座了我地叫左美國頂級西冷牛扒，有餐湯、頭盤、甜品送。意大利濃湯配法包，脆卜卜既法包蘸了香濃的番茄濃湯，又幾好味半熟吞拿魚伴三文魚子外層有點脆口的吞拿魚配合爆汁的三文魚子食用，口感層次豐富黑松露芝士薯條淡淡的松露香味配合香濃芝士，令人食唔停口蟹餅，啖啖肉既蟹餅夠鮮味，蘸下旁邊的紅莓醬，令人醒神開胃！美國西冷牛扒牛扒肉質軟腍，熟度亦控制得恰好，不用蘸旁邊的燒汁也很夠味最後的甜品，香濃的牛奶味配合士多啤梨醬，十分滋味

行過荃灣一直好想試呢間餐廳今日同閨蜜睇完drama專登去試下呢間環境好好嘅餐廳雖然過咗聖誕，但係佢放咗棵聖誕樹🎄環境都仲係好christmas ❤️Dinner set 大幾二百至三百頭盤🐟半熟吞拿魚伴三文魚子幾特別嘅頭盤，啲吞拿魚都幾新鮮🥰🐮美國等級西冷牛扒12oz set $368肉質勁好有口感，煎得恰到好處❤️🦞燒原隻波士頓龍蝦配開心果香茅茄蓉意粉 $298好特別，同好🍅帶少少開心果味，連買龍蝦肉一齊食勁開胃😋Overall 環境幾浪漫，可以再encore